عطر الأنوثه
New member
- إنضم
- 2009/11/16
- المشاركات
- 950
السلام عليكم ورحمة الله وبركاته
موضوعي هذا من مجهودي راح اعطيك اهم الاسباب لحياه ناجحه سواء حياتك العامه او الخاصه
اولا : علاقتك مع رب العالمين
هذا من اقوى الاسباب لحياه ناجحه طاعة الله هو الدافعيه هو الطاقه
الصلاه في وقتها قراءة القران حسن الظن بالله ذكر الله الصدقه وغيرها كثير
هذا اكبر سبب واعظم سبب لنجاحك في حياتك
الانسان لما يتقرب من رب العالمين تحسين براحه نفسيه طمأنينه
لما تصيرلك مشكله لاقدر الله ربي ماراح يخليك لانك ذكرتيه بالرخاء بإذن الله يذكرك في الشده
الشخص لما يطيع الله ويتجنب الذنوب والمعاصي ان شاء الله تكون حياته ناجحه في الدنيا والاخره
الانسان ايش يبي ياخذ من دنيته غير العمل الصالح
قال تعالى (( ومن يتق الله يجعل له مخرجا ))
من اليوم حسني علاقتك مع رب العالمين الى متى ذنوب ومعاصي الى متى غفله
ثانيا : التطبع بالاخلاق الحسنه
لاحظوا يابنات انا قلت التطبع لان موكل انسان عنده اخلاق حسنه بس يقدر يكتسبها مع الايام
سامحي على كل من يخطا عليك واتركي حسابه على رب العالمين
تحلي بالصبر واتركي اليأس مافي شي يصير بيوم وليله
اذا عندك هدف ظلي حاولي مره عشر مليون الين مايتحقق بإذن الله
خلي الابتسامه ماتفارق شفايفك ايتسمي على من تعرفين واللي ماتعرفين
يقولك هذي محاميه كانت كل قضيه تكسبها فحبوا يعرفون شنو السبب
اكتشفوا انها لما تدافع عن المجرم عند القاضي كانت تتكلم وهي مبتسمه وهذا السبب اللي خلاها تكسب كل قضيه
ساعدي الغير باللي تقدرين عليه
خلي الناس يحبونك احسني الظن بالناس واذا شفتي حركه من اي وحده لاتفكرين فيها وتظنين انها قاصدتك في الحركه وتجلسين طول الليل تفكرين فيها وماتنامين
اتركي فلان قال وفلانه سوت
اتركي العصبيه وطولة اللسان والسب والشتم وخليك دوم رايقه وهاديه
خلي الناس لامتي تذكرك بذكرى حلوه ويقولون الله يرحمها
ولايقولون الله يقطعها ماتت وافتكينا منها
واي احد يقدملك شي اشكريه وقولي يعطيك العافيه
الحكمه في الامور اي مشكله تحصلك تكيفي معها افهمي السباب دوري الحلول ولاتيأسواااا
قال صلى الله عليه وسلم: «إنّ من خياركم أحاسنكم أخلاقا»
قال صلى الله عليه وسلم: «ما من شيء أثقل في ميزان العبد المؤمن يوم القيامة من حسن الخلق وإنّ الله ليبغض الفاحش البذيء» [رواه الترمذي وصححه الألباني]. [رواه مسلم].
ثالثا : التفاؤل والتفكير الايجابي
تفائلوا دايم بالخير توقعوا دايم الافضل اتركي التفكير السلبي
تخيلي دوم الافضل وحتى ان حصل غير اللي تبينه اعرفي انها خيره ولاتجزعين وتغضبين
وان حصلتلك مصيبه اعرفي انها ابتلاء من رب العباد فكري ايجابي واشكري واصبري ولاتفكري سلبي وتجزعي وتغضبي وتعارضين على القضاء والقدر
حبي حياتك ايش ماكانت اقتنعي بحياتك لاتطالعين باللي احسن منك وتجلسي تندبي حظك قولي الحمدلله انا افضل من غيري
حبي نفسك مثل ماهي ولاتقولي انا موحلوه جسمي موحلو لاااااااا
امس شفت رجال بالتلفزيون ماله لاايدين ولارجلين وقدر يحقق اللي ماحققوه المتعافين
اخذ الشهاده الجامعيه ومااثرت عليه اعاقته
اذكري دوم نعم رب العباد عليك واشكريه عشان يزيدك وينعم عليك
اتركي التشاؤم والنظره الضيقه للحياه
وربي هذا السبب له تأثير كبير لحياه ناجحه
مافي احلى انك تبداي يومك بإبتسامه مشرقه
طالعي الحياه بجانب ايجابي تاملي بخلق الله وابداعه السحري شوفي الورده كيف تتفتح وتضفي السرور
ولاتخلين الشيطان يوسوس لك بانك انتي الحزينه وانتي المظلومه
ثقي بالله ثقه كبيره وتوكلي على رب العالمين دوم
ابتسمي وتذكري ان بعد العسر يسرى
طالعي حواليك بنظره متفائله بإذن الله بتلقين السعاده
تفائلي والجاي لسجادتك والناس نايمه وادعي ولا تيأسي
لاتخلي الحزن عنوان يومك واذا صارت مشكله بتزول لما تتفائلي وتهدا انفاسك ولجوئك لرب العباد
وتذكري ليس السعيد اللي ماعنده مشاكل
السعيد اللي تعلموا كيف يعيشوا مع الاشياء البسيطه اللي عندهم ويقتنعون فيها
عيشي كل لحظه بحياتك كانها اخر لحظه بحياتك عيشيها بحب وامل
رابعا :التقدير
قدري نفسك بنفسك لاتنتظرين احد يقولك يعطيك العافيه والا مبروك محد فاضي لاحد كل واحد
مشغول بدنياه
لاتشرهين على احد حتى على زوجك
مثال ان يوم نجحت زوجي ماجابلي هديه وصديقاتي ازواجهم جابولهم هدايا والله مازعلت تدرون وش سويت
قدرت نفس بنفسي رحت سويت حلى وكوفي وفيشار وحفله بسيطه ويوم جاء زوجي وسالني قلت هذ بمناسبة نجاحي انا استاهل
اي شي تسوينه لاتنتظرين كلمة شكر من احد روحي اشتري لنفسك هديه
اطلعي لحديقه رفهي عن نفسك
خالتي الله يذكرها بالخير كانت تنصحني ةتقولي لاتشرهي على احد اللي يشكرك يعطيه العافيه واللي مايشكرك حافظه الله
للحديث بقيه فما زالت هناك العديد من الاسرار
التعديل الأخير بواسطة المشرف:
