سمو الطيــب
New member
- إنضم
- 2008/05/27
- المشاركات
- 28
السلام عليكم ورحمة الله وبركاته
شخباركم حبايبي؟
خواتيه اكيد الكل منا عنده راس مال ولو كان بسييييط والكل منا يحلم ويسعى جاهد لاستثمار هذا المال وتنميته بالوحه المشروع
فجميعنا يعلم بان العمل التجاري خير من الدخل الوظيفي بكثير
عشان جيه انا قررت خواتي انا نسوي استثمار خاص بنا بعيد عن المحافظ والبلاوي اللي نسمعها كل يوم ..
والاستثمار بيكون في مجال العقار ( وبنكون بعيدين كل البعد عن الفنادق وهالسوالف خواتيه وان شاء الله بنتجنب الشبهات قبل الحرام والله يغنينا بحلاله عن حرامه )
الضمانات بتكون عقود موثقه وكل شخص بيستلم عقد باسمه حسب المبلغ المساهم فيه
وعشان يكون شغلنا صح ووفق الشريعة الاسلاميه وبعيد عن الحرام الضمانات بتكون لحفظ الحقوق وعدم التعدي وليس لضمان راس المال لان الكل بيشارك في الربح والخساره وكلنا بنكون كالبنيان المرصوص وع قلب واحد بإذن الله ..
اما نسبة الربح كل اللي اقدر اقوله انها ما بتكون اقل عن 10% شهريا
في الاسبوع الاول من بدايه كل شهر بنجمع المبالغ من 100 الف فما فوق
اما الاسبوع الثاني بنجمع فيه المبالغ من 100 الف فما تحت
والارباح بتتوزع بعد 6 شهور من بدايه الاستثمار وبعدين بتبدا تنزل شهريا من تاريخ 10 - 15 من كل شهر
وفي حال حبيتوا انكم تسحبون راس مالكم لازم تخبروني قبل 3 شهور خواتيه عشان اقدر ارجعلكم مبالغكم بدون ما تأثر باجي الاطراف المشاركة في الاستثمار
هاي الفكرة بالتفصيل واللي يأيدها يا ليت يكتب في الموضوع واذا شفت الردود مشجعه ان شاء الله بنبدا بالتنفيذ
بانتظااااار آرائكم
