خايفة من السياقة....

انا عمري 30 سنه وعندي رخصه سياقة من قبل 5 سنوات.
وسقت يمكن فتره بسيطه من اول يوم طلعت في السياره يوم جيت بوقفها في الموقف طلعت بسرعه وصدمت جدار بيتنا.
بس حاولت بعد فتره اني اسوق وبالفعل سقت مده قصيره ووقفت .

وبعدين بقيت 5 سنوات من دون ما اسوق سياره احس بالرعب من السياقه احس اني دايم بسوي حادث ما ادري شلون اوصف لكم المشكله بس صادني خوف كبير

والحين انا خاطري اسوق بس الخوف مسيطر علييي وحتى امي وابوي مو راضييين
دايما يقولون لي اني راح (ادعم) يعني اصدم كل الناس الموجودين في الشارع ؟؟

ما ادري شلون اتغلب على هالشعور مع ان ناس وااايد يشجعوني بس ما في فايدة.

روحي للبر وسوقي كثير لين تحسين انك خلاص تمكنتي وسيطرتي على نفسك واستوعبتي السواقه اكثر
بعدها خلاص توكلي على الله وركزي دائما ولا تغفلين لحظه وانتي تسوقين وانشالله كل امورك بتعدي