كسرني وحطمني .. هالخاين

[زوجة ..خائن]

السلام عليكم ورحمة الله
لااعرف ماذا اكتب وبما ابدأ ... لكن الكلمة الوحيدة التي تخرج من صدري والتي ارددها دائما
حسبي الله ونعم الوكيل ... على زوجي اللي ظلمني وقهرني وتسبب فيني
انا يااخواتي مالي الا انتوا بعد الله ابغاكم تساعدوني ماني عارفة وش اسوي اذا طلبت الطلاق يهددني بعيالي واذا رضخت وظليت عايشة معاة بموت من الالم والقهر
.....
انا متزوحة من 6سنوات بولد عمي اللي يشوفه يقول ياحظ اللي بتاخذه انسان هاديء في الظاهر مصلي حتى صلاة الفجر محافظ عليها في وقتها يحب يقرأ قران كثير
لكن لأسف خائن من خذته وهو خائن بالمكالمات وعن طريق الشات وغير الجنس بالنت
.. تعبت معاه حاولت انبه واذكره بالله وانه الدنيا دواره ممكن يجي فيني او في بنته لكن لاحياة لمن تنادي مدمن على الكذب لدرجة مااصبحت اصدق ولا كلمة يقولها.. اذا عصب يجرحني ويتلفظ علي بأقسى الالفاظ كلامه مثل السم وانا اكتم في نفسي اتمنى بس يسكن من الاهانات اللي يوجهها احاول اترك المكان اللي جالس فيه لكنه يلاحقني من غرفة الى غرفة عشان يقهرني بكلامة واذا هدأ اعتبه على الكلام اللي قالة يقول انا ماكنت اقصد هاالكلام بس ابي اقهرك
تعبني مرضني الالم يعتصر قلبي من الهم والحزن ساعدوني ياخواتي وش اسوي
صبرت كثير على خيانته وقله المادة اتبيخل على نفسي واقول معليه وفر فلوسك عشان البيت ومصاريف العيال وهو مايقصر على نفسة كل شهر يشتري له اغراض واحتياجاته الخاصة ومصاريف جواله وانا جوالي على بطاقة الشحن واذا شاف عندي فلوس اخذهم حتى من غير مايقولي او يستأذن مني ماعنده عزة نفس ولا كرامة وصابرة واقول الحمد لله
لكن اللي قاهرني .. اني تغيرت كثير بعد الزواج صابني الهم والحزن احس اني صرت ضعيفة جدا بعد ماكانت شخصيتي قوية احس اني هشة وبسرعة انكسر من كثر المشاكل والاهانات اللي تتوجه لي حاولت افهم شخصيتي واحلل شخصيته من خلال المنتدى لكن ماعرفت اصل لنتيجة
ابغى اعرف كيف اتعامل معه وكيف اغيره لكن مش قادرة ياااااه فعلا كسرني وحطمني والله يااخواتي انا اكتب لكن وانا قلبي يعتصر الم وعيني تذرف دموع يمكن لان مااحد عندي اشكيله همي الا انتوا اهلي مايدرون عن مشاكلي معاه لكن يدرون عن قله المادة وحاجتي ودايما يشفقون على حالي لدرجة ان اخوي الصغير يقول متى اتوظف عشان اعطي اختي مصروفها
لكن لو يدرون عن خيانته واهاناته المتكررة ماادري وش راح يكون رده فعلهم
لما كنت اهدده بالطلاق يقول روحي بيت هلك واهم اللي بيرجعونك لعندي لانه ولد عمي وماعندنا بنات تتطلق
قولو لي وش اسوي مره قالي اول انا كنت احبك الحين مااحبك اكرهك
ياترى ليه الرجال يخون زوجته يترك الطاهرة العفيفة اللي صاينته وصابره عليه ويركض ورى الحرام وش يبي
محتااااارة
ارجوكم لاتهملون رسالتي والله محتاجه لكم ارجوكم ساعدوني ابغى اوصل للدكتورة ناعمة لكن ماعرفت للطريقة ابغى احد يدلني على الطريق الصحيح
وشكراااااا

