الفزعة يابنات الرياض

[nofah]

مساء الخيرات على الجميع مين جربت شغل لمسات عائشة اللي في المحمدية تشقير حواجب ومكياج وشعر وقص ومين اللي تضبط التشقير عندهم
بسرعة يابنات ابغى التفاعل معايا ضروري يابنااااااااااات

 

[nofah]

وين فزعتكم يابنات

 

[ميار2008]

والله مابعرف عنه شي-لكن بقولك عن مشغل انا بشتغل فيه روعه مو عشان انا بشتغل فيه لا والله الشغل حلو ورعه -مشغل لاي سنتر في العليا -اذا تبغي العنوان راسليني

 

[محتسبه]

عندك مشغل نجيه على التخصصي بعد سكن الخارجيه
عندهم غزلان تشقير وصبغ حلو
لكن المكياج والتسريحات ما جربتهم
ياليت احد يفيدنا عنهم او عن مشغل لمسات عائشه
وينكم يابنات

 

[المرافئ]

مساء الخير
صراحه مشغل لمسات عائشه مره حلو
شغلهم احترافي مره
انا قصيت شعري عندهم مرتين بس كل قصه احلى من الثانيه
وتشقير الحواجب مره حلو وموزون
وللامانه كل العاملات شاطرات
واذا عندك زواج روحي الكل يبي يسألك مكياج وتسريحات راقيه
​

 

[جارةالحب]

هلا بنات كيفكم
ممكن تقولون لي وين مكان المشغل(لمسات عائشه)
ومين العاملات اللي فيه
وأكون شاكره لكم

 

[ديم الغيم]

اهلين اختي جارة الحب :
مشغل لمسات عائشه بطريق التخصصي تقاطع طريق الجامعه
رقمهم 2051385
للامانه انا ماجربتهم رحت مره بزواج بنت اخوي بس ماكنت حاجزه ولمن حسيت الوقت ضاع والمشغل زحمه طلعت .. بس اللي جربوه يمدحون عائشه واختها بالمكياج والتسريحات ماادري والله

اتمنى افدتك حبيبتي :cupidarrow:

 

[الله لايفرقنا]

مرحبا حبيبتي
صح ردي متاخر بس اتمنى اكون افيدك قبل مناسبتك
لمسات عائشة مرة شغلهم راااااااااااقي
عندك القص ثريا اخت عائشة
والتسريحات فاطمة المغربية ونوف اخت عائشة
والمكياج عائشة وبس
وان شاء الله يطلعزنك نجمة الحفل والكل راح يسالك
لان احنا لما صلحونا الكل سالنا
والاسعار مرررررررة رايقة

 

[فرانشتيسكا]

لااسف مااعرفه

بس اعرف وحده تجي للبيت تشقيره روعـــــــــه..

واكثر من روعه حتى مكياج حمامات ..

اذا تبين رقمها على الخاص

 

[دموع الزمن]

مشغل بيوتي لولو أنا مجربتهم بالصبغه والقص
صبغتهم روعه يستخدمون صبغة علاجيه من ماتريكس
حليوه على الشعر وقصهم حلو وحتى تساريحهم ومكياجهم روعه روعه

http://beautylolo.page.tl/

ويب خاص عارضين فيه شغلهم وفيه بعد ارقامهم

إذا حبيتي مكياج مميز وراقي أطلبي لينا شغلها روعه بالميك آب

 

[مااجده]

فيه قبلهم ب7محلات تقريبا مشغل اسمه دانه الحفل تشقيرهم ررررررررروعه قسم بالله الكل يسالني
جد روعه جربي وبتدعين لي واسم الفلبينيه نور وب20ريال,اتمنى افدتك:blow:

 

[moresweet]

اختي لمسات عائشه سمعت فيهم كلام مو زين جررررررررررررررررارين

 

[يا روح الروح]

مساء الخير

صراحه مشغل لمسات عائشه مره حلو
شغلهم احترافي مره
انا قصيت شعري عندهم مرتين بس كل قصه احلى من الثانيه
وتشقير الحواجب مره حلو وموزون
وللامانه كل العاملات شاطرات
واذا عندك زواج روحي الكل يبي يسألك مكياج وتسريحات راقيه
​

انا مع اختي المرافيء كل شغلهم مره حلو والله العظيم ما في مناسبة ورحت لها الا يسألوني عن مكياجي وتسريحتي من يوم تعاملت معهم تطلعين وانتي مرتاااحه وواثقه من نفسك ومقتنعه :icon30:

امااا مشغل نجيه مااافيه شي حلو الا صبغتهم وعند ليلى فقط وبدي كير عند فلبينيه لوسي

اما مكياجهم واستشوارهم صلحي نفسك انتي احسن يحووم الكبد

والله مررره كنت جالسه انتظر ابصبغ جذور وكان فيه عائلة عددهم ست حريم وكانوا قاصين فواتير يبي يتصلحوون عندهم مكيااج وشعر والمناسبة قريبه لهم ويوم طلعت اول وحده حاطه مكياج قعدوا يضحكون ويبغون يبكون بنفس الوقت قالو ويين نروووح ما عجبهم ابدا يوم شفتهم حايسييين رحمتهم

-ملقوووفه- :shutup:خخخ قلت لهم الحقوا بنفس الحي لمساات عائشة والله ما راح تندمووون

رجعوا اخذوا الفلوس وطلعوا بعد مااامسحت مكياجها اختهم المسكينة واللي كانت كأنها دراكولاا :crazy:

هذا والله كل اللي صااار وانتي حرررره شوفي وجربي بنفسك الناااااااااس اذوااااق :sadwalk::sadwalk::sadwalk::dunno::dunno::dunno:​

 

[قذلة نمله]

