ماذا افعل بوساوسي تجاه ابني

  • بادئ الموضوع بادئ الموضوع thel
  • تاريخ البدء تاريخ البدء
thel

thel

New member
إنضم
2007/08/30
المشاركات
325
السلام عليكم...

اول مره اكتب موضوع

لكن والله تعبت واتمنى المشوره الصادقه والصحيحه


انا عندي ولد عمره اربع سنوات

الى الان ماعندي غيره لكن الحمد لله انا حامل

المشكله اني متعلقه بابني تعلق كبييييييير

وهو كمان متعلق فيني اكثر

يمكن طبيعي لانه هو الى الان وحيدي ولاني من

ولدته وانا بغربه

لكن اللي مو طبيعي اني لما اشوفه نايم اتخيله

ميت ... والله اني اشوف الدم من راسه ...

اموت الف مره ومره

اتخيل ان النفس وقف

عمري ماغطيه ببطانيه بيضا او لونها فاتح

ينقبض صدري على طول

لو راح بالسياره مع احد اللي يحصل اني استنى

خبر حادث

انا اول مره اتكلم كذا ...انا مابغى استخدم هذي

الكلمات...لاني مابي اتفاول عليه بس والله

من اللي احس ...خلاص انا مو قادره استحمل...

او احيان اطالع فيه واقول بدلعك لاني احس من

جو اني بموت وبتربيه وحده غيري واقول خله

يتذكر ان كان له ام تحبه

انا اصدق بقانون الجذب وهو اصلا موجود بالاسلام

" انا عند ظن عبدي بي"

كل ماجتني هالفكره احاول ابعدها ...

احاول اشيلها ...

افكر بشي ثاني ...

مافي فايده ..

غصب عني ..

تدرون اني الى الان انا اللي ااكله ..بيدي ...

ماعرف ... ابي حل ...

اعرف انه وسواس من الشيطان ولكن وش الحل؟؟

​
 
مبروووووووووك الحمل يا عسل
حبيبتي هدا لا وسواس من الشيطان ولا هم يحزنون
شيلي هالافكار السوداء من راسك وبسسسسسسسسس

وعلى ما أظن سبب هالحالة معك ( حنان زايد عن حده ) عندك عاطفة الامومة قوية وكبيرة لدرجة مو طبيعية

لا تقعدي تفكري وتقولي هدا وسواس من الشيطان لأ لأ حبيبتي
وكونك حامل بس تولدي ان شاء الله وتقومي بالسلامة من حالك راح تلتهي وراح تتوزع عندك عاطفة الامومة وحنانك للولدين وما راح يكون عندك وقت لتفكري بهيك أمورك

وتوكلي على الله
 
اهلا المستبده اشكر لك حضورك
هو فعلا انا حنونه عليه جداا ولكن هذي الأفكار عن جد تعذبني اول ما تبدأ ما اقدر اسيطر عليها او أبعدها
أتمنى القى حل فعلي
 
ممتاز انك حامل بكرة كل اهتمامك بروح للصغير لاتخافي وهذه المخاوف طبيعية بس دوما اذكري الله عليه وانا كذلك اخاف على بنتي الصغيرة بس استعين بالله على ذلك ترتاح نفسي
 
حبيبتي حطي قناعه في راسك ان اللي كتوب لك وله بيصير بيصير وعشان لا تقلقي عليه دايم قولي استودعك الله الذي لا تضيع ودائعه وخلي ثقتك باله كبيره لا تصيري موسوسه
 
الله يسعدكم يارب وفعلا اساور من ذهب الحمد لله اني حامل ان شاء الله الاهتمام يتوزع واخلص من هالوساوس
بس الخوف لو تضاعفت على اثنين :(
اعوذ بالله من جد احيان اسال نفسي اللي عندهم خمسه وسته كيف يقدرو يتحملو مسؤوليتهم ما شاء الله عليهم ==== وحده ما عندها نيه ابد تزيد على ثلاثه :)
الاخت essy114 اشكر لك ردك وفعلا لاراد لقضاء الله بس نقول الله يرفع هالوساوس من راسي يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل