آج’ــمل آنسآنهـ
New member
- إنضم
- 2010/09/13
- المشاركات
- 1,809
" آللهم لك الحمد كمآ ينبغي لجلآل وجهك وعظيم سلطآنكـ "
يسعــد آوقآآتكم بكل وقت ورمضآآن كريــم ..
توي ماخذه دش منننعش ونومت دآنتي وجيت أكتب لكم قصتي :
كان يا مكان في قديم الزمان فتاة معوشره أسمها أم دانآ
كان يوم السبت تاريخ 22 آخر يوم لي بتاسع بحساب الدوره
رحت أبي أكشف على أمل أني القى الرحم مفتوح لآكن للأسف
دون جدوى فحصت وقالتلي الرحم عندك مسكر أنا هنا جاني إحبااااط !!
إلي أعرفه ينفتح من الثامن أو بداية التاسع لو 1 سم المهم أمي مابقت
فيني شيء ماجربته تبيني أولد وارتاح ومافي فائده كل شيء سويته ومانفع..
الأحد طلعت لمجمع الظهران مع أهلي عشان أمشي ومعروف أنهـ
هالسوق داهيه من كبره مشيت وأنا خلاص تعباانه من الثقل أمشي
شوي واجلس وخواتي يسحبون فيني حتى هم طفشو مابقى ممشى
مآمشوني فيه ومافي فائده..
يوم جا الاثنين قالتلي أمي مالك إلا تروحين لزوجك تغتصبينه وان شاء الله
تولدين بعدها » طفشت مني وهذا آخر الحلول عندها ههه
المهم دقيت على ابو الشباب واتفقنا أنه يجي يأخذني مرني وتعشينا
وطبقت توصيات أمي بس هو قام بالمهمه أنا مافيني حييل خخخخ»عياره
بعدها كنت أكلم أم نوني مسن وسولفنا عن الولاده والمستشفى إلي بولد
فيه ووصتني بالجماع وادهن المنطقة من تحت بزيت زيتون طبقتها بالإضافة
انه تبخرت بعوده بتقولون وش دخل العوده أقولكم أنه لها مفعول سرييييييع
جت الساعه 1 دخلنا ننام أنا ماقدرت أنام إذن الفجر صليت ورجعت أبي أنام أبد
مااااااقدرت ألم وثقل والألم إلي فيني يجي ويروح نمت بس نوم متقطع من الألم
الصباح الثلاثاء زوجي صحى لدوامه وجا يودعني كالعاده قلتله أني تعبانه قال أوديك
المستشفى قلت لا بكرا موعدي مايحتاج راح جت الساعه 9 قمت أبي أفطر
وأنا قايمه من السرير إلا ينزل مني شيء غريب لونه وردي مع افرازات كثيفه مو دم ولا مويه !!!
أفطرت ودقيت على أمي أبي اسألها ماترد ..
دقيت على زوحي كان مشغول قالي شوي وكلميني جوالي بيفصل رجعت كلمته عل بلاك بيري
وقلتله قال خلاص أنا جايك الحين وعل حرس
أنا قمت لبست وتجهزت شوي إلا دقت أمي عرفت من صوتي أني تعبااانه قلتلها وش صار قالت
روحي بسرعه هذي ولاده وأنا بجيك المستشفى ..
رحت الحرس وطلعوني على غرفة الولاده كشفو علي قالو مفتوح 2سم بس مافيني طلق
ركبو مغذي وحق الطلق وركبو حق نبض الجنين علي ..
مآمدني دقايق إلا أمي عندي كلمت زوجي وقالتله روح ماعندها ولاده الحين يالله على بكرا تولد
راح ورجعلي بوقت الزياره أنا نقلوني على غرفة الملاحظه
وأمي مآخلتني أجلس تقولي أمشي عشان تتيسر عليك وتولدين بسرعهـ ..
انتهت الزياره وراحو أهلي ومن الساعه 9 الليل بدأ معي طلق منتظم كل 5 و6 دقايق !
وأنا كل فتره اطلع أمشي بالممرات وادعي واستغفر وأرجع ارتاح حاولت أنام لأني
من اليوم إلي قبله مانمت بس مااقدرت الطلق يصحيني كل ماغفوت وأرجع أمشي
وادعي" اللهم يأخالق النفس في النفس ويامخرج النفس من النفس ويامخلص النفس من النفس خلصني"..
المهم أهلي وزوجي قلقانين علي كل شوي يدقون يطمنون علي ..
قلت لامي أنه الألم منتظم عندي قالت منتظم يعني ولاده دقي عليهم خليهم يفحصونك لما قلت
لهم فحصو الساعه 11 طلع مفتوح 4 و طلق باارد مو حق ولاده وباقي الطلق منتظم ..
جا فجر الأربعاء صليت وأنا أبكي ألم وخوف من قرب الولاده واستغفر الله مدري صلاتي صح مع إلي ينزل علي ولا لا !
عل الأربعه فحصوني وحطولي جهاز النبض والطلق وعلى نفس الحال مافي ولاده بس يقولولي أمشي
إذا تبغين تولدين وأنا أمشي وتعبآنه مانمت من اليومين إلي قبل ..
المهم ع الساعه 11 الصباح صار الألم مرره قوي ومايتحمل دقيت ع السستر قلتلها ألم قوي مره
قالت خلاص بنفحصك وتروحين على غرفة الولاده وأنا لسى مفتحوح 4 ومو راضي ينفتح أكثر من كذا
كلمت زوجي وأمي قلتلهم أنه بيودوني للولاده ابيهم يجوني لأن
بالولاده مسموح للأم والزوج فقط يدخلون وأنا خوافه ابيهم معي
جتني أمي وماخلتني أجلس تمشيني بالغرفه وكل ماجت الطلقه أوقف مقدر أمشي من الألم
بس كنت أخذ نفس (إشم ورده وأطفي شمعه ) هو إلي يريحني شوي..
الساعه 1 الظهر نقلوني لغرفة الولادهـ
دخلت دورة المياه ولبست لبس الولاده وجلست على السرير كانت المسؤوله
عــني هــنديه إخلااااق تجنن و القــابلات حــبوباات وكــانو يســاعدوني كثير
فحــصتني الهنديه طــلع فاتح 5 وفكت المويه وسوتلي إشــياء مدري إش هي بصراحه ومن بعده خلاص بدأ الــطلق
الحامي صار كل دقيقتين بس معطيني الأكسجين كان قبل ماتجي الطلقه أمي تشوفها بالجهاز وتعطيني الأكسجين
أتنفسه وطولت على هالحال لين قالت الهنديه بعطيك مسكن شكلها رحمتني وأنا أتالم وساكته حتى تقول لامـي
مأشاء الله مره كويس طبعا المسكن إلي عطتني منوم صرت أناام وأصحى مع الطلقه وهي كل مآصحيت تغطيني
وتقولي ناامي وطلبتها مويه وشربتني شوي بس ..
ع الساعه 5 طلعت أمي ودخل زوجي جلس شويات معي وأنا ميته ألم ألم بمعنى الكلمه
ووقت الطلق إشم الأكسجين واطلعه شوي إلا غفوت وماحسيت بشي
الين جا وقت الجد صحيت أحس خلاص فيه شيء بيطلع مني وإتالم
بصوت عالي بس والله أني قدعه ماصيحت هههه حتى الدكاتره يمدحون فيني يقولون لامي بنتك صبوره وماتعبتنا
الغرفه كانت مليانهـ واربعهـ فوقي يولدوني صرت إدفع كل مآحسيت بالألم
بالأخير استجمعت كل طاقتي وادفع كل ماقالو لي أخذ نفس وإنزل رأسي وأمسك رجولي وادفع الين
ماطلعت بنتي الساعه 8 ونص يآاناسو عليها تجنن هذيك اللحظة سمعت بكاها بالأول بعدين رفعوها
وشفتها أخذوها ونظفوها وجابتها ليهـ اشوفها المهم طلعو المشيمه إلي كأنها ولاده ثانيه وخيطتني
الدكتوره الماليزيه الله يسعدها طول الوقت كانت تذكرني بالله وتهونها علي وتبوسني..
بعد مآخلصت دخلوا أمي وزوجي وهم الفرحه مو شايلتهم أنه ربي فرجها علي وقمت بسلامهـ =)
جابولي بنتي ورضعتها بس مافيني حليب نقلوني على غرفة الملاحظه ونمت بعد معاناة ثلاث ليالي!!
الله يآاجر أمهاتنا يارب ع التعب إلي تعبوه فينا ويحفظهم../ هذي قصتي وتوته توته خلصت الحتوته..
