تعبت نفسياً وجسدياً
انا متزوجة شخص رائع بمعنى الكلمة طيب كثيير و حنون و يحبني كثير و انا احبه
كل امورنا تمام و كل شي متفاهمين عليه و الحمد لله في توافق بينه و تفاهم
الا شيء واحد ما فلحنا فيه
وهو فض غشاء البكارة
بداية الزواج اول اسبوع حاولنا 3 مرات وكل مره اصارخ واتألم واخاف و ابعده بيدي لقام بعملية المحاولة من الالم ابعده و بعدها قال هو يمكن ما زالت عندك الفطريات كنت اشتكي من فطريات قبل الزواج ورحت للدكتورة و قالت صحيح و عطتني علاج استخدمته و بعدها قالت الدكتورة انه راحت الفطريات
رجعنا نحاول و احس بألم فضيع و اصارخ و اجننه اني من الالم اكزه و لايتم الامر تكلمت مع زوجة اخوي قالت لي هذه طبيعي و كل وحدة تعاني من الالم و الالم طبيعي صدقيني و هو لازم يضغط بكل قوته عشان ينفض
قلت له هذه الكلام و جربنه و جننته اني ارخي اقدامي واصارخ فقام مسك رجولي و بقوة ضغط و تألمت بشده صرخت و بعدها شفنا نزل مني دم و صار ينزل ماء
فرحنه فكرنه خلاص تم الموضوع و جاتني الدورة وبعد ما خلصت رجعنا حاولنا ما صار شي رجعت اصارخ من الالم بس مسكت نفسي صرت اصمد صرت ما اكزه ارفع ايديني و مسلمه له نفسي لكن ما تم الامر ورحت لدكتورة نتأكد اذا تم الفض او لا
قالت لا الغشاء ما زال موجود بس فيه خدوش بسبب المحاولات و كتبت لي على كريم بنج قالت استخدمه اثناء العملية سألتها ان الغشاء سميك قالت اي اشوي سميك
بعدها زوجي صار يجيه بطنه احنا بداية الزواج كذه يا انا يجيني بطني ويستمر معي ايام يا اهو
وجاه بطنه في اخر اسبوع و تنتهي اجازته و استمر معه الا ان خلصت اجازته و لا حاولنه و احنا صراحة محاولاتنا مو كثيره يعني معدودة المحاولات يمكن 7 مرات او 8
على انه زوجي طبيعي و يستثار و قضيبه غالبا منتصب
بس ما يحاول يا انه يصمد او انه يمارس سطحي
ولو انه صار بعدها يرفض السطحي يقولي تعبت يبي جماع كامل
و اخر مره كانت قبل امس يوم نزل في الويكند من عمله
لليلة السبت جهزت روحي وهو طالع علشان راح نجرب
ومجرد دخل صار اشوي متضايق قالي صبري اشوي و يوم بعدها جاتني الام في بطني وظهري و لوعة كبد و يوم قرب مني حس اني تعبانه قالي اشفيك قلت له بطني
قال انا والله شاك ان موضوعنا مهب بيتم الليله قال لأن من طلعت و كل من شافني مفكرني اجامعك 24 ساعة صدقيني موضوعنا ما تم بسبب حطتهم وكلامهم
و يوم جا اليوم الثاني اليوم اللي بيمشي جربنه و من الالم صرت اصارخ و ارخي ارجولي اشوي وهو يتوتر و يعصب
كنت مسلمه له نفسي بس ما اقدر ما اصرخ او اشد ارجولي
وبعدها ما تم امرنا
و قال بيمشي عمله و جلست ابكي و هو يقولي خلاص سكتي
ورحت بيتنا وانا اصيح دخلت غرفتي وانا اصيح والله تعبت تعبت حيييل
انا كنت احط اللوم على نفسي وهو كان يلومني انا يحط اللوم كله علي انا و اني انا خوافه وما استرخي واني واني انا كنت صج اخاف بس في الفترات الاخيره ما صرت اخاف بس مع الالم اتوتر و اخاف ولا اقدر استرخي
بس يوم تكلمت يم صديقتي و اختي متزوجة قبلي بشهرين و مع زوجة اخوي تكلمت
قالو لي اللوم عليه اهو
ليش يحاول مفروض على طول وبكل قوة
هو فعلا يكون بطيء و يضغط بس مو بذيك القوه واشوي احسه يخاف علي ما يضغط بكل قوه
واكتشفت انه طبيعي كل البنات كذه و انه يصارخون بس ازواجهم ما يخلونهم على كيفهم و غصب عنهم

والله انه لو يجيني بالقوه ارحم لي من العذاب النفسي اللي انا فيه الحين وجع ساعة ولا هالوجع النفسي
احس صرت انام واصحى وانا افكر في الموضوع عشت في هم وغم والله
طبعا عادي اتكلم معاه عادي الان ونمزح ونضحك و نسولف و نغازل في بعض بس عارفه انه كل واحد في داخله هالموضوع يفكر فيه وانا ما ابي افتح معه هالموضوع
اهو الحين ما راح ينزل الا بعد ثلاث اسابيع بسبب عمله

احس تعبت
انتو شرايكم ؟