الي فنانه في تعمل مع الرجل تدخل

[المونليزه]

السلام عليك انا حابه انكم اتساعدوني انا مالجه وعندي مشكله مع زوجي احس انه بخيل ساعات وابي اتعلم طريقه اقدر اخليه يدفع وحس بالمسوليه صالي 5 اشهر وانا اقوله ابي مصروف واهو ولا همه عادي عنده :sad_1:

 

[@روح الورد@]

الله يسر امرج ويريح بالج
البخل صعب ينحل بس مافيه شي ماله حل
"لكل داء دواء"
حببيبه في موضوع الصدقة وانها أجر يدخل بها الجنة
وبعدين شوي شوي خليه يعطيج وان ماعطاج انتي عطيه قولي له يمكن ماعندك ومفلس كم تبي وباعطيك -من باب تختبرينه بس- علشان يستحي ويحس انه هو رجل ومسئول عن زوجته مو انتي!! فهمتي
والله يا اختي آنة شفت رياييل زطاطوة يعني بخلا موووووووووت بس من يتزوج سبحان الله كأنه شالوه وخلو واحد غيره من الكرم
ما يقولون المرة تغير الريال ؟؟ وين كيد النساء؟؟:sly: فشلتوا عالم الحريم هههههههههه:blow:

 

[جنى الأناهيد]

مرحبا يالغالية

بس أنت لسى مالكة وماتزوجتي
يعني يعطيك من طيب خاطر وقت المناسبات زي الأعياد ممكن!!!!!!!
بس مصروف شهري !!!! أحس ماتعودنا في مجتمعاتنا يصرفون على البنت قبل الزواج ,
لذالك لاتعتبرينة بخيل إلا لما يكون موقف واضح
مثلاً مايجيب لك هدايا بالزيارات
أو لما تتعبين واين يوديك مشفى حكومي ولا خاص .

وأسال الله يقر عينك بكرمة

أختك / جنى الأناهيد

 

[نبع الحنين]

مملكين ويعطيك مصروووف!!!!!

بصراحه احنا ماعندنا كذا ليه وين راحوا اهلي ؟؟؟

الله يكون في عونك .

 

[واثقة]

زوجك بخيل

ولا مقتصد في الصرف

ترى فيه فرق..

البخيل ماله علاج,,

اما المقتصد والحريص على ماله ممكن تغيرين طبعه..​

 

[ريموني]

عزيزتي

قبل ان تحكي على انه انسان بخيل

هناك اسئلة ..

هل دفع مهر مثل بقية الشباب

هل شارك في تحضيرات حفلة الملكة ؟؟

هنا تتضح الصورة اذا كان بخيل او لا ..

ربما هو عزيزتي غير مقتنع بفكرة المصروف مثل ما انا غير مقتنعة ..

وسؤال اخر :

من اين اتيت بكل تلك الجراءة لكي تطلبي منه مصروف الا تخشين النظرة التي سيؤخذها عنك منذ البداية !!

هو غي مجبر دامك ما زلت في منزل اهلك ..

 

[دونيا123]

ياخواتي ممكن يساهم ويشارك فاثاث الفرح
لكن هو من طبعه بخيل ولايحب يبين امام الناس حتي لايكتشفوا بخله
وانا ماعندي غير ادعيلك الله يفك كربك

 

[بيسه]

جراءه كبيره منك تطلبي مصروف وانت لسه عند اهلك
واذا ما اعطاك فهذا حقه وهذا لا يدل على انه بخيل
ففي مجتمعنا لم اسمع قط بوجوب اعطاء الخطيب مخطوبته مصروف
عيب والله

 

[انوثة طاغية]

السلام عليكم

بنات ليش ستغربين !!!.. ايوة في بعض المجتمعات ... اول ما يعقد القران ... يبدا الزوج بدفع مصروف للزوجة ....


و هذا متعارف عليه مو غريب ...


اهلنا موجودين ..... بس انا على ذمته هو ... و هو المسؤول ... شو فيها !! .. عادي ...

و كسوة العيد و العيدية ... كله على الزوج ...

 

[المونليزه]

مشكورين حبايبي بس ه>ي موجراه لاني انا محجره له من 3 اسنسن واهو اعرف اني مااشتغل وعمره ماجابلي هديه او عيديه وبصراحه انا تجراه وقتله لان ابوه بخيل وكنت بختبره

 

[أمواج وبحار]

انتي متأكدة انه بخيل؟ يمكن ماعنده ترى في فرق بين البخل وبين الفقر عفوا يعني اقصد يكون غير قادر انه يعطيج واذا كان جذي لازم تقدرينه وانتي ادرى بحالته المادية وظيفته راتبه هل عليه التزامات أقساط ديون قروض...يعني فكري فيها

 

[بنت قطر22]

ان تطلبي من زوجك مصروف خلال الملكه لاعيب فيه حتى يتعود ان يكون مسؤلا عنك وممكن انك اتأخذي ماتردين منه بذكاء مثلا وانت اتكلمينه قولي له اتنمى ان يكون عندي خاتم مثلا رايت على زميليتي فأعجبني اتنمنى ان احصل على مثله وكل بين محادثه والاخرى كرري له ذلك والمفرض ان يفهم ويشتري لك خاتم اذا كان ليس بخيلا
اتنمنى ان يكون عكس ماتتوقعين وان يسخر لك زوجك امين يارب

 

[LOLO12]

السلام وعليكم
مو شرط يكون بحيل الرجال ماتعرفية صح الا بعد الزواج امكن يبغى يوفر لمصاريف الفرح والشقة
وفكرة بنت قطر مرة حلوة بس ابداءي بنفسي في ورد احمر او في مطعم يمدحو صحباتي ونفسي ادخلو معاك وزي كذا
والله يكتب لك اللي فية الخير ويرزقك ويوفقك

 

[سونيتا]

السلام عليك انا حابه انكم اتساعدوني انا مالجه وعندي مشكله مع زوجي احس انه بخيل ساعات وابي اتعلم طريقه اقدر اخليه يدفع وحس بالمسوليه صالي 5 اشهر وانا اقوله ابي مصروف واهو ولا همه عادي عنده :sad_1:

اختي طلبك له ان يعطيك مصروف وانتي مملكه اشوفهااا صعبه شوي إذا ماجات من نفسه لكن لما تتزوجين وتكوني معه في بيته هو ملزوم يعطيك وساعتهااا عادي ممكن تطلبينه اما الحين اشوفهااا مو حلوووه بحقك إذا ماجات من نفسه ..... مدري وجه نظري الخاصه .....​

 

[ام العبابيد]

بالعكس بنات ،،هو ملزوم فيها طالما كتب كتابه عليها


والمفروض انه يكون كريم اليد معها علشان يكسبها الحين ، علشان تنجذب له ويحلى هو في عينها ،،


اذا من الحين يبخل عليج ،،، بعدين بتتعبين معاه




انتي تفاهمي معاه من البدايه على الصرف والمصروف ،،، وكم لازم يعطيج ،، ودايما حسسيه انه اهلج مو

مقصرين معاج ،، وانهم معودينج على تلبيه كل طلباتج حتى لو كانت غاليه ،،،


وفهميه انج على ذمته الحين ومستحيه تطلبين من اهلج حتى ولو ما قصروا معاج



صدقيني الريال البخيل يتعب النفسيه وايد ،،،، ادعي الله سبحانه وتعالى انه يخليه كريم معاج




وموفقه عزيزتي

 

[المونليزه]

مشكورين كلكم والله استفدت من نصايحكم بس انا تجراء من اهماله وخفت انه اكون بخيل فقلت خل ابدي بالثقل لان ماعندي الخبره واشوف

 

[lonlyreem]

تدرين المفروض ابوكي يقوله مو انتي لان راح يطنش لك خلي ابوكي يكلمه يقوله زوجتك وتدفع لها مصروف كلامك صح لازم يصرف عليكي من البدايه ولا بعدين راح يتعود انه مايصرف

 

[نافله]

أنا لا اريد لج الاحباط ..... بس اذا تأكدتي انه بخيل نادر تقدرين بعدين اتغيرينه حااااولي الحين اذا ما تغير يعني جيناته جيه والله وأعلم

 

[جوود الحزن]

مرحبا يالغالية

بس أنت لسى مالكة وماتزوجتي
يعني يعطيك من طيب خاطر وقت المناسبات زي الأعياد ممكن!!!!!!!
بس مصروف شهري !!!! أحس ماتعودنا في مجتمعاتنا يصرفون على البنت قبل الزواج ,
لذالك لاتعتبرينة بخيل إلا لما يكون موقف واضح
مثلاً مايجيب لك هدايا بالزيارات
أو لما تتعبين واين يوديك مشفى حكومي ولا خاص .

وأسال الله يقر عينك بكرمة

أختك / جنى الأناهيد

انا من راي اختي جنى صراحة ماتعودنا ان الرجال يصرف على المراءه وهي مالكة بس هدايا بالمناسبات وياليت ماتكثري طلب احسن يعتبرك لحوحة وهذي صفه يكره الرجال في المراءه والشي الثاني راح تعرفي كرمه بمنزل الزوجيه يعني بيتك بالمستقبل اذاكان فيه اثاث فخم وديكورات اعرفي انه مو بخيل يعني ماتحكمي عليه من الحين:no:

 

[المونليزه]

المشكله يابنات ابوي رافض المبدء طول ماانتي بيتي انا اصرف عليج وابوي مايدري اني كلمته وتصورو طول فترت الملجه اذا جاء بالعيد بس اسلم لاعيديه ولا شي بس مره عطاني اميه ومره جابلي حلاو علشان تخرجت