البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم،
السلام عليكم ورحمة الله وبركاته،
من زمان ما نزلت ولا طبق وحبيت اليوم أحط لكم طبق من أطباقي المتنوعة،
طبق حق الغدا سويته قبل كم يوم، يبيض ويهج قدام الأهل، هذه طريقة أمي الله يطول في عمرها وتسويها للحم والدياي وحتى السمج،
رقبة غنم بالألمنيوم والحمصة
المقادير:
رقبة غنم كاملة
لتبهيرة الرقبة (بهارات مشكلة، ليمون مطحون، فلفل أسود، دقوس، سنوت (الكزبرة)، قليلة صلصة الصويا، زنجبيل مطحون وملح ونص كوب ليمون)
جزر وبطاطس تقطعينهم بالطريقة اللي تحبينها
حبات طماطم كاملة صغيرة
تابل وإسبنت (حشيش)
بيض مغسول بماي وملح
ثوم مقطع شرائح رفيعة أو مدقوق
رز الكمية اللي ترغبين فيها،
ولتغطية الرز (زبيب + مكسرات + شرائح بصل + ثلث كوب ماي ورد وزعفران)
الطريقة:
إخذي الرقبة وغسليها وبهريها بالبهارات اللي ذكرناها فوق وخليها ليلة كاملة علشان تصير طريقة أكثر،
بعدين تفرشين طبقين من الألمنيوم، وتحطين الرقبة في الوسط
حطي الخضرة حول الرقبة وصفي شرائح الثوم والحشيش فوقها،
لمي الطبقة الأولى وتصير كأنها طاسة بعدين بالعدال حطي البيض علشان لا ينكسر،
صكي الألمنيوم بإحكام والطبقة الثانية نفس الشي،
إخذي قدر كبير وحطي الرقبة اللي لفيناها بالألمنيوم داخل،
وصبي بالعدال ماي بس حاسبي لا تغطين الألمنيوم، وحطي حبة ليمون أسود علشان لا يصير القدر أسود (آنا نسيت أحد)،
صكي القدر بالفوطة والمغطاة وحطيت طاسة بايركس ثقيلة (يا زعم أسوي لي قدر ضغط ههههههه)، وخليها على نار هادية كلش لمدة ثلاث إلى أربع ساعات، وكل ساعة تزيدين كوب ماي علشان لا يحترق،
إنجهز الحمصة، سلقت المكسرات المتوفرة عندي، وقليتها بشوية زيت،
وبعدين جهزت الربع كلهم، أكو طالعين في الصورة، البصل شرائح والمكسرات والزبيب وماي الورد بالزعفران
وعلشان نجهز الرز، كالعادة تغسلين الرز وتنقعينه وتطبخينه بطريقتج،
وعقب ما سلقنا الرز وحطيناه في القدر صبيت فوقه ماي الورد والزعفران،
بالنسبة للرقبة عقب ما جهزت طلعتها من الجدر عادي، ترفعين الالمنيوم في صحن بالعدال وهذا شكله عقب ما جهز،
وهذا عند التقديم،
خلي الرز أول شي وبعدين الرقبة وزيني الخضرة بطريقتج ولا تنسين الحمصة، والبيض قشرته وقصيته،
سويت مع الطبق سلطة خضراء مشكلة،
وعليكم بالعافية ومطرح ما يسري يمري وسويت معاها كيكة قدرة قادر راح أنزل طريقتها في موضوع منفصل بقسم الحلو بس هذه صورة وحدة لها علشان أشهيكم هههههههه،
ملاحظة: من دقائق نزلت الطبق في منتدى آخر بنفس الإسم بإختلاف النجمتين فقط، كانت منتديات بلقيس مشيرة وما تشتغل، فنزلتها إهناك بالأول.
وإنتظروني بالمشاركة الثانية :39:
التعديل الأخير بواسطة المشرف:
