الإسحا – حبة البركه (الفلسطينيه) مع الصور

[جنة الفردوس]

الإسحا – حبة البركه (الفلسطينيه)
هذا الحلو فلسطيني ويمكن مش كل الفلسطينين بيعرفوا .. حبيت أشاركوا فيه .. وإن شاءالله يعجبكوا .. صراحه هو طيب
مادة الإسحه بيعملوها من الحبه السوداء حبة البركه .. يعني زي ما بيعصروا الطحينه من السمسم ..
المحل اللي بعرفه بيبيع منه هو بصيدا إسمه (أحمد نفاع) فلسطيني ..
في محلات بتبيعه حلوى جاهزه .. بس ما بيكون طيب وشكله مش حلو ..
أنا بجيب كل نص كيلو بعلبه عشان أستخدم اللي بدي إياه والباقي برفعه على الفريزر .. ما بيصير له شي .. وكمان الطحين الأسمر برفعه على الفريزر عشان ما يصير في سوس ..


6 ك طحين أسمر
2 ك إسحه
2 ك زيت ( 1 ك زيت زيتون – 1 ك زيت ذره)
4 ك سكر وممكن 3 ونص حسب (حسب الذوق)
ماء كوب ونص ..

​

وهاي صورة الإسحا

الطريقه:
بطنجره سميكه القاع .. يحمص الطحين جيدا حتى يصبح ذهبيا ثم يترك ليـبرد .. ( بدون إضافة أي زيوت )

الطحين قبل ما يتحمص

الطحين بعد ما تحمص

يجب أن ينخل الطحين قبل وبعد التحميص عشان ما يكبتل

نذوب السكر بماء دافىء جيدا ونتركه جانبا

ثم نضيف زيت الزيتون ونفركه بالطحين جيدا ثم نضيف زيت الذره ونفرك جيدا

ثم نضيف الإسحه ونفرك جيدا

ثم نضيف السكر المذاب
هاي الكميه تكفي لصنيتين وسط .. ويفضل ما تكون العجينه كثير رقيقه .. زي الهريسه مثلا .. وأنت بتقدري تتحكمي بالكميه ..

وهاي حجم الصينيه

نرص العجينه بيدنا بالصواني بشكل متسواي .. تقطع بالشكل والحجم الذي نريده قبل إدخالها الفرن .. لتسهيل تقطيعها بعد الخبز

توضع بالفرن في الوسط على حرارة 180 تقريبا .. لمدة لا تزيد عن 20 دقيقه ..
نخرجها من الفرن وتترك لتبرد جيدا شي ساعه قبل تقطيعها ..
ملاحظه: الإسحا لا تحتاج وقت بالفرن كثير

تفضلوا :icon30:

وصحتين
بتمنى تعجبكوا .. جربوها وقولوا لي رأيكوا

​

​

​

​

 

[ابداااع أنثى]

 

[جنة الفردوس]

تسلمي يا قمر على المرور

 

[هدب العين]

 

[الأسطـــــورة]

 

[جنة الفردوس]

 

[الحلم الفوشي]

حلوووووووووووو بس المشكله وين نلاقي الاسحا هذي وشكله جدا مفيد

تسلم ايدك

 

[جنة الفردوس]

حلوووووووووووو بس المشكله وين نلاقي الاسحا هذي وشكله جدا مفيد

تسلم ايدك

تسلمي يا قمر على المرور
ان شاء الله بتلاقيها بمحلات لبنانية او سورية
ويا رب تلاقيها وتجربي الحلو وبالعافية مسبقا​