النهاية
هذا جزء من القصة طرحته المرة السابقة للتذكير
طبعا ماما اتصلت فيه ويوم شاف رسالتي واتصال أمي خاف قال أكيد في شي أكيد أني أنا تعبانه كان وقتها هو يشرب الشاي والجوال على كلامه كان بعيد عنه يشحن ويوم شاف اتصال أمي ترك الشاي وقال لأهل بيته بطلع عندي شغل
يوم طلع من البيت اتصل فيني طبعا وقال خير قلت له : تعبانة وحاسة بالالام فظيعة أول مرةأحس فيها تعالي بسرعة
زوجي يااخوات كان مستقدم على سائق عشانها وعشان عيالها اتصلت بالسائق وقالت له بابا خرج من البيت عندي روح أمشي وراه بالسيارة
والله العظيم يابنات انا كنت شاكة بالسائق من زمان وقلت له حركاته ماتطمن خلي عيونك عليه رمى كلامي ورى ظهره ويوم تعبت عرف ان كلامي صحيح
انا مدخل بيتي ( الشارع ) مظلم وكانت سيارة السائق لونها غامق كيف شافها زوجي ؟ ماأعرف ؟ طبعا راح زوجي للسيارة وشاف السيارة والسائق بداخلها
سأله زوجي وش تسوي هنا يامحمد قال : انا ايجي عند صديق قال زوجي صديق؟؟
وأعطاه زوجي كفففففففففففففففف بعزم ماعنده في هذي الاثناء اتصلت ام عياله على السائق ورد زوجي عليها من جوال السائق طبعا مااعرف وش قال لها بالضبط
الاحداث هذي صارت وهم عند باب عمارتي يعني ( بالشارع )
اخذ زوجي منه مفتاح السيارة والجوال وقله ارجع برجولك ماتلزمني بعد اليوم وطلع لي يوم شافني والله العظيم يابنات زعله على الموقف اللي صار له باين عليه وزعله علي كان أكثر لدرجة ماقدرت انزل الدرج ( السلم ) شالني ونزلني ودخلني السيارة
وصلنا المستشفى تقريبا الساعة 9 مساء والله ماقدر يتركني دقيقة وحدة لين يتطمن علي يوم شاف الدكتورة اللي كشفت علي قالت لازم تنويم كيس الحمل عندها نااازل يمكن يكون تسقيط باااااااااااان الزعل عليه مرررة كان يبي اطفال مني
طلبته اشياء خاصة ( مستلزمات ) قال ابشري بكرة تكون عندك من بدري
طبعا انا مانمت من الآلآم اللي احس فيها وغمضت عيني على الساعة 4 الفجر اتصلفيني الساعة 6 صباحا وسأل عني وعن احوالي وهل الدكتور جاني ولا لا ؟؟
رجع واتصل فيني على الساعة 9 صباحا وقعد يلكمني سألته قلت له وش رايك تجي
تتغدى عندي في المستشفى تجيب غدى ونتغدى مع بعض ؟؟
قال خلاص أجي وارجع البيت انام
سألته : راح تقضي اليوم معي بالمستشفى ؟
قال لي : حاضر
قلت له : بتنام في بيتي ولا عند عيالك ؟
قال لي : لا بنام في بيتك
قلت له ليه ماتنام عند عيالك عشان لاتتوحد ويقومون بطلباتك؟
قال لي : متزاعلين انا وهية؟
قلت له : لايكون عشاني ؟
قال لي : انتي مالك دخل بالموضوع
قلت له طمنتني الحمد لله
زوجي كلم ابوه وقال ترى هديل تعبانة وفي المستشفى ابوه وحبايب زوجي واهله كلهم عندي زعلانين علي وعلى حملي اني اخسره
طبعا ابو زوجي مايحب يدخل نفسه بالمشاكل ولا يحب يبدي رأيه الا اذا احد طلب منه ؟؟
كلمه زوجي ابوه بالتفصيل وكانت معه زوجة ابوه سمعت كل الكلام من زوجي وطبعا ابوه كان جدا متضايق من تصرفات مرت ولده وزوجة ابوه كانت مستمعة ماتحب ايضا تدخل
ابوه واهله كلهم معي وضد أم عياله كيف تخلي السواق يتجسس على زوجي طبعا كان كلام اهله وابوه هي ماسوت لك حساب
مافكرت انك انت تزعل منها ولا سوت حساب لأهلها واخوانها وابوها
تركها زوجي لمدة شهر ولا حاولت مجرد محاولة انها تتصل عليه أو ترسل رسالة تتأسف على تصرفها كانت مطنشششششششششششششششة على الآخر ولا همها
لمن شاف زوجي ردة فعلها الطناش قال هذي ماتلزمني ماابيها ولاابي عيالها تدخل اخوه ومرته بالموضوع وطلعت سلفتي تكلمها تقول هديل ترسل رسايل لأبو فلان لمن يكون عندي ليش ترسله طيب يابنات انا اصلا مااتصل عليه عشان لااسبب له مضايقات من قبل ام عياله حتى بعد تبيني امتنع عن الرسايل بصراااحة مااقدر هذي كانت حجتها
وبعدين تذكرون انا كنت مريضة واهلي بعيدين عني انا بمنطقة وهو بمنطقة يعني غصبا عليه ادق واقول له انا تعبانة ابي اروح للمستشفى لكن سويت العكس اول شي ارسلت له رسالة ولمن ماشفت رد على قولته كان الجوال يشحن وماسمع رنة الرسالة
خليت أمي الله يرحمها هي اللي تدق عليه ليه شفتوو يابنات لمتى ؟؟ انا ماني زوجته مالي حق عليه ؟؟ كان المفروض ادق عليه
طبعا نزلت سلفتي تقول لي ليش أنتي ترسلي رسايل لأبو فلان لمن يكون عند أم عياله ؟ قلت لها عذر اقبح من ذنب أنا مااتصل فيه تبون تمنعوني بعد ارسل له رسايل قلت لها علم يوصلك ويتعداك انا اتحملت منها بما فيه الكفاية ولعملك روحي وصلي لها الكلام انا
ماراح ارسل رسايل بعد اليوم انا راح اتصل فيه لو اضطريت اني اتصل اللي عاجبه اهلا وسهلا ماهو عاجبه يطلع من الموضوع بتاتا ماني مستعدة اسمع تفاهات اكثر من كذة انا لمتى وانا استحمل تصرفاتها الطايشة كأنها بنت في الابتدائي او في سن المراهقة ؟؟
قلت لزوجي : ابي اقول لك شي ؟؟
قال لي : تفضلي ؟
قلت : يابن الناس لو فكرت انك تطلق ام عيالك لاتجيب عيالك عندي انا ماابيهم الوجه من الوجه ابيض ماابي اضحك عليك جحا اولى بلحم ثوره مابي اضحك عليك قلت له : خلاص طاب واستطاب
قال : هي تربيهم انتي مالك دخل
قلت : لاتحسب اني اقول الكلام هذا عشان اقولك روح طلقها انا لو ابيك تطلقها ماكنت رديتك عن الطلاق وكانت فرصة بالنسبة لي اني افتك منها بس ماحبيت الناس تاكل وجهك وتقول طلق ام عياله عشان زوجته هذي عيبة في حقك
اتصلت ام زوجته عليه قالت : انت وش اللي مغيرك على ام عيالك ؟
قال : انا اللي متغير ولا تصرفات بنتك هي اللي تطلع الواحد من طوره ؟
قالت : مو منك من القصيمية اللي ماخذها ؟
قال لها : حدك لاتتكلمي عنها ماعرفت طعم الراحة والسعادة الا معاها وماشفتها مع بنتك دايم نكد دايم زعل مافي اهتمام مافي نظافة
ماقد شفتها متشيكة عشاني دايم بقميصها في البيت
قالت : وش مسوية فيك القصيمية وش تبي فيها هذي وهذي وهذي ..سب ؟
قال : انتم كلكم برجالكم بحريمكم ببنتك ماتسووووووون شب شب القصيمية أكرمكم الله ؟
بصراحة يابنات ام زوجته طويلة لساااااااااااااااااااااااااااااان وبنتها ماخذه طبيعة امها
حاولوا بشتى الطرق طبعا ( أهلها ) انها ترجع بس كان رافض تماما قال : ابي رجالكم يتدخلون صار مجلس رجال وسالفة لا لها أول من تالي
طبعا رجعها بشرط لو شاف منها الصغيرة ماراح يرجعها أبدااااااااااااااااااً
