يا استشاريات ويابنات اشيروا علي بسررررررعة

الياقوتة السمرا

الياقوتة السمرا

New member
إنضم
2008/05/30
المشاركات
293
:detective2:انا أحب السفر واجد راحتي النفسية فيه في الطبيعة والخضرة ونفسي مرة اسافر بس قبل سنتين انصدمت من خيانة زوجي ليه في سفرة له مع شباب لنفس المنطقة اللي كنا نروحها لكن بعدها تاب ورأيت اثر التوبة عليه بس الله العالم بالقلوب ماني متأكدة
المشكلة فيَّه الآن هل أصارحه واقول نفسي اسافر انا وانت بس تعترفلي وش اللي صار بسفراتك اللي كنت فيها لوحدك مع انه حلف لي قبل انه ما زنى والمهم هو الآن معايه معتدل ولله الحمد والمنة
بس في نفسي كلام ودي اسمعه اياه وخصوصا انه وعدني نطلع نتمشى اليوم ايش رايكم اتكلم معاه اليوم وافضفض اللي بداخلي واقوله فضفض واعتبرني صديق لك عشان اعرف طبيعته وهو مع شباب ولا اسكت واكتم، بس احس اني بانفجر من الداخل
اشيروا علي ارجوكم اللي تدخل الآن المنتدى تشير علي فهو المتنفس الوحيد لي
وابغى اسمعك يا سامية الروح
الله يسعد كل من تشير علي وتفهمني
 
هذا قبل سنتين والأيام مضت ولا شي بين ليش لجبين حق عمرج المشاكل مادام عندج اثبات ليش تحفرين في الماي لا تأمنين بس بعد لا تخونين مدام انه يمشي ومعج اوكي احسلج اهتمي بعمرج وانسي هالخرابيط وبعدي عن الشيطان اللي يدور لج المشاكل لأن ابليس يحط بجنبه الشيطان اللي يفرق بين المراءة وريلها في جنبه على عرشه في البحر فتعوذي من الشياطين ولا تقولين ولا هم يحزنون وخلي الضحكه باينه عليج :shiny:
 
شكرا ريانة قطر على تفاعلك معايه واتمنى من كل قلبي ان يرزقك ما تريدين ويسعدك في الدارين بس مشكلة السفر ايش اسوي افتح موضوع السفر معاه ولا بلاش
 
خلاص حبيبيتي دام انه شئ صار لا تحكي معاه وترجعي الهم و المشاكل لقبلج يعني مهما كان صريح ما يروح يقولج كل الي سواه كوني متاكدة من هالنقطة و هو له خصوصيات اكيد ما يحب احد يشارك فيها حتى لو كنتي انتي انتي خليه ينسى و ذكريه بالله دائما و انبسطي معاه ودعي عن حب الاستطلاع ترى والله ما يجيب الا النكد اساليني انا
الله يوفقج حبيبتي
 
شكرا يا المنقبة الله يسعدك وينويلك اللي في بالك بس انا طفشانة ابا اسافر بس خايفة يرجع ويشوف الحريم وانقهر
 
اعتقد والله اعلم يعتمد على المكان الي بتسافريله مثال سوريا لبنان المغرب اندونيسيا انسي تماما الروحه لهاذي المناطق او المناطق الي سافرلها وهو عزابي عشان لايرجع الذكريات انصحك روحي سريلانكه طبيعه وخضار جناااااان واهم شي حكايه الحريم حتكوني ملكه جمال عندهم لاني سافرت سوريا بصراحه انا انخبلت على اشكالهم مو عاد زوجي اكيد انهبل ورحتها مره ثانيه بعد ماالتزم ولله الحمد ماقدر يجلس فيها غير خمسه ايام وسافرنا عكس اول كان يجلس بالشهور شكله خاف على نفسه من الفتنه ههههه الله يعيننا على رجالنا
 
انا حاسه فيج واا كان عندج القدره على فتح الموضوع بس بدون انفعال او مشاكل حلو عشان ترتاحين نفسيأ
 
شكرا رعبوب 555 بحاول اكلمه وان شاء الله ما اتردد ولا تدمع عيني وغذا قدرت خبرتكم
 
الله يهديج اختي يعني مافي الا اندونيسيا اللي بتريحج؟؟\

بلاد الله واسعة والعالم مليان طبيعة حلوة وخضرة روحوا ماليزيا ولا كيرالا في الهند روعة وسيرلانكنا وجزر المالديف كلها تجنن مب لازم اندونيسيا
 
اكتبي الكلام اللي ودك تقولينه له على ورقه وطلعي فيها كل قهرك وبعدين قطعيها او احرقيها فورا

المهم لا يشوف الورقه زوجك وانسى اللي صار

وانتي بتفكيرك للخيانه تجذبينها لك لا تتشائمين وتفائلي بالخير تجديه
 
ماليزيا طبيعتها شبيهة باندنوسيا ....
ومافيها زواجات وخرابيط ...
(سمعت انه في مطارات اندنوسيا يعرضون خدماتهم عالخليجين ويوزعون أوراق... زواج شيعة ... زواج سنة .... من غير زواج)
وكمان ماليزيا مهيأة أكثر للسياحة... وبعدين غيري..أحسن من التكرار..

أما بالنسبة للمشكلة الأساسية وهي خيانة زوجك لك هنا ... فأعتقد ان الموضوع انتهى بعد أن أخذ حقه ...

انسي ولا تبيني له أنك مازلت تذكرين.... (فالموضوع منتهي)
ولكن كوني حذرة ... وكوني معه كظله..
أزال الله همك
 
احساس الزهور قال:
اكتبي الكلام اللي ودك تقولينه له على ورقه وطلعي فيها كل قهرك وبعدين قطعيها او احرقيها فورا

المهم لا يشوف الورقه زوجك وانسى اللي صار

وانتي بتفكيرك للخيانه تجذبينها لك لا تتشائمين وتفائلي بالخير تجديه
أنقر للتوسيع...

هذا بالضبط ما وددت ان اكتبه لك

لا تخربي الطلعة على زوجك ...والله بعدين راح يكرة يطلع معك

بالعكس ...انتهزي هذه الفرصة و خليه يتعلق فيك بروحك الحلوة المتسامحة ..بدل ما تنكدي على نفسك

عزيزتي ...من طبعية المراة انها تحب ان تعرف التفاصيل ...تفاصيل اي حتى خيانة زوجها لها ..ولكن هذا ليس لصالحك عزيزتي ...سامحي و اغفري ...وانا اعرف ان من الصعب النسيان ...ولكن ربي يمسح على قلبك

سافري و استمتعي بحياتك مع زوجك

الا يكفي انه تاب ... ربي يغفر و يسامك فما بالنا نحن البشر لا نغفر و لا نسامح

ربي يسعدكم
 
الأخوات ماقصرو بس ماحبيت ااطلع بــــــــــــــــــــــــــــــــــــــــــدون مشاركتك
نصيحه لا تصارحينه مادامه يمشي عدل معاك
 
كبري دماغك بتدوري عالنكدليه
عرفتي التفاصيل وبعدين شوهتسوي هتتطلقي ولاتتخانقي كله اخره نكد
كبري دماغك وعيشي وقتك مع زوجك واستمتعي بيه
 
شكرا لكل من شاركتني برأيها وآرائكم على العين والراس على قول دونيا123 لو عرفت التفاصيل ايش حسوى مغير بموت من القهر زيادة
بس انا حرمة واحب التفاصيل الله يهدينا جميعا
 
اللي فاات ماااااااااااااات ولاتخربين حياتج حمدي ربك عليه في ازواج خيانه عينك عينك لا اعتذار ولا شي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل