مشكلة مع زوج جنوبى

زوجى جنوبى ولكنى مش عارفة لسة احدد جنوبى شرقى ولا غربى بس الغالب انه جنوبى شرقى
فى مشكلة جادة معاه لو سمحتوا تساعدونى اتصرف ازاى
انا عملت مشكلة كبيرة لأنى اريدة ان يرجع من السفر او ياخنى انا والاولاد معاه .. هو غايب له اكثر من 10 أشهر
محادثاتة التليفونية قليله جدا وقلت له مش تكلمنى تانى لأن المكالمات دى مش تعمل حاجة ومن ساعتها ما تكلم معى له شهرين
وقلت له اما تأخذنا او تحضر لنا او تنتهى علاقتنا
اعمل اية من ساعتها ما كلمنى ابدا بس يبعت لنا مصروف البيت وما يرضى كمان يزودة مع انى قلت له انه قليل جدا وابعت زى ما كنت بتبعت بس هو قلله بسبب امه ربنا يهديها بقى
المهم دلوقتى احل المشكلة دى ازااااااااى
ردروا عليا بسرعه لو سمحتوا بارك الله فيكم

الله يهديه و يصلح الحال

الله يجمعكم على خير يا رب .... اصري انه يكلمك دخلي احد من اهله هو يحترمه وياخذ بشوره او احد اصحابه اذا ممكن توصليله


الله يجبر بخاطر كل المهمومات

صعب تكسبيه وهو بعيد وغير المكالمات الي بيكم تعرفي انا اقلك على حل بس والله رايحة تدعيلي معاك انو يسخرلي ربي زوجي ايش رايك.....راح اقلك صلي في الليل احسبي الساعة اللي ييأذن فيها المغرب عندكم والساعة اللي يأذن الفجر الاذان الاول واقسمي المدة على3 تعرفي جوف اليل والله يا اختي جربيها كم يوم وادعي لحد ماتشوفي النتيجة وخليك متيقنة بالنتيجةوالله لا يرد لك طلب بس التزمي بصلاتك وابعدي عن النمص وشيلي تماثيل او اي شيئ لا تدخل الملائكة وشغلي قران وانشغلي عن زوجك ماتفكري فيه ابدا حاولي بعرف صعبة بس انت قدها شوفي كيف تشغلي نفسك بس مع الدعاء في الليل انا نستنى فيك تقوليلي النتيجة تعرفي انك في الليل وانت تدعي انك تدعي في الكريم يعني قد ماتمنيتي راح تاخذي وازيادة عشر شهور حزن وفرحة باقي العمر انشاء الله

من طبيعه عمل زوجك اعرفي كيف تعامليه علشان تكسيبه والتهديد عند الرجال نوع من البيع لانه يبي راحت راسه فاجئيه انت والعيال برحله عندة مثلا او راسليه علي الايميل بكل الي يصير معكم من غير نكد بس بشوق وكلام لطيف وحطي صور معبرة احيانا من غير ماتتكلمي او حتي تكتبي وادعي من الله انه يفهم مدي حاجتكم له

disteny قال:

زوجى جنوبى ولكنى مش عارفة لسة احدد جنوبى شرقى ولا غربى بس الغالب انه جنوبى شرقى
فى مشكلة جادة معاه لو سمحتوا تساعدونى اتصرف ازاى
انا عملت مشكلة كبيرة لأنى اريدة ان يرجع من السفر او ياخنى انا والاولاد معاه .. هو غايب له اكثر من 10 أشهر
محادثاتة التليفونية قليله جدا وقلت له مش تكلمنى تانى لأن المكالمات دى مش تعمل حاجة ومن ساعتها ما تكلم معى له شهرين
وقلت له اما تأخذنا او تحضر لنا او تنتهى علاقتنا
اعمل اية من ساعتها ما كلمنى ابدا بس يبعت لنا مصروف البيت وما يرضى كمان يزودة مع انى قلت له انه قليل جدا وابعت زى ما كنت بتبعت بس هو قلله بسبب امه ربنا يهديها بقى
المهم دلوقتى احل المشكلة دى ازااااااااى
ردروا عليا بسرعه لو سمحتوا بارك الله فيكم

أنقر للتوسيع...

