مقتطفـــــات جميلة من يوميــــات (زوج) ...

  • بادئ الموضوع بادئ الموضوع (A7LA)
  • تاريخ البدء تاريخ البدء
A

(A7LA)

New member
إنضم
2008/04/15
المشاركات
2,878
قصة رائعة بكل معنى الكلمة و فيها الوف الفوائد للمتزوجات يعرضها صاحبها بأسلوب فكاهي محبب و قريب من القلوب ... أجزم انكن ستقضين وقت رائع بصحبة الكاتب ...​










( 1 )​




انتهيت من ارتداء ملابسي _ و أنا أخفف الخطي_ حتى لاأوقظ حرمي المصون من نومها الهانئ .. فالساعة الآن السادسة والنصف صباحا ولا يزالأمامها ست ساعات من النوم اللذيذ ...​



خانني الحذر فارتطمت قدمي _ أثناء لبس الجورب _ بالسرير فأصدرت صوتا خجولا ولكنه كان كافيا لإيقاظ ذلك البلبل النائم ليسمعنيزقزقته المحببة...​



.... هو أنت ما تعرفش تلبس من غير ماتصحينى.... آ آ آ ... أسف جدا غصب عنى رجلى خبطت في السرير​

.... طيب ما تخرج تلبس بره
.... ألبسبره فين في الشارع مثلا
.... نعم ... إنت بتتريق على
.... لأ لأ بس ألبس فين
.... ما تلبس في الصالة إنت مش عارف إنى نايمه الساعة ثلاثة وسهرانه بأبنك طولالليل وسيادتك نايم بتشخر
.... طيب خلاص من بكره حلبس في الصالة
......
....
..
وصلت إلى مكان عملى وجلست إلى مكتبى و أنا أتميز منالغيظ ... بعد قليل وصل زميلى وألقى السلام فأجبته باقتضابسألنى زميلى
.... خير مالك شكلك متضايق
.... أبدا مفيش
.... إسمع أنا عندى ليك خبرحلو
.... يارب سترك ما انا عارف اخبارك
.... عندى ليك عروسه
.... عروسه !!!! يا أخى أنا ناقص
.... إسمع بس دى لقطه
.... طيب ما تتجوزهاسعادتك
.... لا دى أصلها مطلقة ولا تصلح لى انا لسه ما دخلتش دنيا . وهى مشعايزه منك حاجه
.... مش عايزه منى حاجه إزاى امال حتتجوزنى علشان اعملها نومالعازب
.... لا مش القصد دى يا سيدى عايزه تتجوز بنظام المسيار
.... آآآآآآهانا سمعت عن الموضوع ده لكن ده حقيقى
.... ايوه حقيقى ما انا بقولك أهو
.... انت بتتكلم بجد
.... ايوه دى جارة والدتى
.... يعنى معديه الثمانين
.... لا لا اصبر بس دى صغيره يدوب اربعين
.... اكبر منى يعنى ، لكن انااصلا حتجوز ليه ما انا متنيل متجوز
.... لا يا ريس دا انت حتبقى ديك البرابر
.... ديك !!!! إيه تشبيهات الفرارجيه دى
.... لا لا انا قصدى انك حتكون اخردلع
.... والله الواحد يفكربدأت أفكر و أفكر إنه عرض يستحق التفكير فعلافلأخذ وقتى قليلا​





يتبع ​
 
ههههههههههههههههه

بس معقوله يتزوج على البلبل بتعته

الله يعين مايخرب الرجال الا الرجال

ننتظر باقي القصه

يسلمو
 
في انتظااااااااااااارك بشوق وشغف :cupidarrow:
 
مشكوره حبيبتى

لكن بدايتها تشابه ...موضوعك (مذكرات زوج معدد)........

يمكن تشابه ؟؟؟؟؟
 
حب عذري هذا زوج من نوع آخر ... تابعي معي يا الغلا
 
فى المساء كنت جالسا اتصفح الجريدة بينما تشاهد حمامة السلام المذبوح مسلسلا الى جوارى



اخذت اقلب فكرة الزواج فى عقلى ، ما تأثير ذلك الزواج على البيت والاطفال ستكون صدمه كبيرة ، كيف ستكون صورتى امام الاهل والاقارب ، كيف ساواجه كل تلك العواصف ؟


ولكن ما الداعى لان يعرف احد بذلك سيقتصر الامر على زيارة او زيارتين كل اسبوع ، من الممكن ان اخفى الامر تماما ، وحتى لو علمت الحمامة بالموضوع فستكون احرص الناس على الا يعلم به مخلوق حتى لا تشمت الاعادى _ وما اكثرهم _ فيها


لماذا احرم نفسى من كل راحة ؟ اليس من حقى ان اجدد حياتى واعيش سعادة مفتقده ؟
آآآآه ما أجمل مثل هذا الزواج بدون تحمل اى مسئولية


سرح بى الخيال واخذت ارسم تفاصيل تلك الاوقات الجميلة التى ساقضيها مع شهرزادى الجميلة


اصل الى منزلها فى الموعد المضروب _ بالتاكيد لن تتصل بى على الموبايل وانا على بعد 100 متر لتطلب منى احضار رنجه وحفاظات وصابون


سادخل الى ذلك المنزل الشاعرى لاجد الهواء مشبعا بعطر انثوى جميل واضاءة من الشموع الخافته بينما شهرزاد تقبل فى قميص وردى رائع لتصب فى أذنى همسات الحب والشوق الى اللقاء


نجلس لتناول اجمل الطعام _ الذى لم اقض نصف عمرى فى جمعه من الاسواق _ فتضع شهرزاد حبات الفاكهة باصابعها اللدنة فى فمى مباشرة.


.... إنت يا اخيناااااااااااااااااااااااااااا


انتفضت كمن صفعت قفاه على حين غره وانا ابسمل مرتعبا وقلت وقلبى يدق بعنف من الهلع


..... فى إيه بتصرخى ليه كده يا ست انتى

..... عماله اكلمك وانت سرحان ومش حاسس ، سرحان فى ايه ان شاء الله ( وهى ترفع حاجبا يضارع قوس النصر شموخا )

رددت متلعثما

..... لا مفيش

..... مفيش !!! امال لو فيه كان حصل ايه

.... طيب سعادتك عايزه ايه بالضبط

..... ابدا عايزه سعادتك تقول حتاكلوا ايه بكره

( اللهم لا حول ولاقوة الا بك )

..... اى حاجه تعمليها

..... لا يا سيدى ما تقليش اى حاجه ، قول عايزين تاكلوا ايه علشان الخدامه ( لفظ تطلقه على نفسها من باب اذلالى ) تعملهولكم

..... خلاص رز واى خضار مع لحمه

.... طيب قوم فك الستائر

( ما انكدك يا امرأه )

.... ستائر إيه

.... ستائر الجيران ( بتهكم بغيض ) حتكون ستائر ايه ستائر الشقه علشان توديهم يتغسلوا ولا عايز امك اما تيجى يوم الجمعه تقول على مش نظيفه

.... الستائر نظيفه وزى الفل احنا مش لسه غاسلينهم من شهرين

.... شهرين ؟؟؟؟؟؟ طبعا هو انت دارى بحاجه ، لا ده كان من ست شهور وانا من شهرين عماله اقولك تفكهم وانت كل يوم ليك حجه

( لا فائدة من هذا النقاش لأنهين تلك المهمة طلبا للرحمة .... آآآآآه اكيد لن أفك أى ستائر فى منزل شهرزاد )

احضرت السلم وتعلقت على الجدران كسعدان فار من ملاحقة حراس جبلاية القرود - و خيالات لقاءات شهرزاد تطوف بخيالى

تعلق طرف بنطال بيجامتى الساقط دوما من وسطى بتاثير أتساع رباطه بطرف حديدة السلم

يا ساتر طاخ بوم تيشششششششش

تكومت على الارض والسلم فوقى وبقايا فازة ورد سقطت فوقها تتناثر حولى
قمت وعظامى تصرخ بالالم بينما اقبل العصفور مرفرفا مغردا


..... يا لهوىىىىىىىىى الفازه الغاليه اللى حيلتنا اتكسرت


صرخت


..... فازة ايه مش تتطمنى عليا الاول

..... اطمن عليك !!! ما انت واقف زى الحصان هو انت بيجرالك حاجه .

..... مش ممكن اكون اتكسرت من الوقعه

..... الفازه اللى اختى جايباها لينا من بره هى اللى اتكسرت

( ويحك يا أمرأة لأعجلن لك العقوبة ولأاحرقن قلبك ، لأتزوجن مسيارا او مقعادا ، نعم لأ تزوجن ثم لأتزوجن ثم .........لأتزوجن )


 
الله يسعدك يا أ حلى فطستيني من الضحك
مسكين ابني حاطيته على حضني أنا بضحك و هو بيهتز
 
حلوة ودمها خفيف القصة دي
يلا كمليها حبوبة ومش تتأخري علينا
 
فى الصباح التالى لموقعة ذات الستائر الخالدة ، تحاملت على نفسى رغم الألام المبرحة وتوجهت إلى عملى ​

وصلت مبكرا عن المعتاد ولبثت أنتظر زميلى صلاح والذى ساق إلى فرصة لقاء شهرزادى الرائعة ​

وصل صلاح فاستقبلته مهللا مقسما عليه أن يكون إفطاره على حسابى ، تقبل الدعوة شاكرا وأسرعت أنا بفتح الموضوع ​

.... ها يا أبو صلاح قل لى بالتفصيل إيه موضوع العروسة اللى عاوزه تتجوز مسيار
.... إيه ؟ الفكرة عجبتك ؟​

.... والله نشوف بس هى إيه ظروفها ​

.... اللى أعرفه من الوالدة إنها دكتورة عيون ، ومطلقة من سبع سنين وما بتخلفش ، وهى مرتاحة ماديا ومن عيله كويسه ​

.... ما شاء الله طيب وإيه اللى خلاها تفكر فى الجواز بعد الفترة دى من ساعة ما أطلقت ​

.... هى بتقول إنها مش محتاجة لفلوس ولا بيت لان كل ده عندها هى بس نفسها فى ونيس ​

.... بس خذ بالك هى عايزه راجل محترم وما يبهدلهاش يعنى عايزه حياة هادئة​

.... يا سيدى إحنا أساس الاحترام ، على البركه إن شاء الله ، بس أتقدم إزاى ​

.... سيبنى أكلم الوالدة وأحدد لك ميعاد ​

.... تسلم يا أبو صلاح بس أمانة ما تتأخر على ​

.... ولا يهمك ، و أنا أقدر أتأخر ​

فى البيت شنت حرمى المصون هجماتها اليومية المعتادة وكانت تصرخ بأعلى صوتها ولكنى لم أكن أسمع سوى موسيقى سيمفونية شهرزاد و أنا أمنى النفس باللقاء ​

سمعتها تصرخ مجلجلة ​

.... إتفضل يا سيدى العشا جاهز يلا كلوا خلصونى ​

نظرت إليها بعيون حالمة وقلت ​

.... لا مش حاكل أصلى شبعان ​

.... شبعان !! من إمتى إن شاء الله دا انت عمرك ما تنسى بطنك​

.... أصلى كلت فى الشغل ​

.... كلت فى الشغل !! آآآآآه ما احنا أصلنا بنلاقى الفلوس و .........​

إستمرت تهدر كقاطرة تكتسح كل ما أمامها لكننى لم اسمع حرفا مما تقول ​

فى اليوم التالى بشرنى وجه السعد صلاح بأن والدته قد رتبت اللقاء فى بيتهم غدا حيث أن العروس تقيم معها أمها فقط وليكون لقاء تعارف فقط فإذا تم القبول أتممنا الخطوات بالتقدم رسميا ​

كدت أطير فرحا لدرجة إننى أحتضنت صلاح على كرهى الشديد لرائحته ​

أستأذنت من رئيسى مدعيا وجود ظروف طارئة و أتصلت بقاطرتى و أبلغتها أننى سأتأخر لان لدى عملا خارج المكتب ​

إستقليت السيارة و قد وضعت خطتى لاجهز نفسى .... فغدا لا بد أن أكون أجمل شهريار ​

( يتبع )​
 
رااااااااائعه ياأحلى كما عهدتك
تشدني كتاباتك وأختياراتك
في أنتظارك غاليتي
 
توجهت إلى صالون تجميل رجالي معروف ، كنت دائما أسخر من أن يتردد رجل على صالون تجميل ، ولكن لا بأس فأنا كالجميع أنتقد في العلن ما يمكن أن أفعله في السر

دخلت إلى المكان متحرجا فأستقبلنى شاب يرتدى قميصا أحمر يلتصق بجسده وقد عقص أسفل شعره بصورة منفرة

تحاملت على نفسي ... فكل شئ يهون من أجلك يا شهر

..... آهلين أستاذ أؤمر

..... والله كنت عايز أعرف إيه الحاجات اللي عندكم

.... كل شئ أستاذ قصات جديدة ، صبغات ،بيرمنانت ، ، حمام مغربى ،تنظيف بشرة ، مانيكير وباديكير ،تدليك ، إزالة شعر بالليزر

.... لا ... لا .. مش للدرجة دى أنا عايز قص شعر وتنظيف بشرة وحمام مغربى

.... حاضر أستاذ

قضيت ساعتين لتنظيف البشرة وقص الشعر وعمل حمام زيت وخففت شاربى ونزعت ثلاث شعرات بيضاء كانت تظهر كلها في الجانب الأيسر منه فقط لأبدو وكاننى فرغت لتوى من شرب كوب من اللبن
دخلت إلى الحمام المغربى وخرجت منه وانا أحس اننى مخلوق جديد

مررت بمحل ملابس فخم ودفعت مبلغا مهولا لشراء بدلة فيرساتشى وقميص وربطة عنق لانفان وأزرار قميص كريستيان ديور

عرجت على محل أحذية خرجت منه حاملا حذاء كلاركس انجليزى فخم

وصلت إلى منزلى الرافل في آي السعادة والهناء ودخلت مخففا الخطى على أنجو من المهالك ولكن سرعان ما انطلق المدفع الرشاش

.... اهلا ...اهلا .... حمدا لله على السلامه... ما بدرى

.... الله يسلمك

.... انت فين طول اليوم عماله اكلمك على الموبايل

.... اصلى حطيته على الصامت من ساعة الصلاه ونسيت ارجعه ( كذبة صغيرة )

... وكنت فين ده كله

.... ما انا قلت لك حتأخر

.... تتأخر 7 ساعات ؟ الساعه دلوقتى 11 ، وإيه اللى انت عامله في شعرك ده

... إيه حلقت شعرى

... اول مره تحلق بالشكل ده ، عاملى قصة زى ما تكون شاب صغير

.... وهو انا عندى 90 سنه ما انا شاب صغير

.... صغييييير .... طب النغه يا ختى النغه

... النغه !!!! بقولك إيه انا جاى تعبان وعلى اخرى

.... وده إيه اللى في إيدك ده ؟ ورينى ( وهجمت على ما أحمله هجمة مظفرة )

أتسعت عيناها وهتفت

....إيه كل الحاجات دى

.... أصل بكره حقابل مستر لارى اليسون جاى من امريكا وده صاحب شركة كبيرة وبيدور على وكيل له هنا واحنا عايزين ناخذ الوكالة ( مجموعة أكاذيب )

.... طيب وده لازم تلبسله جديد في جديد حتى الشرابات

.... لازم اكون في احسن مظهر

.... طيب ما انت عندك بدله جديده بقالها شهر بس

.... لا ...... متنفعش الوانها متنفعش

.... ليه إن شاء الله

قلت وقد قررت ان انفس عن نفسى و أستفزها

......طيب خلاص شارى بدله اتجوز بيها

..... هئ هئ هئ هئ هييييييييييييييييييييييييييييييييييييييييييييييييي ييييييييئ

... بتضحكى علي إيه إن شاء الله

.... تتجااااااوز هئ هئ ... تتجوز بإيه يا حسره روح يا خويا إتجوز واللى أخذته القرعة تاخذه ام الشعور

( ويحك يا أمرأة قطع الله سم لسانك تالله ما نطق لسانك صدقا سوى أنك قرعه ، ولولا أنى أخاف على تسريحتى لأنلتك ما تستحقين )

صبرا فغدا تنالين الجزاء

( يتبع ) .​
 
رووووووووووووووعة القصة...الله يعطيكي العافية ..متابعة معاكي.​
 
رووووووووووووووووعه يا حليلها حرمته شكلها منكدة عليه
بس اكيد هو بعد منكد عليها اخ بس منهم (يا مامن الرجال يامامن الميه في الغربال)يللا
الا وين قصه المعدد
 
هههههههههههههههههه الـــــله يعيـــــــنــــه

كمــــلي يـــآ احـــلــــى بــآســـرع وقــــت ...

تسلمــــيـــــن ..
 
كملي والله اني انسجمت معاها كملي وحنا إن شاء الله معاكي يسلموا حبيبتي
 
كمليها عجيبة وأسلوبك يشد كأني أشوف الأحداث أمامي
 
كمممممممممممممممممممممممممممممممملى تحمسنا ياقلبى
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل