فاجأني خطيبي ....

اناا جد بحاجه لمساعدتكم مع خطيبي
علاقتنا مو اوكي حاليا بسبب شغلات مني ومنه وكذا مره اكتب عنه بس اليوم جد جديد اليوم فجعني بكلامه ..

بالبداية بعطيكم كم معلومه عني عشان تفهمون الوضع كويس

انا مملكة لي تقريبا 6 شهور وخطيبي مبتعث لبرا ..جلسنا سوا شهر كامل قبل سفره كنا مبسوطين وكل الامور تمام ..الحمدلله بعدها سافر وصار انسان ثاني دايما مشغول ..محدد لنا يومين بس بالاسبوع نتكلم فيهم ..قلت مشغول بيرتب اموره بعد فتره بيصير يكلمني كل يوم استقر هناك وحسيت نفسيته تحسنت مع الوقت بس لسى مطنشني.. لسى مصر ع ان المكالمات بينا تكون بس يومين بالاسبوع انا اشتاق له افتقده وهو ولا ع باله عادي عنده يضيع وقته بالفيس بوك وبمنتديات الرياضه بس لايضيع وقته معاي
انا اتلهف اسمع صوته وهو الوضع عنده عادي ...بكل بساطه الأخ هاملني وانا صايره زي الهبله ..ابي احس فيه ملهوف عليه ...يدلعني يشتاق لي

مع الوقت صرت بارده زيه ..اطنشه ..اتهاوش معاه ..ادقق بكل كلمه يقولها لي ..واسوي منها سالفه وقضيه ..هو ينتقدني اني مو اجتماعيه وبكل مكالمه لازم يطري لي هالموضوع... يبيني اروح واجي
كل ذا قديم وتعودت عليه مع اني عارفه انه شي مو صحيح ولا سليم لعلاقتنا انه تصير كل هالفوضى
بس اللي جد اليوم ..انه قالي ماتتدلعين علي ماتتغنجين..اول كان يشتكي اني قليلة سوالف اليوم طلع بشي جديد اني ماأتدلع عليه (مع انه معروف اني دلوعه ودايما اجي اتلصق بأختي اللي اصغر مني واحرك وجهي ع ملابسها كأني قطوه واقول ليته يمي اسوي له كذا وهو قال لما كنت عندج كنتي غير ولما بعدت المفروض تكونين اكثر دلع صار العكس)..يقول شفت وحده معنا بالمعهد تتغنج وتتدلع وهي تكلم بالفون ...وتساءل مع نفسه ليه ماأنا اسوي له كذا .. رديت عليه اني حتى انا اقارنك مع اخوي اللي يدلع خطيبته مع انه لسى مو مملك عليها بس طااير فيها ..قالي اكيد تتدلع عليه ..قلت له لا هي خجوله واخوي بنفسه قالي .. يبيني ادلعه واناقيه ع قولته وابوسه.. طبعا كلااااامه كااان كثيير بخصوص الدلع والغنج واني انا املك كل شي جمال ورقه ونعومه بس ماكو دلع ...هههههه زين اعترف بالاشيا اللي فيني والا كان ذبحته .. وان الدلع يهبل فيه حتى لو كنت مو حلوه بيطير فيني

كلامه يألم بس افكر بشكل ايجابي ..كويس انه صارحني ...عشان احسن من علاقتنا ..ابي اصير فرفوشه معه ابي انسى اهماله وتطنيشه لي والاهم من هاذا كله اني اصير دلوعه وغنوجه معه .. بلييييز ابي افكااار منكم

حبيبتي بلبدااايه ابعدي بعيد عن النكــــــــــــد لانك كذاا تبعدينه عنك
ومو من صالحك اطنشينه وتتهاوشين معه بلعكس خليه يتعود ع صوووتك
واذااا جابلك سيره الدلع قوليله تعااااااااااااااال ذيك الساااعه تشووف الدلع على اصوووله
طبعااا سوي خرافااات من عندك طلعيلك اي شي من القصص الخرافيه فيهاا دلع
ادخلي بمواضيع خااصه قوليله ابسويلك واعملك<<طبعااا انا مابي اتعمق بلقصص
خليه يشتااقلك.....
مره اتعذري من مكالمته معك قوليله انك مشفوله بنفسك انك بتعملي حماام مغربي او اي شي يخطر ببالك
مووووووووووفقه

موفقه يارب

شكرا لكل اللي ردو علي
لغيرك لاتخليني انا كانت في بالي شغلات كثيييره بسويها بس هو كل ماله يصدمني
بالبدايه كنت احن واشتاق له بس هو صدني كذا مره ..اني لاأحلم اكثر من مكالمتين بالاسبوع ماأنكر احيانا يكون اكثر من مرتين بالاسبوع بس ع فضاوته هالشي حطمني وغيره كثيير..مره كنت جالسه اكلمه وانا صدق مشتاااقه له( كنت متعوده ع حضنه شهر كامل طول الوقت لما يزورني يكون لاصق فيني ) كلمته بصوت رايح فيها ..اني ابيك جنبي ..بس يرد علي ياعمري ويسكت بعدها سألته اشتقت لجسمي ..كنت ابيه يقول اللي بخاطره رد اي وسكت ..تحطيييييييييم>< حسيت حالي جريئه حبتين قلت شكله مايحب هالاسلوب ومن بعدها وانا ع قولته زي الرجل الآلي هع

up
up

للرفع

ربي ييسر لج عزيزتي ^.^

جالس يقارن بينك وبين اللي يشوفهم..ياقلبي انتي الان بموقف صعععععععب جداااا...خلاص وقفي اسلوب تحقيق ووينك وليه ماتكلمني وهكذا...
اذا كلمك كلميه باسلوب لطيف وحلو وهادي وناعم واكيد مثل ماقال لك...خليك دلوووووعه..
الله يعينك

صدقيني خطيبك جنوبي << علــــــه زي خطيبي
يموووووت في الدلع ويقولي انتي حلوه وجميييله ما انكر لكن مو زي الشاميات
جمال ودلع اااااااااه اكره نفسي كل ما اتذكر كلامه

شويه شويه غيري من نفسك ولا تسيري نكديه ولا تلصقي فيه
ترى الجنوبي يكره اللصقه بس في نفس الوقت لا تبعدي عنه عشان لا يبعد
سوي اختبار البوصله وصدقيني راح يطلع جنوبي
واقري كل المواضيع الي تخص الجنوبي وان شاء الله بتجيب نتيجه
وبالتوفيييييييييق يارب ^^

يآآ قلبي عليكـ

ويع منهمـ هع =)

أدري أن ودك تكلمينهـ أكثر و تسولفين معهـ أكثر بس لآ تبينين لهـ هالشي وإنك بتمووووتين على مآسمعين صوتهـ لآ لآ كذآ بيشوف نفسهـ عليك هع

قولي لهـ أشتقت لك وكذآ بس لآتقولين كلمني أكثر أنتي مآ تشتآق لي ومن هآلكلآم لآتبينين تذمرك عليهـ

تدلعي عليهـ بالكلآم مططي في الحروف , كلميهـ كلمتين وسكري قولي لهـ مشغولهـ أدلع نفسي مسويهـ مآآسك لوجهي خربطي عليهـ هع مآ ينفع إلآ كذآآ تكلمي نفس البيبي خليك دآيم مبتسمهـ و تضحكين في المكآآلمة !

أدري أشيآ بالنسبة لنآ تآفهة و صغيرة بس هي مهمة بآلنسبة لهمـ =)

يآآربي متى يفهمون إن أهم شي النعومهـ إلآ دلع و مآ أدري شنوو

وو كلمآآ قآرن بينك وبين أحد أنتي كمآن حسسيه بنفس الاحسآس اللي تحسينهـ لآ تخلين شي في قلبك , قولي لهـ حتى أنآ يوم وأنآ أتمشي سمعت وآحد يكلمـ زوجتهـ وكآن يدلعهآ و ينقط عسل عليهآآ يآرب تصير مثلهـ دلعني شوي وش قآآصرني وهيييك لآتخلين لهـ مجآل للمقآرنة وأنتي بكذآآ حسستيهـ بنفس الإحسآس ورآح يتضآيق من هالشي وإن شآء الله مآيعيدهـ

كل يوم بتكلميه ماشاء الله من وين تجيبي الكلام

ههههههههههههه

خليه هو اللي يجري وراك هو يتصل لاتتصلي ولاترسلي لما يكلمك تكلمي بشويش وصوت واطي

بلاش يصير كلام عادي وكله عتاب

حاولي اول تجربي مع اخواتك انك تكلميهم زي ماقتلك


الله يسعدك يارب

نفس قصتي أول ما خطبت وتزوجت مافي دلع ما في غنج حاسس حالي متزوج بتيستا مصارع معه أنه أنا حلوه وجاني عرسان بالهبل لكن زوجي متغرب كاين وشايف أشكال ألوان بس بعد ما تزوجنا تعبت بأول فتره وبعدها صرت أتقبل كلامه وأحس أنه يبيني أحسن فأول خطوه عملتها أعطيت خصوصياتي الأولويه ومنعته عنها فمثلا شو تساوين يكون الجواب شي وأسكر عليه فأثرت فضوله
وتاني شي تصرفت عطبيتي ومزح وضحك وتصرفات الأطفال من دون نكد وردي عليه وبينيله أنه أنتي بتعملي هادا الشي علشانه