حملة ((والله لأجيب خبره)) للمملكات و المتزوجات حديثا

ابتسـ أمل ــامة

ابتسـ أمل ــامة

New member
إنضم
2008/06/11
المشاركات
349
السلام عليكم ورحمة الله وبركاته

كيف الحال يا عرايس عساكن بخير؟؟

:essen:__حملة والله لأجيب خبره__:showoff:

موضوعي هاذا تابع لموضوعي القديم

وهاذا الرابط للي ماشافوا الموضوع
http://www.niswh.com/vb/showthread.php?t=67580


بس اهني عندنا حمله
عشان نتعاون ونشجع ونساعد بعض

خلونا نتفق على انا نجيب خبر ازوجانا :bigsmile:
والي اقصده انا نخليهم يمووتوون فينا ومايقدرون يستغنون عننا

و اهم شي هالفتره عشان هو الحين يكون صوره عنج ومن هالصوره يتبرمج مخه على ان زوجتي جذي و يتعلق فيج
بس اهم شي ماتبدلين جلدج و لما تتزوجون تلبسين جلدج القديم
لا ياحبيبتي كوني على طبيعتج كوني مثل ما انتي
بس

انتي الحين كبرتي وصرتي زوجه
يعني النصف الآخر لرجل وشريكة حياته
وهالرجل منتظر منج الكثير و لازم مجبوره تعطينه
فلا تغفلين عن هالشي و اسعديه عشان تكسبين قلبه
وتعيشين بحب و مافي شي احلى من الحب:icon26:


قوانين الحمله:
الي تشارك لازم ترد مب تراقب من بعيد و ماترد علينا
و الي تشارك تعصر مخها و تحط لنا افكار عشان الكل يستفيد
و كل فكره تطبقينها من الموضوع السابق قولي كيف كانت النتيجه عشان تشجعين الباقيات
و ابا مشاركات يوميه او اسبوعيه كلما تسوين شي على طوول دشي واكتبي و استفيدي وفيدي

عشان صدقوني يا بنات الارتباك و التوتر يضيع علينا وايد هالفتره
بس لو حسينا ان في حد في نفس الوضع بيخف الارتباك
لو شفنا غيرنا جربو بعض الاشياء ونفعت بنندفع انا نقلدهم

عشان جذي شاركو يا بنات ولا تدعو الفرصه تفوتكم:icon30:

يلا الحين انتظر مشاركاتكم واذا مالقيت تفاعل بشيل قشي وبطلع من المنتدى:busted_red:
و بتخسرون وجودي :sadwalk:
>>تسوي فلم هندي خخخخ

يلا بنات شدو حيلكم ترى مالنا غير بو الشباب لازم نصير سووبر وومنز عشان نسعده​
 
يلا ان شالله معاكم بس انا مو مررره جديده يعني 6شهوور ماشالله :)
 
والله يا ريت
انا محتاااااااجة اجيب خبر اللي عندي
مجنني
جنوبي غربي بااااارد
وما يبين مشاعرة
كل الشغل علي
بس احس اول خطوة انك تكوني مرحة لما تكلمية وبحسك نبرة الفرح فيه

هذا ينبسطون منها مرة

خليك عادي بهالفترة جاك او ما جاك .. اتصل او ما اتصل .. عاتبي بدلع وخيال ومسرحيات

اي شي تحسين فيه قولية لا تخبين احساسك على حلالك .. بس لا تتعدين الحدودو عاد


عاد يالله ننتظر حركات جديدة

تشاوو
 
ضميني وياج يا ابتسامة أمل..!!

وأوعدج أتضامن وياج في هالموضوع..المهم أرضي بو الشباب..!!

المهم لي طلة على موضوعج السابق..وراجعه أقولج نتايج اللي سويته..!!
 
انا مملكة وزوجي جنوبي غربي


انا اهم شئ لمن يزعلني ماارضئ بسرعه
عشان يخسب حساب انه مايزعلني

وان راضاني اشيله بعيوني

وهو الحمد الله مجنون فيني لاني اعطيه كل اللي ابيه


اهم شئ اعطيه الحنان واكون رقيقه وناعمه


لان سحر الانثى برقتها وانوثتها
 
* أول فكرة طبقتها..إني تركت له شيء في سيارته يذكره فيني..!!
هو كان يحب ريحة عطري وااااااايد..وعطري كان نينا ريتشي وهذه صورته:
518606310.jpg


الصراحة هو استانس على الحركة..ويقول لي دايما يرش منه عشان يتذكرني..!!


وأقول للبنات..كونن دايما رقيقات وعفويات ..وفيكم من الطفولة الكثير..تراهم يحبون هالصفات..
وبيني له إنج تخافين عليه..وسمعيه كلام حلو..ولا تقولين أستحي>>>قولي حق عمرج هالرمسه..!!

ترى أنا واااااااااايد أستحي..بس أحس ريلي ما يعيبه مستحاي الزايد..أنا من كثر ما أستحي منه..ما أطالع ويهه يوم أرمسه..كله منزله راسي وأتكلم..!!

ولي عودة..دامني انضميت لهالحملة..
 
موضوع رااااائع

وان شاء الله اكون معاكم

انا مملكة من قبل سنه

وزوجي جنوبي غربي

هو حساس ور ومنسي وطيب

واكثر شي متعبني اني لازم انتبه على كل تصرف معاه لانه يلاحظ كل شي

واهم شي الاهتمام ومااهمله
دايم احسسه انه اهم شي

هذه نبذه بسيطه ولي رجعه للموضوع
 
هـ ـــ ـلا قال:
والله يا ريت
انا محتاااااااجة اجيب خبر اللي عندي
مجنني
جنوبي غربي بااااارد
وما يبين مشاعرة
كل الشغل علي
بس احس اول خطوة انك تكوني مرحة لما تكلمية وبحسك نبرة الفرح فيه

هذا ينبسطون منها مرة

خليك عادي بهالفترة جاك او ما جاك .. اتصل او ما اتصل .. عاتبي بدلع وخيال ومسرحيات

اي شي تحسين فيه قولية لا تخبين احساسك على حلالك .. بس لا تتعدين الحدودو عاد


عاد يالله ننتظر حركات جديدة

تشاوو
أنقر للتوسيع...
ماشاااءالله حلوو حلوو
فعلا مرات يتصل يكون مثلا مزاجه سيء وانا عارفه هالشي بس احاول اتغاضى و اول مارد هلا حبيييبييي بكل دلع صدقيني يغير اسلووبه هلاا ..... >>>اسم دلعي الخاص فينا ههههه
وبعدين لاتكثير مكالمات وخليه هو الي يتصل دووم و اذا عاتبج ليش ماتتصلين قوليله حبيبي اخاف اتصل في وقت مايناسبك ماحب احرجك واعرف انك يوم بتكون فاضي بتتصل فيني

من ناحية اني اقول الي احس فيه هي في البدايه صعبه وانا الحين شوي شوي احاول
مثلا مرات خااطري اقوله ان خاطري احضنك بس استحي طبعن اقولها
فأحاول ارسل له مسج او ابيات شعر فيها كلام جذي


مشكوره ع المرور يا عسل و حيااج ويانا
 
الشوق وبس قال:
ضميني وياج يا ابتسامة أمل..!!

وأوعدج أتضامن وياج في هالموضوع..المهم أرضي بو الشباب..!!

المهم لي طلة على موضوعج السابق..وراجعه أقولج نتايج اللي سويته..!!
أنقر للتوسيع...

حياااج الشوق وبس و واايد يسعدني تفاعلج ويشرفني انج قريتي موضوعي السابق و انتظر رجعتج
 
سكر زماني قال:
انا مملكة وزوجي جنوبي غربي


انا اهم شئ لمن يزعلني ماارضئ بسرعه
عشان يخسب حساب انه مايزعلني

وان راضاني اشيله بعيوني

وهو الحمد الله مجنون فيني لاني اعطيه كل اللي ابيه


اهم شئ اعطيه الحنان واكون رقيقه وناعمه


لان سحر الانثى برقتها وانوثتها
أنقر للتوسيع...

انا عكسج
اول مايراضيني ارضى
اصلن مايتعب نفسه يراضيني
يتصل يكلمني عادي وهو عارف اني زعلانه
واذا يلست اعاتبه بدلع يقولي شو فيج انا اقصد جذي ويعدل كلامه بس انا على طووول ارضى
اصلن انا شخصيتي جذي بسرعه ارضى مب اتصنع هالشي

فعلا اهم شي تشبعينه حنان و حلوه الرقه و النعومه
اسعدني تواجتج و طلي علينا بين فتره وفتره
 
الشوق وبس قال:
* أول فكرة طبقتها..إني تركت له شيء في سيارته يذكره فيني..!!
هو كان يحب ريحة عطري وااااااايد..وعطري كان نينا ريتشي وهذه صورته:
518606310.jpg


الصراحة هو استانس على الحركة..ويقول لي دايما يرش منه عشان يتذكرني..!!


وأقول للبنات..كونن دايما رقيقات وعفويات ..وفيكم من الطفولة الكثير..تراهم يحبون هالصفات..
وبيني له إنج تخافين عليه..وسمعيه كلام حلو..ولا تقولين أستحي>>>قولي حق عمرج هالرمسه..!!

ترى أنا واااااااااايد أستحي..بس أحس ريلي ما يعيبه مستحاي الزايد..أنا من كثر ما أستحي منه..ما أطالع ويهه يوم أرمسه..كله منزله راسي وأتكلم..!!

ولي عودة..دامني انضميت لهالحملة..
أنقر للتوسيع...

حلوووو يالشوق وبس
هالحركه حلوووه و فعلا حلوه الرقه و العفويه و الطفوله
بس مادري انا طفوليه زياااده عن اللزوم والله ماتصنع بروحي جذي بس مرات ريلي يتضايق من هالشي يعني حلو انج تكونين طفوليه بس في نفس الوقت مب مثلي زيااده زيااده شوي كوني بعد وحده كأنج كبيره و عمرج 50 سنه بالرزانه و الثقل و الحكمه
و عن المستحى هم صدق يعيبهم بس يملون لان شي في خاطرهم وهالمستحى مانعهم من انهم يلاقون هالشي

حياج و نترياج ياالغلا
 
ورده ذهبيه قال:
موضوع رااااائع

وان شاء الله اكون معاكم

انا مملكة من قبل سنه

وزوجي جنوبي غربي

هو حساس ور ومنسي وطيب

واكثر شي متعبني اني لازم انتبه على كل تصرف معاه لانه يلاحظ كل شي

واهم شي الاهتمام ومااهمله
دايم احسسه انه اهم شي

هذه نبذه بسيطه ولي رجعه للموضوع
أنقر للتوسيع...
مثل زوجي
هو دقييييييييييق جدا
وانا وحده ولا اعرف الدقه هههههه
يعني تحسيني فعلا ماهتم للوقت ماهتم للنظام صح اني منظمه في حياتي بس هو دقيق يعني يحب الدقه و كل شي بحسابه ومرات يسألني اسأله ما اتوقعها ولا اكون حسبت حسابها اصلن الحين صرت احسب حساب كل شي خخخخخخ

و ننتظر عودج يالغلا
 
عندي حركة سويتها .. جننت حبيبي

لمن كانت حفلة الشبكة .. وبعد ما لبسني .. طلبت منه مفتاح السيارة .. وهو فكر اني ابغاه علشان احبسة عندي ما يروح ويطول ..

طلعت برا ولبست عبايتي وكنت محضرة له هدية ( كبك + مداليه+بوك مونت بلانك) ومغلفته باللون اللي يحبة .. وطلعت حفتحت السيارة وحطيت الهدية على السيت اللي يسوق منه

ورجعت وعطيته مفتاحة .. اول ما طلع وقبل يفتح الهدية كلمني وفتحة ويياي .. وهااااااااااات يا كلام عسل
 
حلوة حركتج يا هلا..!!

شوفي بعض تجاربي ويا بو الشباب..!!

* مرة كنا سايرين السينما..وهو مدخلني فيلم كله فيه مشاهد ذبح وصوت رصاص ومن هالسوالف..وأنا عاد أكبر خواااااااااافة..على طول كنت منزله راسي ومغمضه عيوني..عقب شوي مسك ايدي..وقال لي: إذا
 
حلوة حركتج يا هلا..!!

شوفي بعض تجاربي ويا بو الشباب..!!

* مرة كنا سايرين السينما..وهو مدخلني فيلم كله فيه مشاهد ذبح وصوت رصاص ومن هالسوالف..وأنا عاد أكبر خواااااااااافة..على طول كنت منزله راسي ومغمضه عيوني..عقب شوي مسك ايدي..وقال لي: إذا الفيلم مخوفنج بنظهر..قلت له:لا أنت في خاطرك تشوفه..بكمله وياك..!! وكملته وياه وأنا نص الفيلم مغمضه..!!
بس يوم طلعنا..حسيت من كلامه إنه عجبه خوفي ودلعي..مع إني ما كنت أصطنع هالشيء..!!!

*ومرة كان عنده إجازة لمدة أسبوع وكان يسهر ويايه في السوالف لين ما نسمع الأذان..عقب أسبوع خلصت إجازته..واضطر إنه يرقد بسرعة..عاد أنا كنت متمللة..الساعة 2 ونص..طرشت له مسج فيه أشواقي ومشاعري..وإني اشكثر متضايجه اليوم..وهو واااااااااااااايد استانس على الحركة..!!

* صح عندي ملحوظة لاحظتها..وهو إنه كل ما كانت المسجات بأسلوبج وتكتبين فيها مشاعرج هم يستانسون..!!
اكتبي كل اللي في خاطرج..وطرشيه..وشوفي النتيجة..!!

ولي عودة حبيباتي..
 
حلوة حركتج يا هلا..!!

شوفي بعض تجاربي ويا بو الشباب..!!

* مرة كنا سايرين السينما..وهو مدخلني فيلم كله فيه مشاهد ذبح وصوت رصاص ومن هالسوالف..وأنا عاد أكبر خواااااااااافة..على طول كنت منزله راسي ومغمضه عيوني..عقب شوي مسك ايدي..وقال لي: إذا الفيلم مخوفنج بنظهر..قلت له:لا أنت في خاطرك تشوفه..بكمله وياك..!! وكملته وياه وأنا نص الفيلم مغمضه..!!:flex::nosweat:
بس يوم طلعنا..حسيت من كلامه إنه عجبه خوفي ودلعي..مع إني ما كنت أصطنع هالشيء..!!!

*ومرة كان عنده إجازة لمدة أسبوع وكان يسهر ويايه في السوالف لين ما نسمع الأذان..عقب أسبوع خلصت إجازته..واضطر إنه يرقد بسرعة..عاد أنا كنت متمللة..الساعة 2 ونص..طرشت له مسج فيه أشواقي ومشاعري..وإني اشكثر متضايجه اليوم..وهو واااااااااااااايد استانس على الحركة..!!

* صح عندي ملحوظة لاحظتها..وهو إنه كل ما كانت المسجات بأسلوبج وتكتبين فيها مشاعرج هم يستانسون..!!:idea:
اكتبي كل اللي في خاطرج..وطرشيه..وشوفي النتيجة..!!:in_love:

ولي عودة حبيباتي..
 
مساااااااء الخير اول مشاركه ليا في المنتدى
انا مملكه تقريبا 7شهووور مشكلتي انو شديد الملاحظه ذبحني لازم انتبه لكل شي
والصراحه عجبتني حركه مفتاح السياره يلا خلونا نستفيد من بعض
تحيااااااااااااتي للجميع
 
انضم معكم لي من ملكة توني بعد كم يوم بدخل شهر 6

بس نصيحتي مو كل شئ ينجح على وحدة ينجح ع الثانية لأن انا زوجي شمالي بعض الحركات الجنوبي يموت فيها هو عنده سخافة مثلا انا عطيته هدية باقة ورد بعد ماملكنا بكم يوم لأني بسافر وانا بطريق مر بيتنا يأخذها تخيلوا تركها بالسيارة لحد ماعفنت ورمها و عتابته شوي قالي انا لا تعطني ورد مااحب الورد يعني حركات الورد مايحبها

بجيب لكم الأفكار لي تعجب خطيبي الشمالي الشرقي

ان شاء الله افيدكم

صفاءالروح
 
:blush-anim-cl::blush-anim-cl:

أنا عطيته هديه

وكانت فكرتها أنه هو كان يشجع فريق معين رحت جبت علم هذا الفريق طيب بعدين اشتريت ساعه واشتريت قلب كله ورد صناعي محفور في النص حطيت الساعة داخل القلب ولفيت القلب بالعلم الفريق وحطيته في صندوق قلب مجلد بجلاد حلو وحطيت عطري في العلم طبعا :cupidarrow: وخليته يغمض هو معاي في بيتنا وعطيته الكيس حطيته بكيس من كرتون محطوط عشرة اسباب تخليني اهديك و مغطية العشرة الأسباب بقلوب ماتبين :in_love: اول شئ طلع الصدوق فتحه شاف العلم شعار الفريق في الوجه انصدم مات فرح :smoke1::in_love:بعدين فتح العلم وشاف الساعه :in_love:قالي لبسني اياها :in_love: ولبسته وجلسنا بعدين نفتح القلوب لي بالكيس كل واحد يفتح قلب يقرأ بصوت عالي :in_love: كانت حركة حلوه وحبهاااا مووووووت


ان شاء الله تعجبكم

صفاء الروح:bye1:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل