مشكلة اسلوب سيء وتسرع في الحكم وقله الثقه بالنفس

السلام
حبيباتي انا اسلوب كلامي موحلو ودائما اتسرع في الحكم على الاشياء ولا اعرف اقنع احد وغير واثقة من اي شي اسويه خصوصا اذا كان عندنا عزومة ما افكر الا متى تخلص لان احس ان مامني فليدة طينتي ثقييييلة مع اني مرحة وطيبة القلب بس مشكلتي انا مو رزة

مرحبا rorona كيفك ان شاء تمام

شوفي ياقلبي انتي ماينقصك الا ثقة في نفسك فقط وراح نفصل ردك حبة حبة

اول شي تقولين اسلوب كلامي مو حلو انتي سمعتي احد قالك هذا الشئ ولا تقدير منك؟ وحتى لو احد قالك شوفي نقاط الضعف الي عندك وطوريها ونقاط الحلوة وركزي عليها اقرائي كثير في كتب تنمية الذات وركزي في قرائتك على المشكلة الي تضايقك خليك طبيعية ولا تتصنعين والي يبي يحبك بيحبك زي مانتي واكيد فيه ناس تحبك

بعدين دائما تسرع في الحكم على الاشياء اسهل طريقه تاني وخوذي وقتك بالتفكير ممكن تستشيرين من تثقين به

واذا كان عندك عزمة تتمنين متى تخلص عادي حبيبتي فيه كثير كذا يشيلون هم الشئ الين يخلص على خير فخليك كووول وسوي الي عليك وخلي الباقي على الله

بعدين ماتجتمع الطينة الثقيلة والمرح اكييييييد انك مرحة بس يبيلك شوية ثقة

والشئ الثاني تقولي مو رزة حبيبتي اكيد فيك اشياء حلوة غيرك يتمناها ومو محصلها اهتمي فيها وفي نفسك دللي عمرك اسئلي احد يحبك تثقين في رئيه وش الاشياء الحلوة الي فيك

واهم شئ احبي نفسك بصدق عشان الناس تحبك والثقة انتي توحين بها لناس فيدكون انك واثقة من نفسك

والله يوفقك