ابتسـ أمل ــامة
New member
- إنضم
- 2008/06/11
- المشاركات
- 349
1- بالنسبة للاتصال خليه هوه اللي يكون المبادر.. ولما يتصل مب على طول تشلينه ،، يرن يرن ويرن مرة مرتين ثلاث .. مش يقول ماتصدق .. من أول رنة اترد ..
ههههههه هاي الحركه اسويها بدون قصد لانه دووم يتصل في الاوقات الحرجه>>>كلما اسوي شي غلط من وراه يتصل خخخخخخخ:shutup:
والله قبل كم يوم أشوف وحده في الصالون اتقطر دلع ومياعه أول مادخلت اتكلم صديقتها بالتلفون واتقولها ذبحني ( .....) من كثر مايتصل ويطرش مسجات ،، 10 مس كول منه وفي الاخير ارسل مسج اذا مارديتي بيي عند باب بيتكم ...!! انا فهمت في النهاية إنه خطيبها هذا اللي ماردت عليه وقاعده تتغلى
نحنا مانقول خليها اتوصل لعشر مس كولات ،، بس حاولي اتشوي تتغلين .. وانتبهي بعد اتمصخينها ..
ههههههههههه الله يعينه المسكين لو ريلي مكانه جان طلع لي من التليفون:nosweat:
2- في المكالمه نفسها .. حاولي يكون اسلوبج دلع في دلع .. يحبون الصوت الهادي الناعم ،،، وغرقيه باسم الدلع والالفاظ الحلوة .. حبيبي – فديت روحك- ياعمري – ياقلبي – روحي ... الخ خليها على لسانج على طول ..
هاذا احلى شي يمووتوون في الدلع وهالسوالف :in_love:احب اقوله كلام مثل جي و اقوول مرات و مرات من الحيا احس مايطلع
3 – أثناء الكلام معاه .. كوني مستمعه اغلب الوقت .. خففي السوالف إلا إذا هو حب عشان مايقول هذي ثرثارة ..
حلوو و على سالة السوالف الحين صرت وايد اسولف شو اسوي هو الي يبا جذي :icon30:والله ادوور سوالف من تحت الارض خخخخ
4 - حاولي تسألينه عن يومه .. أحواله .. شو صار معاه في الدوام .. خليه يفضفض ويطلع اللي بداخله ..
حلوو بس مب كلهم يحبون هالاسأله في ناس يحسونها استجواب فنصيحه حاولي تسألينه بطريقه حلوه حبيبي كيف كان يومك اكيد كان حلوو لان اول صوت سمعته صوتي مثلا او حاولي بأي طريقه:1eye:
5 - اسإليه شو الاكلات اللي يحبها .. وفاجئيه فيها لما يزورج بالبيت .. أو حتى قوليله عيوني لك .. أي شي تباه أنا حاضر .. ولو ماكنتي اتعرفين هالطبخه .. قوليها له بدلع بتعلمها عشان خاطر حبيبي ..
آآآآآآآآآآآه هاذي نقطة الضعف عندي
المشكله مطبخنا مايساعد وايد ضيق و احسه متكركب لانه الطبخ الثاني الي برع من الحر محد يروح يشتغل فيه فصاير زحمه في مطبخنا داخل و زوجي يزورني سبحان الله الايام الي يكون فيها بيتنا زحمه ماعرف اشتغل و آخذ راحتي و عاد زوجي يحب كل انواع الاكل:bye1: مافي اكله معينه عشان افاجأه فيها
6 – يحبون الحرمه اللي تحترمهم واتبين رجولتهم واتحسسه إنها مسؤوول عنها ..خذي رايه بالطلعات واستاذنيه هالنقطه حلوه:showoff:يحبون يطلعون عظلاتهم خخخخ
حتى إذا عند ربيعاتج سايره اتزورينهم أو طلعات عائلية أو المول أو اي مكان وناسه خليه يعرف إنه انتي عندج جو حلو .. وحياتج الحمدلله وناسه ..
حلوو عشان عقب يطلعني جذي خخخخ
7- إذا مرض ،، اتصلي فيه واسإلي عن صحته .. خليه يروح عند الطبيب ،، بيني له إنج انتي مهتمه مضايقة وزعلانه ..اسإليه شربتي الدوا ياحبيبي ولأ لا .. ! لازم تشرب الدوا عشان صحتك ..
زيين بس عبالج الرياييل بيطيعوون والله راسهم يابس ومايحبون المستشفيات ومايحبون ياكلون ادويه:sadwalk:مذله اسوي عمري مهتمه وهو عااااادي
8- كثري من مديحه .. يستانس عليها .. قوليله انا سعيده لأني معاك ..
انا متيقنه إنك بتعيشني في سعاده بعد الزواج ..
انا فخورة فيك ....
الحمدلله إنا من نصيب بعض .. الخ
حلووو بس الي تمدحينه و يصخ عنج يسوي لج طاااااااااااف شو بتسوييين:schmoll:
9 - ارسلي له مسج الصبح وهوه رايح الدوام ،، ذكريه بأذكار الصباح
حلووووووووووووووووووووووووووووووووو:icon26:
10 – فاجئيه بهديه حلوة وتغليفها راقي وهوه طالع من عندج عطيها إياه أو حطيها بالسياره ..
واتريي من اتصال واسإليه شو رايه بها بكل دلع ونعومه لاتنسين الألفاظ دلع بدلع ،، الرجال مايحبون الوحدة دفشة
حلو و كلامج صحيح ويحبون العفويه بعد:shiny:
11- أن تكوني أنثى بطبيعتك ..
الحمدالله انا من النوع الي وااايد نعوومه و عفويه يعني حتى دفاشتي حلووه فيها براءه و انووثه الحمدالله هالشي يعيبه فيني
احلى من أن تكوني أنثى مزيفة ،،
جميل أن تكسبي بعض الخبره في حركات الأنوثه والدلع ،،
ولكن بطبيعتك وبكل عفوية من دون تصنع .. واللي يطلع من القلب يدخل القلب ..
12- كنتي اتكلمينه بالليل وقبل لايسكر قولي له لاتنسى حبيبي قبل لاتنام تقول المعوذات واذكار النوم ..
حلوو وااااااايد :icon31: ويوم بيكون عندج انتي مسحي راسه و اقري عليه اقصد يوم بتعرسون و خليه ايام يقرى عليج حلووووووووووو
13 - إذا جاء يزورك ركزي إن مشيتك تكون هادية وتمايلي بحركاته بشكل عفوي ..
شو رايج بوحده اول ما دخل زوجها و يت بتيلس حذاله ولا يطلع هالصووت طييييييييييط >>>صوت الكعب يوم احتك بالكاشي في البيت مب شي ثاني خخخخخخخخخ بس الصوت فششششله:thumbdown:
إسإليه عن لبسك .. شو رايك حبيبي بلبسي .. يعجبك هاللون .. ؟
، لون شعرك ،، نوعية اللبس ،، الصفات اللي يحبها اتكون في شريكته ،، حاولي تعرفين طبيعته و شو يناسبه وشو ما يحبه خلال هذي الفترة
سألته وما جاوب، يلا سنحاول مره اخرى شو ورانا:bigsmile:
14- لبسك.. خذي راحتك فيه بس بحدود المعقول .. في اشياء ماتنفع تلبسينها أيام الملجه .. تفتنينه وتولعينه وهوه مش قادر يوصلج .. واتخلينه يتعذب .. ويضيع الحياء في بعض الاحيان ..خلي لبسك بحدود المعقول..!
والله كل لبسي مستر و مرات البس مستر من تحت ومشلح من فوق خخخخخ :bleh:
15- أثناء الزيارة أو شوفتكم في أي مكان مع إني ما أأيد الطلعات لانها تطلع بلاوي.. لاتتجاوزين الخطوط الحمرا .. انتبهي مايصير شي لاسمح الله مو مرغووب..
قالك أنا زوجك وانتي حلالي ... الخ ..
وإذا زعل خليه يزعل بس وربي بالنهايهغير.. تكبرين بعينه عشان يعرف انك جوهره مصوونه .. وكل شي حلو بعد الزواج..
100% بس نحنا نطلع مع تحريات خخخخ:busted_red:
16- إذا ناوي يزورك في يوم وإنتي أهلج كلهم متجمعين عندكم ،، اعتذري منه بلباقه وبأدب وقوليله خلها بكره ياقلبي .. وعذرج عشان ماتنحرجين من وجوده وبيتكم في أحد وعشان يكون الجو هادي ومناسب لكم وماتستحين ..
وايد صعبه وانا جربت و فعلا هالشي وايد يضايقه خاصه انه يكون عامل حسابه انه هاليوم بيزورني و مرتب اموره و كل شي وهو من مكان بعيد وانا ايي امنعه صدق مايصير دايما ابدي كلمة حياك الله وانا مشتاقتلك وبعدين احاول لو اشوف في مجال باجر او يوم ثاني يعني اقوله عاد اليوم الله يعين عدنا العايله كلم يايين بيحشرونا حشره و اضحك مرات من نفسه يفهم و يقولي خلاص نخليها يوم ثاني
17- ومن يتق الله يجعل له مخرجا ويرزقه من حيث لايحتسب.. من البداية حاولي اتصلحين اللي بينج وبين ربج يصلح مابينج وبين زوجج .. تبين زوجج يرضى عنج .. ارضي ربج أول شي .. ابتعدي عن المعاصي ،، وذا تسمعين أغاني استبدليها بالأناشيد ..
حلووو والله يابنات معاها حق والله اليوم الي زوجي يطلع واشوفه رااضي و مستانس اسجد لله شكر لأن هاذي نعمه من الله تخيلي رضاه كم يسوى الحمدالله رب العالمين
14- افتنيه بحركاتج ودلعج وذوقج وتفنني عاد بتقديم العصاير والأكل والسويت أثناء الزياره .. خليه يشوف ويعرف إنج بتاع كله .. جمال ودلع واهتمام وست بيت .. :blushing:
15- لاتنسين الدعاء في سجودك وفي الليل .. ( اللهم سخرلي زوجي ) ..
هيه يا بنات اكثرو من الدعاء و ادعي له بعد هاذا زوجج لازم تدعين له وااااايد
16- حركة حلوة ممكن اتسوينها إذا جا يزورك .. خذي موبايله بدون ماينتبه .. واظبطي المنبه على وقت معين واكتبي اي كلمه اتحبينها يقراها .. احبك .. اشتقتلك موت .. فديتك ياعمري..
لما يرن المنبه ،، إلا مايستانس ويذكرج بخير .. :msn-wink:
حلووووووووو :fish:
17 – حياتكم خاصة فيكم انتوا الاثنين فقط ..
ماله داعي للتدخلات من أي جانب .. بيني له إن حياتكم أسرار وماتحبين حد يدخل بينكم
اهم شي يا بنات ابدا لاتذكرين سلبياته قدام اهلج وحاولي تطلعينه بأحلى صوره:santa_1:
وأخيرا ..
18 – بكره جاينكم بإذن الله أطفال ومسؤوليات كثيرة .. استغلوا هذي الفترة وعيشوا الرومنسايات
ولا تنسون ترى هذي احلى ايام العمر لاتفرطون فيها..
ان شااااااءالله :essen: هلموووو ولنبدأ المعركه خخخخخخخ
وعشان ما أصدمكم بعض الرجال ينقلب 180 درجه هههههههه
لااااااااااا الله لا يقووول يارب زوجي ينقلب 180 درجه للأحسن :tears:
الله يهنيكم ويسعدكم ويوفقكم
في أمان الله :bye1:
مشكوووووووووووووووووووووووره الغلا ع النصايح الرووعه
