السلام عليكم ورحمة الله وبركاته
إلي الغاليات بنات مملكة بلقيس الكرام
حبيت اعرض عليكم تجربتي الخاصه عن التنحيف والشد
يمكن يكون شرحي طويل بس لازم أخبركم بكل خطوه
كنت دائما اسمع عن كريم بارتنر لاف وقلت بجربه وبعدين بحط تجربتي عنه اذا لقيت منه فايده والحمد لله استفدت وايد
وقلت مابقصر عليكم لانكم ماقصرتوا مع أحد في هذا المنتدي
في مدرسة بنتي كانوا مسوين معرض ومع تسوقي شفت الكريم بالصدفه وتذكرت كلامكم عنه
وحبيت اشتري منه وقالت المندوبه ان عندها كريمات رائعه من هذه الماركه
الصراحه ماكذبت خبر على طول أخذت رقمها ويتني البيت واشتريت هالمجموعه اللي عرضتها عليكم
راح أحط صورة الكريمات في صفحه وحده علشان تشترون منهم وراح اشرح لكم بالتفصيل عن كل كريم وكيف أستخدمته
أولا بسم الله نبدأ
لازم تتوكلون على الله قبل لا تبتدون بأي خطوه وقبل لاتحطون الكريم قولوا
( اللهم أعطني خيره وأكفيني شره ) >> لازم لاتنسون
كريم بارتنر لاف الحار
خذوا كمية من الكريم وأمسحوا فيها على المنطقه المراد تنحيفها
وسووا مساج لين جسمكم مايتشرب الكريم وحبيت أخبركم ان الكريم حار مثل الفلفل
يعني كأنكم تدهنون جسمكم بالفلفل الطبيعي واذا تبغون النتيجة لازم تتحملون حرارة اهلكريم
واحساسكم فيه كأنه ملتهب بس صدقوني نتيجته رائعه جدا جدا
تتركونه على جسمكم 40 دقيقه أو أكثر ولازم تمشون لمدة 20 دقيقه أو أكثر
علشان الكريم يشتغل على جسمكم عدل
وممكن تشتغلون في بيوتكم أو على الأجهزه الرياضيه انتوا أحرار
الخطوه الثانيه
صابونة التخسيس
دخلوا الحمام وانتوا بكرامه واسبحوا بماء عادي او بارد وخاصه على منظقة اللي دهنتوا فيها الكريم لانكم مابتتحملون حرارة هالكريم
مع الماء الحار او اغسلوا بطنكم بالثلج اذا حابين وبعدين خذوا صابونة التنحيف وسووا مساج على المكان اللي تبغونه ينحف
مع المساج لمدة 5 دقايق وبعدين أتسبحوا بالطريقه العاديه
الخطوه الثالثه
كريم شد الترهلات
ريحته رائعه جدا يعني المتزوجه مابتخاف من ريحته اذا شمها زوجها
ادهني بالكريم على كل مكان فيه ترهل مثل البطن والأوراك والمؤخره
يعني المكان اللي دهنتي فيه الكريم وغسلتيه بالصابون ادهنيه بالكريم هذا
ونامي نوم العوافي واصبحي اليوم الثاني بنفس البرنامج
وان شاء الله بعد شهر أو أقل بتشوفون أن بطنكم خف والترهلات خفت بشكل بشكل ملحوظ
بس لازم تنتظمون يعني تستعملونه بشكل يومي ولاتقولين انا ماأنتظم ولا انا كسوله
اللي يبغي جسمه حلو لازم يتحمل واذا ماعندكم صبر لاتستخدمونه علشان بعدين ماتقولون ان الكريمات مانفعتني
الحين من كم يوم بس بديت أجرب كريم ثاني امدحته المندوبه والصراحه نفس ريحة
البرتنر لاف بس بدون حراره وبدون لون يعني كأنه جل والحمد لله مرتاحه عليه واكيد بخبركم النتيجه
مع الأيام
ملاحظات مهمه
بالنسبة لكريم التنحيف بارتنر لاف تري لونه احمر وممكن يوصخ ملابسكم يعني اذا عندكم ملابس قديمه استخدموها له
وريحته قويه ممكن يحرق عيونكم اذا قعدتوا في الحمام والأفضل انكم تستخدمونه في غرفه واسعه
والصراحه انا استخدمت الكريمات هذي من شهر 5 وخلصتهم بعد شهر ونص والصراحه ماقدرت أستمر بالبرنامج
لاني مرضت تقريبا شهر بس ماشاء الله بطني نحف خلال هالمده وشد الترهلات والحمد لله انه مارجع مثل أول
يعني تم ثابت وعلشان جذيه برجع للبرنامج ولهذا السبب الحين حطيت تجربتي
خفت انحف مع الكريمات واذا تركتهم يرجع جسمي مثل أول
هذي تجربتي والله أعلم بكل كلمه قلتها
وان شاء الله تستفيدون منها مثلي
ولمعلومكم انا متزوجه وعندي 6 أطفال يعني الحمد لله لقيت نتيجه رائعه جدا
وبالنسبة للمندوبه انا ماأسويلها دعايه واللي بتحصل هالكريمات في أماكن ثانيه تشتريها
والله اني مومستفيده منها بشئ ولافلس و لا كريم بس تخفيض حلو لي ولكل من أشتري من عندها
واللي تبغي رقم المندوبه بعطيكم اياه ع الخاص
أي سؤال أو أستفسار أنا حاضره
تري هذا الموضوع كاتبته في عالم حواء
وانا اسمي وردة ذبلانة
وهذا الموضوع لي شخصيا وغير منقول
التعديل الأخير بواسطة المشرف:
