حددي شخصية طفلك ونمطه ...لتربيه مثاليه يحلم بها.....معاُ يدا بيد..

السلام عليكم ورحمة الله وبركاته
كلنا نعرف الانماط وتعرفين شخصيتك وشخصية زوجك
ومهم جداُ نتعرف على نمط اطفالنا
لان الهدف من دراسة الانماط هو معرفة نقاط القوة والضعف
وكل شخص يبحث عن التوازن يجب ان يعرف نقاط ضعفه ويعمل على تقويتها...
ليس الاستسلام لها لان جميع الانماط بها نقاط ايجابيه واخرى سلبيه

لكن حاجة طفلك لدراسة شخصيه حاجه ملحه جدا
وبنقدرها اذا قرأنا عنها اكثر

بداية أنا طفلي جنوبي ...وبندرس مع بعض هذي الشخصيه وكيف تعرفينها
وش المشاكل اللي يواجهها مع نفسه ومع الناس
وكيف نشجعه وكيف نقوى نقاط ضعفه

لان الطفل الجنوبي اذا ما اعطي الاهتمام اللازم ينظلم كثير وممكن ينطوي على نفسه

الصفات العامة في الطفل الجنوبي
*يتعاونون مع الاخرين من كل الاعمار
*يأكلون ويشربون ويتحركون ببطئ
*يذهبون للنوم دون جدال "مطيعين"
*يستمتعون بمشاركة العابهم مع لاطفال الاخرين
*يتخذون أصدقاء بسهولة
*لا يستعجلون في المشي
*يظهرون المحبة من خلال الضم والقبلات
*يطيعون انظمة الاخرين في اللعب
*يحبون المدرسة وانشطتها الاجتماعية

أما الطفل الجنوبي المتطرف..
*يسمحون للاطفال بالترؤس عليهم
*يبدوا انه تاتيهم كوابيس
*خجولين بدرجة مؤلمه وانطوائيين
*يتعلقون بالناس الذين يشعرونهم بالامن
*يظهرون خوفهم من الغرباء والانشطه الجديدة
*يكرهون المدرسه لانهم يخافون الفشل


الطفل الجنوبي في المدرسة
يترددون في التحدث في الصف
يثقون في اراء الاخرين اكثر من رأيهم الخاص
يتحاشون الانحياز الى أي طرف في المسائل الخلافيه
يسعون الى ان يكونوا محبوبين
يحترمون سلطة المعلم
لا يلفتون الانظار
لا ينافسون بقوة
يتأخرون في تقديم الواجب
يفزعون من التقديم أمام الفصل
يقولون أقل ما يمكن في المناقشات




اللي عندها طفل جنوبي وتظهر عليه بعض الصفات ...تتابع الموضوع لانه بأضيف نقاط قوته وضعفه اللي على اساسها نربيهم تربيه تناسب احياجاتهم..
"لاني اشوفها شخصيه ضعيفه ومحتاجه دعم من الصغر عشان نبني لهم ثقه تساعدهم لما يكبروا
ونستفيد من تجارب بعض​

طفلي الجنوبي ما يحب المسؤليه بطبعه
صرت احمله مسؤليات على حسب سنه
بس ما يمر يوم الا واعطيته مهمه
وبكل انشطة البيت يشارك بتجهيز السفرة وحمل الاكياس من السوبر ماركت
مع انه كان يرفض...عمره اربع سنوات ودائما يقول ماما انا تعبان
ولازم تحسسينه انك محتاجه له يحب المساعده
سهل هذي النوعيه تنطوي على نفسها
لا تخلين له مجال
أنا طفلي لعبه لوحده وعنده عالمه...
لكن المسؤليه يكرهها واذا ركزتي عليه وكل يوم تكبري المسؤليه على قد عمره بيسيطر على خوفه وكرهه للمسؤليه

في البداية بيتعبك برفضه وبيتحجج لكن مع الضغط بلطافه ممكن يسمع كلامك..​

يمكن تقولوا ان الاطفال كلهم بحاجه لنفس النوعيه من التربيه
بس انا لاحظت انه الطفل الجنوبي يختلف كليا عن اخوه

عشان كذا اهتميت بتعزيز المسؤليه ....
ودرست شخصيته وجايه اطبق معكم المعلومات النظرية
اللي اعرفها

واللي مخوفني عليهم انهم ما يحبوا القسوة وممكن قسوة الام وقوة شخصيتها وانتقادها له بسبب بروده وفشله احيانا
يخليه يكرهه امه وهذا واقع وحده من صحباتي تكرهه امها بسبب قوتها
لانهم اشخاص جدا حساسين...​

مرحبا فنون ...
انت نفس حالتي ...عندي الاول جنوبي والثاني مرة محيرني...
جدا غير عن اخوه قوي ويدبر نفسه
والكبير مرة مطيع
وانا بديت موضوعي بالكبير لانه اخذ تفكيري بس لما نفهمهم ونتخذ اسلوب سليم بتربيتهم بفتح موضوع عن الثاني
لاني عندي انماط الاطفال وبقراء عنهم
وانا ما حبيت هذا الموضوع الا عشان استفيد منكم وتقترح افكار لتربيتهم​

سحاب الملح
اعتقد جنوبي نفس ولدي
لكن حلو عمره لسى صغير وممكن نتدارك تكوين شخصيته
لان الشخصيه تتكون من 3 الى 5 سنوات


الاميرة الناعسه هو هذا طبع ولدي الثاني
مره مهايطي من يوم كان بالمهاد
وكل ما كبر صار هياطه ماصخه ...عمره 2 ونص
اليوم بحدد نمطه وبكتب موضوع عنه ونصير نحلل الاثنين
...
الله يصلحهم ويخليهم لنا
​

موقف يمر فيه الطفل الجنوبي.ولاحظي كيف يفكر
قصهكان سامي يتسبب كثيرا في ازعاج والده العنيف لانه كان يبكي كلما وقع في أقل خطأ
كان يخاف أن يقفز إلى ذراع والده في حمام السباحه وكان يرفض ممارسة أي نوع من الرياضة
وأشد ما يحزن في هذه القصة هو أنه كلما ازداد غضب والده من سلوك ابنه ، ازداد شعور سامي بعدم الامان وأصبح أكثر انسحابا.مشكلة الطفل الجنوبي ما يفكر برفضك للطلب والا كيف يقنعك ويحصل عليه ...هو يفكر ليه ما ما تعاملني كذا يفكر بعاطفته ويعتقد انك ما تحبينه وخصوصا نظراتك القاسيه وقت الغضب ما ينساها
انا طفلي يعاني من النقطه هذي مع ابوه
يرفض طلباته بعصبيه ...ويجلس يبكي بحرقه واذا قلت لابوه احضنه وتفاهم معه بشويش هو بس مقهور من معاملتك فعلا يهدأ كثير لما يصالحه ويقوله كلام حلو ...وينسى وش كان يبغى
مرة حساس ...ولما ترفضين له طلب ...اتفاهمي معه ...لانهم يكرهون الصراخ والصوت العالي
وهم اصلا مطيعين ويشوفون انفسهم كويسين ويتحاشون الغلط لانهم ما يتحملون ردات الفعل القاسيه



.
​

كيف تحفزين طفلك للنجاحيحب التعاون..اطلبي منه أنه يساعدك بشغلات بسيطه عشان يحس انه شخص مهم
بطء الحركة ...خلي طلباتك على قد سرعته لو استعجلتيه رح يتركك ويرفض يساعدك لان السرعه ضغط ما يتحمله
التعليم والارشاد ...يحب انك تعلمينه كيف يمارس اي نشاط بطريقه صحيحه لو خليتيه يجرب شيء جديد وحس انه ما يعرف مارح يكمل ومستحيل يجرب مرة ثانية"وألاحظ ولدي يردد أنا ماأعرف ...بدون ما يجرب ولا أخليه يترك الشيئ لما يسويه صح بارشاده يعني اعلمه بالكلام مو اسوي قدامه لانك بتلتفتين ما بتلاقينه اذا مسكتي النشاط بداله.
يحب التشجيع ...دائما اثني عليه قبل لا يساعدك وبعد ما يساعدك
كل فكرة ممكن تخليه حولك وتحسسه بأهميته وقوته اتبعيها معها بشكل مكثف يوميا
وخليه يتعلم مهارة معينه يتقنها ....
واسأليه كيف تصلح الالعاب وكيف تعرف كذا وكذا ...
واذا حوله احد احسن منه انتبهي عليه لانه ذكي وبتوصله هذي الفكرة ويتحطم وينطوي بدون ما تحسين ...بسبب هدوءه الدائم

​

عندي سؤال
اللي طفلها جنوبي كيف فصاحته بالكلام ...ومتى بدأ يتكلم؟​