بنات اخاف من الاكل ساعدوني اجتاز هالمحنه

السلام عليكم
هلا فيكم
بنات ارجوكم ساعدوني انا بحاله مستعصيه ولا تقولون لي روحي لدكتور نفسي لأن رحت وما نفع
بنات ابقول لكم قصتي واللي ما تقدر تساعدني تدعي لي من قلب الله يشفيني
انا من سنه اكلت وجبه ثقيله ونمت وقمت واحس كنه شي جالس على صدري حاولت ارجع ما قدرت
تخيل لي اني راااح اموت ساعتها من الضيقه اللي بصدري ويالله راحت الضيقه ومن عقبها كرهت الاكل
وصرت اذا باكل وجبه رئيسيه اروح بعد كم ساعه احط اصابعي عشان ارجع الاكل
وبعدين حملت وزاد الطين بله صرت اتوحم واي شي اكله لو بسكوت ناشف اروح ارجعه
كان وزني 62 والحين تخيلوا صار 40 قبل كان جسمي حلو ومربرب والحين صرت عصقوله واحس انه جمالي راح
هذا غير تعليقات زوجي اني صرت مو حلوه مع العصقله
انا مو هامني اسمن والا انحف انا همي اكل طبيعي
لاتقولون شي سهل
لأن لي سنه وشهرين وانا على هل الحال رحت لدكتور نفسي وعطاني حبوب بروزاك وقال خلي احد يمنعك
تروحين ترجعين بس محد قادر علي
ورحت لدكتوره باطنيه واعطتني حبوب تهضم الاكل بسرعه وفيتامين وقالت خلي احد يمنعك
وزوجي مو مهتم انه يمنعني يقول انتي مو بزر وتعرفين مصلحة نفسك
واهلي مو عندي ساكنين بمنطقه ثانيه وما اقدر اروح لهم
حاولت امنع نفسي بس الخوف والخوف والخوف الشديد يخليني اتراجع
قبل كنت اخلي الاكل كم ساعه الحين مباشره بعد الاكل اروح ارجعه
والله خايفه اجيب لنفسي مرض بالمعده ما ينتعالج
والله تعبت تعبت
ارجوكم ساعدوني
حاولت القى حل ودورت علاج سلوكي بس ماعرفت له
والحين من شوي اخذت حبوب التهضيم اللي عطتني الدكتوره واكلت مرق بالدجاج
بس قاعده اقاوم وشكلي بفشل كالعاده
بنات ساعدوني والله لأدعي لكم من قلب ابي اقهر عدويني واطيب

مشكووووووووره حبيبتي على مرورك العطر
وفعلا العقل الباطن له دور كبير راااح احاول قدر المستطاع
وابشرك لنجحت

محبة الطاعات شكرررررررررا لمرورك العطر اسعدني تواجدك

الله يشفيك حبيبتي البنات ماقصروا

اختي ادعي ربك يفرج همك
وشوفي هذيك الليله اكلت قدام من وخوذي من اثره حتى لو زوجك العين حق
الله يسر امرك ويشفيك