انتبهوا انتبهوا يابناااااااااااااااااات من مشغل لمسات عائشه:no:
في وحده هنا بالمنتدى الله يجزاها خير تقول جايتها رساله على ايميلها ان في وحده راحت لهالمشغل وكانت معها بنت مرررره حلوه وقعدوا يعرضون عليها سهرات مع رجال وكذا يعني يجرووووون عالبنااات:icon28:
لا وخاصه انتي تقولين الفزعه الفزعه يابنات الرياض ولااااااااغير كذا انتي اسمك زي اسمي بعد:msn-wink:يعني بفزعلك شوفي حبيبتي في مشغل ديجور بالروضه عندهم وحده فلبينيه اسمها<<راكيل>>شغلها ماشالله حلو
تقبلي مروري وفزعتي <<هههه

 

[m.g]

كيفكم

آنشا الله بخير

اليوم جآآني هذا الايميل وحبيت آنقله لكم

السلام عليكم ورحمة الله وبركاته
ياناس انا قريت الموضوع هذا وحبيت انقله لكم
إنتبهوا من المشاغل الكبيـره
بنات حكاية مشغل(لمسات عائشة) تقاطع التخصصي مع طريق الملك عبد الله,والي تشتغل فيه وحده سمراء تسوي مكياج اسمها عائشة ,نحيفه وسمرا ..وربي يشهد ماعليه اي افتراء او غيره ... انا من كم اسبوع شهدت سالفه صارت لي؟؟؟ومن جد انتبهوا بنات ترى صاحبة المشغل تتعامل بالجراره؟؟؟,,انشروها لكل وحده معكم خصوصا انه المشغل مره كبير ومعروف ولسه ماتقفل,, ياارب استر علينا وعلى كل نساء المؤمنين
هذا ماحدث بالضبط في مشغل( لمسات عائشة)النسائي في الرياض
و والله الذي لا اله لا هو ان ما اقوله ليس افتراء على المشغل او كذب او مضيعة وقت فوالله ان هذه الورقة التي وصلتك أخي واختي الكريمة استغرقت وقت كثير لكتابتها وجمع احداث اكثر حول هذا الموضوع لتأكيد الأمر والموضوع هو كالتالي:
" اختي الكريمة :عائشة تتعامل بامور السحر والشعوذه,وهي من الجنسيات اللي دخلت هالبلد وسوت فيه اللي مايتسوى......طبعا مو كلهم بس...!!"
ان"" أقصد مشغل الدعارة وبيع البنات وبرخييييص بعد "انا صار لي موقف مع المشغل "" اني رحت للمشغل مرة مع وحده من قريباتي البنت حلوه ماشالله تبارك الله , ومن دخلنا عليها وهي حاطه عينها على البنت ,وبصحيح العباره (جات حسبي الله عليها عائشه وسلمت علينا وبدت تتكلم مع البنت ,انا استغربت وحسيت انها لزقه بالعاميه بس تمادت بالحكي وبدت تقدم اغراءات للبنت بحضور حفلات لشيوخ معروفين بالرياض ,حسبي الله عليها تحسب الدنيا سايبه ولما رفعت صوتي عليها قعدت تهددنا بالسحر ؟؟؟و جميع العاملات عارفين وش قاعد يصير بس مايقدرون يتكلمون خايفين يخسرون وظايفهم وهذا دليل ان هناك شباب واولاد عائلات الله حسبنا عليهم قاعدين يلعبون بشرف هالبنات البريئات الله العالم وش قاعد يصير فيها
ووالله اني ماكتبت هذه المقالة الا حتى كل اللي كانوا يرتادون هالمشغل يقطعون روحتهم له وترا المشغل اسعاره رخيصة ومعقوله وهذه من ضمن سياستهم حتى يخلون الطيب والبطال يجييهم وهم عاد ينقون الفريسة...
رسالتي الى كل من يقرا هذه الورقة ان يوصلها لامه ...لاخته..لزوجته...او لبنته..ورسالتي ايضا ان لا تتوقف هذه الورقة
عندك فقط ايها القارئ بل انشرها لكل من تعرف حفاظا على بناتكم.""
نصيحة ""
ونصيحة اخرى للاخوات الكريمات انتبهوا من المشاغل الكبيرة انتبهوا انتبهوا والله انها اكبر من يتاجر ببنات المسلمين وخاصة السعوديات فهناك من يحقد علينا حقد دفين والله حسبي عليهم
"" فاعلة خيـــــر"" """ لا تنسونا من
الدعـــــــــــاء""​

الصراحه أنا مادري هذا الكلام صح ولا أفتراء ..
قريته فأحد المنتديات..
حبيت أنبهكم..

 

[AUDI]

الكلام الي طلع على مشغل لمسات عائشه مانقدر نجزم بصحته يمكن يكون اشاعه لكن اذا اتسكر المحل اكيد فيه غلط والا ليش يتسكر الا انهم ماسكين عليهم شي غلط وان عني مااتوقع اني اروح لهذا المشغل الحمد لله مافيه اكثر من مشاغل الرياض وللامانه مره كنت ناويه اتصلح عندهم وجيت مبكره بعد صلاة العصر مباشره وكان المحل زحمه مرررررررره وخلاص وقفو المكيا ج وطبعا طلعت لاني ماحب الزززحمات والقرف وكان اشكال الزباين الحمد لله تسد النفس لاحياء ولا حشمه ولا ذوق وارجع اقول الحمد لله المشاكل الراقيه متوفره ونظام الحجز كل زبونه تجي في وقتها وتخلص بسرررعه وتطلع بلا قرف الزحمات كااننا في مستشفى حكومي ...

 

[AUDI]

عفوا قصدي المشاغل الراقيه مو المشاكل , غلطه مطبعيه ههههههه