 

[العمر الجديد]

الله يعينك يااختي بس نصييييحة لاتبخلي على نفسك لانه انتي كده بترخصي نفسك وهو ما بيبخل على نفسه خليك انثى اعتني بنفسك واطلبي منه مصروف ودللي نفسك ترى بعدين يحس انك متخلفة مو مثل الحريم والعالم المدلعة والي بس طلبات وهدايا ويحس انك تمشي حالك باي شي وترضي بولا شي ويستهتر فيك واشتركي في دورة الخاين لو تقدري واذا سبك لاتسالي ليه تسبني ازعلي ولاتردي عليه وقولي له انا محد يكلمني كده حسن اسلوبك معايواصري على موقفك انك حزينة وزعلانة الين يراضيك ويتوب والله يهديه

 

[ثقتي عاليه]

هلا حبيبتي
زوجج يحبج ولالاء؟؟شكل زوجج طيب وحبوب ومن النوع المسالم .. لان يرد ويقول لج انا بس كنت ابي اقهرج
هل انتي مبدعه في الفراش؟؟هل تغيرين ستايلج دائما؟؟شكلج انتي بخيله على نفسج وعلى جمالج
حبيبتي اعرف وحده ماعندهم واايد فلوس لكن والله تقول اانا اهم شي نفسي اشتري حق بشرتي وبياضي اغلى الماركات
واعتني بنفسي ليل ونهار وشعري وجسمي
وهل هو منقص معاج في جوانب ثانيه ولا بس هالجانب؟؟يعني زوجج يعتبر اوكي بالنسبه للغير
لكن لازم تعرفين شنو الطريقه اللي تتعاملين معاه
وموفقه

 

[مسك الامارات]

سبحان الله كأنك تقولين قصتي لكن انا بعد في الاخر راح وتزوج علي حسبي الله عليهم بس اقولج عليج بسورة البقرة والاستغفار دائما ولله يعينج ويعين كل مسلمة.

 

[صعبة المراس]

السلام عليكم ورحمة الله وبركاته
أختي الغالية،،
آلمني حالك ،، وأصارحك مررت ببعض ما مررت به من اهانات وخيانات،،
تدرين ما الذي أنقذتي ؟؟
"العودة إلى الله"
عودي إلى الله بصدق وقوة ، انظري إلى الأحداث :انها "بينك وبين الله" فقط
وليست بينك وبين زوجك، انسي زوجك وانظري إلى حالك ما الذي عملته من ذنوب؟ ما الذي قصرت به من طاعات؟ تذكري كل شي قديم وحديث قال الله تعالى: " أحصاه الله ونسوه"
انطرحي بين يدي الغفار وابك على خطيئتك ، واطلبي عفوه ، اطلبي رضاه ، اطلبي رضاه، اطلبي رضاه
ليت الذي بيني وبينك عامر وبيني وبين العلمين خراب
ان صح منك الود فالكل هين وكل الذي فوق التراب تراب
اغتنمي رمضان شهر الرحمة والغفران ،،، والزمي الإستغفار
فرج الله كربك وجميع المسلمين

 

[روعة الخالق]

صح لسانج اختي صعبة المراس

يزاج الله خير عالنصيحه

جلها الله في ميزان حسناتج

.............

