اخت صاحب زوجي راسله رساله على جوال زوجي

ام نووور

ام نووور

New member
إنضم
2009/09/30
المشاركات
2,025
السلام عليكم ورحمة الله وبركاته
اخواتي ابي استشيركم علشان لا اغلط انا زوجي جنوبي غربي متمسك باصحابه كثير
عنده واحد من اصحابه بينه وبين زوجي فرق بالعمر 15 سنه شاب صايع فاشل كل حياته
بنات وبس المهم لقيت عنده بلاوي يحول يسحب زوجي بااي طريقه وزوجي يقول انا انصحه
بس مو راضي يبعد عنه وخصوصآ ان عملهم واحد سويت كل الى اقدر عليه بعدين استسلمت
وصرت احول اكسب زوجي والحمد لله نجحت بنسبة 80%بس احيآ اتعب من الضغط الى انا ضاغطه
على نفسي وخصوصآ الحين مع الحمل بس ربي يسهل المهم من فترة لقيت زوجي يقول ان
صاحبه يقوله خواتي كلهم جامعيات طبعآ خواته يعرفون اني مو جامعيه وزوجي مثقف مع انه
بعد مو جامعي بس يحب يثقف نفسه ويحب المراءة المثقفه المهم انا زعلت قلت ليش يكلمك عن خواته
ويشهد ربي انه كذاب خواته كلهم بالثانوي ونسبتهم ضعيفه مادخلو الجامعه طيب اش يقصد بالكلام
هذا ليش يكلم زوجيي عن خواته المهم زوجي سكت ماعاد جاب سيرت الموضوع ومازلنا بصد ورد
بصاحبه وحركاته واليوم لقيت اخت صاحبه رسله رساله على جوالزوجي تقوله
السلام عليكم لو سمحت ممكن تروح تصحي ...............هوا في البيت ومو راضي يصحى
الرساله عاديه بس ايش الى شككني اولا اخت مو محتاجه ترسل لان اخوها يومآ يرسل رساله
لزوجي قبل ينام يذكرة انه بينام واذا مارديت تعالى صحيني طيب ليش اخته ترسل وليش رقم
زوجي عندها بصراحه دار الشيطان براسي قلت اكيد هذي طريقه ترسل رقمها لزوجي بيهاا
والله يابنات مقهورة انا ماشكيت الا اني عارفه عائله مفككة البنات جالسات محد يبيهن لان ابوهم
معروف بالخراب والشرب شسوي مابي اتهور ومقهووورررة:8:
 
على فكرة زوجي تغير كثير من بعد ماتعرف عليه مو يقولو الصاحب ساحب
 
راقبلي الموضوع من بعيد لبعيد بس لا تسكتين لان الواضح ان صاحب زوجك يسولف عن زوجك عند اهله وممكن عاجبهم زوجك فحطوه بباله والبنت جريئة جدآ يومنها ترسل رسالة الان هي لو ترسل لواحد اعزب شوفي الناس وش تقول فما بالك مرسله لمتزوج حركتها قليلة ادب ..... الله يكفيك شرها ويجعل كيدها بنحرها , بس ما انصحك تواجهين زوجك لان ممكن يركبه العناد ويستمر بالطريق ذا وممكن يقفل جواله برقم سري ويبتدي يحمل ان لكل شخص خصوصية ومن ذا الموال ..... مدري جت ببالي فكرة : انك تردين ع الرسالة وتقولين من انت ؟ ع انك زوجك وهي بترد بتقول اخت فلان او فلانه اخت فلان منها تعرفين نيتها ... ردي قولي لها لو سمحت لا ترسل ع جوالي اي حاجة لان انا متزوج واحب زوجتي واذا في اي شي بيني وبين فلان بيكون التفاهم معه مباشرة من دون تدخل وسيط واتمنى ما يكون في ازعاجات قادمة ومن الذوق والاحترام ما نحفظ ارقام الغير من دون علم اصحابها .............. بس خوفي ترسل متاخر ويكون الجوال بيد زوجك او اخوها يعمل حاله شهم ويجي يكلم زوجك وساعتها الامر ما راح يكون بيدك​
 

بصراحه انا انصحك بطريقه وما تزعل لانه من حقك

خذيها رقمها واتصلي فيها او ارسلي لها رساله

لو شفت رقمك بجوال فلان الي هو زوجك انتي الخسرانه

وكل الناس حتعرف وسمعتك حتصير تحت

وكل بنت تخاف على سمعتها ^_^ وحتبعد
 
صراحه قلة ذوق نصيحتي الك امسحي الرساله بعد ما تحفظي الرقم عندك وتأكدي انه مو محفوظ في موبايل ريلك

وراقبيه من بعيد وفي كل فتره تاكدي انه مو حافظ الرقم باسم شخص ثاني ونفس الشي حاولي تتجنبي تناقشيه في اي موضوع يخص هالعائله علشان لايتجنب يخبي عليكي أي شي يخصهم

وخليش كووووووول
 
الله يعينك على هالمصيبه والله شي يضيق الصدر راقبيه وقوليله عن الرساله مو من حقه تراسل زوجك بس هالشي يدل على انهم طامعين بزوجك وقولي لزوجك عن هالعائله استغفرالله خليه يبعد عنه
 
لو منك اروح بالجوال اوريه اخوها طبعا بعد ماتاكل علللللللللللللقة يحبها قلبك مني اعرفها انه مو كل ماتتمناه بين يدينها

وزوجك خليك معاه الحزم ووريه انك ماترضين بالمهزلة ذي
قللللة ادب

الله يعينك يارب
 
ما انصح ترسليلها رسالها راح تحس انه فيه شي بينج وبين ريلج
فيه مشكله او شي راح تحس انها اهي تشكلج خطر فراح تنتهز الفرصه اللي يكون فيها اخوها عند ريلج وراح اطرشلها مسج وتقولها
وعادي تعرف وين مكان ريلج في اي لحظه مجرد ما تكلم اخوها وتحس بزوجك جنبه راح اطرش على راحتها
راقبي بحذر شديد ريلج
بس لاتغفلن عن ذكر الله والدعاء
 
::


تقولي مثقفات جامعيات ؟ الله يلعنها جامعه اذا تعلم البنات قلة الادب ..

انتي بعد تثقفي واقري كتب قدام زوجك .. وبيني له انك فاهمه كل شي .. وخصوصا اي شي يحبه


بالنسبة للوسخه هذي .. زي ماقالت وحده من الاخوات .. ردي عليها من جوال زوجك وكأنك هو ..وحذريها بأدب ولطف وبدعاء صغير تفهم ان الله حق


واهم شي الدعااااء


حسبي الله على بنات الحرام
 
اختي باينه هاي طريقه غير مباشره حتى تعرف زوجك برقمها المفروض انت مسحتي الرقم على طول
لانه لو بقي الرقم بجوال زوجك......ممكن الشيطان يلعب براسه وممكن اخوها الي اعطاها الرقم بالقصد
لو كررتها انت ردي عليها بطريقتك او اتصلي فيها من جوال زوجك وكلميها لو عادتها
 
اختي

اولا انا ضضضضضضضضضضضضضضضد انك تكبري االسالفه

واياك ثم اياك ثم اياك تحاربين البنت ولا تسوي معاها مناوشه

الان


انصحك احتوي الامر واصبري وراقبي من بعيد


تاني شي م تجربي الجنوبي الغربي يكرهه الزوجه الواعظه الي وراه مثل امه تنصح ووتعطي محاضرات حسب نظراته


خلي التوجيهه له بشكل غير مباشر


ولا تكثري كلام ابدا ابدا عن صاحبه تجاهلي وجوده ولكن رقبي من بعد

حاولي تهيئي له كل الظروف الحلوة ف البيت يجي يلا البيت بارد ومعطر ووومبخر


واولاده نظاف ووحاولي تنظمي نومهم عشان وقت راحته وووقت تكوني معاه انتي لا يزعجك وجودهم

وودوم خلي روحك مرحه وحاولي تكوني بشوشه

يعنيييييييييييي مش كل شي تاخذي معاه بجديه


خليك ريلاكس مع ملك الريلاكس الجنوبي


وووراعي ذوقه ف لبسك الالوان الناعمه ولو كنتي حامل ف كثير

اللبس الكيوت القطني ف البيت

d1jgpllwvchihxc26rn1.jpg



yJK63987.jpg


الميك اب يكون نااااعم

090226004529X4ph.jpg


الشعر يحبه استريت مسشور ووممكن ف البيت تسوي فيه ربطات ناعمه علا لون البجايم ولبسك البيتي الكيوت

ونوعي ف الالوان زي هاللوك

Ccp43249.jpg



وعطورك ننصحك بي العطور الفرنسي الخفيفه

زي

تتش اوف بنك لاكوست

178017943.jpg


lacoste-love-pink.jpg


لاف او بنك


كلها خفيفه وحلوة وتعجب الجنوبي

اسكادا


424f0c3d.jpg


هادا هلبا = وايد

حلو ووشور جل تبعه والبدي لوشن مميز



وهادي الامور الشكليه الاهم من المهم هوا حسن تعاملك

والصوت الهادي وبيني للجنوبي تقتك الكامله

ووولا تخربي بيتك بسو الظن


وقصه اخت صاحبه وصاحبه مشيها وعديها بكللللل هدؤ وحاولي توفري له الاجواء البيتيه الحلوة و ووما تنصحي بشكل مباشر

1158461440379bcf975f0.jpg



وووهادا رابط لي الاخت ام غلام مهم جدا راح يفيدك شوفي قصتها وتعاملها

http://www.niswh.com/vb/showthread.php?t=245793


==========================

الله يصلح حالكم


اختي ادعي لي ربي يرزقني بالحمل عاجلا غير اجلا


الله يوفقك

​
 
عزيزتي حاولي دوم تجلسي تقري كتاب امام زوجك او تتابعي برنامج حواري مفيد وويوعي


زي مثلا برنامج خطوة علا ابو ظبي

مميز

برنامج كلام نواعم


وغيرها من البرامج خله يحس بوعيك وتقافتك وحسن اطلاعك

ومتلا جلسي شاهدي الاخبار معاه


ومن هالامور



وووانا متل ما خبرتك مو مع ردود البعض

البنت لو فعلا نيتها مو سليمه وحاربتيها راح تحس بضغف ما بينك انتي وزجك وان رساله سوت سالفه


راح تتنتقل لي اساليب اكثر ووقتها ماتعرفي كيد الحريم


انا ضد سؤ النيه هي صح جرئه وقله ذوق منها بس مو بضرورة الامر انها راسمه عليه

ولو كانت معاكسه منها او تحرش خلينا نخلي الامر ف هالحدود ولا نكبره عشان لا تعاندك ووتكبر الامور


هادا راي الشخصي والله معاك​
 
الله يحفظ لك زوجك من بنات السوء واولاد السوء...ويحفظ سمعه وبصره وفرجه من الحرام...يالله اغنيه بحلالك عن حرامك
دائما استودعيه الله وان شاء الله يحفظه لك
 
حبيبتي يمكن صاحب زوجك مرسل من جوال اخته علشان زوجك يتصل ويعلقهم ببعض ويسببلك مشكله علشان تبعدي عنه ويخلالو الجو تاكدي قبل ما تتصرفي في اي شي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل