ابغى نصحيه من كل مطلقه

انا روزه

انا روزه

New member
إنضم
2009/07/27
المشاركات
74
السلام عليكم ورحمة الله
انا قصتي طويله
قصة 18 سنه عشره
باختصار انا عايشه في حبس انفرادي
لا طلعات لا عزايم لا دورات
حتى الوظيفه طلعني منها
مصروف شهري رافض يعطيني
خروج حتى مع ابويا لا واذا رضي بزعل ومشكله وانت تمشي كلامك
وطبعا زوجي شمالي طول وقته مشغول في شغله
ولما يرجع البيت زهقان طفشان على اعصابه
حاولت كم مره اتكلم معاه تنقلب الشغله صريخ وخصام
جفص جلف ما تعرفي كيف تتعاملي معاه
والله بعض الاحيان اقول لو لقيت منه الكلمه الطيبه كان اتغاضيت عن كل التقصير
في البدايه قررت اخلي جنتي في بيتي
وفعلا مابقيت هوايه ما اتعلمتها وصرت كل يوم من الصباح اشغل نفسي
لكن يابنات خلاص قلبي ضاق ما اقدر اتخيل نفسي عايشه طول عمري كذا
نفسي انطلق
احس بالحريه
بالامان
بالحب
بنات ابغى اتطلق
وصراحه خايفه اندم على اني تركت اولادي
وهو رافض الطلاق
لانه اناني ماهمه الانفسه
الله يسعدكم الا مرت بتجربة الطلاق تنصحني
 
انا مطلقة وكان طموحي نفسج بس بعد الطلاق ندمت صحيح عندي الحرية وكل شي بس فاقدة انوثتي لاني صرت الريال والحرمة لعيالي

انا صرت مسؤولة عن كل شي بعد زواج ابوهم وهو يا دوب يعطينا المصروف وباقي الامور علي

صدقيني الطلاق مش سهل مثل ما انتي فاكرة
 
step for change
بالله ما تحسي انه طالما اولادك معاك تقدري تعيشي حياتك بالطريقه الا تناسبك بدون مشاكل ونكد طول الليل والنهار
 
حبيبتي الطلاق مب شي سهل
بطلعين من فراغ الى فراغ اكبر صدقيني
غير جي بتتحملين مسووليه اروحج العيال
وغير جي بتخسرين حت هلج نظرتهم اتجاهج بتتغير ومجتمع
انت ما قدرتي " تتحاورين" مع شخص كيف تغيرين نظره مجتمع اتجاهج
طبي عنج فكره الطلاق تراها وسوسه من الشيطان
وسمعي نصيحتي زين ما زين
انتي قلتي انج مارستي اشيا وايد علشان تقضين وقتج؟؟
هالاشياء الي مارستيها كان هدفها فراغ لتغطيه فراغ بلا هدف
لو درستي ريلج زين ما زين بتعرفين مفتاحه ومفتاح قلبه وبتحتوينه
لا تقولين عنيد وشمالي وراسه يابس ترا ريلي جذي واغلب الرياييل جذي بس ما قالن حريمهم بنطلق
الانسان يحاول مره ومليون ما يياس بمجرد ان وان
تدرين ليش لانج ما عودتيه من بدايه الزواج يتغير ومشيتي ع ما يبى فمع مرور الوقت حسيتي بالفراغ لو سايستيه لتغير عليج بس مازال شي وقت لتغير
وقتج الفراغ شغليه بتدريس العيال ووقت للطبخ ووقت لمارسه الرياضه ولو بسيطه وترتيب البيت وقراءه سوره البقره صدقيني بركه في كل شي
قضي وقتج في قرائتها مره في اليوم ودعي بعدها وويوم اطلبينه شي قبل قري سورة الفاتحه الله يفتح عليج حتى في الاكل قري عليه ونفخي فيه وتعوذي دايما من الشيطان لان شكله بينكم
بعطيج دعاء وطريقه حلوة صبري علي بس ذكريني ونصايح من ذهب وبتواصل ويااج حبوبه ع الخاص اذا تبين
اتريا ردج
 

الله يسعد قلبك يا مها البوادي
والله اني من جد تعبانه جدا
صدقيني حاولت من اول زواجي اصر على الا ابغاه
وزعلت وخرجت من بيتي اكثر من مره
واخر مره مارجعت الابشروط وحضور رجال وابوه وابويا
ولكن بلا فائده لم ينفذ شئ من طلباتي
اما الدعاء فدائما ولله الحمد لي اورادي وادعيتي,ولكن هذه المره استغفر الله لا اريد ان ادعي ولا اقرا كل ما افكر فيه كيف ابتعد واتخلص من هذا الانسان
وياريت الله يسعدك نتواصل على الخاص
 
الله يسعدش يامها البودي انا محتاااجه لنصايحش لاني مرهقه من زوجي وتعبااانه
 
وأنا بعد أقوووولج ترى الطلآق مب هين ابدآآآ ..

مع أني عندي طفل وآآآحد الله يخليه لي بس والله مسؤليته تكسر الظهر ..

أنتي حآآولي بكل الطرق أنج تغيري هالشخص .. لآ تيأسين أبدآآآ ..

وهلهله ف الأستغفار وقيام الليل وسوره البقره وسآآئر القرءآن بركهــ ..

الله يوفقج لمآآ يحب ويرضى ..

خويتج ,, أطيب قلب ^^
 
كنت اصر على الطلااق بيني وبين نفسي
كنت اعتبره رااحه بعد عذااب
ماتوقعت مثل ماقالوا الاخواات
الله يعوظهم خير ياارب
 
اذا عندك عياااااااااااال بالطبع انسي فكرة الطلاق

لانك تأخرتي 18سنه والحين فكرتي كملي تضحياتك عشان عيالك

وهو سوي واجباته وطنشي العاطفه وخلي عاطفتك لعيالك وعيال عيالك

اذا كبروو
 
مآآآشاء الله أختي
مها البوادي وفت وكفت
راي من رايهااا
الطلآق شئ مو سهل
 
اختي الغالـــيــــــــــــــــــــــة



تعوذي من الشيطاااااااان

وشيلي فكرة الطلاق من راسك

واوصيك بالدعاء والإستغفـــــــــــــــــــــــــار

وحاولي تقوليله كلام حلو مثلا

اذا طلب منك شي قولي من عيوني

او انت تامر كم واحد عندي وسمييييييييييييييييه بإسمه

وجربي تهادية هدية وتكتبي بطاقة وفيها كم كلمة حلووووووووووووة
 
فكري بدل المره مليووووووون مره الطلاق مو شي سهل ولاتصيرين أنانية ترى الآولاد بتتعب نفسيتهم
 
يابنات افهمووووووووووووووووني
غرابيل
انا مااتاخرت 18سنه
انا من اول سنه وانا اطلب الطلاق والله العظيم من اول شهر عرفت اني ما اقدر اعيش مع هذا الانسان
اختي الحنونه
والاولاد الا تتكلموا عنهم ماصرت طايقه اكلمهم ولا اطالع فيهم من همي
هما اصلا احس انهم مو مستقرين نفسيا بين اب وام طول حياتهم يا مشاكل يا تطنيش
وهما نفس الشئ طول الوقت حاسين انه حياتهم غير عن كل اهلنا الا حوالينا
كلهم ابهاتهم متساهلين سايبينهم على راحتهم ,ما يتحكموا فيهم وطبعا انا عارفه انه عندهم مشاكل من نوع ثاني بس انا اتكلم عن نقطة التجبر والتحكم
بنات
سالتكم بالله يعني ايش الطلاق مو سهل ولي ابغى افهم
 
اقوى شئ
ترى احس اني من جد مو طايقه لا اكلمه ولا اطل في وجهه
لانه مصر انه يعيشنا على كيفه وبكيفه
من غير ما يفكر ياخذ راينا ولا يسألنا اذا كنا مرتاحين او لا
 
إنت ليش حاطة ببالك إن السعادة بالخروج من البيت ولتمشيات ؟؟
ليش ؟
صدقيني السعادة قناعة !!
ودامك بخير وصحة وعافية ، واولادك بصحة وعافية فأنت بخير
والدنيا دار العمل ، مو دار التمشيات !!

ممكن تتفقي معاه على حد أقصى مثلا ( مرتين بالشهر ) يطلعكم مرة للبر ، ومرة للبحر لو كنتم بمدينة ساحلية ،،

وإذا عندك حوش اطلعي وافرشي فرشة ونادي عيالك وجيبي مكسرات وشاي ووسعي صدرك

محدثتك ما عندها تمشيات ولا خرجات بس ما حسيت إنها نهاية الدنيا !!
قاعدة أحفظ / وأتواصل مع صديقاتي وأهلي بالتلفون / والنت

اتعوذي من الشيطان ،، وصدقيني السعادة قنااااااااعة
إنت حطيتي معادلة ما لها أساس صحيح أبدا
الخروج من البيت بصفة دورية = السعادة


وصدقيني كل رجال له نقاط يتغاضى عنها
أعرف رجال شايب مثل ما تقولين ما يحب زوجته تطلع أبدا
وكل الناس حرمهم منهم إلا " الجيران "
تخيلي حتى أهلها
لكن الجيران ممكن
فتكيفت مع هالوضع وصارت كل أسبوع تطلع مرة لهم ،،
ومبسوطة
والآن في التحفيظ
ما اتوقع زوجك يمانع من التحفيظ


اتعوذي من الشيطان وربي بيفتح لك أبواب الخير
 
تعوذي من ابليس حبيبتي
حبيبتي انتي قلتي من اول شهر افكرت بالطلاق يعني تفكيرج مبناي ع طريقه خطا وانتي الي بنيتيه ع هالطريقه فيوم تتعاملين مع ريلج بتتعاملين ع اساس طلقني وبيتيبين الاعذار وما ادري شو وما لا نهايه
غير جذي اصلا ما بتكون لج حريه ومقيده بالعيال ولا حد بيتحملهم غيرج وهو بيعرس وحده ثانيه وبتغيره وبيعيش وانتي مازلتي في دوامه وحده قبل وبعد

مثلا عيالج مب معقوله ما غيروا شي من حياته وحياتكم ككل هذا الا اذا انتي حسستيه ان اليهال هم ع قلبه ما وجهتي عاطفته وعقله للمسار الصحيح ابدا تتكلمين عن العيال انهم ضحيتكم انتو الاثنين انزين هو ما قد المسووليه المفروض انتي تعوضينهم بس انتي اعترفتي انج مقصره اياهم هالشي ما لصالج ولا لصالح عيالج المفروض تستمتعين اياهم
وبذمتج حد يشوف عياله مقصرين حتى في السعاده ويفكر يحرمهم زياده الا اذا كان شخص اناني مثلج واسمحيلي هالانانيه ادمرج وادمرهم ولا تعتقدين ان الطلاق ف يوم حل ؟.


بعدين مش معقوله هو ما يدفع يوم تسيرين السوق واذا دفع خلاص كنسلي مصروف اشهري الوقت الحالي لانج تبين تكسبينه اولا بعدين تيرينه لهالامور يعني احساسا وعقلا ثم ماده

وصدقيني مستحيل ما يوديج صوب هله امه ابوه اخواته اكيد بيخبرونج الي يحبه والي ما يحبه سمعي لهم ودرسي ريلج بس انتي طلبي هله حسسيه انج تحبينهم ترى الشمالي يموت ع هله خص امه فاستغلي هالشي

وفيه نقطه مهمه انتي قلتي ان ما يوديج بيت ابوج انا بخبرج لانج تلجئين لهم في كل مشكله بدايه زواجكم فهو يشوفهم جزء من المشاكل وانج اسيرين ترمسين واذمين عنه فجذي كنسلي فكره سيره لاهلج والله يخلي التلفون

اختي انتي عندج نت تقدرين تتعلمين اشياء ما لا نهايه
بخبرج انا ما عندي نت القطه من صوب عمي " هههههههه وحاولت اقنعه بكل الطرق وما اقتنع "مع ذلك ما سويتها قضيه ويلست احوس بذمتج منو ما يبى نت احين بس قلت مع مرور الايام بيتغير وهالشي بعد توفيق من الله انا لي دور فيه وهكذا في المصاريف والطلعات
بس كله يباله سياسه ووقت مناسب وصبر ماشي ايي ددون صبر

بخبرج شي حلو فاجئيه فيه يوم ايي نظفي البيت وغيري الزينه وعدلي عمرج ولبسي ودخني قبل ليي بساعه وجهزي الغرفه وسويله احلا طبخه وساليه بكل رومانسيه بعد استقباله انا مقصره فيك بشي ؟؟ شو الي يعجبك فيني وما يعجبك ؟؟
اكيد هو بيخبرج هالامور فيج فكتبيهن في ورقه وحاولي تغيرين منهن صدقيني مستحيل ما تنجح

دعاء خروج الزوج " تقرينه دايما كل ما يطلع ريلج ربج عليم حد موسوس فيه "

"اللهم يا من لا تضيع ودائعه استودعتك زوجي قلبه وفكره ولسانه وبصره وعقله وفرجه وسائر جوارحه وان تحفظه وتصونه وترد عنه كيدهن وتحفظه كما حفظت سيدنا يوسف من امراه العزيز انك ولي ذلك وعلى كل شي قدير ولا حول ولا قوه الا بك"

اعرف وحده ريلها يخونها يوم قرت هالدعاء تغير عليها
وهاتي ماي وقري فيه المعوذات والاخلاص واواخره سورة االبقره والكرسي مع اخلاص النيه وحطيه تحت السرير تراه يمتص الشحنات السلبيه في البيت
وشغلي لو مرة البقره تقرا اذا ما قدرتي تقرينها
عرفتي كيف عظمه القران رهيبه وقري الرقيه الشرعيه عليج وعليه يوم نايم وسورة الشرح لانها تشرحله صدره ووووووووووايد بشكل ما تتصورينه ومن هالناحيه انتهينا من توقع عين او حسد لكم او حد يوزه عليج صح وبقى الدور عليج

غير جذي قري الفاتحه ع الاكل الي اسوينه واي شي اطلبينه لانها تفتح عليج
وتصدقي تراهاا دوااء عظيم
"هالامور كلها انا جربتها والله رهيبه وريلي مثل ريلج حتى طلعه ما كان مقتنع فيها ابدا "شمالي بالقو
اما الاسلوب فيوم يعصب سيري عنه مب لازم تقنعينه انج مظلومه او انج صح الرياييل ما يهتمون لهالامور يبالهم سياسه تفكير مع مرور الوقت فطنشيه لان يبتعمد يستفزج في وايد نقاط علشان يبين انج غلطان

اما باقي عليج من تعديل في اللبس والجسم والمظهر والاسلوب والبيت والعيال والاكل والروائح وهالامور كل حرمه تعرفهن اكيد
كل المطلوب احين اطبقين وشوفي التغيير خلال شهرين

واي استفسار انا حاضره واي شي تبينه انا موجوده نحن في الخدمه
وربي يسهل عليج وينور دربج ويهديكم ويخليكم لبعض

طنيني عليج لا تنسين
 
انتي لازم ما تعاندينه انتي لازم تسايسنه النعاند ما يجيب راس الرجال نهائي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل