انت ليش مكبرة السالفة ...
قولي الحمدلله اني عرفت الثعلب قبل ما يصير شيء ..الحمدلله ان ربي وضح لي الأمور قبل مايصير شيء أعمق ..مو شايفه ان ربي مدبر لك الأمور ومحتاج منك حمد وشكر انه معاك ..صح
بعدين أم زوجك ..خلها تتكلم مثل ما تحب ..تبي تحس انها متحكمه بعيالها وان نسوانهم تحت أمرتها مشكلتها ..المهم الأصل كيف معاي كيف تصرفاتها معاي ..الطاولة المستديرة اللي كان فيها زوجك واخوانه والرئيسه امهم ماهي الا فيلم او لعبه ..بمجرد ما قاموا انتهى الفيلم ..بس انت اللي بتخليه يستمر ..
اوك ..هي شايفه نفسها أمراءة عليكم خلاص العبي لعبتها معاك ..هي بوجهين انت بعد بوجهين بس في الفرق كيف ..هي اسلوبها انها تتكلم ..وتعطي مقترحات ..انت خلي أسلوبك الأفعال ..
وترا الأفعال أفضل اسلووووووب يحميك ويحافظ علي قدرك ..
..زين ..زوجك كلامه مع أمه ..تجاهليه ولا تتجاهليه ..يعني تجاهليه لان احيانا مثل ما قالت اختي اللي قبلي انه ينفش عضلاته علي اخوانه انه انا سي السيد ..ولا تتجاهليه ..لانه احيانا يتحول كلامها المتكرر الي انه يتقمصه ويدخل مخه ويفعله ..لان الرجال دماغهم عباره عن فكره ..حياتهم كلها فكره تدخل وتعشش في ادمغتهم ..إذاً اللي لازم عليك انك تعالجي هالافكار اللي تعشش فيها امهم بمقترحاتها واللي لازم انهم يسوونه لزوجاتهم ....
عالجي زوجك ..بنظرته لك ..بانجذابه لك باحترامه لك ..بالحدود اللي ما يقدر يتعداها معاك لانها يحبك مغرم بك وما يقدر يخسرك ..اكبر عقوبه لها من كلامها انك تخلي زوجك يحبك ..يعشقك يموت عليك ..يخاف انه يخسرك ..مو انك تبتعدين عنه وتعاقبيه لان ساير امه بكلامها ..انت الخاسرة هنا ..
اما أمه ما يبغالها مواجهه كلامية ..او انك تبتعدين عنها بالعكس انت تعطينها مجال انها تبين أخطائك لزوجك وتحطك في رأسها وتلعب عليك ليش تعطيها هذه الاسلحه والقوة وتدمرين راحت بيتك وحياتك طبعا انا ما اعرفها بس توقعات ..وأنك تحتاطين من تصرفاتك ..
صحيح كلامك مية بالمية
وبدات الاحظ لما بعدت عنه بعد اكثرر
ولما غيرت مودي معاه رجع يضحك وروق
وامه بس امدحها قدامه
ولكن من وراه حسوي اللي براسي ومالهم مني الطناش
وقبل امس تتصل فيني تبيني اجيها
تعذرت اني مصدعه وعندي شغل
على قولك الحمدلله الف مره اللي كشفها ربي
شكرا لكلامك برد خاطري ربي يسعدك ??