ومضت الايام ومرض ابو زوجي وتوفى رحمة الله عليه فقالوا بيت ابوهم مايكفي صغير مايسد المعزيين قال زوجي أخليها عند أم عيالي قالوا أخواته لا نخليها عند امي في بيتها او عند هديل في بيتها بيوتهم صغيرة نوعا ما
قرروا في الآخر في بيت امه طبعا شفت ظرتي والله هي دايم اللي تدخل علي وماتمد ايديها للسلام تتعداني طنشت ولا اعطيتها أي اعتبار بس الناس والمعزيين صاروا ينتقدوها قالوا : هي الكبيرة عيب اللي تسويه
وكل ماتمشي والله يابنات تترقص لو تشوفون وشلون نزلت للعزاء شياكة وخواتم وساعة اكسسوار مفصصة واسورة ابد رايحة زواج
انا والله ماهمني اللي تسويه بس اللي نرفزني للمعلومية بين وفاة ابو زوجي وأمي 6 شهور يعني الوالدة كانت موجودة
كنت مع خوات زوجي سلمنا على ابوه وبقينا حوله وكانت امي واقفة خارج الغرفة تبي تشوف وش يصير
دخلت ضرتي ودخلت امها ( دخول أمها أكبر خطأ هي اجنبية عن ابو زوجي وهذي حرمات ) مع ان ضرتي مدرسة دين ( أمحق مدرسة )
مدت ايدها على المعزيين اللي في الغرفة وتعدتني راحت قالت لزوجي جيت اسلم على هديل سوت نفسها انها تبكي على ابوك
حسبي الله ونعم الوكيل فيها اللهم اكفنيها بما شئت وكيفما شئت انك على كل شي قدير
جاني زوجي وقال دام ام فلان تبي تسلم ليش ماسلمتي ؟ قلت له كلام فاضي ماابي دخلت قدام اهلك وأسألهم من البداية قبل يجي ابوك من المستشفى مامدت وتعدت خواتك أمك واللي يكشفون عليك روح اسألهم . سكت ومارد
المهم انا عن نفسي والله يابنات طنشت الموضوع موضوع بالنسبة لي تافه جدا جت تسلم وسويت نفسي ابكي ؟ يارب لك الحمد
عشان اهي انسانة ماتخاف الله وتحلف بالله والله انها تحلف بالله على عيالها وعلى نفسها واهلها بالسرطان انها صادقة وهي والله كذابة ياويلها من عقوبة رب العالمين صار شي لم يكن في الحسبان
قالت لي أمي الله يرحمها : انا بأنزل جدة مااقدر اطول عموما عظما الله أجركم قلت لها نامي عندي وانزلي الصباح الصباح رباح قالت مااقدر اترك امي اكثر من كذة طبعا ( جدتي الله يطول لي بعمرها )
عرف زوجي من اخوي ان امي تبي تنزل جدة وهو بصراااااااااااحة يحب امي كثير ولها مكانة خاصة بقلبه مايسمع فيها ابدا اتصل زوجي بأمي وقال لها ياأم فلان نامي
عندنا والصباح الله يساعدك انزلي جدة وأمي والله دايم تدلعه تشوفه مثل عيالها وعلى نيتها الله يرحمها ويرحم اموات المسلمين طبعا مين كان يسمع ضرتي والله خلااااااااااااااااااص استوت يوم سمعت زوجي يكلم امي وشافت قد ايش زوجي يحب امي وطالت المكالمة تقريبا عشر دقايق بالجوال مع العلم زوجي اللي اتصل حنا مادقينا
انتهت المكالمة بأن امي ماتقدر تجلس عشان جدتي
طبعا امي توفت من 8 شهور وصار وزوجي يعرف مكانة امي بقلبي فصار يتحاشى المشاكل ويبعدها عني بطريقته بصراحة ماشاف مني الا كل خير وهذي النتائج ولله الحمد
راحت الايام وجات وصارت مشكلة ماتوقعتها قررنا انا ان نسافر ابي اغير جو ابي اطلع من اللي انا فيه ابي اكسر الروتين وقررنا نروح لدبي وجاكرتا
طبعا سنة انا اسافر وسنة هي تسافر انا بالعكس ماعندي مشكلة ابدا احب لي طبعا السفرة هذي كانت دوري
