ساعات احس اني مريضه بجميع الامراض النفسيه ردوا علي وشرايكم

ماشالله عليج ياورده كفيتي ووفيتي بردج, فعلا اختي انا بعيني شفت ناس تغيروا واايد بعد العلاج

بس اختي اول روحي لطب القلوب القرآن وبعد مايمنع انج تروحين يم دكتور نفسي عشان تتطمنين ويرتاح بالج

وطمنينا عليج اختي ..الله يشفيج ويعافيج ياقلبي

الله يعينج انصحج بالتقرب من الله

حبيبتي انا توي اقرا موضوعك واتمنى تشوفين ردي واحب اقول لك لا تقلقين انا كنت مثلك تمااام لما كنت بنت والكلام هذا كان قبل 23سنة يعني قبل زواجي وكنت طول فترة الخطوبة خايفة وافكر كيف اقدر اواجه المجتمع والناس وانا انسانة انطوائية وخجولة وماعندي ثقة نهائي في نفسي ومااعرف اقول كلمتين على بعضهم قدام الناس واللي زاد من تخوفي ان المجتمع اللي انا رايحه له مجتمع صعب التعامل معهم وكمان كنت راح اتزوج في بيت عايلة يعني باكون محل رصد العيون وتصرفاتي تحت المراقبة
وبعد زواجي قررت اني مااخلي احد يضحك على واني لازم احاول اغير من شخصيتي المهزوزة وصحيح في البداية تعبت وكانت الكلمات تخرج مني بالعافية بس الحمد لله مامرت شهور حتى تغيرت شخصيتي 180درجة صرت اجتماعية درجة اولى صرت ثرثارة ونكتية وصارت ثقتي بنفسي عالية والحمد لله اصبحت شخصية محبوبة في مجتمع زوجي اللي كنت خايفة منه والى الان وبعد هذه السنين وانا اتمتع بنفس الروح
حبيبتي اطلت عليك بس اتبعي هذه الخطوات وباذن الله ماراح تحتاجين لا طبيب نفسي ولا شي
1_اكثري من الدعاء والاستغفار وهذه المفروض تكون اول خطوة في كل مشاريعنا
2_اعزمي في نفسك ان زواجك لازم يكون نقطة تحول في شخصيتك وانك لازم تتغيرين وهذا الكلام ردديه وفكري فيه دائما حتى يترسخ في عقلك الباطن(طبعا اناكنت اقول هذا الكلام لنفسي زمان وانا مااعرف لاعقل باطن ولا ظاهر سب الحين سمعت عن هالاشياء والله انهم صادقين)
3_بعدالزواج حاولي تتعرفين على ناس غير اللي كنتي تحتكين فيهم يعني سوي لك علاقات جديدة وحاولي تندمجين معهم صح في البداية بتتعبين بس بعدين بيصير الوضع عادي
4_انتبهي من شيئين خطيرين جدا هما الوحدة والفراغ اذا ماكنتي موظفة او طالبة التحقي باي نشاط سواء معهد اودورة اواي شي
طولت عليك انا ماقلت لك صرت ثرثارة (عقبالك)الله يوفقك ولا تنسينا بعد الزواج واذا نفعت معاك نصايحي طمنينا ولو بعد سنة ولا تنسي بنتي من دعائك وفقك الله والف مبروك مقدما