اقولكم انا قصة صارت معاي لما كنت في بيت ابوي قبل ما اتزوج...
كنت وقتها صغيره في الاعدادية وانا اصغر اخواتي ... قاعدين انا واخواتي كلنا في الصاله تحت وكانوا ابوي واخواني طالعين رايحين المزرعه والوالده كانت في بيت جدي يعني مافي في البيت الا انا واخواتي الاربعه وكنا في عز الشتا،،،،، كنا قاعدين اللي تشوف تلفزيون واللي تتكلم في التلفون واللي تذاكر وانا كنت ابرد اظافري خخخخخخخخ ... فجأة نسمع صوت كان احد يضرب على باب بس مو باب الصاله... خفنا تروعنا متنامن الخوف وكل وحده تناظر الثانية .. وكانت اختي الكبيرة شجاعه شوي قالت لنا تعالوا نشوف من وين جاي الصوت .. رحنا عند باب المدخل كلنا ماسكين ايادي بعض من الخوف بس الصوت ماكان من المدخل رجعنا لباب المطبخ ماكان في صوت واحنا بعدنا نسمع صوت الضرب... قامت اختي الكبيرة واخذت المخمه الطويله اللي فيها عصا خشب ورحنا عند باب المجلس واحنا نقرب نسمع الصوت يزيد ويزيد ويقوى ... حبسنا الانفاس قلنا اكيد حرامي وعرف ان احنا بنات بنفسنا في البيت ... قامت اختي وجهزت نفسها ومسكت العصا عشان تعطيه على راسه ... وتجرات وفتحت الباب الا ينط علينا ذاك القطو الاسود يمممممممممه .... واختي تضربه من الخوف مغمضه عيونها وتضربه واحنا نقولها بس حرام عليج ذبحتيه وهي تقول هذا جن هذا جن .... هههههههههه مسكين القطو خذله ضربه ماعمره عرفها ... وطلع القطو بردان ويدور مكان دافي يقعد فيه...ههههههههههههههههههه اش رايكم في الموقف؟
