.PRADA.
New member
- إنضم
- 2010/02/18
- المشاركات
- 3,090
مرت مواضيع كثير على المملكة تتكلم عن العطور والبخور وأنواعها واكتشافها وتصنيعها ووووو ... الخ
هالمرة ودي نتكلم بشئ ثاني .. عملي أكثر ,
اللي هو طريقة استخدامنا لها ,
كلنا نتمنى نصير فواحات , والريحة تثبت علينا مدة طويلة
تعالوا نتطرق لطريقه التعطير وشاركونا بردودكم
|||||||||||| جسمـك
.. بعد الحمام حطي من المسك الأبيض السايل على أماكن النبض بالجسم وبعده أي عطر وممكن الوايت مسك من بودي شوب
.. لو تبين شئ خفيف بعد الحمام رشي بدي سبريه على جسمك قبل ما ينشف مره وحطي بشعرك نقطة خمرية
.. ممكن نفس العطر اللي تستخدمينه ترشينه على طول على جسمك وهو رطب - على أماكن النبض -
.. بعد الحمام جيبي ماء فاتر وابشري عليه شوي من المسك المكعبات وامسحي جسمك فيها
.. اطحني شوي من مكعب المسك مع بودرة الجسم اللي متعودة عليها وأفضل شئ بيبي جونسون
.. إذا عندك مناسبة , بعد الحمام تبخري - وشخصيا أفضل المعمول - وحطي دهن عود بأماكن النبض , وآخر خطوة رشي عطرك الفرنسي وتوصي بالرش , عطر فرنسي + عود + بخور = فخااااامة
.. كثير يذمون الكريمات المعطرة اللي تجي مع لاين العطر , سواء من ناحية ان ريحتها تقلب بعد فترة على الجسم , أو من ناحية انها تسود .. شخصيا ماقد استخدمتها فما أدري ياليت اللي مجربتها تعلمنا
* خاص للاندر ارمز :
.. إذا حطيتي الديدورنت - والأفضل مايكون معطر - حطي شوي بودرة بريحة تحبينها , مثل الوايت مسك من بودي شوب
.. اخلطي كريم الجسم اللي متعودة عليه -وبرضو ما يكون معطر - مع مسك مكعبات مبشور , ويستخدم كـ ديدورنت
.. اخلطي جلسرين + ملعقتين شبه + شوي موية ورد + مسك اللي تبين سائل أو مكعب مطحون , بيصير خلطة كأنها كريم بعد كل حمام حطيها
|||||||||||| شعـرك
.. فيه عطورات خاصة للشعر عند الماركات الكبيرة مثل شانيل وديور و توم فورد
وبرضو عند زهور الريف وبودي شوب
لكن أهم نقطة ان الشعر يكون نظيف وقتها , ولا الريحة بتتغير
.. للمناسبات جيبي قارورة موية صحة واخلطي معها كم نقطة خمرية أوالمسك الأبيض , وإذا خلصتي غاسلة شعرك صبي القارورة عليه .. الريحة تثثثثثثبت
.. بعد ما تغسلين شعرك مرري دهن عود على أطرفه وهو رطب , وبخريه
|||||||||||| غرفتك
.. فواحات الكهرب بطلة , حطي فيها كم نقطة من زيت عطري تحبينه وخليها مشغلة ساعة , تعطي الغرفة جووو
عني أنا أحب أدمج أكثر من ريحة بنفس الوقت , يطلع شئ مميز وحلوووو
.. الشموع العطرية من السواني روائحها
* دولابك :
.. جيبي أكياس أورجنزا صغيرة .. وعبيها مسك مكعبات مبشور , وعلقيها على علاقات الملابس
كل ما فتحتي دولابك بتقولين وووهـ بس
.. عند هوم بلازا بقسم الفواحات والروائح فيه مظاريف صغيرة داخلها شئ زي الخرز بروائح منوعة برضو تحطينها بأكياس أورجنزا
وتعلقينها , على فكرة ماجربتها فـ ما أدري الريحة تطول أو لأ
.. إذا بخرتي غرفتك , دخلي المبخرة بالدولاب وسكري عليها شوي , تصير ملابسك ريحتها بخووور
* أدراجك :
.. افرشي ورق الأدراج المعطر من هوم بلازا قبل ما ترتبين أشيائك فيها
.. برضو فيه عند هوم بلازا كور خشب معطرة بكذا رائحة , كورة وحدة بالدرج تكفي وتخلي ريحته كل ما فتحتيه
--
منتدى الاقلاع , بقلم أوكسجيــO2ــن
