قصة تربوية جديدة(المربي المنتقم)...
التسجيل

من فضلك يرجى الألتزام بالقوانين ، للتسجيل أضغطي على رابط التسجيل نتمنى لكم وقت ممتع .

Follow us on Facebook Follow us on Twitter Watch us on YouTube



النتائج 1 إلى 2 من 2
  1. #1
    ملكة نشيطة
    التسجيل
    17 - 10 - 2011
    المشاركات
    1,021
    ❤ Like
    370
    اعجابات 824 في عدد 511 مشاركات

    افتراضي قصة تربوية جديدة(المربي المنتقم)...




    يرويها بطلها.
    (عشان اقدر احكي لازم احاول اتماسك ....شئ جوايا بيقتلني كل ما احاول احكي....
    انا اب عمري 39سنة مهنتي مرموقة....تربيتي لاولادي مهاب 8 سنوات و فريد 5 سنوات بتشد انتباه الكل.الناس في النادي والمدرسة مسمياني الاب المثالي . ..بس انا مش زي ما الناس فاكرة..انا انسان كنت ظالم وجاحد ....وفي حق الانسانة الوحيدة اللي احترمتني.......


    القصة بتبدأ من وانا طفل امي.. ام عصبية لدرجة كبيرة ممكن تحدفني بأي حاجة لما تزعل ....
    ممكن تعضني واحنا بنذاكر... انا واخويا ....ممكن تشخط فينا فجأة.....عصبية اوي بصراحة.......
    ما اتذكرش اني شفت منها حنان انا او ايمن اخويا.....
    ممكن تكون كانت تجيب حجات ملابس مثلا بس تفضل تقول انا جبتلكم لحد ما اكره اللي جابته.... .،،،عدد المرات اللي زقتني من حضنها كتير مقدرش افتكره.....
    ايمن كان ساكت بس انا عارف انه من جواه متضايق جدا...
    انا ساعات كنت بأرد وكانت بتضربني بخرطوم وتحبسني...
    ساعات كنت بسأل نفسي ليه خلفتينا؟؟؟؟
    بابا بقه كان قصة تانية....
    غراميات طول الوقت...
    وماما تكتشف وخناق....
    كنت ساعات اتفرجت ع الكمبيوتر بتاعه وهو نايم.....
    اول مرة شفت عليه افلام اباحية كان عمري 8 سنوات. ..
    كمبيوتر بابا....كان متحمل عليه كوارث....انا اتشديت جدا...واتعودت اتفرج ....
    محدش بيصلي عندنا في البيت.....
    ايمن فجأة بدأ يصلي.....مدرس الدين كلمه....
    لكن انا ﻻ...
    خناقات ماما وبابا كانت بتخوفني وانا طفل.. ماما بعدها كانت بتبقي عصبية اوي وتحدفني بأي شئ....
    كرهت ماما من كتر عصبيتها......
    كرهت حجات كتير....كرهت اي حد مرتاح في حياته
    مش زيي ...
    ايمن ساكت وبيصلي ويذاكر.....وشفته مرة كاتب يارب خرجني من البيت ده.. .
    انا مستمر في مشاهدة الافلام ..اياها..
    ومش باذاكر....
    بس شكلي الملفت الوسيم كان بيخلي الناس تحبني....
    من صغري وانا وسيم اوي.... /وانا في ستة ابتدائي بابا اتجوز عرفي 
    ماما عرفت
    صراخ.....
    وبعدين ....
    اتجهت ناحيتي ....انت واقف هنا ليه؟؟؟
    ####مسكتش....
    انا دلوقتي اطول منها......
    رديت انا حر....
    حاولت تضربني
    زقيتها
    
    ماما اتذهلت ....
    من بعدها....
    حسيت انها بدأت تقلق مني.. .
    ودتني لدكتور نفسي نصحها تعاملني كويس ....وحذرها بس هي ...!!!!كانت عاوزاني اتعالج انا ....
    اصبح العادي انها لو حاولت تضربني ازقها
    فرحت اوي انها بقت بتخاف..مني..
    واسمعها بتقول لاصحابها المراهقة اصله بقي مراهق!
    كان نفسي اقول لها انا اصلا مش طايقك من الاول.. ..بس دلوقتي قادر ارد...!!!
    بابا غرامياته شغله الشاغل ...
    وانا بدأت ادخن في ثانوي
    وايمن متفوق وبيصلي وبيتجنب البيت كله تقريبا
    الدراسة ماشية معايا...
    علاقاتي بالبنات كانت بتثبت وسامتي الفائقة....البنات كانوا فعلا دايما يتمنوا كلامي ونظراتي....
    ماما بتخاف مني....
    بابا مش متواجد...
    ايمن متباعد ...
    في الجامعة كنت دون جوان.....مع التدخين جربت حجات تانية بس مكملتش ...
    مرة من بعيد شفتها....
    كنت في رابعة تجارة
    هي في اولي....
    جميلة محجبة....رقيقة الملامح....
    لفت نظري تدينها...وادبها.....
    وعدم حديثها مع الشباب نهائيا.....
    سألت عرفت ان والدها استاذجامعة وامها ربة منزل....
    ولها اخت وحيدة في المدرسة. ..
    في الفترة دي بابا كان بدأ يتعب صحيا ورجع البيت متفاجئ ان عنده فيروس كبدي....
    واعتذرلنا ولماما....
    ما اهتمتش..
    بس بدأ يتودد لنا....
    قلت له عاوز اخطبها....
    شغلني بعد تخرجي في شركة محمول مرتبي معقول....بابا وافق يخطبهالي..
    ماما مش قادرة تعترض...
    ايمن ساكت
    العيلة بتاعتنا من برة ظاهريا عيلة يتوافق عليها
    بابا في منصب محترم
    ماما ربة منزل انيقة
    ايمن طالب طب انا خريج تجارة وباشتغل
    والد (ليلي)وافق. ....
    ومامتها وافقت.....
    عيلة متدينة....بس يمكن من برة بس معنديش ثقة في حد ...وسامتي وجمالها كانوا ملفتين جدا في كتب الكتاب...نسيت اقول اني مثلت اني بأصلي في فترة الارتباط ...

    ليلي انسانة عجيبة!
    هادية
    صوتها مش عالي..
    بتكلمني بأدب....
    بتصلي
    بس انا كنت من جوايا متغاظ اوي منهااشمعني هي؟؟؟؟؟
    باباها بيحترمها.
    مامتها بتحبها...
    معاملتهم ليها كانت محترمة جدا....
    ليلي اتفاجئت اني مش بأصلي ....
    سكتت
    وبعدين كلمتتي في هدوء (انت ليه مكسل في الصلاة)
    ردي صدمها (انا مبصليش اساسا )
    (ريحي دماغك بقه)
    كانت مندهشة حزينة......لم تحك لاحد لكن تجنبت كلامي...
    قلت لها انت هتخاصميني؟؟انا محبش النظام ده
    سكتت.....
    كنت حاسس من جوايا بسعادة غريبة....
    كانت جاية تصحيني للشغل
    قلت لها بقرف (قايم)
    كنت مبسوط اوي وانا باعاملها كده....
    رد فعلها دايما كان حزين وساكت....
    نفسي اوي تيجي فرصة اضربها....
    ايمن في الفترة دي كان ملاحظ سوء معاملتي لها وساكت....ماما بقه كانت سعيدة....
    شافتني ليلي وانا بتفرج ع فيلم بالليل من اياهم
    ...
    قالت لي بانهيار ؛:حرام اللي بتعمله....
    الفرصة جات
    قمت قايم ضاربها ....
    انهارت
    كنت مرتاح اوي وانا باضربها .....هي عيطت كتير.....
    فوجئت انها معملتش اي رد فعل....
    غير الخصام....
    ليلي كانت بتحبني اوي...وانا مكنتش فاهم
    البنات المحترمات اللي زيها زوجها هو اول راجل في حياتها ..وكل شئ لها
    ليلي حامل وانجبت ابننا الاول مهاب
    معاملتي لها متغيرتش
    حبها ليا متغيرش. ..
    كنت سعيد اوي وانا بأرد لها كل اللي اتعمل فيا وانا كان ذنبي ايه....
    رغم صغر سنها كانت بتحتويني....بس اول متتكلم في الصلاة نتخانق ...
    مهاب متعلق بها جدا
    بأضربه....
    ليلي بتقول كده مش صح
    برضه باضربه....حاسس ان ليلي شايلة مني....بس احسن
    ساعات كانت بتقول لي (ربنا عوضك عن اي حاجة صعبة شفتها حاول تهدي)
    كنت باتجاهلها
    مهاب بيخاف مني اوي واول ما يلاقيني جاي يحط ايده ع وشه خوف زي ماكنت باعمل مع ماما....
    ليلي دايما بتقول لي احسن ردودي ع ماما.... لاني جاف مع امي
    بابا مات. ليلي واستني حكيت لها ان عمره ما كان اب طبطبت عليا.....
    ايمن ....اتخرج....مع ولادة فريدابني......
    ايمن مش بيتكلم كتير
    بس لاقيته في يوم جاي بيقول لي (انا مسافر...انا جاي لك عشان حاجتين....خلي بالك من ماما ومن مراتك.....)
    قلت له( قصدك ايه)
    قال لي بتعاسة (ليلي واضح انها خلاص.....كفاية كده هي حبتك متظلمهاش )
    ايمن سافر
    معرفش ليه قال الكلام ده....
    لكن ليلي فعلا بدأت تتغير بعد ولادة فريد...
    اول مرة ترد عليا بحدة كانت بعدها.....كنت هاضربها قالت لي بانهيار (خلاص انا معدتش قادرة استحمل عقدك والله لاتصل بأهلي)
     )عقدي....!!!!!!!!!!!!
    ضربتها...مهاب وفريد عيطوا. ..
    والدها جاء ووالدتها وماما...
    الكل غلطني...باباها حذر.
    كنت متغاظ منها اوي.....والله لاوريكي يا ليلي
    ليه كنت دايما متحفز....معرفش....
    بس قررت اعرف واحدة من باب كسرها بس.واغاظتها....
    خاصمتها بعد الحدث ده....
    وكنت باشوفها بتعيط وهي بتصلي....
    قلبي كان حجرلما عرفت بامر علاقتي بزميلتي في الشركة.....طلبت الطلاق...قلت لها (انا مبطلقش)
    مش قادر انسي نظرتها (انت ليه كده.....انا عملت ايه....ارجوك قول لي؟؟؟انا شفت فيك زوج وحبيب انت ليه بتظلمني؟انا ذنبي ايه في ظلم الناس ليك؟انا حبيتك والله بس دلوقتي مش قادرة استمر)
    كلامها اثر فيا جدا....
    بس مردتش......
    الاحداث جريت اسرع من الخيال ....
    ايوة ...
    ليلي رنت عليا وانا في الشغل
    مردتش هتطلب الطلاق كالعادة في الاونة الاخيرة...
    بعد شوية بطلت رن.....
    روحت ف معادي البيت فاضي ؟؟؟؟
    كلمت حمايا...
    ليلي في المستشفي
    جالها مغص فظيع....
    وطلعت الزايدة والعيال مع حماتي....
    حاولت تكلمك مردتش. ...
    جريت...سقت العربية وانا مش شايف....
    لكن ملحقتش حتي اشوفها !الزايدة انفجرت.....
    أمر الله نفد ...ااااااااااااااااااااااااه
    وانا بادفنها....دفنت الانسانة الوحيدة اللي عاملتني كاني بني ادم.....
    سكينة في قلبي...
    ليه الاحداث جريت...
    العيال في بيت حمايا وحماتي اللي هما مش طايقني ومعاهم حق.....
    امي بكت...قلت لها انت السبب في كل اللي انا عملته فيها......ايمن نزل مصر...عشاني.قال لي(عمرنا متكلمنا كاخوات انهض بقه....قوم كفاياك تضييع في الأشياء الغالية)
    قلت له (انا ظالم ولا مظلوم)
    قال لي ودموعه نازلة (الاتنين ...بس ربنا اللي بيحاسبنا )
    اد دورك خد ولادك......ربي بقه....)
    اترميت في حضنه وعيطت .........
    
    اتغيرت كتير اوي....
    حمايا وحماتي سامحوني..
    بيساعدوني في العيال وراضيين عني..انا مش باضرب ولا باشتم ودايما باتحمل ...
    ماما بتدعي لي بأبرها و بطلت احاسبها ع الماضي....
    ليلي دايما ادعي لها كل يوم ربنا يعوضها....ويسامحني...دايما شايف صورتها قدامي
    انا دلوقتي اب بينضرب بيه المثل.....بس باقول حكايتي عشان....انصح غيري......الناس الغالية حافظوا عليهم ،،الظلم اللي اتظلمته بلاش تكرره مع حد.......؛؛؛العصبية في التربية كارثة......عمرها متجيب انسان سوي......)
    د. ايناس فوزي







  2. #2
    أميرة جديدة
    التسجيل
    26 - 05 - 2016
    المشاركات
    10
    ❤ Like
    0
    اعجابات 5 في عدد 5 مشاركات

    افتراضي




    قصة مؤثرة فعلا








معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الساعة الآن 04:49 AM
Powered by vBulletin
المواضيع تعبر عن أراء ومعتقدات كاتبيها فقط , جميع الحقوق محفوظه لمنتديات نسوة