الله يعين اختنا زوجة خائن

الله يصبرج ... بس صبري عليه اشوي ... اغلب الرجال مثله .. يهتمون بهالاشياء بشكل فضيع
و ما على الزوجه الا الصبر .. ونتي حاولي انج تقدمين كل اللي عندج .. سواء فالفراش او فالحياة العاديه

و اهم شي انج تستمتعين انتي فحياتج .. قبل ما تتمنين له الاستمتاع

 

[تحيه للعلم]

السلام عليكم ورحمة الله وبركاته
أختي الغالية،،
آلمني حالك ،، وأصارحك مررت ببعض ما مررت به من اهانات وخيانات،،
تدرين ما الذي أنقذتي ؟؟
"العودة إلى الله"
عودي إلى الله بصدق وقوة ، انظري إلى الأحداث :انها "بينك وبين الله" فقط
وليست بينك وبين زوجك، انسي زوجك وانظري إلى حالك ما الذي عملته من ذنوب؟ ما الذي قصرت به من طاعات؟ تذكري كل شي قديم وحديث قال الله تعالى: " أحصاه الله ونسوه"
انطرحي بين يدي الغفار وابك على خطيئتك ، واطلبي عفوه ، اطلبي رضاه ، اطلبي رضاه، اطلبي رضاه
ليت الذي بيني وبينك عامر وبيني وبين العلمين خراب
ان صح منك الود فالكل هين وكل الذي فوق التراب تراب
اغتنمي رمضان شهر الرحمة والغفران ،،، والزمي الإستغفار
فرج الله كربك وجميع المسلمين

اقولها وبشده نعم نعم نعم صدقتي يا اختي:icon30:انسي زوجك وانظري لحالك واجعلي الحب الأكبر لمن

وهبك الزوج وليس الزوج لا تحتاري لديك من هو قادر مستطيع يقل للأمر كن فيكون فقط الجأي إليه

وانكسري وتذللي له واطلبيه وادعيه واستغفيريه في هذا الشهر الفضيل وبإذن الله سيكون العيد عيدين

عيد الفطر وعيد التغير اللي صار بحياتج انتي :a122:لا تنسينا من دعاءكم يا اختي

وان شاءالله نسمع عنج الاخبار الطيبه:c016:

 

[تاج الاحزان]

عزيزتي انت الاصل انت الاساس لا تقللين من قيمتك انتبهي على نفسك وحبيها وعزيها المهم انت واهو خليه اخر تفكيرك صدقيني ما يستاهلون منا دمعه اتركيه للي اخلقه وما ابي اقولك اتركيه وروحوا بيت اهلك لان العادات تتختلف من مكان الى اخر المهم عزيزتي اعطيه احقوقه وحافظي على نفسك وبيتك لا تعطينا اكثر من حجمه وما دام انك ناقشتيه كثير ومافي اي تغير ما لك الا الواحد الاحد قومي الليل واكثري من الاستغفار والدعاء والله يسخره لك ويرده امين:icon31:

 

[مجموعة أنسان]

اختي الصبر ثم الصبر ثم الأحتساب فلو عندك وحدة من الجيران وجت تشكي لك ونفس الحكاية راح تقولي لها اصبري لانه مافيه حل غير كذا وبعدين اقرأي قصة فطومة ورد الاستاذة عليها وغير ذلك عيشي حياتك لك انت اولا ثم بنتك وبس وحاولي انك تشغلي نفسك باي شغلة وصدقيني راح يلتفت لك من جديد ولاتنسين استمتعي بالحياة بكل معانيها فرفشي وابسطي حالك يمكن هذا اللي مخليه يصد عنك ولله مافيه فرق بيننا واللي بالتلفزيون غير الابتسامه
والله يفرج همك

 

[زوجة ..خائن]

الله يعينك يااختي بس نصييييحة لاتبخلي على نفسك لانه انتي كده بترخصي نفسك وهو ما بيبخل على نفسه خليك انثى اعتني بنفسك واطلبي منه مصروف ودللي نفسك ترى بعدين يحس انك متخلفة مو مثل الحريم والعالم المدلعة والي بس طلبات وهدايا ويحس انك تمشي حالك باي شي وترضي بولا شي ويستهتر فيك واشتركي في دورة الخاين لو تقدري واذا سبك لاتسالي ليه تسبني ازعلي ولاتردي عليه وقولي له انا محد يكلمني كده حسن اسلوبك معايواصري على موقفك انك حزينة وزعلانة الين يراضيك ويتوب والله يهديه

.........................
اختي الغالية
كلامك صحيح المفروض ماابخل على نفسي لكن انا من النوع اللي يرضى بالقليل مابغى هدايا مابغى فلوس مابي الا قلب يحبني ويوفي معي ابغى احس بالاماااااان والاستقرار انا انسانة احب الصدق والصراحة وزوجي عكس كذا تماما احب القيم والمبادء وامشي عليها الصح صح والخطأ خطأ لكن زوجي لا
محتارة مصرت اعرف انا منهي او وش هي شخصيتي او وش اللي ابغىاحس مثل التاية في غابة كلها وحوش

 

[زوجة ..خائن]

هلا حبيبتي
زوجج يحبج ولالاء؟؟شكل زوجج طيب وحبوب ومن النوع المسالم .. لان يرد ويقول لج انا بس كنت ابي اقهرج
هل انتي مبدعه في الفراش؟؟هل تغيرين ستايلج دائما؟؟شكلج انتي بخيله على نفسج وعلى جمالج
حبيبتي اعرف وحده ماعندهم واايد فلوس لكن والله تقول اانا اهم شي نفسي اشتري حق بشرتي وبياضي اغلى الماركات
واعتني بنفسي ليل ونهار وشعري وجسمي
وهل هو منقص معاج في جوانب ثانيه ولا بس هالجانب؟؟يعني زوجج يعتبر اوكي بالنسبه للغير
لكن لازم تعرفين شنو الطريقه اللي تتعاملين معاه
وموفقه

.........................
بصراحة ماادري ان كان يحبني ولا لا
اذا سألته يقول اي احبك ومره من المرات كنا نتكلم عن الحبو وكان يقول الحب حلو وقلت له تحبني قال انتي حبك بالمعقول والطبيعي ماعلقت على كلامة لأني اتوقع انه يقصد ان حبه لي حب الزوج لزوجتة مش حب الحبيب لحبيبتة
وبالنسبة لبقية الاسئلة انا يااخواتي جلست اليوم معة جلست مصارحة وسالته تحبني يقول اي طيب وفي الفراش ناقك شي فيه شي ماسويته لم يقول لا انتي في الفراش تمام طيب ليه تخوني من وحده الا وحده يقول ماادري قلت له تدور على علاقة حب قال لا بس ابي اسولف واضحك
تتوقعون ممكن يحبني مثل الحب اللي اسمع عنه او اللي اقراه في القصص اللي في المنتدى

 

[زوجة ..خائن]

على فكرة زوجي عصبي جدا بس طيب اذا كان رايق
لكن فيه صفات كثيره اكرها فيه مثل الكذب وماعنده عزة نفس ولا كرامة
كنت دايما اشوف الرجال منظور اخوي الكبير الله يحفظه انسان حنون وطيب وشهم وراعي فزعة ونخوة احب الرجال اللي مثل كذا انساان قلبه ابيض
زوجي اذا تكلمت معاه عن مشاعري او عن مشاكلي مع الغير اذا عصب يعايرني بالمشكلة اللي صارت معي او الموقف اللي صار معي
محتارة مع ذا ارجال
ساعدوني يااخواتي كيف ابدأ من جديد احس اني غرقااانة

 

[زوجة ..خائن]

السلام عليكم ورحمة الله وبركاته
أختي الغالية،،
آلمني حالك ،، وأصارحك مررت ببعض ما مررت به من اهانات وخيانات،،
تدرين ما الذي أنقذتي ؟؟
"العودة إلى الله"
عودي إلى الله بصدق وقوة ، انظري إلى الأحداث :انها "بينك وبين الله" فقط
وليست بينك وبين زوجك، انسي زوجك وانظري إلى حالك ما الذي عملته من ذنوب؟ ما الذي قصرت به من طاعات؟ تذكري كل شي قديم وحديث قال الله تعالى: " أحصاه الله ونسوه"
انطرحي بين يدي الغفار وابك على خطيئتك ، واطلبي عفوه ، اطلبي رضاه ، اطلبي رضاه، اطلبي رضاه
ليت الذي بيني وبينك عامر وبيني وبين العلمين خراب
ان صح منك الود فالكل هين وكل الذي فوق التراب تراب
اغتنمي رمضان شهر الرحمة والغفران ،،، والزمي الإستغفار
فرج الله كربك وجميع المسلمين

>>>>>>>>>>>>>>
اختي في الله جزاك الله كل خير على الكلمات البلسم التي ذكرتيها
انا الحمد لله انسانه لااحب الاغاني ولا الافلام الهابطة وعندي قيم ومباديء كنت اعتقد انها جميلة وهي اساس المرأة الصالحة
لكن الان احس ان الرجل لايريد امرأة صالحة مطيعة مضحية ترضى بالقليل وتقتنع بنصيبها
لكن اعود واقول ربما انا مقصرة لذلك ربي ابتلاني بهذا الزوج او ربما انا اذنت ذنب كبير لذلك ربي يعاقبني
حاولت في فترت معينه ان اتركه واهجره لكن لااراه يهتم بي بل بالعكس ضل على وضعة وعلى تيلفوناتة
واحيانا احاول ان اقرب منه واهتم به من ناحية الالبس والشكل لكن نفس الشي وبعدها اهملت نفسي لااتزين لاالبس اجلسبالبيجامة في البيت ربما بعضكم يقول اذا انتي السبب
لكن انا من الاحباط النفسي والالم الذي بداخلي يجعلني اكتئب واكره كل شي
الحمد لله انا اقوم الليل ليس كل يوم ولكن اقول الحمدلله واصوم الاثنين والخميس لكن ؟؟؟؟؟؟؟ لااعلم ماذا اعمل معه

 

[زوجة ..خائن]

صح لسانج اختي صعبة المراس

يزاج الله خير عالنصيحه

جلها الله في ميزان حسناتج

.............

الله يعين اختنا زوجة خائن

الله يصبرج ... بس صبري عليه اشوي ... اغلب الرجال مثله .. يهتمون بهالاشياء بشكل فضيع
و ما على الزوجه الا الصبر .. ونتي حاولي انج تقدمين كل اللي عندج .. سواء فالفراش او فالحياة العاديه

و اهم شي انج تستمتعين انتي فحياتج .. قبل ما تتمنين له الاستمتاع

...........
اختي كيف استمتع وكيف انبسط هذا شي ماينتسى
شلون اضحك وانا اشوفي جواله مايسكت من الاتصالات وارقام مختلفة واشوف المسجات والرسايل اللي يبعثها واموت من القهر صرت كئيبة نكديه نادر مااضحك معة حتى اهو يقول انتي كل مبوزة وانقهر واقول في نفسي انت السبب انت اللي تعستني
انا كانت احلامي بسيطة زوج وفي ومحب وحنون ماابغى فلوس ماابغى اعيش عيشة الملوك راضية والله بالقليل بس ؟؟؟
اللي حصلته رجال عصبي سيء الالفاظ خائن ............................الخ الخ

 

[زوجة ..خائن]

عزيزتي انت الاصل انت الاساس لا تقللين من قيمتك انتبهي على نفسك وحبيها وعزيها المهم انت واهو خليه اخر تفكيرك صدقيني ما يستاهلون منا دمعه اتركيه للي اخلقه وما ابي اقولك اتركيه وروحوا بيت اهلك لان العادات تتختلف من مكان الى اخر المهم عزيزتي اعطيه احقوقه وحافظي على نفسك وبيتك لا تعطينا اكثر من حجمه وما دام انك ناقشتيه كثير ومافي اي تغير ما لك الا الواحد الاحد قومي الليل واكثري من الاستغفار والدعاء والله يسخره لك ويرده امين:icon31:

..............................
الله يرفع من شانك مثل مارفعتي معنوياتي
يااخواتي انا ماعندي احد اشتكي له الا انتم ارجوكم ساعدوني وقولولي وش اسوي من البداية او اذا وحدة مرت بنفس تجربتي تقولي شلون رجعت زوجها وخلته يحبها ابي اعرف شخصيته هل هو شمالي او شرقي بس ماعرفت اسويهل لاني مافهممت تفسي بعض العبارات
ادري ثقلت عليكم بس لاتتركوني والله اختكم محتاجه لكم احتسبوا الاجر فيني

 

[ريح الشمال]

حسبي الله ونعم الوكيل

 

[passion]

فديتج الله يكون في عونج ادعيله عسى ربي يسر اموركم يارب ادعي ونتي صايمة حتى في الثلث الاخير ادعي الله يوفق بينكم ويصلح حالكم

 

[ضحكتي دموع]

شوفي حبيبتي انا ما راح ازيد على كلام الاخوات كثير بس راح اقولك شي واحد استعيدي قوتك الي فقدتيها مو علشان توقفين في وجهة لاباالعكس الغية من حياتك لا تعطينة ولا ابسط مساحة من تفكيرك طبقي فية المثل ظل راجل ولا ظل حيطة ولا تعطينة فرصة يستغلك واخفي مالك عنة كل الي لة عندك حقوقة الي شرعها اللة وخلية غارق في ملذاتة ولا تخافين كل ظالم لة نهاية ومجرد احساسة بتغيرك هذي اكبر صفعة لة انو ما عاد بسوى ولا تعطينة فرصة يجرحك او يهينك لا لا لا لا تناقشينة ال فيما يخص الاولاد والبيت :dunno:

 

[عاشقة تميم]

الله يعينج
أختي لازم ترجعين لورا واتشوفين متى بدأ يتصرف بشكل غير طبيعي
ترى الخلل موجود بس ما نعرف وينه؟

لا تكونين ضعيفه...ولا تستعملين دموعج وايد له...لا تحرقين قلبج وتمرضين عمرج
بينكم أطفال..وتاج راسج صحتج...اذا انتي ما اهتميتي بصحتج ولا بعمرج صدقيني

محد بيهتم بج...ركزي على نفسج أولاً ويوم اتحسين انج عطيتي لنفسج كل حقوقها
طالبي بحقج من زوجج بذكاء...ترى تقدرين بس لاحظت انج قللت من ثقتج لنفسج

لبندكِ حق عليكِ...وأعطي كل ذي حق حقه...انتي تنازلتي عن حقج...وإلا مستحيل
هو بيتغير...كيف تتجرأ الحرمه اتقول لزوجها ( وفر فلوسك لكذا وكذا) هذا أكبر اجرام بحق زوجج

هو ريال ولازم يصرف عليج..وغلطتي غلطه كبيره لأنج قلتي وفر المصروف لكذا وكذا...عشان جيه
دور على حريم صايعات عفواً مب قصدي أقول هالكلمه..بس نعم الريال قوام وغلطة المرأه انها
اتقول لريال وفر الفلوس والمصروف وأنا متنازله عنه...من عطاج هذا الحق تتنازلين عن مصروفج

تعرفين ان هذا الشي هو أكبر خلل في العلاقه الزوجيه...الحينه لازم تركزين على نفسج
ومافي فايده انج تضاربين معاه..اهتمي بصحتج وعافيتج وادلعي من فلوس الي مب لازم يوفره ولازم يوزعه
على حرمته وعياله...انتي ذكيه وأول خطوة ركزي على الصحه

سلامي لج

 

[الحلوة فيهم]

مشاعرك وثقتك بنفسك بيدك
انتي اللي تتحكمين بنفسك هل تصدقين مايقوله عنك ام تقفين له كالجبل الصامد لايهز لك رمش
بالنسبة للمادة رأيي لاتوفريه فهو لايقصر على نفسه وبإمكانه العمل عملا اخر بدلا عن الجلسة عالنت ومكالمة البنات في اوقات الفراغ بالعكس اشغليه بمطالبك
أعانك الله