معاناتي مع انعدام الخصوصية في حياتي الزوجية

[شيوخيه]

[FONT='Arial','sans-serif'][/FONT]​

[FONT='Arial','sans-serif']السلام عليكم ورحمة الله وبركاته [/FONT]​

[FONT='Arial','sans-serif'][/FONT]​

[FONT='Arial','sans-serif']اخواتي العضوات .. حابه أطرح لكم مشكلتي و اللي يعانن منها الكثير من العضوات ، و أخصهن بالذكر اللي عايشات مع أهل زوجهن .. واقترح من خلال موضوعي أن كل وحده تعاني من نفس المشكله تشاركنا بكتابة الموقف اللي تعاني منه و كيف تتصرف في حله.. عسى نستفيد من خلاله في حل بعض من مواقفنا ..[/FONT]​

[FONT='Arial','sans-serif'][/FONT]​

[FONT='Arial','sans-serif']أخواتي العضوات انا متزوجه وما صارلي سنه على زواجي .. أعيش مع أهل زوجي و باعتبار أن زوجي يعيش فمنطقه ثانيه بحكم ظروف العمل فأنا ما أشوفه إلا فالويكند ،، معاناتي هي انعدام الخصوصيه في حياتي الزوجيه ..[/FONT]​

​

[FONT='Arial','sans-serif']أحس ان أخوات زوجي عديلاتي ، يحبن ينافسني يحبن ينزلن صورتي امام زوجي و يا كثر ما يحبن يفشلني جدامه [/FONT]​

[FONT='Arial','sans-serif']تخيلوا أكبرهن تسابقني فكل شي لزوجي .. فتهنيه بمناسبه معينه أو حتى هديه ،، مع أنها إنسانه متزوجه وفاهمه هالامور واااايد و تحب تنصحني فيها بس استغرب ليش هالاسلوب هي ما تحب حد يسبقها بأي شي لزوجها ،، ليش ما تقدر هالشي لمرت أخوها ،، ما أحب أبين إلها .. إذا بغيت أطلع مكان و يا زوجي تتصل فيه مليون مره شو سويتوا و ين سرتوا و ين كلتوا [/FONT]L​

[FONT='Arial','sans-serif']حتى أحيانا هي تعرف قبلي وين رايحين قبل ما أدري اني بطلع ويا زوجي تتصل فيني و تقولي هاااا بتطلعون بتسيرون المكان الفلاني ،، و الله أحس عمري غريبه بالنسبه لزوجي ،، ليش ما يخبرني ،، ليش يحطني فهالموقف ،، تقولي ما تدرين أقولها لا ما قالي ،،​

​

[/FONT]

[FONT='Arial','sans-serif']غير ان زوجي وااايد يعتمد عليها و لا كأني موجوده ،،، إذا بغيت أشتري شي يقولي بقول لفلانه و لا سيري ويا فلانه ،،[/FONT]​

[FONT='Arial','sans-serif'] ولا جنه عايبنه ذوقي ..[/FONT]​

[FONT='Arial','sans-serif']واايد يقارني بخواته ،، وياما قلتله انا ما أحب هالاسلوب لان أصبوع أيدك مب وحده و ما في إنسان كامل،، [/FONT]​

[FONT='Arial','sans-serif']و هو يعرف على كثر الايجابيات الموجوده فخواته ،، إلا أن هناك العديد من السلبيات اللي يحاول من خلالي أني أصلحها لهن..[/FONT]​

[FONT='Arial','sans-serif']بس ينكر إيجابياتي [/FONT]L​

[FONT='Arial','sans-serif'][/FONT]​

[FONT='Arial','sans-serif']غير هذا عندي ثنتين من خواته فالبيت مش متزوجات [/FONT]​

[FONT='Arial','sans-serif'][/FONT]​

[FONT='Arial','sans-serif']ما أقدر أدخل خيط لغرفتي إلا وعرفوا وسألوا شو هذا وليش [/FONT]​

[FONT='Arial','sans-serif']كله فصوب و إلا يوم يدخلن حجرتي و ينبشن فأغراضي و جدامي [/FONT]​

[FONT='Arial','sans-serif']حتى لو كنت عاملتلي خلطه للجسم و لا للبشره و حاطتنها فالثلاجه يسألن عنها و بعدها تبدأ الفلسفه لا تسوين و غلط و ووووو................ :crazy:[/FONT]​

[FONT='Arial','sans-serif']عبالهن بيعلمني ،، انا الحمدالله أصغر منهن بس فاهمه الحياه زين ما زين ..[/FONT]​

[FONT='Arial','sans-serif']و إذا طلعنا مع بعض و كنت كاشخه يعصبن و ما يكلمني ليش انزين .. صدق استغرب شو أذنبت أنا ألحين ..[/FONT]​

[FONT='Arial','sans-serif']أنا لي حجره فبيتهم فقط [/FONT]​

[FONT='Arial','sans-serif']أحيانا يدخلون علي الغرفه بدون استئذان فما أقدر ألبس على راحتي [/FONT]​

[FONT='Arial','sans-serif']حتى إذا كنت مع زوجي ما انتبه إلا الباب مفتوح [/FONT]​

[FONT='Arial','sans-serif']كل شي له حدود بس منو بنفهم كل خواته أكبر مني و المفروض يكونن فاهمات هالشي [/FONT]​

[FONT='Arial','sans-serif']قولولي شو أسوي :tears:[/FONT]​

[FONT='Arial','sans-serif']كيف أقدر أستقبل زوجي بلبس و بحركات حلوه [/FONT]​

[FONT='Arial','sans-serif']بس أنا سئمت من الروتين اللي عايشتنه ، كل ويكند أستقبله فغرفتي بلبس أقدر أطلع فيه جدام أهله فكيف هو ،، لاعت جبده من هالروتين ،، و إذا اشتكالي و قلتله ما أقدر أخذ راحتي ،، يرد عليه و يقول لا تاخذين أهلي ولا أبوي ولا أخوي علثه أو سبب[/FONT]​

[FONT='Arial','sans-serif']شو أسوي بعمري يباني أخذ راحتي فاللبس امام الكل .. وين الخصوصيه اللي بينا ،، إذا أخوه كل شوي وطب علينا بدون استئذان و يلس وعباله بعده بيبي ( عمره تقريبا 16) [/FONT]​

[FONT='Arial','sans-serif']زوجي من النوع الكووووووووووووول وااايد [/FONT]​

[FONT='Arial','sans-serif']فالبدايه كنت امانع أطلع جدامهم ببجامه حتى و لازم أغطي شعري وبعد ضغوطه والمشاكل اللي صارتلي لهسبب صرت أطلع عادي ببجامه وجينزات و بوديات مفتوحه الظهر والصدر و تكون حمالات بعد ،، عايبنه هالشي و يقولي بعدج ما وصلتي للمرحله اللي أاباج فيها .. أجبر عمري بس عشان حياتي ..[/FONT]​

[FONT='Arial','sans-serif']وهالاشياء وااااايد موترتلي حياتي .. للحين مب قادره أستقر فحياتي الزوجيه [/FONT]​

[FONT='Arial','sans-serif']إذا حبيت أطلع وياه لازم يرافقونا ،، بس يكفي إلا يومين هم طول الاسبوع ما أشوفه ..[/FONT]​

[FONT='Arial','sans-serif']وياما خلاني اتنازل واعتذر لخواته بدون سبب بس لانهم ما يكلموني مع ان الغلط يكون منهن وإلا أحيانا حتى ما أعرف شو سبب الزعل ،، يقولي تنازلي عشان حياتنا ،، تنازلت و نزلت كرامتي ،، بس شو النهااااايه !!!!!!!!!!!!![/FONT]​

[FONT='Arial','sans-serif'] :frown:[/FONT]​

[FONT='Arial','sans-serif']وأزيدكم من الشعر بيت [/FONT]​

[FONT='Arial','sans-serif']أنا ما أيلس يا زوجي رواحنا إلا وقت الرقاد... حياتي وياه كلها و يا الاهل ،، حتى سفرنا ما نقدر نسافر رواحنا ،، [/FONT]​

[FONT='Arial','sans-serif']للحين ساكته و دايسه على مشاعري بس أنتظراليوم اللي بيقرر فيه متى وين بنسافر عشان نحتفل بيوم[/FONT]​

[FONT='Arial','sans-serif']زواجنا ،، إذا قرر يأخذ معانا حد من أهله ناويه أني ألغي السفرة كلها و أقوله شو السبب ،، [/FONT]​

[FONT='Arial','sans-serif']حتى لو طبخت له اكله و بالعاده أنا ما أطبخ فبيتهم لانهم معتمدين على الشغالات ، لازم اخلي الاكله كلها فالصاله ،، الكل ياكل منها وقبله بعد ..[/FONT]​

[FONT='Arial','sans-serif']حتى لو طلعت و كنت رايحه السوق كل اللي فالبيت بيسأل من كبيرهم لصغيرهم وين و ليش ومنو بياخذج ؟[/FONT]​

[FONT='Arial','sans-serif']هالاسئله كلها زوجي الوحيد اللي له حق يسألني فيها ..[/FONT]​

[FONT='Arial','sans-serif']عندي حركات وااايد.. أبا أسوي له مفاجات.. بس ما قادر أتحرك أحس اني مشلولة الحركه ..:icon1366:[/FONT]​

[FONT='Arial','sans-serif']على كل هالمعاناه اللي أعانيها ما أشكيله ولا أقوله شو اللي مضايقني من أهله ولا منه إذا كان الموضوع متعلق فيهم لان أول ما ملجنا كلمني فهالسالفه،، وقالي أنا ما أحب المرأة لما تكثر بينها و بين أهل ريلها المشاكل و انا حاطه هالكلام فأذني كالحلق بس عشان احمي حياتي من الضياع ،، أعامل الكل أحسن ما يكون ،، حتى لو كنت أكل شي فأيدي أبديه ليهم ..[/FONT]​

[FONT='Arial','sans-serif']أحس اني واااااااااااااااااااااااايد مكبوته و يبين علي ،، وزني ينزل شوي شوي وويهي شاحب و تعبان والكل يلاحظ ،، بس أرجع واقول عادي ما فيني شي،، و يمكن تكون هالبلاوي كلها سبب في تأخر حملي ،، وعلى فكره هو يعرف أن نفسيتي تعبانه بس ما يسألني ليش حتى دايما يقولي مستحيل تحملين مدام نفسيتج تعبانه ،، عباله نفسيتي تعبانه لانه هو بعيد عني ...:dunno:[/FONT]​

[FONT='Arial','sans-serif']آآآآآآآآآآآآه .. صدقوني هالكلمه ما بيحس فيها اللي يعاني نفس مشكلتي :sadwalk:[/FONT]​

[FONT='Arial','sans-serif']هذي مشكلتي وايد مأرقتني فحياتي .. أتمنى من كل من تقرأ مشكلتي تحاول تفيدني بأي حل بسيط يفك مشكلتي خاصه و مشكلة معظم العضوات عامه [/FONT]​

[FONT='Arial','sans-serif'][/FONT]​

[FONT='Arial','sans-serif'][/FONT]​

[FONT='Arial','sans-serif'][/FONT]​

[FONT='Arial','sans-serif'][/FONT]​

[FONT='Arial','sans-serif'][/FONT]​

 

[القطريهـ]

مرحبا اختي سعيده لاني اول وحده ارد عليج وايد عورني قلبي عليج وعلى المعاناه اللي انتي عايشتها

بس ارد واقول الغلط منج اولا ومن زوجج ثانيا منج لان انتي سمحتيلهم بطيبتج الزايده انهم يتدخلون في حياتج

مااقولج صيري فرعون وخيسي النفس معهم بس حاولي تنغزينهم بطريقة مزحه مثلا اذا سالوج شنو شاريه

قولي عنبو كل شي على العلني هذي اغراض خاصه مااقدر اقولكم او قولي مفاجاه واسكتي عنهم لاتعطينهم وجه

وعلى سالفت انهم يطلعون معاكم حاولي تكونين في بيت اهلج وهو يمر ياخذج من هناك وبجذي تقدرين

تجبرينه يطلعج بدون لا تضطرون انكم تاخذون اهله وحاولي تجاوبينهم على قد الكلمه او كلش كلش قولي اسرار

عايلتي الصغيره وخصوصيتي مااقدر عاد اقولكم كل ش واضحكي ضحكت دلع اهني بتنبط جبدهم وبيسكتون..ثانيا

فاتحي زوجج بالموضوع وفهميه انج اتعزين اهله بس كل شي له حدود قوليله والله انه معزتهم من معزت اهلي

بس حتى اهلي ماا يعاملوني ويتدخلون في خصوصياتي جذي واذا تطلب الامر عامليه بحده شووي واخذي موقف

وقوليله عن سالفت دخلت اخووه الغرف انه ماله حاجه وهو في سن حرج ما يصير يدرعم جذي واصلا ماله حاجه

يدخل الغرفه ... وجربي مره تلبسين قميص نوم مثلا قصير وقفلي الباب ومهما طقوا عليج قوليلهم مااقدر مب لابسه

عدل او عندي يوم فملي مااقدر اطلع لكم بس اخلص بجيكم ودايما دايما اقفلي غرفتج لا تخلينها مفتوحه... اتمنى

اني فدتج بشي بسيط والله يسهل امورج ويحل مشكلتج ويسخرلج زوجج....

 

[شيوخيه]

بس ارد واقول الغلط منج اولا ومن زوجج ثانيا منج لان انتي سمحتيلهم بطيبتج الزايده انهم يتدخلون في حياتج

وعلى سالفت انهم يطلعون معاكم حاولي تكونين في بيت اهلج وهو يمر ياخذج من هناك وبجذي تقدرين


وجربي مره تلبسين قميص نوم مثلا قصير وقفلي الباب ومهما طقوا عليج قوليلهم مااقدر مب لابسه

عدل او عندي يوم فملي مااقدر اطلع لكم بس اخلص بجيكم ودايما دايما اقفلي غرفتج لا تخلينها مفتوحه... اتمنى

اني فدتج بشي بسيط والله يسهل امورج ويحل مشكلتج ويسخرلج زوجج....

هلا أختي قطريه ..

كلامج صح أنا طيبتي السبب الرئيسي في مشكلتي هذي .. و أحسن للوحده تكون شوي جريئة و تسكت بردها ..

وو حبيت أوضح لج أن بيت اهلي بعيد وايد عني فما أقدر أروح عندهم فالويكند إلا إذا معاه على الغدا و بس ،،، ما عندي إلا يومين فالاسبوع أقضيهم معاه ،، و فمعظم زياراتي لاهلي تكون خلال أيام الاسبوع لما يكون هو فعمله ..

و من ناحية نصيحتج لي بقفل الغرفة بشكل دائم ،، ترى زوجي يكره هالشغله و يعصب عليها بعد ،، أذكر أول ما تزوجنا كانت الشغالات عادي يدخلون بدون ما يطقون الباب كنت أبدل ملابسي فالغرفه فقفلت الباب لما شافه مقفول عصب و قالي أنتي تعتبريني إنسان غريب ما تبين تسوين أي شي جدامي و سوالي سالفه و قلتله و حلفت له أني خفت وحده من الشغالات تدخل جذبني و طلع عني معصب ،، غير هذا ما بالج لما أكون وياه فالغرفه اتكلم ،، و نادرا طبعا ما نيلس مع بعض فالغرفه غير حزة رقادنا ،، ويكون الباب شوي مفتوح عادي يدخلون خواته :icon28: تشب نار في داخلي .. وهو هالشي عنده حلو لان يحس بهالطريقه اني أداخل و أسولف ويا خواته وااايد وما شي حدود بينا ,,

تخيلي أختي أن أحيانا لما نكون يالسين مع بعض فالصاله و أكون جنب زوجي يكون بينا مسافه صغيره يدوب تيلس طفل ،، أتفاجأ بجسم كبير يعق عمره بينا و تكون وحده من خواته و الله احس انهم عديلاتي ..:no:


مشكوره أختي قطريه ..

 

[غزاله عارضيه]

الله يالشيوخه قلبتي عليا المواجع لاني مريت بنفس الظروف وبكل دقه وعليهم شوية بهرات
حارة تشعل شعيل الله لارده ايام
الله يعنك ويفرج همك ويهدي قلب زوجك لك اللهم امين

 

[القطريهـ]

مرحبا اختي ...اسمحيلي اقولج عقليت زوجج ماادري شلووون صايره اوكي خواته على عينا وراسنا

يس مو لهدرجه ...اخذي موقف حاد وياه حتى لو زعل لا اتنازلين عن حقوقج اصلا عيب اللي يسويه في حقج..

وقفيه عند حده حتى لو توصل للزعل الخفيف لان هذا من ابسط حقوقج.....

 

[شيوخيه]

الله يالشيوخه قلبتي عليا المواجع لاني مريت بنفس الظروف وبكل دقه وعليهم شوية بهرات
حارة تشعل شعيل الله لارده ايام
الله يعنك ويفرج همك ويهدي قلب زوجك لك اللهم امين

تسلمين أختي ،، و عسى ربي يوفقج و يلهمني الصبر ويفرجها على الجميع ..

 

[شيوخيه]

مرحبا اختي ...اسمحيلي اقولج عقليت زوجج ماادري شلووون صايره اوكي خواته على عينا وراسنا

يس مو لهدرجه ...اخذي موقف حاد وياه حتى لو زعل لا اتنازلين عن حقوقج اصلا عيب اللي يسويه في حقج..

وقفيه عند حده حتى لو توصل للزعل الخفيف لان هذا من ابسط حقوقج.....

ياما سكت وسكت بس مره فاجأته بكلامي و بدون مقدمات كنت مضغوطه و قلتله على كل اللي يصير أنا أسكت
بس من يوم ورايح مستحيل أسكت سواء كان الغلط منك و إلا من غيرك ،، حزتها أحس تقدمت خطوه و انا أحاول ألحين ما أعكر مزاجي على حساب غيري ،، اللي يقولي كلمة أرد عليه بعشره ،، خلاص الطيبه مالها وجود فحياتنا ،، إذا عاملتيهم بطيب يركبون على راسج ،،

الله يكون بالعون و يفرج همي وهم جميع الاخوات ,,


شكرا أختي قطريه على نصايحج ..

 

[شيوخيه]

تخيلوا أنه أخته أحيانا تعرف قبلي وين رايحين قبل ما أدري اني بطلع ويا زوجي أدقلي و تقولي هاااا بتطلعون بتسيرون المكان الفلاني ،، و الله أحس عمري غريبه بالنسبه لزوجي ،، ليش ما يخبرني ،، ليش يحطني فهالموقف ،، تقولي ما تدرين أقولها لا ما قالي ،،
إذا تكون لي نفس للطلعه تنسد نفسي ..
غير هذا ما تعجبني فلسفتهن علي يعلمني كيف اتعامل مع زوجي أو يقولن لبسي كذا أو كذا، أسكت عنهمأو إذا كنا طالعين مع بعض وباخذله شي تقولي لا تاخذيلي هالشي ما يعيبه ويطلع العكس

 

[ترانيم الألم]

حبيبتي................لا سكوتج وطيبتج الزايده بتعدل الوضع..............ولا مواجهتج لهم ومصارحتهم راح تحل المشكله...........خليج وسط .............وصيري دبلوماسيه وذكيه...........وخذي زوجج بالسياسه....وخلينا نبتدي بقفل غرفتج...........اشتري ملابس نوم مغريه مررررررررررررره وطبعا مستحيل بتقعدي فيها بدون ماتكون الغرفه مقفله............اذا عجبت زوجك قولي له اشكثر عندي منها بس مااقدر البسها واستعرض فيها واتحرك قدامك الا لما يكون الباب مقفل:msn-wink:...............خوات زوجك عوديهم دايم باب غرفتج مقفول عليج ولو دقو لا تعصبين ولا شي قولي مشغوله ............قاعده اشيل شعر جسمي.....ابدل صرفيهم بأي شي.............لو دخلو لا تقعدين لا.............لا نج لو قعدتي راح ياخذون راحتهم ويلويون في الغرفه...........انتي وقفي على راسهم او خليج واقفه وماسكه الباب كأنج تنتظرين خروجهم.........او قولي انا باروح اشوف التيفي........وامشي عنهم..........لو اصرو انهم يبقون في الغرفه وفتحو دواليبج لا تستحين قلبي وجهج وبيني انج زعلانه ونصيحه شيلي كل غرض خاص وحطيه بدرج ابو قفل.........ثاني شي انتي قرري يوم الي بتطلعين فيه مع زوجج وروحي قولي لهم تعالو ابي استشيركم في شي.........انا اليوم بطلع مع فلان بروحنا اي مطعم تقترحون علي؟؟؟جذيه انتي ضربتي عصفورين بحجر بينتي لهم بذوق انج ماتبينهم وانج مقرره ومخلصه انه الطلعه بدونهم بس في نفس الوقت انتي ماطنشتينهم اخذتي رايهم.........وقولي لزوجج انا استشرت خواتك عن محل نروحه لحالنا قالوروحو المكان الفلاني...........جذيه بيفهم ضمنيا انهم مو زعلانين من طلعتكم لوحدكم والدليل انهم رشحو لج اسم المكان.............وذا طلعتو استلمي زوجج من ذاك الكلام على حسب الي يحب..........رومانسي......جنسي....وبعدين قولي وكأنج تذكرتي شي اوووووووووووووه سكر جوالك مره وحده اعرفها كانت تتكلم مع زوجها بكلام خاص مره وهو مايدري دق على واحد من اصحابه وصاحبه سمع كل كلامهم.........تخيل فشله.........طبعا مااعتقد يرفض لانه بيكون تحت تأثير كلامج..........وحاولي كل بين شوي تقولين خساره لو انه اهلك معانا لازم المره الثانيه نجيبهم.......وشوي شوي عوديه انه لكم طلعه لحالكم وطلعه مع اهله............وياكثر الحيل والمكايد بس انتي خليج هاديه وذكيه وصدقيني راح تعيشين مرتاحه..........بالتوفيق

 

[ترانيم الألم]

اذا على نصايح الحموله(سأليني انا)...........كلما نصحوج جامليهم وبيني لهم انج مقتنعه وتالي سوي الي في بالج...........واذا تدخلو في اختيار هديتج لزوجج لا تستحين عادي قولي ذيك المره اخذت برايكم وماعجبته..........ونصيحه اذا زوجج من النوع الي يقدس اهله لا تحاولين تغلطينهم قدامه او تذكرينهم بشي مو طيب حتى لو صحيح اغلطو عليج سايريه حتى لو ماكنتي طايقتهم وامدحيهم صدقيني هالشي بيرفعج في عينه كثير وبيجي يوم مابيرضى عليج بشي حتى لو منهم.........

 

[شيوخيه]

اذا على نصايح الحموله(سأليني انا)...........كلما نصحوج جامليهم وبيني لهم انج مقتنعه وتالي سوي الي في بالج...........واذا تدخلو في اختيار هديتج لزوجج لا تستحين عادي قولي ذيك المره اخذت برايكم وماعجبته..........ونصيحه اذا زوجج من النوع الي يقدس اهله لا تحاولين تغلطينهم قدامه او تذكرينهم بشي مو طيب حتى لو صحيح اغلطو عليج سايريه حتى لو ماكنتي طايقتهم وامدحيهم صدقيني هالشي بيرفعج في عينه كثير وبيجي يوم مابيرضى عليج بشي حتى لو منهم.........

تسلمين أختي ،، نصايحج وااااااااااايد رفعت من معنوياتي ،،

عسى ربي يوفقج و يعطيج العافيه ،، مشكوره الغاليه ..

 

[دوومي عالية]

هلا اختي..

انا بعد رايي من راي الأخت ترانيم الألم..قفلي بااب حجرتج..وخلج واااثقه من عمرج.
البسي له ذااك اللبس اللي يدوخه..وقولي له...عندي وااااااااااااااايد...وكله فداااك..

بس سكر الباب وشووووف كيف اوديك عالم ثاني ..خخخخخخخخ..الله يسعدج اختي..

خلج ذكيه فديتج..ودبلوماسية..وبلا طيبة زاااااااااااااااايدة..ترى محد بيتأثر الا انتي ..

الله يسعدج حبيبتي

 

[شيوخيه]

هلا اختي..

انا بعد رايي من راي الأخت ترانيم الألم..قفلي بااب حجرتج..وخلج واااثقه من عمرج.
البسي له ذااك اللبس اللي يدوخه..وقولي له...عندي وااااااااااااااايد...وكله فداااك..

بس سكر الباب وشووووف كيف اوديك عالم ثاني ..خخخخخخخخ..الله يسعدج اختي..

خلج ذكيه فديتج..ودبلوماسية..وبلا طيبة زاااااااااااااااايدة..ترى محد بيتأثر الا انتي ..

الله يسعدج حبيبتي

تسلمين الغاليه على الرد

و الله يسعدج

 

[تلميذة ناعمة]

أهم شي أختي ربي يوفقك لا تقدمين رضى أحد على رضى ربك
يعني إذا زوجك ترضيه المعصية وانه تتكشفين لأهله لا تسليريه خلي عندك مبدأ وشخصيه ومن أوى الى الله منحه القوة
وين وين الصحابيات كن يتحملن العذاب في سبيل الله وحنا ندور رضى أزواجنا في معصية خالقنا

 

[شيوخيه]

أهم شي أختي ربي يوفقك لا تقدمين رضى أحد على رضى ربك
يعني إذا زوجك ترضيه المعصية وانه تتكشفين لأهله لا تسليريه خلي عندك مبدأ وشخصيه ومن أوى الى الله منحه القوة
وين وين الصحابيات كن يتحملن العذاب في سبيل الله وحنا ندور رضى أزواجنا في معصية خالقنا

كلامج صح أختي

تسلمين و مشكوره على الرد

 

[هيلان علي]

حبيبتي شيوخيه
إن شاء الله البنات كفوا ووفوا بس حبيت انبهك الى نقطة انو ما تلبسين لبس عاري حتى ولو كان قدام حريم مثلك وان كان زوجك يأمرك بهالشيء لانه لا طاعة لمخلوق في معصية الخالق.

والله يوفقك ويعينك وعقبال ماتصيرين في بيت خاص إن شاء الله

 

[شيوخيه]

حبيبتي شيوخيه
إن شاء الله البنات كفوا ووفوا بس حبيت انبهك الى نقطة انو ما تلبسين لبس عاري حتى ولو كان قدام حريم مثلك وان كان زوجك يأمرك بهالشيء لانه لا طاعة لمخلوق في معصية الخالق.

والله يوفقك ويعينك وعقبال ماتصيرين في بيت خاص إن شاء الله

تسلمين عزيزتي ..

 

[شوق الشوق]

حبيبتي................لا سكوتج وطيبتج الزايده بتعدل الوضع..............ولا مواجهتج لهم ومصارحتهم راح تحل المشكله...........خليج وسط .............وصيري دبلوماسيه وذكيه...........وخذي زوجج بالسياسه....وخلينا نبتدي بقفل غرفتج...........اشتري ملابس نوم مغريه مررررررررررررره وطبعا مستحيل بتقعدي فيها بدون ماتكون الغرفه مقفله............اذا عجبت زوجك قولي له اشكثر عندي منها بس مااقدر البسها واستعرض فيها واتحرك قدامك الا لما يكون الباب مقفل:msn-wink:...............خوات زوجك عوديهم دايم باب غرفتج مقفول عليج ولو دقو لا تعصبين ولا شي قولي مشغوله ............قاعده اشيل شعر جسمي.....ابدل صرفيهم بأي شي.............لو دخلو لا تقعدين لا.............لا نج لو قعدتي راح ياخذون راحتهم ويلويون في الغرفه...........انتي وقفي على راسهم او خليج واقفه وماسكه الباب كأنج تنتظرين خروجهم.........او قولي انا باروح اشوف التيفي........وامشي عنهم..........لو اصرو انهم يبقون في الغرفه وفتحو دواليبج لا تستحين قلبي وجهج وبيني انج زعلانه ونصيحه شيلي كل غرض خاص وحطيه بدرج ابو قفل.........ثاني شي انتي قرري يوم الي بتطلعين فيه مع زوجج وروحي قولي لهم تعالو ابي استشيركم في شي.........انا اليوم بطلع مع فلان بروحنا اي مطعم تقترحون علي؟؟؟جذيه انتي ضربتي عصفورين بحجر بينتي لهم بذوق انج ماتبينهم وانج مقرره ومخلصه انه الطلعه بدونهم بس في نفس الوقت انتي ماطنشتينهم اخذتي رايهم.........وقولي لزوجج انا استشرت خواتك عن محل نروحه لحالنا قالوروحو المكان الفلاني...........جذيه بيفهم ضمنيا انهم مو زعلانين من طلعتكم لوحدكم والدليل انهم رشحو لج اسم المكان.............وذا طلعتو استلمي زوجج من ذاك الكلام على حسب الي يحب..........رومانسي......جنسي....وبعدين قولي وكأنج تذكرتي شي اوووووووووووووه سكر جوالك مره وحده اعرفها كانت تتكلم مع زوجها بكلام خاص مره وهو مايدري دق على واحد من اصحابه وصاحبه سمع كل كلامهم.........تخيل فشله.........طبعا مااعتقد يرفض لانه بيكون تحت تأثير كلامج..........وحاولي كل بين شوي تقولين خساره لو انه اهلك معانا لازم المره الثانيه نجيبهم.......وشوي شوي عوديه انه لكم طلعه لحالكم وطلعه مع اهله............وياكثر الحيل والمكايد بس انتي خليج هاديه وذكيه وصدقيني راح تعيشين مرتاحه..........بالتوفيق

خطيررررررررررررررررررررررررررررررررررررررررررررررررررررررررررررة ياترانيم الامل
نفس افكااااااااااااااااااااااااااااااااااااااااااااااااااااااااااااااااااااااااااااااااااااااري
الرجاااااااااااااااااااااااااااااااااااااااااااااااااااااااااااااااااااااااااااااااااااااااااااال مايجون الابهاذي الحركات الي تكسر جنحانهم

 

[شوق الشوق]

حبيبتي................لا سكوتج وطيبتج الزايده بتعدل الوضع..............ولا مواجهتج لهم ومصارحتهم راح تحل المشكله...........خليج وسط .............وصيري دبلوماسيه وذكيه...........وخذي زوجج بالسياسه....وخلينا نبتدي بقفل غرفتج...........اشتري ملابس نوم مغريه مررررررررررررره وطبعا مستحيل بتقعدي فيها بدون ماتكون الغرفه مقفله............اذا عجبت زوجك قولي له اشكثر عندي منها بس مااقدر البسها واستعرض فيها واتحرك قدامك الا لما يكون الباب مقفل:msn-wink:...............خوات زوجك عوديهم دايم باب غرفتج مقفول عليج ولو دقو لا تعصبين ولا شي قولي مشغوله ............قاعده اشيل شعر جسمي.....ابدل صرفيهم بأي شي.............لو دخلو لا تقعدين لا.............لا نج لو قعدتي راح ياخذون راحتهم ويلويون في الغرفه...........انتي وقفي على راسهم او خليج واقفه وماسكه الباب كأنج تنتظرين خروجهم.........او قولي انا باروح اشوف التيفي........وامشي عنهم..........لو اصرو انهم يبقون في الغرفه وفتحو دواليبج لا تستحين قلبي وجهج وبيني انج زعلانه ونصيحه شيلي كل غرض خاص وحطيه بدرج ابو قفل.........ثاني شي انتي قرري يوم الي بتطلعين فيه مع زوجج وروحي قولي لهم تعالو ابي استشيركم في شي.........انا اليوم بطلع مع فلان بروحنا اي مطعم تقترحون علي؟؟؟جذيه انتي ضربتي عصفورين بحجر بينتي لهم بذوق انج ماتبينهم وانج مقرره ومخلصه انه الطلعه بدونهم بس في نفس الوقت انتي ماطنشتينهم اخذتي رايهم.........وقولي لزوجج انا استشرت خواتك عن محل نروحه لحالنا قالوروحو المكان الفلاني...........جذيه بيفهم ضمنيا انهم مو زعلانين من طلعتكم لوحدكم والدليل انهم رشحو لج اسم المكان.............وذا طلعتو استلمي زوجج من ذاك الكلام على حسب الي يحب..........رومانسي......جنسي....وبعدين قولي وكأنج تذكرتي شي اوووووووووووووه سكر جوالك مره وحده اعرفها كانت تتكلم مع زوجها بكلام خاص مره وهو مايدري دق على واحد من اصحابه وصاحبه سمع كل كلامهم.........تخيل فشله.........طبعا مااعتقد يرفض لانه بيكون تحت تأثير كلامج..........وحاولي كل بين شوي تقولين خساره لو انه اهلك معانا لازم المره الثانيه نجيبهم.......وشوي شوي عوديه انه لكم طلعه لحالكم وطلعه مع اهله............وياكثر الحيل والمكايد بس انتي خليج هاديه وذكيه وصدقيني راح تعيشين مرتاحه..........بالتوفيق

خطيرة ياتراااااااااااااااااااااااااااااااااااااااااااانيم الالم
نفس افكااااااااااااااااااااااااااااااااااااااااااااري
الرجاااااااااااااااااااااااااااااااااااااااااااااااااال ماينفع معاهم الاكذة

 

[الـ عَ ـنا]

الله يوفقك اختي وترانيم الامل ماقصرت والله يعينك بس لازم تقوين شخصيتك عليهم موعلى كيفهم يمشونك بس بعد لا تغلطين عليهم بس حقك لا تسكتين عنه بس عند زوجك دايم امدحيهم الله يسخر لك زوجك ويهدي خواته