زوجــي مافكر يســأل عني وشو الحــل ساعدوني

[همسات الماضي]

السلام عليكم ورحمته الله وبركاته
اهلا بأخواتي المحترمات
عندي مشكله وماعندي
انا توني ولاد وطبعا الولاد لازم تكون بيت اهلها لتحتاج الرعايه والإهتمام وطبعا بكر
من ولدت زوجي مافكر يرفع التلفون ويقول لي تأمرين على وشي او محتاجه شي
حتى يطمن علي مافكر يدق اويجي يمي يطل علي كم الساعه ابدا ابدا ماصار هالشي
الا اذا انا دقيت عليه وقلت ابغي هالشي من نفسه لا لازم حضرتي ادق عليه
ومع هذا يجيب الغرض
واحس هالشي متعبني ومتعب حالتي النفسيه بالمره
وحياتنه حلوه وعايشين مع بعض والحمد لله قبل الولاده
بس انصدمت صدمه منه حيل لما ولدت ماتوقعت طبعه كذا
مايفكر مجرد تفكير يدق ابدا مايدق وشو الحل ...! بليز
هذا كره وله هروب وله شنو افيدوني اخواتي بلييز​

 

[ḊḿṏṎṏǯ əļ7żภ]

ولله اتمنى اني افيدج بس ماعندي خلفيه عن هالشي..

بس يمكن الجنين مأثر فيه اذا كانت بنت واهو يتمنى ان يكون ولد..

اتمنى ان الاخواات يقدرون يساعدوونج

 

[همسات الماضي]

مشكوره اختي
بس جنيني متوفي في بطني ومااعتقد هالشي يأثر فيه
اذا كلمته عادي ومع شباب يطلع ويسهر بره
بس ماني عارفه

 

[شامخه بعزها]

مساء الخير
الحمدلله على سلامتك
الله يعوضك ويتمم لك على خير
اخيتي خوذي نصيحه مني خلي تفكيرك إيجابي مو دليل انه مايدق يعني يكرهك اويتهرب لا ممكن مايفكر ان اتصاله شي مهم عندك حسسيه بإنك تبغين منه
الله يفرح سمعك باللي يسرك

 

[دانــــه جدة]

غاليتي
يمكن وفات الطفل مأثرة عليه

ولاتنسي انتي عند اهلك وهو البيت فاضي عليه

حسسيه انك محتاجه له دقي عليه يجيكي وفهميه انك تبغينه دايمـأ قريب منك

يمكن هو حاس انك بعيدة عنه تقربي له وناقشي الموضوع معاة

قوليله انت مأتسال علي ؟

وتافاهمي معاة والله يوفقك تاكدي انها مسال وقت وان شاء الله ربي يفرج همك

ولاتنسيني من دعوادتك
ودمتي بحفظ الاله​

 

[همسات الماضي]

أختي شامخه
محسسته اكثر من مره وقعدت معاه وتفاهمت
بس مثل ماكان مافي شي جديد تغير
ومشكوره على مشاركتج

 

[همسات الماضي]

اختي دانه قعدت معاه وتقاهمت وحسسته اكثر من مره بس مافيش فايده
بالعكس البيت مو فاضي عليه
مسلي روحه مع اصاحبه
هذا هو بيسافر افكر اذا سافر مايسأل اذا قريب ماسأل
كيف وهو مسافر
مشكوره اختي على مشاركتك وطلتك الحلوه

 

[ملكة ^الأحساس]

الله يكون بعونك حبيبتي
والله يعوظك خير انشاء الله
بس زوجك لا تتركينه لا تعودينه
على التطنش والله مب من صالحج
دايم اتصلي فيه وطلبي منه يجي عندك
ولا تسمحين له يسافر لحاله حتى لو انتي
واثقة منه

 

[دانــــه جدة]

حبيبتــــــــي

مالك الى ان تلتجـــي الى الله والواحد الاحد

وعليكي بدعاء من الثلث الاخير من الليل والله بكحمته وقدرته يسهل لك امرك يارب

 

[صدفه جمعتنا]

عزيزتي لاتزعلين ولا تضيقين صدرك انا مثل الحي لي 9 شهور والده وبكر مثلك ويوم كنت بالنفاس مايسال عني دايم انا الي ادق عليه واقوله محتاجتلك وماكنت اشوفه الا كل اسبوعين مره يعني على مزاجه واتصالاته كانت قليله حتى يوم طلعت من النفاس اول رجعه لي للبيت كانت بهواش وتوقعته محضرلي مفاجاءه ولا شي بالبيت او مغير شي ولا حياة لمن تنادي
عادي هو طبعه كذا

 

[همسات الماضي]

حبيبتي ملكه الأحساس
والله ماني تاركته لحاله وكله ادق عليه وأسأل
بس كثر اتصالاتي احس كأنها اهانه انا انا انا الي اسأل وهو مايفتكر
هذ الي قاهرني
بس كلامك حلو ومقنع في نفس الوقت مشكوره بعد قلبي

دانه اشكرك مره ثانيه على مرورك

صدفه
والله شي يقهر الله يكون بعونك وعوني
يمكن الرجال كذا طبعهم واحد مالنا غير الصبر والتحمل
الله يهديهم ويصلحهم ويحسون بنا

 

[همسات الماضي]

افيدوني اذا تكرمتم

 

[دلع وكلي ولع]

غاليتي اولا الحمدلله على سلامتك
ثانيا الله يعوضك ان شالله بالولد الصالح بعدين حبيبتي انا اتوقع ان زوجك مشغول بس انتي نفسيتك متضايقه من الولاده ووفاه البيبي عشان كذا ماتقبلتي الموضوع وحسيتي انه قاصد البعد والا يمكن متضايق بعد عشان الولد ويبي يبعد مع اخوياه عشان ينسى لانه اذا شافك ممكن يتأثر ويأثر عليك لكن صدقيني مادام قبل الولاده عادي مابينكم شي مستحيل يكرهك فجأه والله يسخر لك زوجك ويعوضك ااامين :icon26:

 

[ام الغالي1]

عزيزتي لاتزعلين ولا تضيقين صدرك انا مثل الحي لي 9 شهور والده وبكر مثلك ويوم كنت بالنفاس مايسال عني دايم انا الي ادق عليه واقوله محتاجتلك وماكنت اشوفه الا كل اسبوعين مره يعني على مزاجه واتصالاته كانت قليله حتى يوم طلعت من النفاس اول رجعه لي للبيت كانت بهواش وتوقعته محضرلي مفاجاءه ولا شي بالبيت او مغير شي ولا حياة لمن تنادي
عادي هو طبعه كذا

والله انا حالتي مثل بالصبط يا صدفه... بس انا صارلي والده من 4 شهور... حتى طبعه متغير من ولدت....

 

[girls rock]

شوفي حبيبتي يمحكن ريلج ماعنده الخبره الكافيه او محد علمه انه المره من تولد لازم تمر عليها تشوف طلباتها

او عالاقل عشان ترحين حالج فكري جذي ... الحين اللي يهمج انتي انه يهتم فيج صح تعال اقولج

تتصلين عليه وزعي الادوار صح يعني اللي اقصده يوم اتصلي وقوليله ولهت على شوفتك والحجي الحلو

هاذا وتدلعي ونعمي صوتج تخيليه رفيجج وتبينه يهيم فيج استخدم كل انوثج زين هاذا شي والشي الثاني

مره دزي له مسج حب من الجرعات الثقيله وكلما عرفتي انه اهواا مع ربعه دزي مسج من هالنوع

يعني بالعربي خلي يصير تواصل بينكم دايماا سواء مسج ولا اتصال عرفتي

 

[لتوفي]

لالالالا اكثر الرجال هذا طبع فيهم انا وحده من قريباتي يوم ولدة كل الاربعين ماجاها زوجها يسال عنها رغم هذا ولده البكر ولله عادي ترا الرجال قلوبهم حجر الهم شي انتبهي لصحتك زين

 

[همسات الماضي]

مشكروه حبيباتي على مروركم ونصائحكم الحلوه
ربي يبعد عنكم وعني كل هم وله يوري احد اي مكروه
جزاكم الله ألف خير

 

[وحدة المشاعر]

يمكن ياحبيبتى اهو يستحى من اهلك اومنحرج انه يجي كل شوى عندهم