ابني بعد عامه الاول انظروا كيف اصبح ؟؟؟؟

[ساكبت العود]

السلام عليكم ورحمة الله وبركاته

مشكلتي في ابني الصغير عمره سنه ماادري ايش صارله اصبح عصبي بشكل
لا يطاق بس يصرخ بعصبيه وانفعال شديد اذا اخذت منه شي او
اخرجته من الحمام اكرمكم الله او قلبت عن قناته المفضله طيور الجنه
او اذا بدلت ملابسه ماادري كيف احد من عصبيته وانفعاله بس معصب و
حتي يتاتا بحروف وعبارات غير مفهومه كانه يهاوش
واذا عصب يرمي نفسه على الارض بطريقه عنيفه
حيث ير جع راسه على وراء الى ان يرتطم راسه في الارض حتى لو كلمته كلمه بسيطه ينفعل ويفعل
هذه الحركه والله تعبت معاه مااعرف كيف اسيطر على عصبيته ارجوكم الي عندها الحل او الخبره تساعدني ؟؟

للعلم هو ابني الوحيد يعني الاهتمام كله له

 

[ساكبت العود]

ليه محد رد عليه معقوله ما احد عنده حل الله يسامحكم

 

[Ad^LaDy]

الغاليه اذا مافي شي خطير حوله...اذا رمى براسه
قومي وخليه وسوي نفسج مشغوله بشي

انتى قلتيها ابنج الوحيد والاهتمام له..وهو يبى يجذب اكبر قدر من الاهتمام

عالجيه بالتطنيش قد ماتقدري

وان شاءالله ربي يهديه وينسم باله

 

[ساكبت العود]

جزاك الله كل خير واشكر على الرد

 

[شوقي متملك قلبه]

أنا بنتي كانت نفس الحالة وبس أشغل نفسي عنها ما تطول عصبيتها وتنشغل بشي من ألعابها
وأكثر شي ألاحظ أنه يهديها أني أنشغل عنها في النت لأن غالبا تكون جنبي أو حتى في حضني
الله يعينج

 

[ساكبت العود]

شكر على مرورك يالغاليه

 

[أعشـق حياتي]

حبيبتي زي ماقالو الاخوات

اذا لاحظت انه يسوي شي مو زين عشان يجذب انتباهك طنشيه

وخليه يسوي اللي بيه والله راح يهدى وينسى

عشانه هو يستانس ويعيش طفولته وانتي بعد ترتاحين

الله يسعدك ويحفظه لك يارب

 

[مرت ريلها]

حاولي انج تسوين له انشطه مختلفه يعني يرسم مثلا او يلعب بالتركيب او اقريله قصص والله يهديه يارب

 

[ساكبت العود]

يعني لو قرات له قصه راح يستوعب والرسم اخاف يعور عينه اويأذي نفسه تصدقين ماعنده الالعاب الا بيت الكور احسه صغير على المكعبات
مدري كلامي صح ؟؟ وايش الالعاب المناسبه الي في مثل سنه

حاولي انج تسوين له انشطه مختلفه يعني يرسم مثلا او يلعب بالتركيب او اقريله قصص والله يهديه يارب

 

[أم دبي]

فعلا اشغليه بأشياء مفيدة واذا عاند انشغلي عنه هذا عن تجربه