شوفو مصيبتي يمكن تهون مصايبكم

بسم الله الرحمن الرحيم
السلام عليكم ورحمة الله وبركاته

اللي خلاني اكتب لكم اني تعبت من شعور الخنقه اللي ذبحني مخنوقه ابي اتكلم ابي اطلع اللي بقلبي يمكن يحس فيني احد

قصتي طويله اتمنى كل ماضاق صدري اجي افضفض لكم ويكون صدركم وسيع علي

انا بنت عمري29 سنه مصيبتي هي امي مع الاسف هي امي

امي الله يهديها ويسامحها على اللي سوته
جنت علينا وتسببت بتعقيدنا وكرهنا للحياة انا واخواني

امي من صغرنا تخون ابوي المسكين اللي مايدري عنها
مدري من وين ابتدي والله اول مره احكي واقول اللي بقلبي من طبعي السكوت

امي كنت اشوفها واشوف اللي تدخله للبيت بغياب ابوي الحبيب

غافل مادرى عنها يحبها ومدلعها

وهي ماتستاهله ابد
خاينه

مهملتنا بس تضربنا وتحرقنا

كثير قاسيه وماتحبنا

انا بسبب اهمالها لي كنت دايم بالشارع وتسميني ( صبيه ) عشاني دايم مع الاولاد بالشارع
كنت بسنه اولى ابتدائي

تحلق شعري زي الولد وتهملني بسببها انا انخطفت
واللي خطفني من عند البيت يصير ولد عمتها اللي كان يحبها
سالفتي طويله مع ولد عمتها الله لا يوفقه بس اهم شي اني قدرت ارجع للبيت لأني صبيه وحافظه الحاره

لما كبرت فهمت اشياء كثييييير كنت مو فاهمتها

كنت اسرق منها فلوس وهي مو عارفه وكنت دايم ادخل غرفتها بغيابها وافتش فيها من صغري مدري ليه ملقوفه

فيه شي لقيته ولعبت فيه وفكيته ثم رجعته مكانه

لما كبرت وشفت برامج بالتلفزيون رجعت فيني الذاكره وعرفت ان الشي اللي فكيته ولعبت فيه كان سحر

ايه ساحره ابوي

آآآآآآآآآه يارب اي ام هذي

تدرون كل اخواني يكرهونها ويدرون عن فعايلها

بس وش يسوون ابوي لما تدخل وربي يجلس عند الباب على الارض
انقهر لما اشوفه ينهان وفي بيته والله ماتخليه ينام عندها ولا تعطيه وجه ولا تكلمه كلمه حلوه
ويدري انها تكلم ناس بالجوال
مدري شقول بس وش اقوووووول وش اخلي
اقسى شي بالدنيا لما تكون مصيتك امك

يموت قلبي لما اشوف امهات صديقاتي او قريباتي امهاتهم كيف عفيفات ويحبون عيالهم وانا امي كذا

اموووووووووووووووت الف مره قسم بالله حتى حارمتنا من كلمة يمّه من كنا صغار منعتنا نقولها عشان ماتكبرها

وربي ابكي ودي اقولها مااقدر والله ماتطلع من فمي

اقسى شعور تحس انك يتيم واهلك حولك

احمدو ربكم على اي شي يصيبكم تراكم بنعمه
واللي عندها ام تروح تحب يديها ورجليها والله يخليلكم امهاتكم

هذا جزء بسيط من معاناتي

اذا انخنقت وضقت برجع وافضفض لكم

حاولت الانتحار

نفسيتي تعبانه تعبانه كثيييييييير
مافيه احد ممكن يساعدني؟
فيه متخصصه هنا؟

لاحول ولا قوة إلابالله
ارضي امك ولاتفكرين باللي كانت تسويه الجئي لله واشتكي حالك باسجودك عليك بالدعاء هو سلاح المؤمن والله مايخذلك الله ولايخيبك
انسي شي اسمه انتحار تهربين من نار الدنيا لنار الاخره
ايهم اقوى اكيد نار الاخره اجارنا الله منها اصبري الصبر مايجيب الا خير
الله يكشف السواء اللي انتم فيه

ليش مافكرتو تحكو لابوكم كل حاجه

......الله ييسر لك آمرك
يَ رب

حسبي الله عليها


زي مقالت الاخت اعتبريها حرمت ابوكي وعيشي حياتك

يااختي هذا ابتلا من الله وامتحان لك يعني الي ابي اقوله
ان الله سبحانه اختارك انتي من بد اخوانك عشان تظهري افعال امك
ويكون انقاذها من الي هي فيه بيدك بعد اللهوهينا يجي دورك
هو الامر صعب شوي ويعتمد على شخصيت امك وانتي الاعرف
بشخصيتها شوفي لها مفتاح وادخلي من خلاله يعني الي احنا نبيه
انك اول تكسبيها وبد ماتكسبيها انتهزي بعدها الفرصه بتخويفها من
الجرم الي اهي قاعده تسويه مثلا تقرين عليها بعض الي كتيبات المؤثره
او تروحي معاها مشوار وانتهزي الفرصه بحيث يكون معك شريط مؤثر
ولاتنسي الدعاء والله يساعدك ويهدي امك اللهم اميييين

لاحول ولا قوة الا بالله الله يهدي امك يارب ادعيلها بالهدايه ربي يفرج همك

كان الله في عونك اصبري عليها وحاولي تبرينها قد ماتقدرين وتذكري قول الله تعالى وصاحبهما في الدنيا معروفا 000
والله يرزقك الزوج الصالح ان شاء الله لتزوجتي تنشغلين وتبعدين عن الاجواء هذي الله يسر امرك ويفرجها لك وامك الله يكرمها بالتوبة والرجوع لله امييييييين

لاحول ولاقوه الابالله قضينا من سحرالشغالات جانا سحرالأمهات الله يكفينا شرالدنيا

الله يكون بعونك