متى اناقش الشرقي؟
اناقشه لما يكون هادي ومروق وبشوبش وبدون اندفاع
عشان مايحس انه لازم يكون بموقف دفاع
وبصراحه انا ودي اناقشه بامور او بالاحرى اعاتبه
لان صدرت تصرفات منه ومدري كيف افسرها
يعني تخيلو كنا نسولف وقال لما تجون تحطين اغراضك بالشقه بكون فيها وقعد يستهبل قلت كيف ؟ اخوي اكيد مايرضى اني ادخل ويقول عيب قال كيف عيب وشوي سكت
وحسيته تضايق وقام يتكلم وياله يحكي وسكر وعقب ماسكرارسل يعاتب يقول تنرفزت وطفشت بعض الكلام يطفش ومدري ايش ؟؟!! قلت اي كلام قال طفشت وبس مدري ليش؟؟يقول عشاني صريح قلت لك اني تضايقت طيب صريح بس يقولي طفشت وتنرزفت وخير طيب وش هالصراحه <<معصبه
وبعدين يقول خلاص انا روقت اقولك الي ضايقني بعدين
مزاجيه غريبه يعني بكون تحت رحمة مزاجيته احس اذا فيه شي مضايقه يحط حرته فيني احيان كذا احس وانا سلاحي التطنيش بس اسكت وبعدين افجر براكين
الشرقي لما يعصب يخبص ويحوس بالكلام ولايحسب حسابه وهذا الشي اللي تعبت وانا احط حد له
.
.
ممتاز النقاش وهو مروووووق
واناقشه اذا كان فعلا هناك موضوع يستحق النقاش
موضوع يخصك انتي او حياتكم مثلا شراء بيت
قضاء اجازه
تربية الاولاد
ولكن احذري من نقاشه عند امور تخص شخصيته
لانه يأخذ النقد بشكل شخصي
وانك تنتقدينه هو وليس الفعل
الشرقي انسان يعى للكمال
وانتقادك ونقاشك يرسل رساله له مفادها
هناك خطأ ما في شخصيتك ..
والشرقي يحترم نفسه وغيره ولكن يحترم نفسه بزياده
قد يعتبرها البعض غرور
لذلك لن يسمح لك ابدا بانتقاد شخصيته
..
ماهو افضل وقت للنقاش مع الشرقي؟
وقت الليل النهار احس يكون فيه توتر مدري ليش حتى انا ماحب اتكلم النهار<<الاخت تبربر الليل وبس
.
.
نقاش الشرقي وهو يعمل او بالهـ مشغول لايجدي
لان الشرقي من النوع اللي يركز
فاذا ناقشتيه وقت العمل تأكدي انو راح يصدك
طريقتك ممتازه ..
اذا كان شرقيك يفضى بالليل
بس حاولي ما يكون وقت النوم
او قبل وقت النوم
لانك بكذا توترينه وتخربين جوه لو تحول النقاش لهواش
وماراح تنامي كويس لانه بيحرمك :5: <<<يجيد اسلوب العقاب بشده
..
متى يمتنع الشرقي عن النقاش ؟
والله احس مايسكت لاحكى ويقط قنابل يووووومه منهم
.
.
الشرقي يمتنع عن النقاش اذا رأى ان من امامه يتحداه
او ماعنده سالفه
مثلا شرقيك مهتم بالرياضه
تجين تناقشينه بالكوره والفرق وهو يعلم يقينا انك ما عندمك ادنى خلفيه عن الكوره
تأكدي راح يصدك
تأكدي
لان الشرقي حريص على وقته
وكذلك ما يحب التخبط
يشوفك تتكلمي بحاجه ما تفهمي فيها بيقزز على قولة الشباب:17:
والله لو تتكلمي من اليوم لبكره ماراح يسمع
وكذلك العناد .. اكره صفه عند الشرقي العناد
مع ان البعض يرى ان الشرقي عنيد
ولكن هو ليس عنيد بالمعنى الدقيق
الشرقي دقيق ولما يتكلم الغالب يكون عارف هو ايش قاعد يقول
ومتأكد منه لانه يستند على امور معينه فيتمسك برأيه
اما العناد منك ماراح يفيك
لانه ماراح يحس فيك روح الانوثه اللي تقتل الشرقي وتجيب اجله
الشرقي يموووووووت مووووت بالدلع اللي على سنع
يمووووووت بالانوثه الطاغيه ولا يقاومها مهما اظهر لك انه يتضايق
حاولي تتصرفي بانوثه من بعيد لبعيد وشوفي كيف يطالعك باعجاب
هو يكره الدلع النتكلف
يحب السنع .. مع الدلع .. تملكين قلبه
لانه بكذا يثق فيك
الشرقي ما يبغى انثى دلوعه فارغه لا
يعشق عقلك وروحك قبل شكلك
اكيد الانثى الحقيقيه وصلت الفكره لها ..:22:
.
.
ماالذي يثير غضب الشرقي اثناء النقاش؟
اذا حس انه على غلط
.
.
والصوت العالي يؤثر فيه اكثر لانه يشعر بانه مع رجل وليست انثى:21:
..
كيف اقنع الشرقي بما اريد؟
علموني والله للحين مدري ؟؟
.
.
ان كنتي تنهجين نهج الحكمه بالتصرف مع الشرقي
ويحس ان عقلك يوزن بلد
ويحس انك ذكيه ولماحه ويعتمد عليك
تأكدي راح يثق فيك
وايضا ..
ان اقتنع الشرقي بانوثتك
وتدلعتي عليه حبتين..
وعطيتيه كلمتين مدح <<<بيطير من مكانه
الشرقي يموت بالمدح
وانك تحسسيه انو هو سندك وحبيبك ومالك الا هو
وبنفس الوقت يشوف شخصيتك قويه قدام اولادك ومع اهلك
وتهتمي بامه وتغاضي عنها مهما كانت (قشرا ):39:
لانو اصلا ماراح يسمح لك تتكلمي بامه او اهله
واللي فيه شر كافحيه بالدعاء
وايضا قيام الليل يعطيك هاله من الوقار والاحترام بين من هم حولك
ان اقتنع بك ..
اقنعتيه بما تريدين
اذا الحل بين يديك
ووضعت لكم عدة مواضيع شامله لما اقول
فليس لكن اي عذر
..
ماهي المواضيع التي تثير انتباه الشرقي ويفضل مناقشتها ؟
امممممم مواضيع اجتماعيه خخ مدري كيف اوضحها
بس مدري للحين وش المواضيع الي اثارته
.
.
الشرقي يفضل النقاش بالمواضيع اللي تخليك تقولي وااااااااااااااو
انت مدهش .. انت ذكي .. انت انت انت :33:
يموووووووت بالمدح
بس المدح الصادق
لاتكذبي عليه لان الكذب ماينفع مع الشرقي
الشرقي دقيق ويعتمد على الملاحظه بصمت والتسجيل
عشان كذا لما تمدحيه بصفه مش موجوده فيه
او تمدحيه بمبالغه عشان تحصلي على شي
صدقيني راح يقلب الطاوله عليك
عوديه عالمدح حتى في اوقات ما تكوني بتطلبي منه شي
مثلا بعد العلاقه الحميمه امدحيه
وقبلها امدحي جسمه ورجولته
بيستانس وبيحاول قدر الامكان يرضيك..
عموما يناقش بالمواضيع اللي يعرفها تماما
وتعودي انه ماراح يسألك عن شي
لانه مايبحث عن المعلومات بها الشكل
اذا يبي يعرف معلومات يروح للمصادر
لانه يهمه الدقه بالمعلومات
ودايما يحاول يناقشك بوضعية المعلم والتلميذ
ويسعده القيام بها الدور
فاتقني دور التلميذ
ولا تهملي ثقافتك
اظهري ثقافتك بمجالات اخرى وبطريقه غير مباشره :22:
..
كيف انهي النقاش مع الشرقي ؟
بالصمت
.
.
الصمت ولا يعني الهزيمه ابدا
حتى لو ما قدرتي تقنعيه لا تحسسيه بعجزك عن الاقناع
حسسيه انك من كثر حبك له ما قدرتي تقاوميه
مثلا لو عصب
قربي منه .. امسكي يديه شبكيها بيديك ..
قولي له بحنان .. فديتك لا تعصب
امووت فيك ..
يالله تجنن وانت معصب ..
طبعا بدلع
اقلبيها عليه
حاولي تخليه ينسى الموضوع الاساسي اللي كنتوا تتناقشون فيه
عشان ما يحس انو هزمك
اذا حس ان ما عندك قدره عالحوار راح يستخف بحوارات
بس لما يتعود ان اي حوار ممكن ينقلب مزح او دلع وحتى ممكن تغريه
وتقلبي الموضوع ماااااااااااااااره .. خليك ذكيه وفرفوشه معه
وتنازلي شوي
ماله داعي تتحقق كل الامور
ممكن يعدي الموضوع هذا بس راح اضيف نقط لرصيدي عنده
وراح يحبني اكثر واكثر
تذكري
لا تناقشي لمجرد اثبات رأي
او الاقناع بشي معين
الحياه سهله
واللي ما يتحقق اليوم يتحقق بكره
اهم شي اكسبي حضرة جنابه
وحافظي على بيتك واسرتك:6:
.
.
.