شكرا لكم جميعا على ردودكم واهتمامكم ... سأصبر واعمل بنصيحتكم .... ولكن للصبر حدود... ربنا يعمل الخير ان شاء الله جزاكم الله خير ويهدى ازواجكم لكم

اختي صالحي زوجك الان وبعدين لما ينزل اجازة ناقشى معاه الموضوع من تاني لان نفس الموقف دا حصل معايا واكتشفت انه لما بيكون بعيد عني بيكون قاسي علي ويسمع كلام اهله فقط ولما يرجع هقولك تعملي ايه معاه

اختي الرجل الجنوبي الشرقي عنيد ولو دخلتي معاه فالعند انت هتخسري واكيد انتي بتحبيه ومش عايزه تخسريه

الحل انك تكوني زكيه وتشغلي مخك شويه اول حاجه انك تصلحي علاقتك مع اهل زوجك لاني حاسة ان علاقتك معاهم مش كويسه ولا ايه
تتصلي بحماتك وتسلمي عليها وتدعيلها امامها بالصحة العافية وتقولي ليها اخلي زوجي يجيبلك ايه معاه وتعملي نفسك كريمة صدقيني هتحبيك وتتصلي بجوزك وتقولي له هاتي لحماته اغلي واحلي الهدايا انا انه كده كده هو بيجيب لاهله اغلي واحسن الهدايا

ولما يررجع اجازه هقولك تعملي ايه معاهل لوعايزاني اكمل نصايحي لك ردي علي وانا ان شاء اقولك نصايح ممتازه

تالحقيقه انا فكرت كتير انى اكلمه بس خايفة انه بكدة ما يخلينى اسافر له انا والأولاد لأنه لازم يعمل لنا دعوة او استقدام لأنه فى دوله اخرى وهو ناوى يقعد سنتين من غير ما ينزل لنا
علشان كدة انا عملت مشكله انه يبقى لازم ياخدنا زياره لعنده
بس هو خايف عل ى المصاريف بس انا بعمل كدة حرصا على البيت وعلى علاقتنا الأسريه واخاف من انهيار البيت اما الحقه الأن او يضيع للأبد
خايفه اكلمة يبقى ما عملتش حاجة واستنى سنه او اكتر كمان
وفى كل الأحوال ابغى نصائحكم
وشكرا لاهتمامكم

الله يفرج عليك

اختي انا حاسة بيكى والله لاني مريت بنفس الظروف تماما
توكلي علي الله وكلميه وصالحيه وقولي انك مش قادرة تعيشي من غيره

وانه واحشك خالص خالص خالص وانه بالنسبه ليكي زي الماء والهواء
وحاولي تحنني قلبه عليكي وخليكي علي الحال دي فترة وبعدين قولي له يحاول يبعت ليكي كرت زياره لما ظروفك تسمح وخلي موضوع السفر ليه وكرت الزيارة سر وميقولش لاي حد عنه لان لو اهله عرفوا هيقولو له بلاش تكلف نفسك

وكمان في فكرة يارب تنفع معاكي لو ينفع انه يبقى يشوف ليك شغل هناك أثناء كرت الزيارة
انا جوزي عمل كده بعتلي كرت زيارة للكويت والحمد لله رحت وقدمت اوكمان كانوا ايامها طالبين مدرسات واشتغلت مدرسة هناك

انت أكيدوحشاه كتير بس الرجل الجنوبي الشرقي مش بيحب يعبر عن حبه لانه بيعتبر ده انه هيقل في نظر مراته أو انها بكده هتتحكم فيه
اصبري عليه شويه وان شاء الله يبعت ليكي كرت زياره

وفي كمان حاجه مهمه لما تصالحيه ان شاء الله لما يقولك عايزه حاجه قولي عايزه سلامتك وأطلبي منه كل اللي عايزاه مش تقولي انك هتوفري له اطلبي ليكي ولعيالك كل اللي نفسك فيه امال هو متغرب ليه حتى يبقي تعويض ليك عن الحرمان منه وصدقيني هتلاقيه يفرح لما يجيبلك حاجات وتبقى فلوسه راحت لناس يستحقوها
والراجل يحب كلمة شكرا خالص خالص زي ما الست بتحب كلمة بحبك ودايما ادعيله قدامه وقولي علي انه كريم ومفيش منه وانه مش مخليكي عايزة حاجه بكده هيبعت ليكي فلوس اكتر عشان يثبت انه قال كريم

ابقي قوللي عملتي ايه وتفاءلو بالخير تجدوه ان شاء الله

صدقينى اختى العزيزه المشكلة مش عندى المشكله انه هو دايما بيقول لوالدته على كل حاجة وهى اللى منغصه عليا حياتى لأنى بعد ما اتفق معاه هى تلعب له فى دماغه ويغير رأيه او يغير موقفه ودة فى حاجات كتيييييييييييييير

اكيد اختي هو وده انكم تكونوا وياه بس اكيد هو يبغى يجمع تجميعة العمر وبرجع لكم

لانه اذا كنتو معاه بيخسر مصاريف كثير انتو احوج لها بعدين والله انا اكلمك من واقع

واعذريه هذي الفتره يمكن يكون مضغوط بالعمل اوشي


ربي ييسر لك ويفرج عليك ويجمع شملكم يارب

كده كويس احنا عرفنا المشكله فين في علاقتك بحماتك
اول حاجه الحين تعمليها ازاي تخلي حماتك تحبك

اختي عامليها كويس واحتسبي اجرك عند الله
حتي لو هي عاملتك مش كويس واكيد اكيد ان شاء الله هتحبك وهتغير طريقه تعاملها معك وبالتالي هتحنن جوزك عليك شويه
سبحان الله انا حصل معي نفس الموقف بالظبط من 7 سنين حماتي كانت تكرهني وكنت ساعات اعاملها كويس وساعات اتضايق منها واتخانق معها

وحصل شئ خلاني غيرت طريقة تعاملي مع حماتي وهي ان اخي تزوج واحدة بتعامل والدتي معامله سيئه جدا ورحت اقارن بينها وبين نفسي وقلت انا لا ارضي ان حد يعامل امي كده يبقي انا لازم اعامل حماتي كويس جدا وكنت لما انوي اعاملها وحش كنت افتكر امي وزوجة اخي فكنت على الفور اقول حرام علي واعمامهل كاني بعامل امي والله العظيم حماتي حست فعلا اني بحبها والحين كل ما تكلمني تقولي ياحبيبتي مع انها زمان كانت بتنغص علي حياتي

اظهري الاهتمام لها انا قريت في كتاب كيف تكسب الناس انك تظهري الاهتمام لها وتساليها عن صحتها لو محتاجه كشف او علاج وتشتري لها اي حاجه محتاجاها من غير ما تطلب منك
وربنا يهديها لك ويهدي زوجك ان شاء الله

والله وربنا يشهد انا عملت كل اللى بتقوليه ده بس للأسف برضوا قابلت ده بحقد على واى واحدة من بناتها تحصل معاها موقف سيئ من زوجها تكون حريصه ان زوجى ( ابنها ) يعمل الموقف ده معايا مع ان زوج بنتها لما بيعمل اللى ابنها بيعمله بتشتم فى زوج بنتها وتمون متضايقة لمن ابنها لما يعمل كدة تكون معاه وتقول الحق معاه وهو بيتكلم نفس كلامها حتى لو حاجة اتفنا عليها وهى يكون لها رأى أخر يتكلم هو بعد كدة بنفس المنطق ويكون له نفس الرأى ... ودة سبب الخلا فالمرة دى اللى خلانى فووت وعديت قبل كدة كتير بس الحكايه زادت قوى وخلته يقلل المصروف اللى بيبعته .. وبعدها اتفقت معاه على حاجات وهى خلته يتغير وبعدها ويكون كالمجنون وكأننا لم نتفق على شيئ وبعدين اتفقت معاه على حاجة اعملها بخصوص الشقه وكان ماعندوش مانع وبعدين خليته غير رأيه بمجرد انها قالت له مالوش لزوم .... وقبلها حاجات كتير بس دة خلانى ثورت وبقيت بصراحة مش طايقاها ورغم كدة كنت بكلمها وبسأل عليها وعلى صحتها عادى بس دلوقتى مش بكلمها خالص.. رغم انى كنت بكلمهم علطول وبسأل عليهم دلوقتى بقى قطعت مكالمات.

الجديد بقى دلوقتى انى عملت بنصيحتكم وكلمته ... بس لقيته زعلان وبيقوللى انتى تتكلمى كويس او وحش بمزاجك وعاوزة الناس تكلمك كويس علطول... وقال على حاجات والدتها وصلتها له بوجهة نظر مغلوطة عن ما قاله والدى لها لأن والدى تدخل وقال لها اما ان ابنك يأخذ اولادة او يحضر لهم او كل واحد فى طريق .. ومنقيه الكلام اللى يثير ويزعل وقايلاهو له وقلت له كتير لا تتعصب انا مش عاوزة اتخانق بس الأمور مش حصلت كدة بس ع العموم مشش تشغل بالك انا عاوزة احافظ على البيت قلت له اشترى لاب توب علشان تكلمنا انا عاوزة نتكلم قاللى اللاب توب عاوز الفين ريال دول ينفعونى لما انزل بعد سنتين لما اشترى شقه تخيلوا ... قلت له يعنى ايه فى داهيه الفلوس قاللى ما انا بعمل دة ليكوا
قلت له: يعنى هتستفيد ايه لما تعمل بيت واحنا ما نكونش مع بعض او علاقتنا مش كويسه .. انا عاوزة احافظ على البيت
قاللى لا ... وكل اللى اتكلمه 14 دقيقه والخط فصل فكلمته تانى وقلت له كلمنى يعنى بقالك اكتر من شهرين وتكلمنى بس ربع ساعه
فقال:: احنا اخر الشهر ومش معايا فلوس اتكلم عاوزة ايه
فقلت له عاوزة اعرف راسى من رجلى
قال عاوزة تعرفى ايه
فقلت : هتاخدنا عندك نقعد معاك فترة .. انا بطلت اروح الشغل علشان مش قادرة اوفى مطالب البنات
فقال لا طبعا مش هاخدكم هو انتى اتشحنتى شويه وجيتى تكلمينى
فقلت له ايه الأسلوب دة هو انا اللى شحنت ( يقصد من والدى والدتى ... اهلى ) صح ... اصلى بسمع كلام ماما وبعمل اللى تقوللى عليه
فقفل الخط

اة نسيت اذكر لكم::: قال لى انا لما هاجى هجيب شقة ولو عاوزة تيجى معايا فيها ( بعد اكتر من سنه من الأن ) تعالى مش عاوزة وعاوزة تقعدى فى شقه ابوكى خلليكى
فقلت له يعنى ايه انت عاوزنا ولا لأ .. هى دى تبقى عيشه ... لم يجيب

بالذمه بقى دة يبقى الواحد يكون باقى على العشرة معاه... يعنى اللى فى دماغه فى دماغه .. لقيته بيقول شوية حاجات كدة كتير فقلت له ايه دة انت بتملى شروط يعنى ولا ايه... فقال لأ بس علشان تبقى عارفه.:35:
ردوا عليا بأمانه اعمل اية بقى انا فعلا دلوقتى مرتاحة انى افكر فى الطلاق .. انا عده عملت اللى عليا وحاولت معاه

انا فعلا غلطت غلطه كبيرة معاه فى بداية حياتنا وهى انى ساعدته ماديا كتيييييييير وتعود على دة ولما حاله اتحسن وهو والدته قعدت تزن علية فين فلوسها مش بتصرف كل مرتبها ....... الخ

اختي الغاليه اول شئ انتي بتحبيه وعندك اولاد فموضوع الطلاق دا شيليه من دماغك خالص لان علي فكره كل الناس عندها مشاكل ومشاكل اكبر من كده بكتير

في حاجات كتير انتي عملتيها عايزه اقولك عليها عشان تصلحيها

اولا انتي لما رحتي اتصلتي عليه بدل ما تصالحيه انتي كملتي خناق معاه والمفروض كنت اتحملتي كلامه القاسي شويه وتتكلمي ما قل ودل وكنتي غيرتي موضوع الزعل وكنتي تقولي له كلام حب واشواق
يبقي اول حاجه تعمليها لما تكلميه تاني بلاش تكلميه في اي حاجه تزعل وكل ما يقولك حاجه قولي حاضر انا اسفهواضحكي معا ه وفكيها شويه لان الرجل الشرقي مش بيحب النكد

انتي الحين اشتغلي عليه بالرسايل وحشني موووووووت وحشني كلامك وسلامك وحشني حضنك وشويه كلام من اللي يدوبوا الجبل
واحتمال كبير انه برضه مش هيرد عليكي ولا حتي برساله واحده

وفي حاجه قولي له يا حبيبي ابقي رن علي بس لما تصحي من النوم ولما تيجي تنام عشان اعرف انك بتفكر في وانت لما يرن عليكي ابعتي ليه رساله وقولي شكرا علي الرساله بحبك موووت
شويه بشويه هيبدا يتصل عليك اكتر شويه بس الموضوع عايز طولة بال شويه ماشي يا اختي

انا زوجي لما كنت اقوله اتصل علي كان يقول يعني اللي اشتغل بيهم اصرفهم علي المكالمات
بس فضلت وراه بالرسايل لغايه لما كان يكلمني كل يوم قبل ما يروح الشغل ولاني كل يوم بالليل ابعته رساله تدوبه
كان بيشتري كارت ويكلمني علي التليفون باستخدام برنامج نت مش عارفه اسمه الدقيقة فيه رخيصة جربي النصحيه دي وان شاء تنفع معاكي

بالنسبه للكومبيوتر قولي له انك هتشتري كمبيوتر بالتقسيط اولا عشان تكلميه وثانيا عشان الاولاد محتاجين يزاكروا عليه والمدارس بتاعتهم بتطلب دايما حاجات ومواضيع من علي النت وانه لازم اولانا يتعلموا استخدام الكومبيوتر هتلاهيه ان شاء الله يوافق ولو لم يوافق من اول مره حاولي معاه مره تانيه واقنعيه انه مهم جدا عشان الاولاد وانا متاكده انه ان شاء الله هيوافق

ثالثا ماتزعليش علي مساعدتك ليه وان شاء الله يكونوا في ميزان حسناتك

رابعا خلي شعارك الايام دي حماتي حياتي ايه رايك في الشعار دا

علاقتك بيها زي الزفت انتي عايزاها تعمل ايه معاكي غير كده واكتر

غيري علاقتك بحماتك 180 درجه واتصلي عليها وخلي بالك طويل طويل طويل
انا حماتي لئيمه خالص لدرجه انتي لاتتخيليها

وكانت تفرح لما زوجي يتخانق معي

وقعدت حوالي 4 سنوات عايشه معاهل وكنت باعاملها كويس (من وجهة نظري)وبرضه كانت تحرض زوجي علي

بس لما قعدت مع نفسي انا فعلا باعامها كويس بس احيانا اعمل معاه موقف او اقول كلمه بتظهر اني مش بحبها

فقررت اني احبها فعلا كانها امي وسبحان الله اتغيرت معايا 180 درجة انتي الحين اتصلي عليها وكلميها دائما وخلي اولادك يكلموها تقولي لاولاك انها اكتر واحده بتحبهم واشكري في حماتك قدام اولادك ولو في امكان تروحي تزوريها وتقولي عايزين نبدا صفحة جديده وقولي لها هخلي زوجي ياخدك عمرة

خدي بالك اهل زوجك عنده شئ مقدس اوعي تقولي دول عملو وعملوا دايما قولي كلام كويس عنهم وبس

علي فكرة انا بنصحك من قلبي وربنا عالم واتمني انك تعمليهم

انا هروح الحين وهرجع ليكي بعد شويه ان شاء الله

قبل ما انسي لما جوزك يقولك انتي عايزاني ولا لا قولي له طبعا يا حبيبي انا عايزاك وقاعده علي قلبك اللي زي العسل

كمان في حاجه بلاش تدخلي اهلك في مشاكلك مع زوجك
لان لما الاهل بيتدخلوا المشاكل بتكبر والرجل الشرقي الجنوبي مش بيحب حد يتدخل في حياته وكمان بيحب انه يوري الناس انه انسان ممتاز

وما تجيبيش سيرته اهلك قدام جوزك ابدا غير بس انهم بيسلموا عليه وبيقول عليه انه احسن واحد وطيب والكلام دا

وقولي له ان اهلك بيحبوه ودايما بيشكروا فيه
عشان يشيل فكرة انهم بيشحنوكي ضده وقولي له انك مالكيش غيره فالدنيا

نسيت اقولك لما جوزك يبقي زعلان منك لما تطلبي منه اي شئ مش هيرضي حتي لو كان شئ ضروري
لكن لما يكون راضي عنك هيجيب ليكي كل اللي انتي عايزاه

انا عايزاكي تقرأي ملف الجنوبي الشرقي الموجود فالمنتدي كويس جدا جدالانه هيفيدك زي ما افادني انا والله العظيم وكانت النتائج ممتازه وربنا يوفقك

عزيزتى ( رب ادخلنى الجنه ) فى انتظار نصائحك