هل هالشي حقيقه أو وسواس قهري فيني ؟

السلام عليكم ورحمة الله وبركاته

خواتي محتاجتنكم توقفون وياي لاني على وشك اخسر حياتي ووصل للجنون .. امي وابوي تعبو معاي احسهم شايلين همي في كل لحظه وفي نفس الوقت احس ظالمه خطيبي كثير

مشكلتي ان لما تمر فكره في بالي .. تبدأ الفكره تكبر وتكبر داخلي ويصيدني مثل القلق والتوتر و الهاجس .. وتظل الفكره في بالي طول الوقت افكر في الموضوع واحس ان هالشي هالفكره حقيقيه وهالشي فيتي حتى لو احاول اثبت لنفسي العكس بعدها بوقت قليل ترجع الفكره تسيطر

ابتدا وياي هالشي اول مره صادني ألم في رجلي .. كأي انسان طبيعي بيعتبره ألم شد عضلي او اي شي مابتطلب الخوف .. بس بالنسبه لي ابتدأ الوسواس عندي وصرت اتصور اني اعاني من مرض وادخل على قوقل وابحث وتطلع لي الامراض ومن وقتها صادني مثل الجزع والخوف والاضطراب صرت اشوف المرض قدام عيوني صرت اشوف الموت واقع قدامي .. ومن مستشفى لمستشفى لين ما طلع الموضوع مجرد شد عضلي بسبب عزكم الله حذاء جديد لبسته

وانتهى هالموضوع

بعدها بفتره صادني عزكم الله كثرة تبول وعطش .. فعلى طول جاني الوسواس هذي اعراض مرض السكري وقمت ابحث عن الاعراض واسأل والموضوع سيطر علي لين بعدها سويت تحليل دم وارتحت من الموضوع

وبعدها وصلنا للموضوع الاكبر الي راح يدمر حياتي من سنتين تقريباً مادري شلي فتح موضوع الشذوذ الجنسي في بالي ومن بعدها صار الشي مثل الحقيقه في بالي اني اعاني من هالشي واستدل فيه بشغلات صارت من طفولتي وقمت اتصور الموضوع في داخلي وسيطرت الفكره علي بالكامل اني شاذه وقمت اطالع فلانه وعلانه اشوف هل تجذنبي لو لا مع ان قبل عمري ماطالعت بنيه بنظره جنسيه يمكن اطالع لجمال البنيه بس مو لشي جنسي .. عانيت واجد من التوتر والقلق وعدم القدره على التركيز وحطيت في بالي اني شاذه واحتاج طبيب نفسي .. الخ

ومع الوقت ابتعد الموضوع بنسبه اقل يعني ماتخلصت من الفكره بس صارت اقل وانشغلت بأمور ثانيه وهدأت نفسي شوي

وبعد فتره اتقدم لي شاب وتمت الخطبه وعشنا اشهر بنفسيه مرتاحه وكنت اضحك على نفسي شلون كان تفكيري و اني بنت طبيعيه وهذيك اوهام
..

وبعد فتره بديت ادمر حياتي بأفكار عن الموت واخاف الموت ووسواس في صلاتي وديني و دموع ونفسيه زفت واكتئاب وقمت ارتكبت اكبر خطأ في حياتي اني فضحت نفسي واتكلمت مع خطيبي عن شغلات صارت في الماضي في مراهقتي اتسود الوجه والشاب انصدم وراح اتكلم مع امي وابوي واختربت علاقتنا واجد مع انه كان حبني ويشوفني بالنسبه له كل شي بس انا الي رفست النعمه ومنها اشهر وعلاقتنا دمار ونقاشات وافي راحه نفسيه ابداً و مو قادر ينسى الموضوع وانا مو قادره اتعايش مع الوضع

وفي هالفتره الصعبه مادري شلي صار من الضغط النفسي وكثرت التفكير رجعت لي مثل الفكره السابقه اني شاذه واني انجذب للبنات وان جسمي رجولي واوهااام .. الخ مع اني كنت طبيعيه معاه في البدايه بس من صرت افكر بهالطريقه صرت انفر منه واحاول اثبت للنفسي اني اتقرب منه واحسس روحي ان الشي طبيعي بس داخلي شي متوتر وعدم راحه فهالشي مثل الي يثبت لي ان هالشي حقيقي فيني .. دريجياً لما صرنا نتكلم عن حياتنا وصار الوضع مثل المصيري ولازم اغير من نفسي .. والخ ابتعدت الفكره وكنت طبيعيه معاه .. بس الحين وبالاخص من امس المفروض ان انصلح الوضع بينا اكثر بس رجعت الفكره هذي مثل ضغطة الزر مجرد مر الموضوع في بالي خلاص سيطر علي وعلى تفكيري

تعبت والله تعبت قولو لي شالحل شسوي مع نفسي ؟؟

لما تبتعد الفكره اقتنع انها مجرد اوهام واضحك على نفسي ولما ترجع اشوفها حقيقه وواقع !!

ساعدووووني

؟؟؟؟؟؟؟

الله يكون في عونك ويصبرك ويكون معك يارب
يفرج همك

سلاااااااااااااااااام اختي بسألك هل تحسين نفسك عايشة بحلم يعني كل الناس مثل الأوهام او زي كذا
و ماتقدري توصفي هالافكاااااار صح ؟؟؟؟

استعيذي بالله من الشيطان الرجيم , وجاهدي لتناسي اي فكرة سيئة ...

تشاغلي عنها , حدثي نفسك انها أوهام من الشيطان ليحزنك , وأنك طبيعية وغيري الوضع على طول

وتعايشي مع اللي حولك , واسألي بعد مختصة في هذا الجانب ...

ولا تنسي الالتزام بأذكار الصباح والمساء أقرئيها بقلب , وارقي نفسك ...

وما تشوفي شر إن شاء الله ..

اختي كرهت الدنيا كانك تتكلمين عني زمان قبل امرض المرض اللي دمرني واللي ما اعرف سببه لحد الان يعني قبل 6 سنوات جاتني فكرة اني مريضة بالفشل الكلوي بس لاني حسيت الم بجنبي جلست بالفراش اسبوعين تحسر على عمري واودع اهلي وجاني اكتئاب ما اسوي شي غير النوم فلما حللت طلع التهاب بسيط بالقولون بعدها رجعت انسانه طبيعية وحبيت الحياة لكن احمد ربي ان هذيك الفترة ماكنت اكلم خطيبي ولا كان كل شي انتهي لما تزوجت صرت اذا جا وقت النوم ابكي اتخيل اني راح اموت واترك زوجي واطفالي وفي الصباح عادي ارجع طبيعية لكن من سنتين اصبت بمرض نفسي خطير ومن اعراضه الهلع والخوف والوساوس والشعور كاني في حلم وان كل شئ غريب حتى اقرب الناس لي احسهم اغراب بل حتى نفسي احسها غريبة علي كرهت الدنيا وكرهت من حولي حتى زوجي واطفالي الله يشفيني ويشفيك وكل مسلم
لكن اختي عرضتي نفسك على الرقية قد تكون عين وتزول مع الرقية باذن الله لان الرقاة يقولون اني اعاني اما من عين او حسد او مس عاشق توكلي على الله واحفظية يحفظك
وفكره الشذوذ جاتني بعد اصابتي بالمرض وصرت اقرى عن التحول الجنسي واشياء اخرى حتى اني فقدت المتعة مع زوجي وتدهورت نفسيتي لكن عرفت ان هذه من حيل الشيطان ليحزنني وتاكدي ن مايحصل معك وان كان مرض نفسي فالشيطان يكبره ويعطي تلك الافكار اكبر من حجمها اختي ارقي نفسك وصدقيني سوف تختفي كل تلك الافكار تماما

وانا كثؤ ما تعذبت بالوساوس والحين صرت دوووم اشتكي لزوجي بس قل لكن بعض الافكار تجيني استغرب ايش السببب

كل شخص بهالحياة تجيه وساوس بس الحل انك ماتركزي فيها

يعني لاتهتمي بالموضوع طنشي وتناسي

واستعيني بالله بالاستغفار والتقرب اليه وربي يساعدك باذن الله


الشي الثاني بخصوص الاخت ملوك الي تقول تحسي نفسك بحلم

هذي جتني وانا حامل مرتين .. وجني مره وانا بالكليه وش السبب .....؟؟