السلام عليكم ورحمة الله وبركاته</P>
<P>اتمنى انك تساعديني لاني مره محتااره</P>
<P>انا مملكة وخطيبي غريب عجيب يعني بالبداية كان كلامو حلو يعني تحسي ان هالرجال مثالي ومافي زيو ابدا يتكلم عن اهمية الثقه والاحترام والتفاهم بين الزوجين وان ما يحب الكذب ابدا ولا اللف والدوران ويعني كلام كتيرر..</P>
<P> </P>
<P>وانا كانت شخصيتو عاجبتني كتير مع ان كان فيه غروور وكان مرره عصبي بس حاولت اهديه شوي..</P>
<P>المهم شوي شوي حسيت ان هو عكس الكلام الي بيقولو يعني مافي تفاهم ولا احترام بس صراااخ وعلى شياء تاااافهه..</P>
<P>ويلف ويدور..</P>
<P> </P>
<P>وحسيت كمان انو شكاك وهو ينكر دا الشي يقولي والله وثق فيك بس انا ادقق بكل شي ودا الشي مجنني كلللل شي كبير وصغير يسال واذا قلتلو شي خاص بيني وبين صحبتي يقول اكيد فيه شي غلط بينكم ولا ليش ما تبغي تقولي..</P>
<P> </P>
<P>وشوي يقولي انا احس ان لكي حياة تانية وفيكي غموض وكلام غبي والله مدري من فين يطلعو..</P>
<P>اتخيلي يقول انا اسمع كتير في بنات له علاقات مع بنات وانا خايف من دا الشي دا كلو عشان دقت علي صحبتي مره وهو يبغى يعرف هي ليش داقة وانا ما قلتلو..</P>
<P>انا والله ابداااااا مو من دا النوع بس يسال اسئلة غريبة مدري احيانا احس انو مريض نفسيا كل شي يفسرو انو تقليل قيمة وانا والله بعمري ما سويت شي يقلل قيمتو.. وببداية علاقتنا سارت مشكلة صغيررررة يصرخ ويقول انتي تبغي تذليني وكلام كبير اوانا والله مابغى ولا شي من الكلام الي يقولوا</P>
<P>وانا قلتلو دا الشي يزعلني بس هو مررره متاثر بقصص اصحابو ..</P>
<P> </P>
<P>ولما شافني اتعلقت فيه شوي يكلمني قدام امي كانو سي السيد يعني كان فيه موضوع وانا قاعده اطالع في يقولي مو عاجبك كلامي د الي حيسير حتى لو مو عاجبك..</P>
<P>انا تعبت معاه كل شوي نكد وصرااخ وعلى اشياء تاااافه</P>
<P>المهم انا كلمت اهلي انو بفسخ منو بالبداية عارضو لان بصراحة هو عليه اسلوب بس قلتلهم وحاولت افهمهم يعني انا اشوف الكل ينبسط بايام الملكة ماعدا انا كل يوم نكد..</P>
<P> </P>
<P>وانا مستغربة من موقفو يعني لما عرف سار يرسل ويحاول يراضيني وانا مطنشة لاني احس انو مو طبيعي ويدق على امي ويبكي اتخيلي..</P>
<P>هو من اول يقول لو اش ماكانت البنت وقالتلي مابغاك مستحيييل ارجع لها وانا اشوف العكس لاني 3 مرات رسلتلو بس يعني باسلوب حلو ما يجرح كرامتو قلتلو احنا ما ننفع نكمل مع بعض..</P>
<P> </P>
<P>يطنش كلامي ويحاول بامي وابوي ويرسل واسطات ..</P>
<P> </P>
<P>دحين لي شهرين تقريبا لان المحمكمة قالت افي غير بعد العيد و وهو كل بعد فترة يرجع يرسل احد لابوي بس انا اقول ما بغى انا دايما اصلي استخااارة بس ماشوف شي يعني احساسي زي ماهو..</P>
<P>بس سرت خايفة اكتر لان احس هو بيحاول كل المحاولات لان هو كان مملك قبل وخلعت منو وانا كمان نفس الشي راح اخلع ويعني احس دا الشي الي مضايقو ويبغى يتزوجني عشان سمعتو وانا خايفة لاني سمعت انو سبب الخلع انو ضربها ولما سالتو حلف وقال واللله ما ضربتها هم يتبلو علي ومن دا الكلام..</P>
<P>وانا خايفه يحاول دا كلو وبعد ما يتزوجني يطلع عينو من الي سويتو..</P>
<
<P>وانا والله مررررره حيرني انتي اش شايفه ان هو ممكن يكون مريض ولا انسان عادي..
انا عارفه ممكن تقولي اكتب موضوع تاني بس انا احترت لردودكم واتمنى تساعدوني..
