عــروس ومحـتـاره ~ تفضلي =)

س

ســواره

New member
إنضم
2010/08/11
المشاركات
217
بسم الله الرحمن الرحيمـ​

السلام عليكم ورحمه الله وبركاته​

ie1mya.jpg


أولا :نــــــــبدأ بالحجـــوزات المطلوبـه​


حجز القاعـــه..​

حجز المكياج والشعر (للعرس والصباحيه )​

حجـز الكوشه والاضاءه​

حجز التوزيعات​

حجز التصوير واختيار البوم العرس​

اختيار بطاقات الدعوه​



ie1mya.jpg

ثانيــا: قائمة مشتريات العروس ​


الفساتين:​


1-فستان الزواج ( تفصيل - ايجار- جاهز )​

2-فستان الصباحيه​

3- فستان او فستانين زياده على حسب انتي كيف تبين ​

الجلابيات:​

1-طبعا تختلف الوحده في بيت زوجها و تحتاج كميات من الجلابيات اكثــر .. يعني من 5 الى 10 جلابيات لاتكثرون ......وفيه بنات مايحبون الجلابيات فلاتتعبون نفسكم..​





قمصان النوم:​

كل عروس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئيـــــــيسي الي مال اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..​


البجامات :​

تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز ​


الملابس الداخليـــــه:​


من15 الى20 طقم..​


ملابس مريحه للنوم شفافه وخفيفه
ملابس داخليه للطلعات والدوام
أطقم سنتيانات للبيت غير مبطنة
أطقم سنتيانات سهرة
كلوتات انفرادية ألوان متعددة​



ماركات الملابس الداخليه: ​

شانتيل
لاسنزا
نعومي
لاسنزا للمقاسات الصغيره وشانتيل للمقاسات الكبيره​

وافضل ستيانه تشد الصدر الكبير هي
PUSH UP​

موجوده عند كل الماركات..... انتي بس قوليلهم الكلمة
بس حتى البوش اب في اكثر من نوع​

اذا تبغون وين باالتحديد تلاقونها مثلا عند ماركس آند سبنسر​


ملابس البيت :​


طبعا ملابس الغرفه اقصد او البيت لو كنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه
أقمصة قطنية طويلة
أقمصة قطنية قصيرة
أطقم شورتات قطنية+جينز
تنوره قصيره
تي شيرت
بناطلين
فساتين قصيره
بودي ​



ملابـــــــــــــس خـــــروج:​


يفضل شراء الملابس الجاهزه ولاتكثرين من الخياط
المخاوير اشتريهم جاهزه من الخياط احسن من انج تشترين القطعه وتفصلينها
ولا تكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات​

واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه​

والعنابي والوردي والكحلي والسماوي اذا كان داخل عليها الذهبي​

باالنسبه للموديلات لاتروحين للمصمم لأن بياخذ على الرسم مع ان الرسم عادي ويقدر اي احد يرسمه​

عندج اقرب بقاله خذي مجموعه من المجلات المعروفه
سيدتي- الجميله-كل الاسره-زهره الخليج-اسرتي-لها​

تلاقين فيها عروض أزياء تناسبج وقمه في الأناقه والذوق وبعد يديده وتوفر عليج اختيار لون ونوع القماش نقي لج منها موديل فستانين واحد للصباحيه واحد احتياط وخيطيهم عند اي خياط تثقين فيه​

اما ملابس الزيارات راح تلاقين في السوق تيورات كشخه ومناسبه لمقاسج وجاهزه من غير ما تعذبين نفسج في الخياط ومشاكله​

حتى تحتاجين
جلابيات للأستقبال أو اذا كنتي ساكنه مع اهل زوجج​

باالأضافه للتنانير الجينز والأسود اللي تناسب كل تي شيرت ممكن تفصلين لج كم وحده تلبسينها يوم تظهرين مع ريلج نزهه أو مطعم​

ie1mya.jpg


العطورات والكريمــات :​


بتااخذيلج كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه..​


ie1mya.jpg


الشنــــــط (الحقائب) :​


العرووس تحتاج الشنط واايد فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) ....​


شنط لتجهيزاتج (طقم) + شنطة مكياج + شنطة للمجوهرات ..​


ie1mya.jpg



العبــــــايات :​


عدد 6 عبايات ( 3 راقيات للمناسبات + 3 سادة للطلعات برا )​


ie1mya.jpg



المكيـــاج :​


كريم أساس للسهرات​


- كريم أساس للاستعمال اليومي​

- بودرة مضغوطة ​

- بودرة مضغوطة للاستعمال اليومي ​

- لووز باودر ​

- مثبت مكياج​

- كريم ترطيب قبل المكياج ​

- اللمعة دايموند باودر ​

- الكونسيلر تاتش أوف لايت ​

- و الكونسيلر المتنوع ​


- قلم الكحل الأسود .​

- ماسكر​

- الآي لاينر ​

- الشدو​

- البلاشر ​

- الأرواج و الجلوسات​

- فرش المكياج و قطع اسفنج ​

- مثبت الشدو​


ie1mya.jpg
​


مفــرش السريــر :​


راجع لج اختيار العدد بس اعتقد 2 كفايــه ..​


ie1mya.jpg


الذهب والمجوهــرات :​


​
نصيحه لكل عرووسه لاتكثرين من المجوهرات لان راح تييج هدايا وايد .. يعني تاخذين طقمين او 3 الماس وذهب ابيض .. طقم ذهب أصفر(طبعا لو انتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....​


ie1mya.jpg


الســاعات :​


ساعة ليلة العــرس ... وساعتين وحده عمليــه لشهر العسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثريـن) ..​


ie1mya.jpg


الأحذيــه :​


تاخذين على ألوان الفساتين الي شريتيها + أحذيه بألوان أساسيه أسود - أبيض - بيج -فضي + أحذيه عمليه لشهر العـسل + أكيـــد حذاء ليلة العرس..​


شحاطات أنيقه للبيت​

ie1mya.jpg


اكسســوارات : ​


اختاري اللون الفضي والملون مع ملابس البيت​

بعض اكسسورات الشعر للتغيير​

عدسات ملونه لاتكثرين لبسها في البدايه عشان مايتعود على شكلج فيها
ويفضل لبس العدسات بعد 6 شهور من الزواج للتغيير​

توكات"بنس للشعر"​


ie1mya.jpg


الأدوات والمستلزمات الثانويه :​


مجفف شعر (سشوار) + مكينة للحف + عدة أظافـر+ عدة خياطة+ حلاوه + ملقط شعر + مكواة بخار + مشقر لشعر الجسم​


ie1mya.jpg


الاهتمــام والعنـــايه:​


حمامات مغربيه + عنايه بالجسم + رياضه + حل مشاكل البشره عند دكتور جلدي + حمامات زيت وبرامج عنايه بالشعــر + بادي كير ومانيكير +عنايه بالاسنان..​

ie1mya.jpg


أغــــــــــراض ومستلزمات السوبرماركت (الجمعيه) ومحلات العنايه :​


صابون (للوجه + شور جل + للجسم ) + شامبـو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + فام (للدوره ) + كيرفري للاستخدام اليومي + غسول المنطقه الحساسه (ستيل أو سيباميد ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسـم + علكه للشنطه + زيت لوز ( لجفاف البشره ) + فرشاة أسنان + معجون + معطر جو للحمام الله يعزكم + ديودرنت +مجموعة عنايه على ذوقج ..​

ie1mya.jpg


اغراض الحمام​


طقم روب​

عدد من الفوط​

شامبوهاتج وصوابينج المفضله​

كريم حمام زيت ​

شفرات حلاقه واختاري نوعيه جيده وما تسبب لج حساسيه وتخلصي من الشفره فور الأستعمال​

رغوه حلاقه فيه رغوه حلاقه باالتوت تلاقينها في السوبر ماركت ​

أسكينول منظف للبشره ​

ومعطر للغرفة​

وأيضاً مكعبات جديدة لونها قريب من الأحمر غير الكور القديمة
رائحتها جداً جميلة للملابس والدواليب​

مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات​


شموع +ولاعه <<< بعد ماتطلعين مستحمه خلفي ورى خروجج من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي​

علبه ديتول​

فازلين​

مشط​

غسول الأيدي انتي بكتريا​

اذا توسخت ايدكم لها المنتج مثل الصابون بس ما يحتاج تغسلوا ايدكم بعده بماي ويقتل الجراثيم مفيد للجميع وخاصة لو تعودوا اطفالكم بالمدارس لو دخلوا الحمام الله يعزكم أو قبل الاكل يستخدموه عن الجراثيم تلقونه بكل مكان وباحجام مختلفة وسعر رخيص​


ie1mya.jpg



مقتطفـــــــــات ( لاتنسى ) :​


*إعداد قائمة المعازيم من وق عشان ما تتعبين ​

*تأكيد حجوزاتج قبل العرس بفتـــــره..​

*تشاورين الناس القراب منج في الخطوات الي تسوينها لان النصايح مفيده..​

*لوحجزتي شي (مكياج – شعر- حنا – كوشه ) وانتي مقتنعه وعاجبـج ... لااااتخلين احد يحيرج ​

*حجز المكياج لاتحجزين لاشخاص كثير عشان تاخذين راحتج وما يكون ضغط عالماكييره ..​

*خلي لج مبلغ بسيط من المهر ينفع لبعد العرس ..​

* لاتنسين الهدايا لخطيبج بين كل فتره وفتره ​

* لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين ..​

* تبتعدين عن السهر عشان ويهج يكون منور يوم العرس..​

* اكثار شرب الماء واكل الفواكه والاشياء المفيده..​

* لاتتوتريـــــــن ... ترى يقولون أيام التجهيز من أحلى الايـــام حتى لوكانت تعب..​


ie1mya.jpg


وبس .. بالتوفيق لكل العرايس =)​

وعقبال البنوتات​

دمتـن بود​

:32:








​
 
وااااو
جد موضوع تحفه
حفظته بالمفضله مع ان تجهيزي بعد سنه يمكن ^^

الله يسعدك يارب
 
مشكوره يالغاليهـ والله رآيحهـ في الطوشهـ مآادري اهتمـ في ذا اول اوذا لكن موضوعكـ خلاني اعيد حساباتــــــــي
على ان باقي وقت كثير بس تعرفين لازم الوحدهـ تأخذ احتياطاتها (( قولي آمين الله يسعدكـ وينور دربكـ واذا عزباء الله يزوجكـ اللي تتمنينهـ واذا متزوجهـ جعلكـ الله قرهـ عين زوجكـ ولا يرى من النساء غيركـ ))
دمتي في رقي ....
 
جوهره بلقيس قال:
مشكوره يالغاليهـ والله رآيحهـ في الطوشهـ مآادري اهتمـ في ذا اول اوذا لكن موضوعكـ خلاني اعيد حساباتــــــــي
على ان باقي وقت كثير بس تعرفين لازم الوحدهـ تأخذ احتياطاتها (( قولي آمين الله يسعدكـ وينور دربكـ واذا عزباء الله يزوجكـ اللي تتمنينهـ واذا متزوجهـ جعلكـ الله قرهـ عين زوجكـ ولا يرى من النساء غيركـ ))
دمتي في رقي ....
أنقر للتوسيع...

اللهم أمين ولج بالمثل ان شا الله

فرحتيني وايد ^_^

الله يتمم عليج ع خير ,, ويسعدج ان شا الله

تسلميلي الغاليه
 
تسلمين يالغاليه ع الموضوع المتكامل من جد ماقصرتي

وكنت شايله هم اشياء كثيره بس بعد ماقريت الموضوع

احس اني انجزت اغلب الاشياء الحمدلله

مااقول الا الله يسعدك دنياء واخره ويوفقك ويسهل امورك يارب
 
Ậḃèéķ ĜЯḅỳ;5971013 قال:
تسلمين يالغاليه ع الموضوع المتكامل من جد ماقصرتي

وكنت شايله هم اشياء كثيره بس بعد ماقريت الموضوع

احس اني انجزت اغلب الاشياء الحمدلله

مااقول الا الله يسعدك دنياء واخره ويوفقك ويسهل امورك يارب
أنقر للتوسيع...

الحمدلله

اللهم أمين ,, مشكوره الغاليه

والله يسعدج ان شا الله ويوفقج فدنيا والاخره =)
 
صدق جمعتي كل البلاوي قبل اعرس في صفحة

يسلمو الغلا

وعساج عالقوة

في انتظار جديدج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل