حيلهم بينهم :)

شكرا شوق علي الاهتمام الحمد لله الثقل والصبر وتدليعي لروحي جننوه وجاء يتكلم معي
واليوم خرجنا نتفسح منغير ما احد يطلب منه واشترالي ملابس ومابخل ابدا
بالليل عاوز الللي عاوزة طلبت منه المال قالي انه بيدخر ليشتري لنا بيت انا مصدقاه بس المشكله انه يتقلب سريعا يعني يوم يموت فيا ويوم يتكلم عن الطلاق منتهي الغدر
وانا لا استطيع ان ارضيه طول الايام لانه يميل للتسلط وانا اختنق
وينقد وانا احوش وفي النهايه انفجر
كيف اامن مستقبلي؟
 
الموضوع حلو ويذكر بمشاكل وايد استوت...... اما أنا فكل يوم أنطرد من الشقة الي تعبت عليها وحبيتها وزوجي مب حاس فية بس متمسكة فيها .
 
salmaa قال:
نسيت اقولك انه غير متدين بالمره ولا يصلي
أنقر للتوسيع...

سلمى
إذا ما يصلي وتارك الصلاة جحوداً لها وليس تكاسلا فهو كافر والعياذ بالله وليس لك الجلوس معه بصفة زوجه ،هذا بالاجماع أما بعض العلماء فرأيهم أن تارك الصلاة أبداً كافر ومنهم ولو لم يجحدها وارجعي لشيخ موثوق واسأليه في الأمر فهذا الأمر أهم من أي شيء دنيوي عافاك الله.
 
بصراحه عجبني ردج صح كلامج مايصير نطلع من البيت على اتفه الاسباب ونخليه يتعود على فرقاي انا و عيالي
 
خلصت الحيل مافي مخزون احتياطي
 
ما شاء الله عليكم أبدعتم ...
أسأل الله لكم السعادة الدائمة ...
ومنكم نستفيد :showoff:​
 
شوق فينك
طب كيف ابدا التغيير
عاوزة خطه مدروسه
 
ههههههههههههههههههههههههة تسلمين عزيزتي واللة انك رائعة :harhar1::bleh::harhar1:
 
توني اطيح على هالموضوع... بعصر مخي وبييب لكم موقف.. بس

تريوني..

لازورديه مرت من هنا
 
كل يوم ارفع الموضوع والله يستاهل
 
بسم الله الرحمن الرحيم

خواتي انا انسانه انصدم من هذا المنتدى من كثرت مشاكله وخاصتن مشاكل الحرمه السعوديه

((نحن عندنا بالامارات ممنوع الرجل او بالمعنى عيــــــــــب الرجل يقول طلعي من بيتي يعتبر بلا كرامه ويعتبر بلا شخصيه عندنا))
الحمدلله انه فضل بعض على بعض الرجال الامارات ماقد سمعتهم يسوون اللي يسوونه رجال سعوديه((يعني بلا سنع بلا ذرابه يقولها روحي؟؟من بيتي؟؟ عيب))

نحن عندنا الرجل يسكنها غصب في بيت محترم ولو كانت طليقه )) وعيب يقول روحي من بيتي منقـــــــــــــــــــــــــــــــــود((اتمنى رسالتي توصل للرجل سعودي الانه قاهــــــــــــــــرنـــــــــــــــــي :(

((الله يعينــــــــــــــــــكن على رجالكم)) والله يشرح صدورهم على الصبر وعلى الايمان وعلى الذرابه والمنقود

المهم لاحد يزعل مني خاصتن سعوديات


مجرد وجهة نظر :)
 
مرحبا صبايا ..
انا اول مره اشارك في المنتدى عيبني الموضوع وانا سياسية وطويلة بال بطبيعتي ..
من المواقف اللي تحضرني الحين ..كنت اوقات انام قبله فالليل .. فمره طالعين ويا خواته وقال جني سمعت حد نخر(صوت شخير ) في الليل :crazy: انا بطلت عيوني ورد عاد نفس الكلام وقالي امس نخرتي مرتين عاد انا تفشلت ومن الفشله قتله انا ما اناخر.. وهو حلف اني نخرت في الليل وعاد الموضوع عقبها كذا مره وانا انحرج وهو عادي عنده ..في الليله من الليالي يوم شفته رقد قبلي يبت التيلفون وسجلت السينفونيه ..وبالباجر قتله تعال بسمعك بلوتوث يديد محد كد سمعه قبلك وعطيته التيلفون وانا منطره من الضحك ويوم سمع قالي هذا نخير ؟ منو اللي يناخر ؟ وعقب عرف عمره من عقبها ماسمعته اييب طاري النخير نهائيا ..
 
بسم الله الرحمن الرحيم

خواتي انا انسانه انصدم من هذا المنتدى من كثرت مشاكله وخاصتن مشاكل الحرمه السعوديه
الحرمه السعوديه لهامشاكل خاصه عن الحريم الخليجيات او العربيات ؟؟

((نحن عندنا بالامارات ممنوع الرجل او بالمعنى عيــــــــــب الرجل يقول طلعي من بيتي يعتبر بلا كرامه ويعتبر بلا شخصيه عندنا))
ما شاء الله هذا من شهامة الرجل الامارتي وكمال رجولته لكن مستحيل نقول انو الرجل الاماراتي فقط هو اللي عنده هذي الصفة و السعودي و الكويتي و و الخ غيره ما عنده هاي الصفة
الحمدلله انه فضل بعض على بعض الرجال الامارات ماقد سمعتهم يسوون اللي يسوونه رجال سعوديه((يعني بلا سنع بلا ذرابه يقولها روحي؟؟من بيتي؟؟ عيب))

نحن عندنا الرجل يسكنها غصب في بيت محترم ولو كانت طليقه )) وعيب يقول روحي من بيتي منقـــــــــــــــــــــــــــــــــود((اتمنى رسالتي توصل للرجل سعودي الانه قاهــــــــــــــــرنـــــــــــــــــي :(
انا عندي علم كبير بالمجتمع السعودي و لا اعرف احد منهم انو قد قال لزوجته اخرجي من بيتي
اكيد انو فيه بــكــل مجتمع من هذا الشواذ و لكن مستحيل نعمم على مجتمع يتكون من ملايين الناس يختلف عاداته و اطباعه و قبائله عن بعض مع انهم كلهم جنسيه وحدة

((الله يعينــــــــــــــــــكن على رجالكم)) والله يشرح صدورهم على الصبر وعلى الايمان وعلى الذرابه والمنقود
آآآآآميــــــــن

المهم لاحد يزعل مني خاصتن سعوديات


مجرد وجهة نظر :)
اكيد ما فيه زعل بين خوات تجمعهم الخوه في الله وان شاء الله كل الاخوات السعوديات وهم كثير ما يزعلوا منك
حبيبتي اكيد ما قلت هذا الكلام الا من فرط حبك للاخوات
 
ضحكتي دموع هلا فيج حبيبتي وتسلمين على المرور..ومن اسمج باين انج فرايحيه وحبوبه الله ايديم الفرح عليج وعلينا .. ونتمنى أنشوف إضافاتج :essen:

لازورديه نورتي الموضوع بمرورج ونحن في الانتظار :clap:

روعة مشاعر تسلمين الغاليه ولا تحرمينا من هالطله :msn-wink:

الحص المنقا أشكر مداخلتج ومشاركتنا بوجهة نظرج وصدقيني كل مكان فيه الزين والشين بس إلي عندهم مشاكل هم إلي يكتبون في المنتدى بحثا عن حل ولا إلي مرتاحه وراضيه ليش بتكتب..وحتى هالزمان صارت المرتاحه والمستانسه ما اتبين هالشي لأقرب الناس منها على قولتها اتخاف من الحسد والعين :crazy: والله يبعد عنا المشاكل وجميع أزواج المسلمين اللهم آاااااااامين....وخليج معانا نتبادل الخبرات ووجهات النظر :blush-anim-cl: .. في حفظ الرحمن :cupidarrow:

alain123 ههههههههههه ذكرتيني بنفسي أول سنه زواج وسويتها في بوالشباب إلي عندي والله خطه ما اتخرش الميه خخخخخخخخخخ :idea:

ملكة ببلقيس اتصدقين كا ما أقرا اسمج يعجبني..أحس في جعبتج الكثييير..أتمنى تلقين في موضوعنا ساحة للحوار والنقاش وتبادل الخبرات...أدلي بدلوج وشاركينا خبرتج في الحياة إذا مافيها كلافة :blushing:
salmaa مشكورة حبيبتي على رفع الموضوع..و طولي بالج ويايه شويه وراح أرجعلج بخطه محكمة :busted_red:
 
شوق الروح قال:
ملكة ببلقيس اتصدقين كا ما أقرا اسمج يعجبني..أحس في جعبتج الكثييير..أتمنى تلقين في موضوعنا ساحة للحوار والنقاش وتبادل الخبرات...أدلي بدلوج وشاركينا خبرتج في الحياة إذا مافيها كلافة :blushing:
أنقر للتوسيع...
تسلمين لي والله
هذا من طيب قلبك حبيبتي
وان شاء الله ان نكون عند حسن ظنك
وانا معكم قلبا و قالبا
ونستفيد منكم دوما
مشكوووره يا شوق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل