بلقيسيات الله ينور دروبكم ويسمح لكم رجاجيلكم
أنا متابعتكم لكن الصراحة موقادرة ألحق وياكم ماشاء الله عيني عليكم باردة
عندي طلب لفراشة ويا ليت المشرفات ينفذونة لنا (( أبي يكون موضوع الشمالي الشرقي قلبا وقالبا (صفات سلوك) كل ما يخصه في موضوع منفصل عن الردود حتى تتم الاستفادة لجميع الأخوات ))
لأني لا حظت كثرة المشتركات في هذا الموضوع
ثانيا والأهم فراشة جودي ... أفيدوني صراحة الوضع تحسن مع أبو الهول أفضل من باقي السنوات اللي فاتت لكن بصراحة في شي وايد تاعبني انه اذا كان تعبان او شي مضايقة يفش غله فيني وفوق هذا نستحمل لكن يقولي ان مو فاهمته وظاغطة عليه وايد في الطلبات والأموار (السبب إني من تزوجت ما كنت أطلب صح يعطيني واسكت لكن الحين الوضع تغير بعد عدة جلسات وانفجارات مني طبعا)
شرينة بيت وما خلص سكنه عشان نفتك من كلام الناس والأهل لأن سنتين واحنا نجدد على الراحة والمزاج (شمالي شرقي )كان له أولويات ثانية في بالة محد يعرفها من الأهل والحين ساكنة في طابق والطابق السفلي ما خلص المهم ان الوضع المالي حرج قليلا
أبو الهول ما خذ مني فلوس وكله يقولي دين وأنا أقولة عادي وساعات أزعل لكن الحين أقولة متى ما قدرت رده واذا عايرني انه عطاني مبلغ لشيء معين (مصرف أو نقود لعلاج الشعر) (يقولي أنا معطيج حق شعرج حق سيارتج ....
طبعا أنا ما قام يعجبني هذا الكلام أرد عليه والله أنا ما طلبتك بالنقود اللي تنقص من معاشي هذا الشهرين بسببك
يعني (من داخلي أقولة لا تشيل جميلة علي ترى كأنك ما عطيتني ) وأنا صراحة ما أطلبهم لأني أدري بالحال البيت ياكل كل شي لكن ما أقدر أكون كأني أنا اللي منشفته على الآخر لأن الواقع غير كلكم تعرفون أبو الهول
المهم ان كله يطفرني بسالفة الزواج من ثانية وكل مرة أتصرف بأسلوب غير مرة غيرة مرة زعل على دلع مرة استهزاء لكن أنا بداخلي صراحة نار ....
اذا وصل اليت يشوفني شي واذا طلع ورد مرة ثانية يشوفني شي ثاني الحمدالله مثل ما قتلكم تحسن عن أول
لكن كله يقولي اذا كان تعبان أو مضايق ان أنا موفاهمته وإن راح يسدد لي فلوسي ويعطيني اللي أبيه لكن لاتسأليني شنو راح أسوي ولا ليش سويت جدي(على العلم إني ما بطلت حلجي بكلمة أو حرف يدل على إني أبي فلوسي ردلي ياهم )
شنو سالفة هذا التهديد المبطن يسير معاكم نفسي ولا أبوالهول اللي عندي يقصد شي ساعدوني الله يخليكم[/quote
الله ان حالتك زى حالتى اساعدة في العمار ومنضغطين مرة بالمصاريف واذاطلبت شئ يمن على كانى اشحذه وصابر وساكته اقول كلها اشهر وتعدى بس اللحين ماله سالفه الا الزواج من ثانيه وانه من حقه واقول ليش تتزوج يقول انا ابغى جنس فقط والله انى ماقصرت معه في الفراشوالله ودى اعرف وش اخرتها مع هذا النذل
أنا زوجي يقولي أنا أذا بتزوج مو لحاجة جنسية أتزوج وحدة كبيرة (عانس) أستر عليها ولا أم لأيتام ....
يحسبني برضى ويقنعني هذا الكلام لكن على مين يا أبوالهول:bleh:
