متضايقه والدنيا تقفلت بوجهك!زوجك ضايقك؟زعلك؟ضربك؟خانك؟كرهتي حياتك؟صدقيني الحل عندي

@باونتي@

@باونتي@

New member
إنضم
2008/10/14
المشاركات
663
السلام عليكم..

صباح/مساء

الخيرات والمسرات..

يقولون من طول الغيبات جاب الغنايم :9:..,وجايبتلكم موضوع انمااااا ايه احلى من غنايم الدنيا كوووووولهاا :32:

صار لي زمان عن المنتدى ومادخلته انشغلت شوي بماي لايف :1:

بس ايش هالاختصارات والحركتاات يابلقيس ايش هالاختصارات الحلووه :10:
خصوصا ذيس>>>:18: ياحليلووووو
وربي حفظته عندي ابي احطه صوره رمزيه بالبي بي حتى اجنن اللي عندي :31: بس علللللق تعليق موب صاحي :33:
وحلفت اني ماعاد احوس بجهازي واغامر بس معجبني :18: هع

نجي للموضوع اللي حابه ادردش معاكم فيه..

انا دخلت قسم الاستشارات الزوجيه..وجلست اقرا واقرا واشوف الهوايل من هالمشاكل اللي تشيب شعر الراس:33:
زوجي خانني مع مدري وشوو..اخو زوجي سوا هيك وهيك..ام زوجي قالت لي مدري شنوو...زوجي نام...زوجي قام..زوجي انتحر ويلاااااا ....
تيب مو مشكله نقول مشاكل زوجيه..مثل مايقولون ملح وبهارات الحياة الزوجيه (ياكثر هالبهارات طلعت طبخة هنود استغفرالله)

تركت قسم الاستشارات الزوجيه ورحت لقسم الزوج والزواج...
ياسلااام..الزوجه بهالقسم عكس الزوجه بالقسم اللي قبله (على ان نفس العضوه اللي كاتبه موضوع بهالقسم تلقونها كاتبه من اسبوع بقسم الاستشارات تتشكى)
انواع الدلع...:21:
انوااع الحركااات...:1:
انواع الليالي الرومانصيه اللي مبهذلينا فيها هاليومين :9:
والحرمه شااده حيلها تحاول ترضي هازبيندها حقها بالقووه...
والله احيانا تقول سويت وحطيت ونومت البزران ومدري شنو بالاخير تقول يدخل معصب ونفسيته بطرف خشمه وفوق هذا الا بالقوه تحاول تكمل هالليله .....متحسفه على كم شمعه شرتها...وعلى الاانجري اللي لابسته...ياعومري افهمي الشئ اذا ماجاء بنفس حلووه بلاهاااااا احسن..

طيب ماعلينا مو مشكله اعملوا لهم ليالي رومانصيه
تدلعوا عندهم...
دلعووهم..توددوا لهم..اعملوا اللي ماتعمل

بس سؤال يسدح نفسه.......جاوبوني عليه>>>

ليش بعد ماتتعبين نفسك وتحاولين ترضين هازبيندك يرضى يوم يومين بعدها يضايقك بسالفه جديده..؟
ليش مايبان بعيونه اللي تسوينه..؟
ليش مايرضيك قد ماانتي ترضينه..؟
ليش لما ترفعينه من الارض وتحطينه بقلبك مايشيلك ويحطك على راسه..؟
ليش وليش...؟

صدقوني والله لو تجلسون من اليوم لبكرا تفكرون ليش هم كذا مااستنتجتوا ايش السبب....لانو لو استنتجتوا كان عرفتوا كيف توقفوا المهزله هذي..اقصد دوامة المشاكل..sorry اقصد بهارات الحياة الزوجيه ....

حبيبتي السؤال مو هنا...

السؤال الصح...انتي قاعده ترضين مين..؟
زوجك...ثم...الله.؟
او
الله ..ثم..زوجك.؟
او
زوجك بس.؟

اجلسي بينك وبين نفسك..واسالي نفسك...هو انا احاول ارضي من اول؟؟؟
مين اللي صاير عندي بالاولويه..؟
اتركي الكلاام اللي تقولينه...نبي الاحساس الصادق..هل انتي تحاولين ترضين زوجك اكثر من دون ماتدركين اللي تسوينه..؟

حبيبتي..اسالي نفسك هالسؤال....

كيف ربي راح يرضيني بحياتي سواء الزوجيه او العمليه او الحياااة ككل وانا مــــــــــــاأرضيته.؟؟
اتحدى اذا زوجك قدرتي تاخذين منه شئ وانتي مزعلته...
اتحدى اصلا تطلبين منه وانتي مزعلته وماارضيتيه....
فكيف تطالبين ربك بالحياة الحلوه السعيده الخاليه من المشاكل وانتي ماارضيتيه...؟

بتقولين انا مرضيته اصلي ومحافظه على صلاتي وباره بامي وابوي وزوجي.......

ايه صح انتي كذا مرضيته بس سوي اكثررر..معقوله تستكثرين على ربك بكذا عمل تسوينه خير علشانه ولاتستكثرين على زوجك هالليالي اللي مبهذله عمرك فيها كل يوووووم

اتحدى اذا كنتي فعلاا تحبين ربك مثل ماتحبين زوجك..(الا من رحم الله) بتقولين لااااا استغفر الله انا احب ربي وش زوجي عنده
طيب هل انتي تجلسين بشكل يومي على سجادتك بالليل وتدعينه وتدعينه وتدعينه ساعتن وثلاااث وتقولين ياربي ياحبيبي..؟
هل تقرين القران بشكل يومي..؟لمدة ساعتين او ثلاث..؟
هل ممكن لما يجي زوجك يبي يبوسك ويجلس معاك جلسه حلوه تقولين له لا اسفه مااقدر هذا وقت مخصصته لعبادتي لربي...؟

لاتجاوبيني جاوبي نفسك.....انتي تسوي كذا..؟

هل تعشقين (الله) عشق جنوني.؟لدرجة تبكين تتمنين تشوفينه مثل ماتبكي العاشقه حتى تشوف عشيقها..؟
ولا عايشه بهالدنيا تصلين وتسوين اللي درستيه بالمناهج واذا قالوا لك تحبين الله؟قلتي اكيددددد احبه وش قالوا لك انا كافره..؟
وباخر اليوم تسبين فلاانه وتتكلمين من ورا علانه..وانتي تقولين احب الله...طيب وين حبك.؟تراه يشوفك...ولا ماتدرين..!
حبيبتي...
من الاخر اقول لك......
اذا انتي تبين حياتك تطلع اووكي...حياة سعيده..كلها رزق..ووناسه..وراحه نفسيه..وخاااااليه من المشاكل..

بكل بساطه بقول لك هالحل>>

أرضي ربك اللي خلقك....حتى ربك يرضيك..

وصدقيني حياتك راح تتغير..وتتغير وتتغيررر وبتنصدمين من التغيرات اللي راح تحصل...
حتى اذا كنتي تواجهي مشكله بحياتك استصعب وجود حل لها صدقيني بعد ماترضين ربك...ربك راح يرضيك..وبيقول كن فيكون..وبتنحل امورك بسهوله مثل سهولة شربة المويه...
ثقي بكلااااامي هذااا...
ثقي بكلااااامي هذاا..
وللمره الثالثه اقول لك ثقي بكلااااامي هذا..
ياحرمه اتركي هالشموووع تراها والله لاتهش ولاتنش ولاتحرك عود بقلب زوجك..ولاتنطق وتقول كن فيكون
مايقهرني الا تقديس الزوجات لهالشمووع اللي تلقاها حاطته في كل مكان لدرجة وصل للافرنجي الله يكرمكم...معقوووول هالكلام ياناس؟
الشموع بتغير حياتك يعني.؟بتقولي ايه بس اعطي حياتي لمسات..
ياحبيبتي اووكي ماقلنا شئ حلوه اللمسات..بس والله حرااااااام الوقت اللي راح هبائا منثوراااا في تجميع هالشموع والورد واستقبال هالزوج وكانك فاتحتلك الاوسكار ببيتك...
يعني بالله مو احسن لك انك تروحين لسجادتك وتفلينها وتدعين ربك وتشكينه على النعمه اللي انتي فيها..؟
مايمنع تسوي له حفلات هاللي مايستاهل>لاتقولون ليش حاقده عليهم لاني عارفه ان اخرتها نهايتك بقسم الاستشارات..
سوي له..بس بحدووود..وعطي ربك وقت اكثر منما تعطين زوجك..

اتمنى تكون وصلت لكم الفكره والصوره........




لسى ماخلصت...











لاتفرحون واجد باقي في جعبتي كلام زياده...








:18:>>ياخي معجبني هالادمي...هههههه









المهم...

نجي لاساس الموضوع...ترى اللي قلته ولاشئ :31: مجرد مقبلات للموضوع


شوفي ياشطوره...اذا انتي فعلا تبين حياتك تتغير..وتخلو من المشاكل..او عندك هدف ماوصلتي له لسى ..او فيه بروبليم بحياتك منغص عليك حيااتك وحابه تحلينه...امشي على الحلول اللي بقولها خطوه خطوه......





اوول شى>>ابيك تبرمجين يور رااااس اللي مبرمجته حضرتك انه يحب زوجك حب جنوني انه يقلب الحب هذا ويوجهه لربك..حبي ربك حبيييييه..حبيييييه......لاتقولين الله او ربي قولي حبيبي الله....حبيبي ربي...احبه...هو اللي خلقني..وهو اللي بيموتني..وبيده كل الامور......حبيه..اعشقيه ...هذا ربك..
اتركي كل المعاصي اللي تسوينها علشانه...حتى مايغضب منك..واذا غضب منك صدقيني ماراح يعطيك اللي تبينه...بيستمر سبحانه غضبان عليك لحد ماترضينه بافعالك...
فاتركي كل شئ تسوينه يغضبه..اغاني...نميمه...كلام ورا الناس...تاخير صلااة .....الخ..,

ثاني شئ>>شئ طبيعي بتكوني محافظه على صواتك..بس ابيك تخصصي وقت من الساعه 1 الليل الى اذان الفجر لصلاة الليل..وماتتركينها ولا يوم.....صلي لو ركعتين....والافضل اكثر...واقري سورة البقره...وتقربي الى حبيبك ربك بهالعمل اللي بتلاقين من ورااه خيرررر كثيرر كثيررر كثيررر وشئ ماراح يصدقه عقلك...
مثل ماقلت لك قيام الليل+سورة البقره وبشكل يومي
لاتقولي ماعندي تايم
لاتقولي مافيني حيل
لاتقولي اووه مستحيل طووويله :33:
ترى هالكلام كله من الشيطان ياعنوني..ولا لو ان السالفه سوق ولا زواج كان ماشاءالله صرتي هيروو..وقدرتي توقفين 5 و 6 ساعات بشكل متواصل ولا انا غلطانه؟
انا مجربتها ترى كلها والله ساعه اذا انتي قريتي كذا صفحه من سورة البقره مع كل صلواتك بتكون قليله جداا بالليل..وبتخلصينها بسااعه..
من ناحية راحه نفسيه هذي اضمنيها مليون بالميه...
ثقي ثقه تاااااامه ان الله راح يحقق لك اللي تبينه باذنه بعد ماتتقربين له بهالطريقه....الله مايرد اللي يتقرب له..ويفرح بتقربك له...مو مثل زوجك اللي تتقربين له احيانا ويكشر بوجهك ...
الله سبحانه بيقدم لك كل ماتتمنينه...اذا تقربتي له بصدق..وحبيتيه واعطيتيه...صدقيني بيعطيك...والله سبحانه قال(اذكروني اذكركم)
مااعتقد بعد هالايه شئ...
ثالث شئ>>لازم تسوي اعمال خير وكل يوم بنية انك ترضين ربك...لاتقولي مااقدر..صدقيني تقدرين..
مثلا..اليوم طلعتي للشوبينج تصدقي لو بريال لاي عامل نظافه تشوفينه قدامك بنية (ترضين ربك ويحقق لك اللي تبينه)
اللي بعده مالقيتي حاجه تسويها؟؟امسكي الشغاله وقولي لها بتصل على اهلك وبخليك تكلمينهم على حسابي...(بنية ايضا ترضين ربك حتى ربك يرضيك)
اللي بعده مالقيتي شئ تسوينه..؟امسكي القران واقري كذا سوره بنية(ترضين ربك حتى ربك يرضيك)
اللي بعده مالقيتي كمان شئ تسوينه اجلسي لمدة ساعه تستغفرينه وتسبحينه....
اعملي كل يوم اللي تقدرين عليه وصدقيني بتلقين كثيررررر كثيررر
ويكون بعلمكم الموضوع هذا انا منزلته حتى ارضي ربي حبيبي :32:
وانا كل يوم اسوي شئ جديد حتى ارضيه...
مايحتاج اقول لكم كيف تتقربوا من الله...اهم شئ عرفتوا نقطه مهمه مانجهلها للاسف لكن يحاول الشيطان يعمينا عنها الا وهي ان السعاده في الحياة تجي من بعد رضى الله عليك....


الموضوع انتهى....

لكن ماابي ينتهي لهنا وبس....

ابغى ناس تبغى تسوي وتتحرك تيجي وتنضم معي هنا بموضوعي..وتكتب كل اللي نفسها فيه....وايش تبغى من الحياة..وايش راح تسوي حتى ربي يرضى عليها ويحقق لها امنياتها...

(دعواتكم يابنات لي..ادعوا لي ان الله يحقق اللي في بالي عاجلا غير اجل )

احبكم
باونتي
 
مرحبا باونتي فقدناك مره عسى ان شاء الله تكون امورك تمام وائماً متألقه مواضيعك فعلا تحرك فيني الساكن والله لما اقرا اي موضوع تكتبيه يأثر فيني مباشره الله يجازاك الجنه وينولك الاي بالك ولا تحرمينا هالطله​
 
waimnnn5 قال:
مرحبا باونتي فقدناك مره عسى ان شاء الله تكون امورك تمام وائماً متألقه مواضيعك فعلا تحرك فيني الساكن والله لما اقرا اي موضوع تكتبيه يأثر فيني مباشره الله يجازاك الجنه وينولك الاي بالك ولا تحرمينا هالطله​
أنقر للتوسيع...
الحمدلله اموري من حلو لاحلى بفضل رب العالمين
وانا كمان فقدتكم واشتقت للبقيسات كلهم:32:
اتمنى فعلا كلامي يكون كافي واعطيت الموضوع حقه
ومشكوره على الدعوووه هذا بس اللي ابيه منكم
نورتي حبيبتي
 
ربي يسسسسعدك كلام ذهب

>> نتعلم منك

دعواتك لي بتووفيق قرب زاجي

يعني انتظروني هنا اجي اكتبلكم سالفه اشكي فيها <<هههههههههه بتصفق امزح ياقلبي
يارب تسعدني وتسعد الجميع وافيدكمم عما قريب ههههههههه
 
الله يجزاك خير ويجعله بميزان حسناتك
الله يهدينا ويهدي الجميع
ان شاء الله باتغير
الله لايجعل زوجي اكبر همي
والله لاهييييييييييييييييييييييين بهالدنيا الله لايشغلنا الابطاعته
 
صباحك ورد و جوري,,
كلامك صحيح,,أنا مُجربة,,سبحان الله أحياناً إحنا الملكات نحتاج للتذكير إنو رب العالمين,,معنا,,ولكننا نحتاج للدعاء في طلبه,,
مشكورة يالغالية,,موضوعك جاء بوقت حساس بيومي,,
إلهي يفتح لك أبواب الرزق بكل لحظة و إجابة الدعاء بكل حين,,اللهم آمين يا رب,,
 
ديتك كلامك الي كله درر بدرر الله يعينا على طاعته وقيام الليل ,,,,,,,,,
 
موضوعك مفيد ومريح كثير ،،،،،،،
يشرح الصدر
واندمجت فيه كثير ........ حتى سمعت خبر حلو كثير اول ما انتهيت من قراءته ،،،،،،،،
يمكن لأني قريته بكل صدق ،،،،،،،،،،
يظهر صحيح الي قالو الي يطلع من القلب يوصل للقلب ،،،،،،،،
يسلمو اناملك عزيزتي
 
الله يعطيج العافية انشاء الله ويجعله بميزان حسناتج
كلامج صح أهم شي رضى الله
الله يعينه وياج على طاعته​
 
الله لا يحرمك اجر ما كتبتي فعلا نحتاج للعودة الى رب العالمين
اللهم لاتجعل الدنيا اكبر همنا ولا مبلغ علمنا
بااااااااااااااااااااااااارك الله فيك ونفع بك
 
اهلين اختي باونتي وانا احب الباونتي
بيض الله وجهك على هذا الموضوع .... وهذا هو الصحيح والمفروض انه يصير لكن اشغلونا هالرجاجيل عن طاعة ربنا ... الله ينور دربك انا جربت كلامك وبالفعل يرجع لي زوجي احسن من اول ...وقراءة سورة البقرة كل يوم لها مفعول عجيب وما تأخذ منك ساعة وربع ...والصلاة في جوف الليل بركة ونور وشعور بالسعادة والراحة حتى لوعندك هموم الدنيا كلها ... ولكن بالهمة نبلغ القمة .. الله يعينا واياك على طاعته ورضاه وادعو الله ان يحقق لك ولي ولكل مسلمة كل مانتمناه من خيري الدنيا والآخرة
 
اسال الله ان يرزقك سعادة لاشقاء بعدها وجميع المسلمين والمسلمات الاحياء منهم والاموات آمين~

اللهم لاتجعل الدنيا اكبر همنااااااااااااا ~​
 
اي والله اختي انج صاجه بكل كلمة قلتيها مره حضرت محاضره وكان يتكلم عن نفس كلامج بس راسخه ببالي اشياء قالها واحب اضيفها لموضوعج

"ومن آياته أن خلق لكم من أنفسكم أزواجا لتسكنوا اليها ، وجعل بينكم مودة ورحمة "

بهالايه اكبر دليل ان كل الشموع و العطور ما اتسوي شيئ لان الموده اللي بين الزوجين تنزل بقلب الانسان من عبد رب العالمين ..

والله يسخر كل زوج لزوجته وكل زوجه لزوجها ويسعدهم يارب ()
 
باونتي...
جزيتي خيراً
نصيحة من ذهب
ومن عندي إضافة بسيطة
دعي طاعتك لزوجك تقرباً لله
في جميع أمور حياتك واستمتعي بذلك الشعور الرائع الذي سوف تشعرين به
تحياتي .
 
يعطيك العافية على هالكلام
وفعلا طاعة رب العالمين أهم شي بالدنيا

تسلمي​
 
يا سلاااااام عليكِ يا باونتي .. كتبتِ اللي في خواطر كثير من البنات

نبحث عن رضاهم .. و يلحقنا سخطهم .. خل نبحث عن رضا من يرضى منا بالقليل .. و يفرح بنا

الله يتقبلنا و يصلح نياتنا

كأني أنا اللي كاتبه الموضوع .. حتى الدعوة بآخره كأنه لي :)

 
يجب تسجيل الدخول أو التسجيل كي تتمكن من الرد هنا.
عودة
أعلى أسفل