وردة الرحى
متميزة قسم الأسرة
- إنضم
- 27 أبريل 2016
- المشاركات
- 2,855
السلام عليكم حبيباتي ???
كيفكم شخباركم يا قمرات
اليوم جايبه لكم موضوع يهمنا جميعاً ?
ألا وهو أسهل طريقه لإزالة الشعر وتنفع وقت الأزمات والظروف الطارئة ?
طبعاً كنت خايفه أجرب الطريقه بسبب كلام البنات إن هالطريقه تخلي الشعر خشن ومدري شنو بس جازفت وجربت الطريقه بنفسي علشان أقدر أحكم ?
الطريقه إزالة الشعر عن طريق الموس إيه الموس ?
ونحتاج لمقشر للجسم بس أنا إستغنيت عن هالطريقه لأن بشرتي حساسه وااااااايد خفت عن تلتهب لأَنِّي أول مره اجرب الأزاله عن طريق الموس?
يعني الطريقه سهله وحلوه وتؤدي الغرض فالظروف الطارئة ?
راح أخبركم الخطوات :
1-عادي تبللين جسمك وهو نظيف طبعاً ما نبي جراثيم وبكتريا وأوساخ ....
2-تاخذين البلسم تدهنين فيه الأماكن اللي تبين تشيلين منها الشعر رجولك إيدينك والخ ...
3-تاخذين الموس وتشيلين الشعر وراح تحسين بسلاسه وسهوله فالأزاله ....
أما اللي تبي تستخدم المقشر تستخدمه قبل خطوه البلسم بطريقه ناعمه تفرك فيه جسمها وبعدها تسوي نفس الخطوات ?
طبعاً أنا مو شعرانيه وااااااايد والنتيجة كانت حلوه ومُرضيه بالنسبه لي ?
أتمنى أنكم تستفيدون من طريقتي في إزاله الشعر فالأزمااات ?
ما أحلل أي وحده تنقل موضوعي بدون ذكر إسمي وأسم المنتدى ?