الي الاستاذة ناعمة الهاشمي وخبيرات التعامل مع الزوج الشمالي الشرقي

السلام عليكم ورحمة الله وبركاته
قولولي اعمل ايه مع زوجي
بداية هو شمالي شرقي وانا جنوبية شرقية
وعرفت عن طريق المنتدي اني اذا حبيت اطلب طلب من زوجي لازم اطلبه بالتحديد وبثقة ودون محايلة
ولكن عندي مشكلة معه ولم ينفع معه لا المحايلة ولا الطلب بثقة
مشكلتي معاه انه رافض يعطيني مفتاح شقتنا
احنا مقيمين حاليا في السعودية وهو اعطاني نسخة من المفتاح لشقة السعودية عشان هو بيقفل عليا بالمفتاح ولو صار اي شيئ لا قدر الله اعرف اخرج من الشقة
لكن شقتنا اللي في بلدنا راااااااااااااافض تماما
وده لسبب كنا في اول زواجنا متزوجين في شقة اسرته (تركوها لنا لنتزوج فيها ثم حصلت مشاكل فاخدوها تاني وهو اشتري شقة صغيرة لنعيش فيها وانا وافقت علي انها تكون بدايه وبعد كده نكبرها)
وعندما سافرتله في اول زواجنا طلبت منه اني ابعت نسخة من مفتاح(شقة اهله) لاهلي لكي يطمنوا علي الشقة ويبقوا ينظفوها
وكانت هي دي المشكلة الكبيرة
رفض تماااااااااااااما ولما نزلنا الاجازة لم يعطيني نسخة ليا
وبعد المشاكل اللي حصلت انا كنت في بيت اهلي وهو سافر ولمحاولة حل المشكلة قال لي انه مفتاح الشقة يكون معايا ومعاه فقط ومفيش حد من اهلنا ياخده وانا وافقت
(علي فكرة المشكلة دي مش بسبب المفتاح ولكن دي حاجة جت كده في الكلام)
وكنا خلاص علي وشك الطلاق لمدة سنة ونصف
وفي الاخر اتصالحنا وهو في السعودية وانا كنت بشتغل في بلدي
والمفروض انه هينزل وياخدني معاه بس انا لم اكن واثقة ولذلك استمريت في شغلي
وجاء يوم تطلب عملي السفر لمحافظة اخرى وقلت استأذنه فرفض كالعاده
فبعتله رسالة وقلت له انه لازم اسافر ومينفعش اعتذر
فرد عليا وقالي تروحي وتيجي بالسلامة وخدي بالك من نفسك
فاستغربت جدااااااااااااااااااااااااااا
لان ده مش من عادته وقلت ربنا يستر
المهم بعد ما رجعت في المساء كلمني وهو متنرفز جدااااااااااااااااا
وفي وسط الكلام قالي انه مش هيديني مفتاح الشقة وانه هيبقي معاه لوحده بس
ولا معايا ولا مع اهله ولا اي حد
ومن غبائي انا سكت وقلت هو بيقول كده عشان اتضايق اني سافرت غصب عنه وهو مقدرش يمنعني
ولما نزل الاجازة وجاء واخذني من بيت اهلي ورحنا الشقة لم يعطيني المفتاح وانا برضه من غبائي محبتش اعمل مشكلة خصوصا اننا كنا بعيد عن بعض لمدة سنة ونصف
ولم اتحدث معه وانتظرت لما سافرت معاه وفاتحته في الموضوع
قالي طول ما انتي بتطلبي المفتاح مش هعطيهولك!!!!
وقلت ليه واتخناقنا كتير
ولما نزلنا الاجازة طلبته منه فرفض ايضا
وفي مرة كنا خارجين ولما وصلنا البيت كان حاطط المفتاح في باب الشقة من الداخل فانا اخذته وقلتله خلاص ده بقي بتاعي وانت استعمل النسخة التانية
ولكن كانت لهجتي بتهريج شوية لاني خفت اعمل كده بصرامة فيتنرفز والموضوع يكبر
فضحك وقالي لا متهزريش
واخدت المفتاح ووضعته في شنطتي
بس المشكلة انه كان قافل الباب بالمفتاح وفي الصباح كان عاوز يخرج يجيب حاجات فاعطيتهوله تاني

والي الان لم اطلبه تاني منه
وعاوزة منكم تساعدوني لاني حسه انه بيهيني بالتصرف ده لانه عدم ثقة وبيحرمني من حق من حقوقي الطبيعية وحسه اني اقل من كل الستات
مع العلم ان ممنوع اقعد في الشقة لوحدي ولو حتي نزلت بلدنا قبله ممنوع اروح ناحية الشقة ولان قبل كده لما حصلت المشكلة بيننا وهو سافر كنت عاوزة اروح الشقة الاولي اجيب ملابس ليا فوالده رفض ...وحسيت باهانة اكبر
ومش عاوزة اتحط في الموقف ده تاني
عاوزة احس ان ده بيتي يا ناااااس
مش عارفة اعمل معاه ايه
ده غير اننا لحد الان لم ننجب والدكاترة اجمعوا اننا كويسين ولازم نعمل حقن مجهري وهو راااااااااااااافض تماما
وهو اصلا عمل تحليل من يوم ما اتجوزنا مرة واحدة بعد جوازنا بكام شهر ورافض تمااااااااااااما يعمله تاني
وانا قلتله ان الحر في دول الخليج بيأثر علي الحيوانات المنوية برضه رفض وقالي كنت اتمني ان لما الدكتور يقولي اعمل تحليل تاني انتي تقولي لا جوزي كويس ومش فيه اي شيئ!!!


بالله عليكم اعملولي خطة للتعامل معاه عشان اعرف اخد المفتاح
وعشان اقنعه يحلل او نعمل اطفال الانابيب

​