ولدي والامســـــــــــــاك المزمن .. ارجو المساعده..!!

ساحرة العيوون

ساحرة العيوون

New member
إنضم
2011/03/02
المشاركات
741
مرحبا

ولدي عمره سنة و10 شهور مشكلته الامساك

كان يجيه على فترات والحين صار دائماً يتعذب

لما يسوي الكاكا وانتوا بكرامه

يقعد 3 ايام بعض المرات مايسوي شي:4:

وغالباً بعد يومين بس بعذاااب مسكين يقعد يحاول من الظهر

ومايتيسرله الا المغرب او العشا

والله يقطع قلبي ولايبغى ياكل شي

اعطيه ملينات يرفضها زي البرتقال والطماطم

اعطيه دناو بس مااش مايبغى الا ننه (رضاعة)

وغيرنا حليبه من نوفالاك العادي الى

نوفالاك المخصص لحالات الامساك

ونفس الشي!!

ممكن يكون لانه في مرجلة تسنين؟؟

تو طلعله ضرس ياااااادلبي:5:

طيب وش الحل الحين اذا استمر على هالحالة

وش تشورون اعطيه تحاميل جلسرين

ولا ايش الحل بنظركم؟؟
​
 
ودي ولدج الطبيب احتمال عنده ضيق في فتحة الشرج فيوسعها الدكتور ..
شربيه ملعقة صغيرة زيت السمسم راح تسهل الأمر وتساعده من غير حدوث اسهال ..
الله يشافيه ...
 
سلامات عليه مايشوف شر
ولدي كان صغير صارله زي كذا لما صار عمره سنه وشوي
غيرت الحليب وصارله امسك وديته للدكتوره
قالت وقفي الحليب واعطيه اي سوائل اخرى وعوضي الحليب بشئ
اخر من مشتقات الحليب واعطيه شوي زيت زيتون
اذا تعبان مره اعطيه تحاميل الامساك
وقفت الحليب بطنه صارت طيبه وبصراحه ماكنت مقتنعه
بكلام الدكتوره وبعد اسبوع اديته حليب رجع الامساك
الى اليوم ولدي اذاشرب حليب ساده يجيله امساك
اذا الحليب مع نكهات ماينضر
قالت الدكتوره في اطفال يكتفوا من الحليب في وقت مبكر
عوضيله الكالسيوم من مشتقات الحليب الاخرى
​
 
يا عمري صار مع ابني متل ابنك بالضبط...
الدكتور قال طبيعة جسمه هيك ورح اقلك الخطوات اللي سويتها معاه:
1-خلي دايما عندك تحاميل جلسرين للطوارئ....لكن ما تستخدميها الا للضروووووووورة
2_خففي مكيال الحليب بالرضعة و اضيفي مقدار قلييييييييل من العسل مع كل رضعة
3-زيت السمسم مع عصير البرتقال...هذه الكاسه خليها يومية
4-الماء ثم الماء ثم الماء...كل نص ساعة اسقيه
5_حاولي تعمليله مساج للبطن لما تنيميه..و اذا استخدمتي زيت دافي بكون افضل
ربنا يشافيلك اياه وتشوفيه بأعلى المراتب يا رب
 
السلام عليكم

اختي الغاليه الله يخليه لك يارب

انتبهي اليباسه هذي

تمنع نموه بشكل سليم لان الاساس الامعاء الفضلات الملتصقه تحول دون انتقال الغذاء الى الدم


الحل
مع اللي قالوه البنات

سوي مساج للبطن باتجاه عقارب الساعه مو كثير
انتي مع الوقت بتلاحظين المناسب كم مره

عليك بالزبادي

لان كل طفل يقبله

مين مايحبه

وحل جذري

انك تنقعين تمره دقايق في ماء مغلي ثم حركي لين تذوب وصفي
المحلول
يحبونه الاطفال
كل يوم

الشي الاخير انا مجربته على بنتي وما في احد من اهلي

الا استعمله للاطفال

لتنظيف البطن

كسرة عنزروت من عند العطار
يكون حاطها بالثلاجه

مو برى
تاخذين كبر حبة
العدس الصغييير

وتنقعينها في ماء مغلي وحطي معها عصير منجا او اي شي يحبه الطفل

بس خلي المحلول قليل عشان ينشرب كله​
قبل رضعه من الرضعات
لمدة 7 ايام​
وشوفي ايش يطلع من البطن
عجايب
بس 7 ايام

وبعدين انتظمي على النصايح اللي قدمناها لك

شوفي الانسب​
 
انا مع الاخوات انك تستخدمين الملينات
بس اختي اذا انت توك مولده يمكن عنده حالة غيره يعني غيران او انت بنفسك تابعي اكله لا تغفلين
 
انا مع كلام الاخت حكاية قمر لكن اريد اضافه ان ابنتي كانت كذالك وقال الطبيب انه لازم ااكلها معنا على السفره وفعلا لما بديت ااكل بنتي الحمد الله راح الامساك
 
ياعسل البنات ماقصروا بس مافي اهم من المويا لاتنسيه
وربي ولدي 3سنوات وهو امسااااااااااك حتى شخصيته اتغيرت ولي كم يوم اديه ماء بكثره وحاسه بتحسن شوي
انتي لاتهملي الماء وانشاءالله تدعين لي
 
ولد اختي صار له نفس حالة ولدك ماخلت علاج ماسوته تدرين وش احسن حل لقته تركت حليب البودره حق الاطفال وصارت تعطيه حليب طازج مثل المراعي وغيره ورح تشوفين الفرق ورح تدعيلي
 
البنات ماشاااءالله كفوو ووفو

بس عموما بقولك تجربتي مع بنتي فديتها
وحتى اخوي الصغير كان مره يتعذب مثل ولدك بالضبط
بس كنت اجيب فنجال احط فيه شوي من الرشاد واصب عليه مويه واخليه تقريبا ساعتين
بعدين امسك واشربه الرشاد كله
وربي يلين بطنه ويرتاااااح

صحيح اني ما احب ريحة الرشاد ابد بس وش اسوي يقطع قلبي لما يعاني ويتألم




ماتشوفون شر​
 
حبيبتي سنه و10 شهور يعني قريب السنتين

اكييييد كل ماجاع تعطيه حليب وهو اللي يسبب الإمساك

انا كانت بنتي كذا وقطعت قلبي تتعذب لما تعملها - الله يكرمكم -

بعدين صرت اعطيها الحليب لما تنام بس يعني خلال نومها اذا قامت تبكي اعطيها

واول ماتصحى بس

وطوووول اليوم تأكل معانا خضار فاكهه اي شي من اكلنا

الين الحمد لله ربي شافها من الامساك

اما الحليب طول اليوم او كل ما جاعت خطأ

جربي وان شاء الله بتدعي لي

اعطيه تمر ملين 100%
 
شوفي اذا بتاخذين بكلامي راح يرتاح ولدك حوطي له في الحليب ويكون الحليب حار شيء بسيط وحطي معه زيت زيتون وامسحي بطنه بعد بزيت الزيتون والله عيالي من صغرهم وانا اسوي لهم زي كذا يارب لك الحمد ماعمرهم بهذلوني بالامساك
 
الله يسعدكم كلكم يارب ,, اشكركم على تفاعلكم

ربي يحفظ لكم كتاكيتكم

وابشركم بديت اعمل بنصايحكم حفظتها بمخي من كثر ما ارجع واقرأها هههه

ربي يسعد كل وحده ردت

اللهم امين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل