الشمالي الشرقي..تحت الضوء..*_^رحلة استكشاف*_^

[إنسى الألم]

1/ كيف تعرفي مواطن إنعدام الثقة بنفسك؟وإذا تحبي تقوليها لنا نتساعد مع بعض ببث الثقة.
آنا ثقتي بنفسي مو وااايد وزوجي دايما يحبطني ويحسسني انه ما يعتمد علي
2/ أيش تخطيطك لتعزيزها
أحاول إني ما ألتفت ولا أدقق حيل بالانتقادات الدائمه لي
3/كيف تبدين أكثر ثقة أمام (ش/ش)
أحاول أكون أكثر هدوء من قبل ولما يسألني إذا سويت هالشي أجاوبه بدون ما أأكد عليه أوأحلف

 

[نظــ جديدة ــرة]

نظرة جديدة

والغيرة تسبب انعدام ثقة!!!
كل بنات حواء غيورات
وعندهم حب التملك لآدم
أنتي حاولي مثل هالمواقف ماتصير
بس لو صارت حاولي تمشي الموضوع
وبيني لزوجك أنك تحبي تجهزي أغراضه بنفسك

حبيبتي كيف اتخلص من الغيرة مع العلم اني واثقة من حالي بس الغيرة موقادرة أقضي عليها..خوفي أنها تقضي عليّ...
وبنسبة لزوجي وضحت له ...بس يعتقد اني غيورة ليه بس ما أحب أحد يجهز أغراضه موسبب يجعلني غيورة طبعا الان أعيش لوحدي ..

 

[أندلسية]

نظرة جديدة

هلا فيك حبيبتي
كنت أحب أبين لك
أن الغيرة عند الكل
وكلنا نحب نستحوذ على أزواجنا
بس هالغيرة لا تخليك ماتثقي بنفسك

وإذا هو متضايق منها لا تبينها عنده
وأنت مشي
أخته ولا عشيقته:shutup:
أهله ولا غيرهم

 

[أندلسية]

إنسي الأيام

أيش الأشياء اللي تخليه يعتقد أنه مايعتمد عليك
وتثير انتقاداته
إذا هي أخطاء أو اهمال حاولي تتجاوزيها
لا تخسري إعجابه

 

[أندلسية]

مثلا قبل النوم لازم يتاكد من الابوب مسكرة زين
واطفاء الانوار اللى مااااااااا له داعى

نفس الحركة يسويها شمولي
بس مازعزعت ثقتي بنفسي
لأنه هذا السلوك أنا أعتيره نوعا ما وسواسي
ومو حابة أمثل هالدور
فعلشان كذا خليه يسوي اللي يرضي ضميره
ومالك شغل بمبالغاته

 

[ازهار مبعثره]

رائعه
تصدقين قاعده اقرأ موضوعج اكثر من مره عشان اقدر افهم
مع اني والله كنت شاطره بالمدرسه وافهم من اول شرح
ههههههههههههههه

طيب ممكن ادش عرض >>> ماشاء الله شكلج خبره
انا متزاعله انا وياه هالايام وراكب راسه ولاراضي يسامح ولا يراضي كالعاده ينتظر اني اراضيه <<<مدلعته من تزوجوا
المهم
في حالة الشمالي
شنو انسب ردة فعل تكون مني
عشاان مايزعل والاهم اكبر بعينه ويشعر ان عندي شخصيه قويه
طبعا ما اقصد اني اراضيه

 

[تــولــيب]

يعني لما أحتاج وقت أدرس فيه رأيي أسأله ألهيه وبنفس الوقت يحس أني ماأطرح الرأي خبط لزق>>مثل أول​

هلا .. بالاندلس

ليش تسالينه وتلهينه ..!! عشان تفكرين في اجابه !!
ولا عشان ما يحسان حياتك خبط لزق !!!

 

[أندلسية]

ليش تسالينه وتلهينه ..!! عشان تفكرين في اجابه !!
ولا عشان ما يحسان حياتك خبط لزق !!!

كلهم
لاحظي كتبت وبنفس الوقت
طبعا مو دايم ..
غالبا القرارات الكبيرة

 

[تفّاحة القلب]

الله يجزاك جنات الخلود يا أندلسية طرح ولا أروع أموت على هالإسلوب المنهجي المنظم الله يجعلها في موازين حسناتك

بصراحه أول مره في حياتي أحس إني مثل التلميذه المبتدئة اللي حابه تتعلم وتفهم ومو قادره أكتب أي شي لاني وبكل بساطه توي أفتح وأفهم والفضل لله ثم لبنات المنتدى
وأرجووووووك يا أندلسيه إطرحي موضوع الثقة بالنفس بطريقة أكثر عمق وتوضيح أكثر مع ذكر بعض المواقف وكيف نتصرف بثقه
بالنسبه لي ثقتي بنفسي صارت متدنيه جدا بعد ما تزوجت من كثر ما كان ينتقدني زوجي الله يسامحه وأنا من كثر حبي له كنت مثل الهبله أحاول أرضيه وأغير من صفاتي عشان أنال إعجابه حتى الصفات الحلوة فيني كان ينتقدها وبمروور الايام حسيت نفسي مو نفسي وتغيرت كثيييييييييير لكن مو راضيه أنا مع أهلي واثقه من نفسي وإذا رحت بيتي كل شي فيني يتغير
وبعد ما قريت في هالمنتدى تعلمت أطنش هالنقد وأكون راضيه عن نفسي قنوعه بما عندي من قدرات
لكني لا زلت أفتقد ثقتي بنفسي أمام زوجي لدرجة أني أتجنب أن أتحدث مع أحد أمامه ولا أستطيع أن أكون طبيعية في حضوره لا أدري كيف يمكنني أستعيد ثقتي بنفسي أمامه
ودمتم في رضى

 

[تــولــيب]

للرفـــــــع ..

مازلنا بنقطه الثقه !!

 

[سنديانه]

هلا وغلا بك أندلسية ومشكوررررررة عالطرح الرائع


وهلا بك خواتي العزيزات على قلبي


بالنسبة للإختبار

تنعدم ثقتي بنفسي إذا زعل شمولي (عجبتني ) ورحت أراضيه أو أبرر موقفي
أو أدز له مسج وأسأل عنه كثييييييير واحيانا يكون هو الغلطان
أحس ما عندي ثقة بنفسي بس ألاحق وراه ودي أثقل شوي
بس مدري شفيني مخفوعة خخخخخخخخخخ:1eye:

وشي ثاني إذا شاورته في شي مثلا لبس لي يقول مدري عنك بسرعة خذي وخلصينا وأنا أجلس متررررددددة آخذ أولا ؟ يمكن ألقى أحسن ؟:dunno:
نفسي آخذه من غير ما أشاور وأروح أحاسب بكل ثقه :santa_1:

أدري مواقفي مو ذاك الزود بس فعلا أحس وقتها ما عندي ثقة بنفسي:busted_red:



أنتظر ردودكم

 

[فراشة جريئه]

هلا وغلا بك أندلسية ومشكوررررررة عالطرح الرائع


وهلا بك خواتي العزيزات على قلبي


بالنسبة للإختبار

تنعدم ثقتي بنفسي إذا زعل شمولي (عجبتني ) ورحت أراضيه أو أبرر موقفي
أو أدز له مسج وأسأل عنه كثييييييير واحيانا يكون هو الغلطان
أحس ما عندي ثقة بنفسي بس ألاحق وراه ودي أثقل شوي
بس مدري شفيني مخفوعة خخخخخخخخخخ:1eye:

وشي ثاني إذا شاورته في شي مثلا لبس لي يقول مدري عنك بسرعة خذي وخلصينا وأنا أجلس متررررددددة آخذ أولا ؟ يمكن ألقى أحسن ؟:dunno:
نفسي آخذه من غير ما أشاور وأروح أحاسب بكل ثقه :santa_1:

أدري مواقفي مو ذاك الزود بس فعلا أحس وقتها ما عندي ثقة بنفسي:busted_red:



أنتظر ردودكم

انااااااااااا معك في نقطه وحده وياااااليت اغير هذااا الطبع الباايخ :busted_red:

اني اشاااوره باللبس وهو ماله خلق اصلا بهذه السوالف ويقول خلصي

بس تدرين يااسندوسه اناااااااا عن نفسي في باالي شي خلاص اتفرج وافر

واحياانا ارجع اللي شريته لاني مو مقتنعه منه واروح ارجع للي في بالي

لان مردي له واشتريه خخخخخخخخخخ وش هذه اللفه نحب نلف روسهم احسك مثلي ماادري

بس لاااااااااااااتقولين مااعندناااااااااا ثقه بانفسناااااااااا :busted_red::busted_red: بعصب عليك خليك :santa_1: زي شيخ الجبل

وش قلنااااااااا وهذاا الدرس مهم :showoff:​

 

[تــولــيب]

هلا وغلا بك أندلسية ومشكوررررررة عالطرح الرائع


وهلا بك خواتي العزيزات على قلبي


بالنسبة للإختبار

تنعدم ثقتي بنفسي إذا زعل شمولي (عجبتني ) ورحت أراضيه أو أبرر موقفي
أو أدز له مسج وأسأل عنه كثييييييير واحيانا يكون هو الغلطان
أحس ما عندي ثقة بنفسي بس ألاحق وراه ودي أثقل شوي
بس مدري شفيني مخفوعة خخخخخخخخخخ:1eye:

وشي ثاني إذا شاورته في شي مثلا لبس لي يقول مدري عنك بسرعة خذي وخلصينا وأنا أجلس متررررددددة آخذ أولا ؟ يمكن ألقى أحسن ؟:dunno:
نفسي آخذه من غير ما أشاور وأروح أحاسب بكل ثقه :santa_1:

أدري مواقفي مو ذاك الزود بس فعلا أحس وقتها ما عندي ثقة بنفسي:busted_red:



أنتظر ردودكم

ماراح تتغيرين الا اذا شفتي نفسك ..وكانك في تلفزيون !!

تكلمك وحده وبينكم موقف.. وانتي مالج خلق لها !!
تقولين اف يــــــــــالله منها ذي .. شتبي ؟؟
وماتردين !!

بعد شوي تتصل .. واتصالها مستميت كانها تقول يانا يانتي !!
وانتي : اف .. ماتفهم .. مارديت اول مره .. يعني مابي ارد عليها !!

طرشت مسج ( حبيبتي .. ادري ازعجتج .. بس والله ما كان قصدي كذا وكذا .. انتي فاهمتني غلط )
وانتي .. اف .. كم مره تقولي هالكلمه ..فهمنا ..درينا .. ماقصدج !!

وتتصل .. وتلح بالاتصال ..الغبيه مافهمت انج ماتبين ردين عليها !!
قلتي انتي .. اوكي هي جابته لنفسها .. نعم . خير .شعندج !! انتي ماتفهمين .. مابي ارد الحين .. شفتيني مارديت .. ليه .. مستحيه منج !! لا !! صوتج مابي اسمعه !! وطاخ .. سكرتي الخط !!

....

اذا زعل بو الشباب .. نصيحه من عمتي ..وبنتها ,, وولدها ,,كلهم شماليين شرقيين ..
خليـهم .. تركيهم .. لا توقفين في وجه نيران لسانهم .. او نظراتهم اللي تخرق جسمج !! خليهم يبردون ..ويطيح الحطب !! وعقب .. عقب .. بيني اللي تيبن توضحينه !! حتى لو كانت السالفه كبيره ..

زوجي اذا امه وهي امه.. وزعلت عليه .. مايجيها ابد .. ابد .. اقول امك زعلانه .. يقول ..مو احسن لها ولا لي اني اجيها الحين !!هي بنفسها ماتبي تشوف رقعه وجهي !!!الزعل اللي فيها ماراح يخليها تسمعني !!

تحياااتي لج

 

[أندلسية]

أهلين بالحلوات

شخباركم اليوم مع الثقة:icon31:
طلعتوا كل النقاط اللي تضعف فيها ثقتكم؟؟:questionmark:



:icon-mos:أحيانا تكون الوحدة كاملة مكملة بس من كثر الرسائل السلبية(التحطيم) اللي تتلقاه من اللي حولها تنعدم ثقتها بنفسها..


فأول خطوة تسوينها علشان ترفعي ثقتك بنفسك:
لا تسمحي لأحد يعطيك رسائل سلبية
ولا تقولي أذن من طين وأذن من عجين
للأسف مو صحيح إن ما رديتيها عليها راح تدخل عقلك اللا واعي وتتصرفي بناء عليها


الخطوة الثانية:
شخصي حالتك بدقة
أيش الخلل ياترى
وين اللي مضعف ثقتي بنفسي؟؟
شكلي؟ مستواي التعليمي؟؟ مستواي الثقافي؟؟ أهتمامي بنفسي ؟؟ اهتمامي ببيتي؟؟ تاريخي معه؟؟ أهلي؟؟خيانته؟؟


الخطوة الثالثة:
العلاج
وأتمنى ياعسولات كل وحدة تعرض تجربتها باستعادة الثقة أيا كانت
أنا راح أكتب لكم بس مانستغني عن المشاركات الرائعة...

 

[ق و ت]

اختي اندلسيه من قريت كلماتكم فهمت ان انعدام ثقتي بنفسي كانت اولآ من اهلي والحين من زوجي الله يسامحهم جميع
مع اني ولله الحمد (جميله متدينه وخلوقه وطيبه ومثقفه وجامعيه ومتسامحه وموظفه بس مع كيذا شخصيتي ضعيفه وحساسه
بس مافهمت كيف لاتسمحي لاحد يوجه لك رسائل سلبيه ؟؟؟
كنت اقول اطنش بس فعلآ هالتصرف مايفيد ويزيد الطين بله

 

[أندلسية]

شكلي؟

هل شكلك هو السبب؟؟
أهو شيء تستطيعين تغييره؟؟
كالبدانة مثلا أو النمش أو تمرد الشعر؟
إن كان كذلك
فاسعي لتغييره
لأجلك أنت أولا
أشتركي بنادي رياضي
روحي لعيادة بشرة
زوري عيادة الأسنان
زوري الصالون
وأنطلقي
إلى متى تتركين هذا القيد البسيط يسيطر على حياتك؟؟
أعلنيها الآن وانطلقي


أما إن كان مما لا يمكن تغييره..
كتكوين جسمك أو قصر قامتك أو لون بشرتك
فخليك واثقة باللي عندك
وراح يمنحك الآخرون الاحترام
إذا كان حظورك وطلتك بثقة
ومهما قالوا لا تسمعين لكلام أحد
خصوصا القرينات لأنها أكثرها تصير غيره
وقفي قدام المراية وقوليها بابتسامة ماأحلاي
موصفات الجمال تختلف من شخص لشخص ولا يتفق عليها اثنين
أضرب لكم مثال:
أخوي يدور له على عروس يقولي تكفين إلا البيضاء أبي وحدة سمراوية مملوحة وتكون دبدوبة
أخوي الثاني يقول أبيها نحييييييييييفة عص يابس
فأنتي ثقي باللي عندك يحترمه زوجك وكل اللي حولك
واعتبري نفسك تحملين موصفات الجمال


مستواي التعليمي؟؟

طبعا مايحتاج أقولك أنه عمره المستوى التعليمي كان مقياس للشخص..
الإنسان بفكره ورقيه وتعاملة
خصوصا عند (ش/ش) مايهتم بالمستوى التعليمي
أهم شيء تكوني راقيه معاه وناضجة
ولو قالك ياليت تكملي أعرفي أنك مامليتي عينه من ناحية النضج
بهالحالة كملي دراستك وكثفي اطلاعك بما يخص الحياة-خلي السياسة والاقتصاد والفكر له-

مستواي الثقافي؟؟

تعرفي الرجال يخافون من المثقفة
لكن يعشقون الفاهمة اللماحة
لا تقعدي تفتحي معه الاتجاه والاتجاه المعاكس
أو تروحي تسوي حوار عن التنمية بدول الخليج
أو الأدب الحداثي
لااااااااااااااااااااا
بس أهم شيء أرائك تكون بقوة ولها مبرراتها
وأقرب للصواب

الرجال اللي يقول أبي زوجة مثقفة هو بالواقع مو فاهم حاجته
هو محتاج وحدة فاهمة وناضجة>>خصوصا الشمالي الشرقي
مايحب الطفلة أو الساذجة أو الغبية

مرة من زمان قبل لاأتزوج قريت بمجلة واحد كيف طلق زوجته بعد ماحاول يطورها ومافي فايدة
كانت المسكينة ساذجة بمعنى الكلمة
راح المسكين جاب لها مجلات وكتب وحاول يدمجها مع المجتمع وكان يقول(أبي أرفع مستواها الثقافي)
والمسكية ماأستفادت شيء لأنها (ساذجة)
فظلت (بسيطة) وأضطر يطلقها
فلا تبينين لزوجك أو أي أحد جانب سذاجة
ولو كنت ماتعرفين بشيء معين أسكتي ولا تكلمين
أعرف واحد
شمالي متطرف شرقي
وزوجته جنوبية شرقية
جدا منسجمين مع بعض وصار لهم 35 سنة مع بعض>>ماشاء الله
مشكلتهم أنها المسكينة جدا بسيطة وتحاول تحشر راسها بكل شيء سواء تعرفه أو لا
وش تتوقعون ردة فعله؟؟
يصرخ عليها بصوت عالي وينهرها ويقول لها أسكتي بس
ويحر كبدها لما يستشير حريم عياله(الناضجات) وبناته
والمسأله كلها أنه يحب الفاهمة الناضجة وهي على بالها يحب اللي تعرف لكل شيء


أهتمامي بنفسي ؟؟

مع زحمة العمل ودخول الصغار تبدأ الوحدة تهمل نفسها شوي شوي
وفجأة تصحى وتقارن نفسها ببنات اليوم وتقول: ويييييييييييين أنا وييييييييييين الناس؟؟
المسكين يشوف الناس توب وزوجته بالحضيض
خلاص لازم تنهضي وتخلي الكسل على جنب
وأول من يستفيد..... هو أنتي
راح تنفتح نفسك لكل شيء
وتستانسي
أعيدي ترتيب حياتك وخلي نفسك بالبداية
لك وقت أهتمام
ونظام لبس بالبيت وبرا
وهيئي كل شيء لتيسير التطبيق
خلي الاكسسورات قريبة
والملابس مصنفة (كل وقت لوحده)
والعطر برا
... وهكذا

 

[@ صفاء الروح @]

بقرأ الموضوع كامل و بجاوب على الأسئلة علشان ابدأ صح

انتظروني

صفاء الروح

 

[أندلسية]

بس مافهمت كيف لاتسمحي لاحد يوجه لك رسائل سلبيه ؟؟؟

يعني لا تسمحي لأحد يقول
أنتي ولا شيء
أنتي غبية
أنتي مو ذاك الزود

كيف لاتسمحين؟؟؟
إن كنت تقدرين تنفين هذا أنفيه
يعني قولي لا الحمد بالعكس أنا أشوف نفسي ذكية

وإلا ناظرية نظرة تحره وقولي بخاطرك والله مساكين ماتعرفوا على قوت الحقيقية

وإلا فيه استراتجية أذكر أخذناها بالـ nlp نزلي الستائر
لما يبدأ واحد فاضي يرسل لك رسائل سلبية
نزلي الستارة تخيلي تسحبي الخيط وتسحبي على أذانك وأنتي بجواتك ترددي العكس
لا والله ماعندها سالفة ذكية
وأنشغلي بتخيل الستائر

 

[أندلسية]

تنعدم ثقتي بنفسي إذا زعل شمولي (عجبتني ) ورحت أراضيه أو أبرر موقفي
أو أدز له مسج وأسأل عنه كثييييييير واحيانا يكون هو الغلطان
أحس ما عندي ثقة بنفسي بس ألاحق وراه ودي أثقل شوي
بس مدري شفيني مخفوعة خخخخخخخخخخ:1eye:

على كذا دايم راح تنعدم ثقتك بنفسك
لأنه دايم يزعل وكثيير يدخل كهفه لأنه شمالي(عملي جاف)وشرقي(نظامي ومغرم بالكمال)
فلاهو مسترخي ولا عنده سياسة الحلول السريعة والمرونة

أرحميه على كثرة زعلة وجفافه بس لا تفقدي ثقتك بنفسك علشانه
وعلى رأي فراشة أستفيدي منه وتعلمي الثقة منه

وعموما (ش/ش)
مايصلح تعتذري له
**لو أخطيت صلحي الخطأ وخليكي عادية معاه لحد مايطيب كيفه ويرجع
**ولو ماأخطيتي عيشي حياتك عادية لا تقربين ولا تبتعدين لحد مايطيب كيفه ويرجع
**ولو أخطأ على رأي وردة توليب بوقت الخطأ لا تواجهيه
بس بعدين لما يبرد وضحي له خطأه مو بلهجة اتهام ولا طلب اعتذار لا بلهجة حلوة وواثقة أنك ماتحبي هالتصرف وبس

 

[أندلسية]

ثاني إذا شاورته في شي مثلا لبس لي يقول مدري عنك بسرعة خذي وخلصينا وأنا أجلس متررررددددة آخذ أولا ؟ يمكن ألقى أحسن ؟:dunno:

لا تشاوريه
أكيد تقدري تتحكمي بذاتك

هو عموما الرجل مايحب مواقف الاختيار
فلا تخليه يكره الطلعة معك علشان هالمواقف

ولو أحتجت مشورة أطلعي مع أختك أو أحد غيره