ساعدوني بحل مشكلتي

تصدقوا هلاسبوع كله هم عندي الى اخر يوم اجازه تقبلت الموضوع وكتمت كنت ناويه ابي اروح المدينه المنوره بس يالله .. لما شاف زوجي ولدي كيف نومه مو مستقر بسبب ازعاجهم ماتحمل صار يعصب عليهم صرت اقوله مولهدرجه تعصب وصاير كله كاتم ومعصب عرف انه ماحد يقدر عليهم الا امهم وانه انا ماقدر عليهم تخيلوا امهم جابتهم من غير ملابس شتويه جايبتهم بملابس صيفيه وسافرت عشان زوجي يضطر انه يشتري ملابس العيد وملابس التشاء وطبعاً هو عطاها الكسوه بس هي خذتهم وسافرت ابهم .. عرفت تلعبها قال زوجي والله ماشتري اشتري حق العيد بس عشان ماينكسر قلبهم خل اقهرها اني ماخذيت كسوة شتاء .. طبعاً معه بنت اصغر وحده عمرها 6 سنوات تدخل غرفة النوم من غير تدق الباب ومره صارت زوجي نسي ماقفل الباب وفتحته وحنا بالسرير .. انا ماتحملت وصرخت:dunno:

وشافهم شلون متعبيني وكله يبون اشياء اصلاً حتى الخدامه راح تنفجر منهم .. قلت له اذا بتجيبهم صراحه للابد مو بهلشقه دور بيت كبير قال ان شاء الله انت شفت بعينك شلون ماكوا استقرار بالنوم ..وبقول لكم شيء قلت له ابي منك طلب لما تبني بيت خله باسمي واسم عيالي وعيالك اشتري لهم عماره فيها 4 شقق شقتين للاولاد وشقتين للبنات..لأن تعرف امهم راعيت محاكم وشرطه وراعيت مشااااكل وانا متعوده بيت هلي بالهدوؤ والمسالمه ماكوا مشاكل .. مانحب الجرجره .. وعادي لو يصير نصيبهم وياي بنفس البيت بكل تأكيد بطلع من البيت مثل الشعره من العجينه .. وراح اجلس بيت ابوي .. قال صح كلامش اريح لش واريح لهم خلاص ابشري ..
مدري شرايكم هل كلامي قاسي ...؟:sadwalk:
 
انت لك حق تكونين لحالك ببيت مستقل لأنك شارطه هالشي

بس لا تشدين على الأطفال مالهم ذنب حرام

الله يعينك وحاول تاخذين حقك وقولي له مستحيل اسكن معاهم ببيت واحد
 
لا مستحيل اخذ حقي منهم حراام
اصلاً انا عمري ماكلت حرام واصلاً هم كاسرين خاطري بس مو قادره اتحمل

بس هو مصر

البارح صار نقاش قال بجيب خدامه فلبينيه عشان تشيل البيت وعيالي قلت له بهلبيت لا بيت اكبر قالي انتي كل يوم حجه قلت له مو كل يوم بس صراحه عيالك يبي لهم قلب وثاني حاجه انت تسكت ولدي وهم نايمين وهو عمره 9 شهور تقوله بابا اسكت اخوانك نايمين قلت له شنو هذا جاهل مايفهم شنو اسكت وهذي بدايتها مابعد تجيبهم وهذا اذا جبت البيبي الثاني شبتسوي قالي انتي متزوجتني وانتي عارفه انه عندي عيال قلت اوكى بس هم لي حقوقي وراحتي انا مو خدامه حتى الخدامه تنفجر .. اوكى بتجيب خدامه صح بس تسكت عيالي واقهرهم من حرمان طفولتهم عشان مستقبل عيالك لا والف لا ذول جهال ماتقدر تسكتهم مو كبر عيالك 10 و 12 تقدر تسكتهم حتى لو 7 تقدر تفهمهم يفهموا مو ابو سنه تبي يفهم محال

وصراحه من لحضة قالي هلكلام وانا تعبانه نفسيتي امي تقولي خلاص عياله مايصيروا صندش ابد يجون زياره اوكى شنو يسكت ولدش عشانهم هم كبار عادي يسكتهم بس هذا جاهل شنو تسكتيه ووين بتوديه عشانهم ماكوا غرف كلها حق نومهم وغرفتش نومت زوجك وان قعدتي بالصاله الصوت راح لهم يعني الحرية والراحه ابد ماكوا كبته وتحكم

احس كلام امي صحيح
:( ويش اسوي

كنت ابي خدامه بس اللحين مابي
قولوا لي وش اسوي :(
 
قصر الالماس قال:
وييييييييييييينكم
أنقر للتوسيع...


عزيزتي


الحل مادامك اشترطتي من الاساس

بيت واحد كبير مفصول بيتين مفتوحين على بعض


تتحكمي في الدخول والخروج لهم او مشترك بالجلسه والاستقبال منفصل بغرف النوم وغرفة المعيشه

ولهم مربيه وانتي وزوجك داخله وطالعه عليهم مثل اي حياة طبيعيه ولك جزئك تتحكمي فيه كبيت مستقل


هذا الحل الوسط لك ولراحتك وراحة زوجك من المشاكل

بس اصري بالنقاش وفهميه انو انتي مشترطه وهذا الحل طبعا باسلوب حلو


واصبري ياختي مصيرهم بيتزوجو ويطلعو برا البيت ويذكروك بالخير


موفقه
 
ارحمو من في الأرض يرحمكم من في السماء ....

ده الي اقدر اقلك عليه
 
حبيبتي

عامليهم بالحسنى بس صدقيني دام ماحبيتيهم ماراح تتحملين وجودهم عندك في البيت

أنا مجربة

فهمي زوجك إنك ماراح تقدرين تتحملين مسؤليتهم لاصار شي بسيط قالوا هذي زوجة أب ماراح

تخاف عليهم مثل أمهم والله العظيم هذا الواقع وهذا اللي بيصير قولي له يعيشون عند أمهم ويجون

زيارة لك كل أسبوع

شوفي والله لو ولعتي أصابعك العشرة كلها شموع لزوجك وعياله ماراح يثمر والله إني أتكلم وأنا

إنسانة مجربة تقولون أصابعك ماهي سوا وأنا أقول سبحان الله الرجال طبعهم واحد كل شي ولا عياله

انتبهي أنا ماأحرضك لا على زوجك ولا على عياله أنا أنبهك وأنصحك

خلي كلامك معاه جدا حلو ولسان زي العسل عشان يتقبل كلامك بصدر رحب

الله معك ياقلبي

ودمتي / هديل 001
 
ليش معقد الأمور خلي يبني لهم ملحق ويكون خادمة معهم

على الأقل يكون تشرفي عليهم بس وهو يشوفهم لما يرد من الدوام

بس هذا عشان مايعرفون العيال ايش يصير بينج وبين ريلج

ومايعرفوا اذا طلعتوا اوشي
 
ثمن الطلاق الضحيه العياااال كا الكره تتقاذفها الاقدام كان الله بعونهم ويسخر لهم قلوب خلقه
 
لاحول ولا قوة إلا بالله !!!!!!!!!!!!

يعملوها الكبار ويضيع فيها الصغار...........

استخيري وانا اختك واكسبي أجر فيهم بس مثل ماقالولك الخوات قبل خل يحطلج شغالة تقوم فخدمتهم بس يكونوا قدام عيونك وعيون أبوهم أصلا لو رجعولها بيكون مبرر أبوهم يرجع أمهم .........سوي مثل ماسوت مرت أبو بنتي.......
وافقت عليه وتزوجته ومعاه بنتي وقاعده تمنع البنت عني ما أشوفها غير 3ساعات بالأسبوع قسم بالله ويوم عيد الله ساعتين وطبعا هو ينفذ التعليمات لأنه ممتن لها جدا إنها تربي بنته
جربي وما راح تخسرين ولو خسرتي مع العباد مراح تخسري مع رب العباد
 
كلامكم كله اشرح صدري بس مثل ماقالت هديل لو اقطع نفسي لحم له ولعياله مايبين
شنو عياله يامروا عليي قدامه قومي سوي عصير نبي كذا ونبي كذا يعني هلاسبوع حسيت نفسي خداااااااامه صح ولما قلت له بروح لهلي يوم بس رفض سكت وكتمتها بقلبي ماجادلته عشان مايزعل..
تدرون قبل كم يوم الكبير اللي عمره 12سنه ماخذ ولاعه يبي يحرق غرفتهم اللي
ويوم ثاني ماخذين السلك حق الثريه اللي من السقف وجالسين يسلقوا بيه
انا استغربت قاعده افكر مع نفسي ليش يسوون كذا .. والله قبل لما يجون يومين بالاسبوع مو كذا بس لما اجوا هلاسبوع طلعوا بلاوي .. حتى دقيقه ابوهم مايجلس وياي بالغرفه مايرضوا يقولوا بس هلاسبوع حنا يمك حتى بالليل مايناموا الا وقت اللي جد ابوهم دخل ينام .. وحت وحنا نايمين يجلسون ابوهم ويجلسوني خاله قومي سوي لينا فطور ابوهم محااال يامروا عليه ..
امي زعلانه تقولي احس زوجك شلون ساكت صايره هلاسبوع تخدمي بس ماكنش زوجه .. وانا تعبت وقدام ابوهم كله يتكلموا عن امهم كل يووووووم وخصوصاً الكبير كل يوم يتكلم عن امه يعني انا ادلعهم واسوي لهم فطور فيه رسومات على البيض وحركات .. وهذا جزات المعرووووف .. حتى لما اقول للكبير قم روح البقاله جيب حاجه يقولي مابروح .. قلت خلالالالالالالالالالالالاص الى هنا وبس محاااال اخدمهم شنو اخدمهم خل اخدم نفسي وعيالي وزوجي وبس عشان اخدم غيري
ومثل ماقالت هديل قد ماتسوي زوجت الاب مايبين بعين عياله امهم باي وسيله يبون يرجعونها سوى هم عندي ولا عند امهم ..

وخلاص انا اتخذت قراري عياله مايسكنوا عندي الا وانا ببيت كبير واصلاً هو حاط في باله اني ما ابيهم قلت له انا ابيهم بس مو بهلبيت .. وانت فكرت بمصلحت نفسك وعيالك
مافكرت بر احتي وسعادتي فعشان كذا اذا مافي حد يبي مصلحتي بهلبيت فانا ابي عشان نفسي وعيالي ابي تربيتهم صح لا تربيه من جهه وتربيه غير من جهه انا بيتي وبس كل ام تتحمل عيالها ماتتحمل عيال غيرها
والله سبحانه مايرزق الام عيال مره وحده عشان تربيهم بمره .. يرزق كل فتره بواحد عشان تتفرغ لتربيته وتعليمه شلون انا تبي اتفرغ لهم ولولدي وبيتي وانت ...
لما يكبروا ويعتمدوا على نفسهم فكر
لاكن الان لا ماني مسئوله ابي اربي عيالي وبس
 
مرحبا انا مشتركه جديده بالمنتدي واكيد الود ودي اعلق عالموضوع الي وايد جذبني ! اولا انا عندي ولدين 13 سنه و12 سنه من زوجي الاول وعندي ولد عمره سنه من زوجي الثاني وطبعا طليقي لمن تزوج الثانيه ما طاقت عيالي يزورونها مجرد زياره لبيت ابوهم يوم الجمعه فقط وما ترد السلام عليهم عالرغم من ان عيالي ان مربيتهم يحسنون معاملاتها حتي لو هي )مرت اب ! لكن دوم يشتكون انها تحبس نفسها بالغرفه بس يجون 24 ساعه حابسه نفسها والحمام تدشه خشاشي بعد مادري ليش ! وتشهد ضدي زور بالمحكمه واقول لعيالي معلش هي تحبكم وربي علي ما اقول شهيد !وطليقي ما يعطي دينار لولاده وهما عايشين عندددددي يعني مع زوجي التاني الي يصرف عليهم ....المهم باختصار سؤال الك اختي ..هل لمن تزوجتيه ما كنتي عارفه انه مطلق وعنده عيال ؟؟؟؟؟؟؟؟!!!! والسؤال التاني عفوا ليه تزوجتي مطلق وانتي عزباء ؟؟؟؟؟؟؟؟؟؟ نصيب؟؟؟؟؟ وبالنسبه انه لموضوع انك خايفه يكبرو ويتسلطو عليكي ابدا مو صحيح هالكلام هذول اطفال ما ذنبهم غير انهم ضحيه زواج فاشل ...يا تري لو كانوا عيالك انتي ولا سمح الله تطلقتي منو شو حتتصرفي ؟؟؟؟؟انا ما بتكلم من واقع شخصي انا بتكلم بالمنطق صح من حقك بيت كبير وحمام منفصل خبريه بس ما اعتقد انه من حقك تحرميه يكبرو قدام عينيه وعموما بالنهايه الاولاد للاب مهما صار .وصدقيني انا لمن ادق اطلب من طليقي ينفق ععيالو لانه هذا واجب عليه ومكتوب بالقران اكيددد لا عشان اردله ولا يحزنون لاني ولله الحمد مستقره مع زوجي التاني فاكيد طليقته تحاول تذكره انه عندها مصاريف حق عيالها مو حقها ..اعذروني اطلت الحديث بس نصيحه ارحموا من في الارض يرحمكم من في السماء .... والله يحمي عيالي من كل مكروه ويحمي عيال المسلمين 
 
اصبرى هادول عياله يا قلبي
ﻣﻦ ﻻ ﺟﺬﻭﺭ ﻟﻪ .. ﻟﻦ ﺗﺤﺘﻀﻨﻪ ﺍﺭﺽ ... ﺳﻴﺘﻌﻔّﻦ ﺗﺤﺖ ﻭﻃﺄﺓ
ﺍﻟﺴﻨﻴﻦ .... ﺳﻴﺒﻘﻰ ﺫﻛﺮﻯ ﻓﻲ ﺣﻮﺻﻠﺔ ﺍﻟﻌﺼﺎﻓﻴﺮ ...ﻓﺎﺣﻔﻆ ﺟﺬﻭﺭﻙ
ﻭ ﺍﺻﻨﻊ ﻣﻨﻬﺎ ﺭﺑﻴﻊ ﺍﻟﻤﺎﺟﺪﻳﻦ
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل