كـــوني أنتــــي العشيـــقة وأسرقيـــه منها ؟؟؟

[زهرة الجوري]

فديييتج والله ماشاء الله عليج ماأدري يوم أقرا اللي تكتبيه إييني حماس مو طبيعي يالله كملي

 

[إطلالة مضيئة]

 

[Realady]

انشالله غلا جابر راح ارد عليج ولا تبجين عفيه تكفين لووووووووووووووووووووووووووووووووووووول الصورة تضحك الي حاطتها حسبي الله على ابليسج هههههههههههههههههههههههههههههههه تهبلين لوووول ، شوفوا انا ترى كريكرة على طريف يعني لما اشوف الصور الي تحطونها تضحكني بسرعة

 

[سلة فواكه]

ريل ليدي
واخيرا خلصت من القصه
ماشاء الله شقولج عندج اسلوب وطوله بال وشخصيه حلوه وقدره على الاقناع وذكاء وكل شي ربي يتمم عليج
طبعا ما يحتاج اقولج ان من اهم مواصفات برج الدلو الجمع بين الطيبه والتسامح مع القوه والصرامه وهذا ماشاء الله الي لاحظته فيج يعني تاخذين وتعطين مع البنات بالنادي لكن في ريد لاين لازم ما يطوفونه واذا طافوه تعرفين شلون تردين ,,, الله يتمم عليج عقلج وشخصيتج الحلوه قولي امين
اما شريهان والله شقولج مسكينه نموذج مع الاسف هو الغالب في مجتمعنا الخليجي وهي المراه الي تشوف نفسها بعين زوجها ,, تلغي شخصيتها وتنسى روحها وتحذف ذاتها فقط للحفاظ على الرجل وما تدري انها بهذا الاسلوب تطفشه مع الاسف .... تكون حلوه وجميله وعندها قدرات لكن مع الاسف لما تتزوج تحطهم فوق الكبت وتنساهم ,,, الله يرد لها زوجها مثل ما كان واحسن يااارب ويسخره لها
ناديووووو واااااه من ناديه استغفر الله كرهت الاسم بسببها ,,, هذي شيطانه في صوره انسانه تذكرني بوحده مثلها ,, سبحان الله ما تيأس ولا تتعب ولا تمل وتوصل للي تبي لانها متصالحه مع ذاتها ولانها تعطي رسائل ايجابيه لمخها ,, وايد تفكر بتفاؤل وايجابيه من جذي تحصل على الي تبيه بسبب التفكير الايجابي ياليت بس الكل يتعلم منها ومن اشكالها ,,,,, ما بدعي عليها ولا شئ بس بقول الله يهديها عن الي هي فيه ويرجعها لصوابها



يالله طولت عليج بالتحليل ماشاء الله علي ههههههه ,,, وابي اشوف نهايه حلوه ان شاء الله

 

[هدهد]

ناديووووو واااااه من ناديه استغفر الله كرهت الاسم بسببها ,,, هذي شيطانه في صوره انسانه تذكرني بوحده مثلها ,, سبحان الله ما تيأس ولا تتعب ولا تمل وتوصل للي تبي لانها متصالحه مع ذاتها ولانها تعطي رسائل ايجابيه لمخها ,, وايد تفكر بتفاؤل وايجابيه من جذي تحصل على الي تبيه بسبب التفكير الايجابي ياليت بس الكل يتعلم منها ومن اشكالها ,,,,, ما بدعي عليها ولا شئ بس بقول الله يهديها عن الي هي فيه ويرجعها لصوابها



يالله طولت عليج بالتحليل ماشاء الله علي ههههههه ,,, وابي اشوف نهايه حلوه ان شاء الله

ناديه من اللي غرتهم الحياه الدنيا وغرهم بالله الغرور .. اي الشيطان ..
لانها تمشي في طريق كله دمار وهلاك ...ولانها من جند ابليس الي احب جنوده اليه واقربهم من يأتي ويقول فرقت بين فلان وزوجه ..
ناديه شي طبيعي انها ما تعاني مع نفسها ...لان هواها ووسوسه ابليس تصب في ذات الاناء ...شي طبيعي ان ابليس يشجعها ويدعمها بطريقه ايجابيه ...الضلال اللي عايشه فيه ناديه امثالها هو طريق ابليس المزين بالورود.​

 

[إم أند إمز]

والله يا اختي ريل ليدي عيشتيني الجو
وما قدرت أطلع ليين أخلص القصة:sadwalk:

وكل هذا عشتيييه ويمر عليج في دوامج؟؟؟ صج ينطبق علييج المثل

آآآه يا قلبي يا كتاكت ياما شايف وساكت:crazy:​

 

[نهج العيون]

مشكوووووووووووورة حبيبتي ع القصة المعبرة واللي استفدنا منها وااااااااااايد

الله يجزيج خير الغااااااااااااالية ما شاء الله كتابتج للقصة فوق الممتاز ....

 

[سلة فواكه]

ناديه من اللي غرتهم الحياه الدنيا وغرهم بالله الغرور .. اي الشيطان ..

لانها تمشي في طريق كله دمار وهلاك ...ولانها من جند ابليس الي احب جنوده اليه واقربهم من يأتي ويقول فرقت بين فلان وزوجه ..

ناديه شي طبيعي انها ما تعاني مع نفسها ...لان هواها ووسوسه ابليس تصب في ذات الاناء ...شي طبيعي ان ابليس يشجعها ويدعمها بطريقه ايجابيه ...الضلال اللي عايشه فيه ناديه امثالها هو طريق ابليس المزين بالورود.​

الله استانست يا هدهد لما قريت تعليقج
اموت على ردودج ماشاء الله
صحيح الي قلتيه وانتي ماشاء الله اخبر مني بهالسوالف
بس بعد من خلال القصه وسرد ريل ليدي كانت تقول ان ناديه وايد متفائله وتفكر بايجابيه
وهذا التفكير بحد ذاته حلو يخلي الانسان يحصل على ما يفكر فيه طبعا احنا نستخدمه فيما يرضى الله ورسوله
مو مثل ناديووو بنت ابليس ,, فعلا يا قلبي مثل ما قلتي جند من جنود ابليس الي يفرق بها بين المرء وزوجه الله يبعد عن ازواجنا هالنوع من الجنود الضاله
ومشكوره على تعليقج فرحني واااايد

 

[sm1980]

بارك الله فيكي حبيبتي قصة رائعة ومتعوب عليها لقد استفدت الكثير من قصتك ومن المواقف التي حصلت معك ومع شريهان
انا بانتظار التكملة

 

[سكون...]

الله يسعدك يارب

 

[براءة حلم]

:blush-anim-cl:نحن بانتظارك من اروع القصص اللي قراتها
ونوع مثل نادية موجود كثير بينا الله يعافينا من هالاشكال
صحيح اختي ريل ليدي المراة منا لازم تعيش حياتها وتدور عالفرحة والسعادة بوجود الرجل او عدمه اهم شي تكون سعيدة لان طبعهم الخيانة ليش نضيع عمرنا بهم ونكد
هم بيدور ع كل شي يسليهم حتى لوكان بالحرام واحنا كمان لازم نكون اميرات نشوف نفسنا مش شوي اكثيييييييييييييييييير
:flex::flex::flex:
وعليهم بالعافية بالقذرات امثال نادية وغيرها :msn-wink::msn-wink:

 

[القلب الأبيض]

شي رهيب 3 أيام أنا أقرى القصه شي ممتع بتعليقاتج وشي محزن للي يصير لأختنا شيريهان نسأل الله أن يرد لها زوجها نادما راغبا ويعميه عن بنت ابليس هاذي ..لا حول ولا قوة الا بالله شي والله يعور القلب هل وصلت الدرجة في زوجها انه يستسهل الحرام ...انا قاعدة أفكر لو الله ماخذ أمانته واهو قاعد يزني معاها شنو بيقول حق رب العالمين ؟

قلبي صج عورني

ريل ليدي اسم على مسمى يا بخت ديرتي فيج والله وأفتخر عندي أخت نفسج وشكلي بييج النادي أتدرب عندج حدي بطة وأبي أضعف بالرقص هههههه


كملي عزيزتي نحن بالانتظار

 

[نبع الحياة]

من اروووووع ما قرأت
بس يا ريت يالغاليه تردين على سؤال الاخت شعلة نشاط

بخصوص موضوع عدم نشر الغسيل وابقاء الامر بيينا سر لكسر انف الزوج وجعله يرى معدننا الطيب

هل هذا ينطبق اذا على الضرب يعني في حال ضرب زوجي لي هل ازعل واذهب بيت اهلي ولا اخبر احد؟؟؟

او يكون الحل بتفاهم الرجال مع بعض اي ان اخبر اهلي ؟؟؟؟

وتسلميييين انا عن جد استفدت من موضووووعك جداااا جدااا

والحلو في القصه انها على الهواء مباشره

 

[* نفس تواقه *]

الله يسعدك

ويروقك الجنة

 

[فيحاء]

ماشاء الله عليك وعلى تفكيرك السليم يدل على شخصيــة غير عاديــة

جزاك الله خير ،،،،

 

[اشراقة قلب]

رزقك الله راحه تملأ نفسك
ورضا يغمر قلبك
وعمل يرضي ربك​

ووفق الله لما يحب ويرضى ​

​

 

[تووب سكرت]

يسلمووووووووووووووووووو يا قلبي امتعتينا والله

 

[مدي الحب]

وووووووووووووووووووووووووووووووووووووووينك ككككككككككككككككككككملي

 

[Realady]

رد لمدى الحب

وووووووووووووووووووووووووووووووووووووووينك ككككككككككككككككككككملي

حبيتي مدى الحب قاعدة اكتب التكملة الحين انشالله اخلص قبل لا يطلع الصبح الجزئية الي بايدي

 

[Realady]

سباق نادية وشريهان نحو الهدف

استأذنت شريهان وطلعت من الشغل ، وبالطريج اتصلت عليها حماتها اخت زوجها ردت شريهان : مريــــم هلا والله J ، ردت مريم: هلا والله في مرت أخوي اشلونج انشالله بخير ،قالت شريهان : انا الحمدلله بخير واليهال بخير ، انتي اشلوج؟ ردت عليها مريم: احنه بخير بس مشتاقين لج أبوي قالي اتصل عليج اتحرش فيج ،ضحكت شريهان ويه عمي شخباره J ،عطيني خل اسلم عليه ،قوة عمي شلونك ، العم : هلا والله يابنتي جي عاد تسوين هذي سوات بالله ، يابوج انتي بنتي الثانيه من عقب مريم وخواتها ،لاتسوين جي مرة ثانيه ، وزوجج مهما تناجرتوا يحبج مامر يوم واهو يقول اشلون اردها ؟؟؟ في أحد يزعل على هذولي اللي بالتلفزيون هذولي مانشره عليهم يابنتي ،مفصخين مايستحون ولا ستر ولا حيا حمد الله والشكر الكريم ، تقول رديت عليه عمي أي تلفزيون لوووول ، قالها :مادري عنج يقول متهاوشه معاه عشان وحده بالتلفزيون تطلع بالله اهو ووين واهي وين عشان يحاجيها بالتلفون K تقول شريهان حزتها مثل اللي يكبون علي ماي بارد ، وقلت لااااااااااا في قلبي بس بلعتها ، وقلت :مايخالف اقتبست له العذر قلت يمكن مايبي يضيق خلق أبوه وخاصة انه والدينه كبار حيل ومساكين وعشان خاطر عيالي ومايندرى يمكن صج هذي تشتغل بالتلفزيون على الأصوات الي سوتها تصلح للتلفزيون القنوات الفاصخه أعوذ بالله ... المهم سكرته منهم ورحت البيت أكمل شغلي وأشيل أغراضي ، وبيني وبينج عقب ماسمعت كلام أبوه ظليت أطالع بالشغلات الي كنت مزهبتها حق الليله العشا ، وبغيت اهون بدت عيني تدمع جان اتذكر واقول خل ادق على فلانه(الي اهي انا) اتصلت علي ، وقالت لي : امبيه ادري اذيتج بالاتصالات بس قولي لي أي شي كلميني أحس انه مكبوته قلت لها: لي بعد انتي مو طلعتي تبين تخلصين شغلج شنو الي تغير مو دز لج ورد على الدوام شنو الي تغير ؟؟قالت لي : عن اللي قاله ابوه ،قلت لها : سمعيني عدل (انتي ياشريهان ماتبين منه شي ولا انتي بحاجة له انه يونسج الليله استانسي انتي بروحج وبلبسج ومكياجج واعتبريه مجرد مكمل للسهرة يطريج بكلام غزل وكلام حلو وحتى لو مو من قلبه وأدري انه لو مو من قلبه بيضايقج بس عيشي اللحظة نفسها لحظة بلحظة على فكرة هذي الطريقة اللي قاعدة أقولها حق شريهان هي الطريقة نفسها الي تعيشيها نادية وغيرها من العشيقات مع الرجل فهي لا تبحث عن الحب والهيمان في عينيه بل تعيش لحظة السعادة التي تخلقها هي وتشركه هي بها برغبتها!!! فما يكون منه الا أن يشاركها هو بتعلقياته الرقيقة وكلامه المعسول وحنانه المفرط وبطريقة حرة غير مجبر عليها والغالب الكلام يكون مو من القلب ولكن من الداخل ،في رجال يكون هذا الكلام في بالهم الرجل ووده لو يقوله لزوجته ولكن لأنه الزوجة تقوم بفرض بعض القيود عليه بحجة انه عيب والا كبرنه والا ماعرف هالكلام وووو فتلقينه يتعمق بالكلام ومرات يوصل انه يمتدح حتى مناطق الحساسه في جسمها(العشيقة)، وهنالك بعض الزوجات الله يهداهم ممن تقمن بفرض هذا الكلام على الرجل عن طريق شكواها له بعدم اهتمامه بها وعدم التفاته عليها وبانه لا يتحفها بكلامه المعسول.الشكوى الدائمة من الزوجة بأنه لايهتم فيها وأنه مهملها تحسس الريال باللاشعور انه هذي مسؤولية ولازم يتحملها (الاهتمام فيها) ،فيصير مثل الملزم ومثل ماحنه عارفين الرجال هني ماشالله عليهم الغالبية مايحبون الالتزام J ، والنتيجة انه ينحاش شوي شوي ويتهرب ، ينما العشيقة تخليه براحته متى ماييه كيفه مايبي ايي بكيفه والريال هني يكيف مثل الياهل تلقينه يحب اللي يخليه على كيفه يحوس بروحع ويلعب بالالعاب ومتى ماطق براسه ايي للي يدلعه يركض J وهني اغلب الحالات يصير انه الريال يتعود على العشيقة ويمكن مع التعود يتحول إلى حب ، فيكون كلام الرجل للعشيقة من الداخل من القلب ويحبها صج .



، صدقوني في من نادية كثير وبقمة الجكر والعياذ بالله الحمدلله والشكر ولكنها تحصل على كل ماتريد منه من حب وغزل وغنج ودلال ومال وحلال ليش يا ترى لأنها ماتحسسه بجكرها وانها طايحة بجبد نفسها المهم كملت وقلت لها تذكري انه اهو الي ييه يتسامح منج اهو اللي بحاجتج مو انتي بحاجته ، تذكري انه اهله اتصلوا عليج يسلمون ويرحبون بردتج من غلاتج عندهم ، تذكري انج رجعتي بيتج مرفوعة الراس شامخة ،تذكري انه جذب على اهله عشان يداري غلطته بجذبه سخيفة تبين عن مستواه ووين وصلتذكري كله هذا وحمدي ربج مليووون مرة انه خلاج تشوفين كل هاللي مريتي فيه عشان تعرفين قيمة انسانه انخلقت بالوجود اسمها شريهان ، حمدي ربج انه انوجدت هالانسانه (العشيقة) عشان تصحيج من غفلتج وتلتفين على اللي مابين ايدينج الحمدلله والشكر لك يارب ، قومي الحين مسحي دموعج وتسبحي وروحي الصالون سوي شعرج وتمكيجي وتبخري وتكشخي ورجعي بيتج مثل الأميرة وطلب العشا على ذوقج لأنه الحفلة على شرفج الليله وتعاملي معاه بالطريقة الي انتي تبينها ، وان وباللحظة الحميمة انشالله تحكمي انتي بالموقف وصدقيني بتحشين بالفرق وبتحسين بمدى الرغبة عند زوجج فيج ، هالرغبة راح تحسسج بإنج انتي صج اللي مالكة الموقف وبإيدج تكملين وبايدج توقفين ولو وقفتي لاتدزينه والا تتخانقين لا حتى لو تتعذرين تقولين تعبانه شوي وأبي انام وخليه اهو الي ايي يحاول يداريج تذكري هالكلام عدل وحطيه حلقة بأذونج ولو سمحتي لو سمحتي سكري تلفونج وياريت لو تغيرين خطج بعد أحسن ، قالت لي : ليش لوووول هذا جني بهاجر ، قلت لها : بس احسن اعتبريها بداية يديده وغيريه وايد احسن طبعا (من كانت له الحيله فليحتال فانا احتلت عليها ) قلت لها: الليله لما تتكلمون وتتفاهمون قولي له انه انتي اشتريت خط يديد وكنتي تبينه تغيرين خطج عشان خلاص كل شي ينتهي وكل واحد يروح بطريجه بس لوما انه اهو طلب انه تتصالحون كذا مرة والا جان ماتراجعتي ، قالت لي: فكرة حلوة بس ماعندي خط الحين ،قلت لها : انشالله تشترين انتي قريب مو تنسين ترى بعدين يقول هذي كانت تجذب وميته علي ماتبي تغير خطها ،ردت قالت لي : لا والله ماكو شغل ميته عليه لا بغير الخط ، قلت لها : مو تعطينه حق أي احد ليمة تستقر الحالة بينكم انشالله وتتعدل انشغلي في بيتج وحياتج ابينها من الأول نولاحقة على الاوادم والهذرة ، (طبعا الغاية عرفتوها انه لانادية ولا رفيجتها يوصلون حق شريهان ) خليكم معاي وللحديث بقية J