الشرقي في المختبر******

[العروس الاسيرة]

سلام يابلقيسيات

انا مشكلتي مثل ملامح خجولة
والله كانها توصف زوجي
باستثناء انه يهددني بالطلاق على مشاكل تاااافهةتعودت اسمع منه انتي منت مجبورة علي
اذا تبين اطلقك طلقتك>>>>ساعتها احس اني مالي قيمة عنده واشعر بذل فضيييع والله يابنات انه احيانا
يقول اذا ماتبغيني قوليهاقبل مايجينا عيال
هو الحين سافر خارج المملكة واخر مشكله هددني بالطلاق تقريبا قبل اربع ايام
وزي ماقلت اشتكيته لاني حسيته بايع وما احس معاه بالامان بعد الان
ارجوووكم ابي حل يثلج صدري

فديتكم​

عزيزتي بالتأكيد انتي لم تطرحي هذه المشكله الا لأنك تحبين زوجك واكيد انه هو يحبك .......
وما فيه زوجين عسل ميه من ميه صدقيني ..
خصوصا اول سنوات الزواج لأن كل واحد يبغى يثبت وجوده وصحة كلامه ويبغى يمشي كلمته ....... هذا حال الجميع ...
غاليتي ابدأي بنفسك أولا .......
قال الرسول صلى الله عليه وسلم : (ان الله لا يغير ما بقوم حتى يغيروا ما بأنفسهم )
حاولي فهم شخصية زوجك ولا تكوني قاسيه وعنيده خليكي لينه شوي ومتفهمه حاولي تسيطرين على انفعالاتك حاولي احتوائه ....... ثقي بنفسك ...
ابحثي في مواضيع هذا المنتدى الرائع وصدقيني راح يتطور وضعك للأحسن واجعلي الاستغفار ملازما لك دائمااااااااااااااً ...........
واذا كنتي حاسه انك ماراح تقدرين !!! مع اني متأكده انك تقدرين وتقدرين وتقدرين بعد ..........
اطرحي مشكلتك في منتدى الاستشارات الزوجيه المتخصصه في مملكة بلقيس لان الموضوع كما ذكرتي فيه طلاق مع العلم اننا لا نعرف اذا كان نطق هذه الكلمه على لسانه جد او هزل .........
وحياك الله معانا ..

​

 

[بيالة شاي]

. والمع البيالات والفناجين .. ما اقصدج يابياله .. والسويت تقديم حلو .. يعني !!! حركات بركات !!

ههههههههههههه لا ارجوك لااحد يلمعني ...انا ابرق من غير شي :shiny:

 

[بيالة شاي]

يووه شوية مهووس...
انا اتخيله وهو يطلع من امه..يقول..ماما يمين يسار..لا يطيح راسي..وهات يارشادات..(سوري حبيبي لا تقرى بعدين تزعل مني)

هههههههههههه اي والله اتوقع الشرقي الصغير سوى فيني جذيه ....والله انا فهمت الشرقين اكثر يوم جبت شرقي جونيور خخخخ

 

[تــولــيب]

الشرقي مهووس بالكمال ويقود الاخرين اليه :icon26:

.......نعم ؟؟؟

ازاي ..

آرائكم في النقطه دي !!!

بيستخف ...

بيعلمني بعد شلون طريقه تنفس الولاده الصحيحه ..

مرة قلت له .. عسى العشى زين .. قال : ايه ..بس مرة ثانيه قطعي الدجاج اصغر عشان الصوص يدخل داخل .. مو يكون في الطبقه الخارجيه !!!

بل هو شلون طرت عليه هالشغلات !!!

 

[كيلويترا]

بصراحه انا عضوه جديده معاكم ونفسي اعرف ايش شخصيتي وشخصية زوجي لان بصراحه ماني عارفه اتعامل معاه هويمين وانا يسار ودائما كلامي يكون في غير محله وبصراحه ابغى اعرف ايش الصفات الي اكتبها عشان تشخصون شخصياتنا لاني احس اذا عرفت شخصيته زوجي اقدر اتصرف على حسب شخصيته وتخف شوي المشاكل بيننا ومشكوره على جهودكم الرائعه واتمنى لكم المزيد من النجاح

 

[ورده عسلي]

كلامك صح ميه بالميه بيالة شاي وفعلا قالي انتي تعانديني:crazy: قلت انا طلبت الي بنفسي وانت زوجي لو ماطلبتك اطلب مين قالي والله لو رحتها قبل ماترددت اننا نسافر مع بعض لاكن ابشري بعدين نروحها
طيب خلينا نتناقش موضوع الهدايا تعرفو احنا الحريم نموت بالهدايا :shiny: كيف الشرقي حريص انه يهدي زوجته وتهديه ولا ماتفرق معه

 

[روز الحب]

بيستخف ...

بيعلمني بعد شلون طريقه تنفس الولاده الصحيحه ..

مرة قلت له .. عسى العشى زين .. قال : ايه ..بس مرة ثانيه قطعي الدجاج اصغر عشان الصوص يدخل داخل .. مو يكون في الطبقه الخارجيه !!!

بل هو شلون طرت عليه هالشغلات !!!

ههههههههه
والله انك صادقه
ذكرتيني بموقف مع هالشرقي المجنووووووون بالكمال
مره كنت عازمه اهله عندي وصاحيه من بدري <<<ع غير العاده
وهاااااات ياتنظيف وتلميع وامشي قداام زوجي واقول في نفسي الحين بسمع سيل جاااارف من المديح والشكر
وشوي الشرقي المحترم ينادي علي وارروح اجري <<< على بالي بيمدحني :1eye:
قلت ها حبيبي خير:in_love:
قال شوفي هالبقعه الصغيره في الباب امسحيها الله يهديك عشان محد يشوفها
قمت امسحها وانا اقول في نفسي الله يعيني على هالشرقي

 

[العروس الاسيرة]

​

كل الشكر والتقدير لكل من سألت عن زوجي وحالته الصحيه
هيرت بيت - وردة توليب - الدلع قصيمي - الله معاي - بيالة شاي .
وكل من لم يحضرني اسمها
وجزيتم خيرا ............​

 

[العروس الاسيرة]

العروس الاسيره تقولي ان الشرقي يحب زوجته تكون مطيعه طيب بقولك وش صار معي وانصحيني

انا زعلت وعصبت وقلتله ليه كل ماطلب منك طلب ترفض وصار يهديني قلتله ابغى انام قال ماتنامي وانتي زعلانه وجلس يسولف وانا مالي نفس بعدها قالي صحيني الصبح وصحيته عادي بعدين قلت له مع السلامه قال لا خليك على التليفون شوي وسكت ماقلت ولا كلمه حس اني اكلمه بدون نفس وش اسوي اطنشه ولا اتصل عليه افتح معه الموضوع ثاني ولا لا

الفرصه الآن فرصتك لقلب الموضوع ..........
طبعا القاعه وانحجزت خلاص وما يصير يالغاليه تسببين حزازات بين الاخوان واساساً معروف ان المعاريس الذكور يكونون عرضه للضغط النفسي بسبب دخول الحياة الزوجيه اكثر من العرايس الإناث ........... ولا تقولين لي لأ ... او ما عندي سالفه ........ معلومه اكيده 100%
تجملي امامه وقولي له والله انا ما راح احرجك مع اخوك وهذي فرحتكم مثل ما هي فرحتنا صحيح فرحتي ناقصه !!!!!!!!!! لانكم ما حجزتوا قاعتي المفضله ....
بس تقدر انت تكمل فرحتي ............. سفرني لتركيا .... على شوية دلع وغنج .... وانشالله ما راح يقصر ..... والله يوفقكم
استغلي ايامك المقبله بتصفح المنتدى لزيادة معرفتك وثقافتك ............ ودمتي .​

 

[العروس الاسيرة]

...حب الشرقي للكرم والعزاايم ..احس يعتمد على كونه جنوبي اوشمالي ...اذا جنوبي يحب العزايم والرايح والجاي ..اما الشمالي ماتفرق معاه كثير ......

وبالنسبه لاكل امه ...بعد احسه اذا جنوبي بيكون متعلق بأكل امه ويحب كل شي يذكره بها ...اما الشمالي ماتفرق معاه

برررررررررررررافو ماشاء الله عليك اول مره انتبه لهذي الشغله بالفعل زوجي شمالي شرقي وينطبق عليه بالضبط ما ذكرتي ............
​

 

[العروس الاسيرة]

الشرقي مهووس بالكمال ويقود الاخرين اليه :icon26:
.......نعم ؟؟؟
ازاي ..
آرائكم في النقطه دي !!!

الا قولي مدمن وميئوس من حالته :no:..........
يبغى كل شي مرتب على الأخر .....
انا بصراحه اذا كان عندي غداء اوعشاء ( عزيمه ) لازم استعد قبلها بيوم ........ اجهز كل شي واخطط وارتب يومي اللي ما بعد جاء ..... الحقوني صرت موسوسه ...
لانه بصراحه ما يصبر واقف عند راسي ........... شنو سويتي ........... بس هذا ؟؟؟
لكن تصدقون أثر على شخصيتي وصارت هذي من احلى صفاتي
وعنده حكمتين يحبهما /
من عمل منكم عمل فليتقنه
لاتؤجل عمل اليوم الى الغد ........... يا سلام لو اقدر أجل اعمالي الى بعد اسبوع خخخخخخخخخخخخ
​

 

[العروس الاسيرة]

بصراحه انا عضوه جديده معاكم ونفسي اعرف ايش شخصيتي وشخصية زوجي لان بصراحه ماني عارفه اتعامل معاه هويمين وانا يسار ودائما كلامي يكون في غير محله وبصراحه ابغى اعرف ايش الصفات الي اكتبها عشان تشخصون شخصياتنا لاني احس اذا عرفت شخصيته زوجي اقدر اتصرف على حسب شخصيته وتخف شوي المشاكل بيننا ومشكوره على جهودكم الرائعه واتمنى لكم المزيد من النجاح

قومي اختي بعمل اختبار بوصلة الشخصيه وراح تعرفين نمطك ونمطه .

​

 

[حلا الجوري]

مساء الخير على حريم الشرقييين
:essen: بالنسبه للكرم و العزااايم مع الشمالى الشرقى مثل
ما ذكرت مشرفتنا الغاليه بياله شاى
مهوس بالكمال لا مو لـهدرجه
اهم شى عنده و بالدرجه الاولى اغراضه من ملابس و تلفزيون
جريده ........... :icon28: على اللى يلمس شئ
اما البيت لازم يكون مرتب و نظيف بس مو لدرجه انه ينتقدنى
على اى شئ روتينى بشكل ممل ما يحب شئ يتغير من مكانه

والصناعه والجوده مهمه جدا جدا جدا والبلد المصنع
مستحيل يشترى من اول محل او الثانى لازم يروح
لـ 10 محلات وبعد كم يوم يقرر ويروح يتكرم علينا
ويشتريه .... اذا رحت معه اطفش
صرت اقوله رح انت شف المحلات كلها واذا عجبك شئ
علمنى اروح معك ... و ارتحت من الدوراااااان

 

[تــولــيب]

بالنسبه لموضوع الكمال ... الشرقي لانه يهتم بالجوده !!

كل شي عنده من احسن شي !!!
الفاين .. انعم شي . :strongsad: .. عشان خشمه مايتقطع ..لو علي امش بطرف ثوبي ..عادي !! :evil_lol:
الاجهزة احدث مافي السوق .. المنظفات ..الاجبان .. الماي .. والله حتى الماي ..
اذا كان فيه شغلتين نفس الشي .. واحتار !! ياخذ الاغلى ..سعره فيه !!!


الصراحه .. انا كنت انسانه بسيطه .. كل شي يمشي عندي .. روح والسلام .. اي حاجه في اي حته !!
بس الحين !! علومي علوم !! :idea:
كل شي اطلع فيه عذروب .. وصرت انتقاديه اكثر .. وانتبه للكل شي ..المطعم .. لاتشتري من هذاك المطعم !! وع احسه وسخ !! لاتاخذ هالشركه ترى ضمانهم كانه وجيهم !!

اقروا هالسالفه !!

مرة طلعت عيوني .. بس الله ستر علي ..
كنا رايحين عشان نشتري مرحاض جديد .. عشاني حملت !!
طبعا الجنوبيه الجنغليه ..اول .. اول .. اول مرحاض بيج شفته ..طارت سكوني : قلت اخذه ,,هذا زين !! نبيه !!
:exclamationpoint:...احسب السالفه سهالات :crazy: .. قالي الشيخ .. مــمــمــم .. شوفي مو زين !! تحسينه نازل ..بيحب القاع ..مو زين !!

:exclamationpoint:...محل ثاني .. ايه هذا فضيع .. لا هذا ..شوفي ضيق .. مانرتاح وحنا في بيت الراحه ..السعه زينه !!

:exclamationpoint: ... المحل الخامس والعشرين .. وانا لساني طالع ..هلكت .. قلت : هــهـــهــذا .. ابداً .. مو زين شوفي البراغي مو حديد ..كم يوم وتطيح !!!
انا عيوني حولت .. وراسي صدع .. وقعدت في السيارة .. قلت : مرحاض .. مرحاض ..عجل مغسله وشور شبيسوي !!!


انا مانتبهت اصلا ..على البراغي حديد ولا انتبهت لطول وقصر وحجم المرحاض ... مرحاض والسلام .. مرحاض يقعدون عليه العالمين و ..... والسلام !!!

 

[تــولــيب]

اما البيت لازم يكون مرتب و نظيف بس مو لدرجه انه ينتقدنى
على اى شئ روتينى بشكل ممل ما يحب شئ يتغير من مكانه

هل يهتم بتغيير السرير ..مكانه.. الكفر .. والمخدات ..

ابونا .. كل يوم يشيل المخدات .. يـــــــــــوة ..!!! لازم هالشغلات ..؟؟ اقول ايه لازم .. احب اشوف غرفتي حلوه ..و كل يوم حزة النوم يقطها عشان اتملل من ترتيبها .. وانا : على مين ياعم !!! :idea:

لحد ما تغير .. اقوله : شوف غرفتنا .. راقيه .. بذمتك مو نفس الفنادق !!!

لحد مرة صارت المعجزة .. وقالي حلو لون المخدات الصغار !!!! :clap::crazy: صفقوا له !!

 

[حلا الجوري]

هل يهتم بتغيير السرير ..مكانه.. الكفر .. والمخدات ..


السرير مستحيل يتغير من مكانه تصدقين ورده حتى الجهه اللى ينوم فيها
ماااااايغيره لو وش يصير احاول لكن للاسف :no:

اما المخدات ليش كل هذا ... مخدتين تحت راسى تكفى وشوله هالحواااااسه

 

[تــولــيب]

هل يهتم بتغيير السرير ..مكانه.. الكفر .. والمخدات ..


السرير مستحيل يتغير من مكانه تصدقين ورده حتى الجهه اللى ينوم فيها
ماااااايغيره لو وش يصير احاول لكن للاسف :no:

اما المخدات ليش كل هذا ... مخدتين تحت راسى تكفى وشوله هالحواااااسه

لزوم الدلع !!!:cupidarrow:

 

[كيلويترا]

الف شكر لك حبيبتي العروس الاسيره ماتوقعت السرعه في الرد ماشاء الله عليك تحسسونني في هاالمنتدى زي الاخوات في تعاونكم وشاكره جهودك معاي وجزاك الله الف خير

 

[تــولــيب]

الف شكر لك حبيبتي العروس الاسيره ماتوقعت السرعه في الرد ماشاء الله عليك تحسسونني في هاالمنتدى زي الاخوات في تعاونكم وشاكره جهودك معاي وجزاك الله الف خير

هلا فيج ....

الا شنو يعني اسمج !!!

 

[*الدلع قصيمي*]

يابعد الدنيا ياوردة توليب...عسى شريتوا بس مرحاض..؟؟