قلت له ابي الشنطة من مخزن امك شنطتي هذي ماتكفي صغيرة عرفت من زوجي ان الشنطة كانت عند ام عياله وكانت شغالتها تو جاية من اندونيسيا يعني جديدة فشافت عندها مستلزمات خاصة وطلبتها من زوجي انه يجيب لها اياها ؟
قلت بعد عسى لايكون في مشاكل عشان نبي نسافر قال ابدا ولا شي قلت الحمد لله بس في نفسي ماني مقتنعة
كان باقي على سفرتي يومين بس تخيلوا
اتصلت فيني ام زوجي وقالت البنات كلهم عندي وش رايك تجتمعي معانا قلت حاضر
ورحت عندهم واستانسنا ويافرحة ماتمت خرجوا اخوات زوجي كلهم لبيوتهم وزوجي تأخر علي وانا عند امه ضرتي كانت عند اهلها وانا والله ماعندي علم انها عند اهلها بيت ضرتي فوق بيت ام زوجي مااحتك فيها ابدا واهي ماتنزل عند ام زوجي لدرجة انها بالشهور ماتشوفها ولاترمي عليها السلام بالرغم انهم في بيت واحد
اتصل فيني زوجي ويقول انتي شفتي ام فلان؟
قلت له لا ماشفتها صحيح كنا بالحوش مجتمعين مع اخواتك بس ماشفتهم
قلت له : خير ؟
قال : اجي ويكون خير
ويوم وصل للبيت
سالته : خير
قال : ام فلان تقول انك سبيتيها وأهنتيها وقلتي لها يابنت الكلب
تفاجأت قلت أنا
قال : ايه
قلت له : اسمع ـ عذرا أخواتي ـ قلت اهي مي بنت كلب اهي بنت كلاب بس انا ماشفتها وأسأل أمك
والله العظيم ياأخوات ماشفتها واللي مايجعلني اشوف الذرية اني ماشفتها لدرجة قالت ضرتي أسأل عيالك وشهدوا زور وقالوا عمة هديل شافت ماما وقالت لها يابنت الكلب مع العلم عيالها صغار أكبر وحدة طالعة الصف الخامس قلت لزوجي وقتها انتبه على عيالك
مااشوف الا ضرتي تنزل وتتهجم على ام زوجي وتقول لها تحلفين على عيالك انها ماشافتني ولا سبت ولا اهانت طبعا ام زوجي حاااااااااااارة شطة
قالت : احلف عليك ياوسخة والله ماشافتك والبنت بريئة والله سبحانه شاهد
زعلت ضرتي صارت تدف ام زوجي بيدها يوم شاف كذة زوجي طردها ودفها بعزم ماعنده وقال اطلعي بيتك لاتشوفين شي ماشفتيه ابد
وسافرنا وطول مدة مكوثنا في الخارج مادق عليها ولا عبرها
كان يدق على تليفون البيت ويكلم عياله حتى عياله ماكلمهم الا مرتين فقط وحنا بالخارج شهر
هي اللي جابته لنفسها هذا كله من سوات ايدها انا مالي ذنب باللي يصير واللي تسويه هو جاني وطق باب بيتي وانا وافقت لي الان اربع سنين وللآن ماعقلت ولاتفكر انها خلاص تفتح صفحة جديدة بالنسبة لها وتعيش حياتها مثل ماربي كاتب لها
هذا نصيبي من الدنيا والحمد لله راضية فيه انا بس الى متى الزعل ؟
الى متى النكد ؟
الى متى التهم ؟
الى متى الحلف بالله وأنتي كاذبة ؟
اتقي الله في نفسك وفي اولادك وفي اهلك ومن يتق الله يجعل له مخرجا ويرزقه من حيث لايحتسب
أناشدكن أخواتي وجميع المسئولين عن هذا المنتدى الذي اعتبره مكاني الثاني الذي أجد فيه متعتي وراحتي أن توصل قصتي للأستاذة ناعمة حتى أعرف كيف أتصرف مع زوجي فيما بعد أربع سنين وانا على هذه الحالة لا أريد بتاتا أن احتك بها نهائيا أريده هو فقط هو من يهمني ؟
أسئل الله العلي القدير أن يوفقكن لما يحبه ويرضاه
وكل عام وأنتن بخير
