مابين الجليس الصالح والجليس السوء (قصة من وحي خيالي)وفيها عبره فعتبروو

  • بادئ الموضوع بادئ الموضوع swiet
  • تاريخ البدء تاريخ البدء
swiet

swiet

New member
إنضم
2010/12/20
المشاركات
1,787
سلام يا حلوين يا احلى بلقيسيات في الدنيا​





فكرت انو دي المره اناقش موضوع بطريقة جديده من قالب اخر يعني يكون قريب اكتر لقلوبك الطيبة​



واكون خفيفة ضل عليكم المهم اليوم موضوعي من الخيال ولاكن موجود على ارض الواقع ولاكن زي ماقلت لكم بقالب اخر يلا خلينا مع ابطال قصة اليوم​





اميره:مخطوبه من ولد عمها​



غلا:بنت عز وهاي كلاس​



سما:بنت على قد حالها وصديقة غلا الروح بروح​




مريم:متزوجة لها سنتين وصديقة اميرة​




اميره: اليوم يا امي اول يوم في الجامعة راح اقابل ناس غير وراح يكون المجتمع غير المدرسة والثانويه​



امها :طيب يا بنتي الله يسعدك ويوفقك انتبهي على نفسك في حفظ الله​



اميره: مع السلامه يا امي​



راحت اميره الجامعة ودخلت و هي شويه مرعوبه وشافت بنات اشكال والوان والقصيره والطويله والحلوة والعادية​



المهم تمشي على مهلها اخذت جوالها ودقت على مريم الو مريومة وينك من اول انتظرك ما اعرف احد غيرك يلا تعالي​



مريم: هلا والله دقايق بس واوصل يلا مع السلامة​




اميرة: اوكي انتظرك​




غلا: هلا اموره كيفك ياعسوله من متى انتي هنا​



اميره:هلا مين ماعرفتك سامحيني نسيت​




سما: افا الي واخد عقلك يتهنابو لحقتي تنسينا والى جاء العريس خلاص ننسا ايام زمان​




اميرة: لو سمحتي ليش هل الكلام الزمي الادب احنا في الجامعة موفي الشارع​




غلا:خلاص خلاص يا سماسم لما تفتكرنا حتجينى جري باي يااموره​





اميره:(بينها وبين نفسها) يارب ايش جابهم هذولي انا ماصدقت على الله انسى الله يسامحكم ذكرتوني بحب حياتي اخ بس​






مريم: انتي بتكلمي نفسك يا حلوه سلام​





اميره: هلا وعليكم السلام اخيرا جيتي كنت بكلم هذولي الله يسامحهم ذكروني فيه​




مريم:اميره يا قلبي ايش قلنا موخلاص انتي اتخطبتي من ولد عمك هو الي لازم تحبيه هو حيصير زوجك وحبيبك لاتخليني ازعل منك​




اميره: ادري اني مخطوبة بس الي ماتدري عنو انو ولا مره كلمني ولامره قلي كلمه حلوه يعني ببساطة مايدري عني ولاتبغيني احبو كمان​



مريم:اقولك يلا يلا خلينا نشوف جدول المحاضرات احسن من ده الكلام​




اميره :طيب يلا نروح​




وراحو يشوفو الجدول وكانت غلا جالسة تطالع فيهم وهيا حاقده عليهم وامرت سما صديقتها تراقبهم من بعيد لبعيد​




انتظروني​
 
سما راحت تشوف اميره ومريم وتلحقهم من دون محد ينتبه لها وفجائه وقفت وراهم
وبتتسمع لكلامه من وراء الجدار
​



مريم :الله يهديكي ياما نصحتك وقلتلك هذولي ماوراهم غير المشاكل احمدي ربك انك لحقتي نفسك ولا كان سوليك فصيحة عند اهلك



اميره :ايوة يامريم انا فاهمة كلامك والله اني ندمت قد شعر راسي لما سمعت كلامهم اخ بس يكفي وجع قلبي مانابني غير الالم والندم الحمدلله على كل حال​




مريم: الحمدلله والله يا قلبي بكره حتقولي انك اسعد انسانه في الدنيا واذكرك هو في احلى من الحلال وضحكت​



اميره: تضحك الله يسعدك كسفتيني​




راحت سما تجري تقول لغلا على الي سمعته بتفصيل طبعا عشان يخططو للئنتقام من اميره ​



طبعا هي اميره ماسوت لهم شي بس دي الناس للاسف ماتحب الخير للناس في قلوبهم مرض الله يعافينا​



انتهى الدوام ورجعت كل وحده لبيتها
​



دقت غلا على اميره​



غلا:الو اموره كيفك اكيد عرفتيني دحين صح​



اميره:اها هلا والله اسفه ماعرفتك اليوم شكلك مررره متغير بس دحين لما دقيتي عرفتك(في نفسها الله ياخذ شكلك)
​



غلا:والله انا مررره زعلانة منك كده ماتسئلي ولاتقولي عندي صديقة اسمها غلا الحلوة


اميره:خلاص لاتزعلي مادمني كلمتك ليش تزعلي
​



غلا:خلاص ماراح ازعل عليكي بس في ناس زعلانه منك ونفسها تشوفك ايش رايك تجي عندنا (قصدها على اخوها)​




اميره:(يا قلبي عليه)اسفة امي ماراح ترضى عشان انا انخطبت​



غلا:اها يعني عشان اخطبتي خلاص محد يشوفك يا بنت اقولك في ناس راح يموتو عليكي​



اميره:خلاص انا احاول مع امي مع السلامه


غلا:خلاص استناكي باي
​



بسرعة اميره دقت على مريم طبعا البنت خافت​



اميره:الو مريم الحقيني الله يخليكي ايش اسوي​



مريم:هلا ايش في اشبك يابنت ايش صار
​



اميره :دقت عليا غلا قبل شوية تقولي انو تبغاني اروح لها البيت عشان اخوها يبغى يشوفني



مريم:وانتي ان شاء الله قولتيلها انك جايه انتبهي انتي مخطوبه​



اميره:لا لا بس ايش دخل الخطبه دحين



مريم:اقصد انتي على ذمة واحد حرام الي بتسويه لو فكرتي تروحي​



اميره:طيب اذا اتصلت مره تانية ايش اقولها
​



مريم :اممم قوليلها امك مارضيت مع السلامة​



اميره: طيب مع السلامة
​
 
الله يستر من هالاشكال والله ينخاف منهم لايورطونها بشى بس
 
تاني يوم قامت اميره من النوم واتزهجت عشان تروح الجامعة وطبعا شافت غلا وسما مستنينها من الصبح
​



اول مادخلت وفصخت العباية



غلا :سلام كيفك وين الناس امس جرست انتظر الرد​




اميره: وعليكم السلام طب انا قلت لك اشوف امي​



غلا: ايش قالت امك قولي بسرعة


اميره: يعني ايش راح تقول اكيد مارضيت انتي عارفة امي
​



غلا:طيب انتي ليش ماحاولتي تقعيها زي زمان ماكنتي تجينا


اميره:زمان غير ودحين غير اناصرت مخطوبة ماتفهمي



سما:وايش يعني مخطوبه مافي ناس متزوجات وعادي يروحو لليحبوهم


اميره:لو سمحتو احترمو نفسكم انا بنت ناس وماتهون عليا نفسي



غلا:بنت ايه بنت ناس طب وين كانو الناس قبل ليش دحين طلعو الناس


مريم :سلام يابنات خير ايش فيكم ليش اصواتكم طالعة كده



اميره:شوفيهم يامريم قوليلهم خلاص انا انخطبت وخلاص ربي تاب عليا والله حرام عليكم


مريم :اميره روحي لو سمحتي هناك انا ابغى اتفاهم معاهم
​



غلا:انتي مالك أي دخل فينا احنا نتفاهم معاها هيا صاحبة المشكلة


مريم:اقصروو الشر وابعدوو لاوالله ثم والله اعرف كيف اربيكم


غلا:تربي مين ياروح ماما انتي نسيتي انا مين بنت مين



مريم: لامانسيت بس انتي الينسيتي انو في شرطة وقانون في البلد



سما:لا لا خلاص امشي يا غلا بلاشرطة بلاهم احنا اسفين يامريم

​
 
راحت اميره تبكي بقهر على غلا والي زيها وقررت انها تقطع علاقتها فيهم


وانها تتوب توبه نصوحة
​



وجاتها مريم تهديها وتمسح دموعها


اميره:ربي يسعدك يامريم ولايحرمني منك يارب
​



مريم:اتمنى انك عرفتي وجه نظري لماكنت انصحك تبعدي عن الغلط الي مايجي من وراه



غير المشاكل


فهل اعتبرتم من القصة وفهمتو القصد



بقلم swiet:3:


تحياتي



حقوق مملكة بلقيس محفوظة


لا احلل من ينقل القصة يوم القيامة
​
 
دمعة غلا تسلمي على مرورك ويارب تكوني شوفتي النهايه​
 
جود القلب الف شكر على المرور والدعوه الحلوة​
 
الحمد لله ان النهايه جت على كذا والله ياما بنات ورطو بنات مالهم اي ذنب بس حاقده عليها عشانها متفوقه ولا شي فما بالك بذي كانت غلطانه بصراحه انا احزن من جد يوم اقرا مشاكل من هالنوع يارب احفضنا واحفض بنات المسلمين
مشكوره يالغلا على القصه الهادفه والله يجعله في ميزان حسناتك يارب امين
 
تسلمي يا الغلا على مرورك وصدقتي في بنات كثير كده الله يحفظنا بس الحذر منهم

تحياتي​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل