وصلت لمرحلة أني اكذب عشان ارضي الناس .. على حسابي و حساب وقتي و حساب شخصيتي

السلام عليكم و رحمة الله و بركاته

بنات دخيلكم سااعدوني والله محتاجه لكم بعد الله .. بس نصايح ..

ببدا بمشكلتي ومابا اطول ..

بناات انا اعرف الصح و الغلط والله بس مع هذا اسوي الغلط ..
انا ما حب أؤذي حد ..
بس اسمع كلام الناس وايد .. و أترقب أنتظر اي انسان يكون راضي عني .. مهما كان لو غلط وهالانسان اللي امامي راضي عنه انا بفرح و خلااااااص ..

امكن انا متوهمة بكلام الناس انه اهم شي ..

بس .. وصلت لمرحلة أني اكذب عشان ارضي الناس .. على حسابي و حساب وقتي و حساب شخصيتي و حساب سمعتي وحساب ربي ..

و هذا كله اعتبرته كذب على نفسي وعلى الناس لاني اصلا ما حب ألكذب .. بس اكذب عشان ارضي الناس ..

امممممم

و بعد اي سلوك سيء يقولوه الناس عني اسويه !!!

و هذا كله عكس شخصية سيئة عني امام اهل زوجي و زوجي مع اني توني معرسه .. دخيلكم ساعدوني

تعبت والله

صرت انطوائية مع اني اجتماعية .. صرت اصيح لآي سبب .. صرت أمل بسرعه .. صرت 24 متضايقة و سرحانة افكر .. حتى مرتين فكرت اني انتحر و جرحت عمري مره بس خفيف ..

قولولي حل ..

الاعتراف بالخطأ هو اول وسيله لتصحيحه

الجأي لرب العالمين وادعيه اولا ثم ابدئي بتصحيح اخطائك بالتدريج

نظرة زوجك والناس راح تتغير اذا اثبتي لهم هالشئ فعليا

وخلي اهم شئ عندك نظرة رب العالمين لك

اذا رضي ربي عليك راح يرضون الناس


أطيب المنى ..

مشكورة أختي ...

تسلمين على ألرد ألجميل ..

و ما قصرتي ..^^

اسمعيني دام انك اعترفتي على ان هالشئ حرام وعقابه كبير هذا بداية الحل باذن الله
انتي انسانه مؤمنه قويه وحطي في بالك الناس راح يرضون عنك اذا الله رضى عنك وابتعدي عنهم ترا ما وراهم الا المشاكل
اشغلي نفسك بدينك ثم رضى زوجك وراح تقدرين انك تحلين مشكلتك بنفسك احنا ننصحك بس للدعم والباقي انتي تسوينه

كل شئ له حد تعاملك مع الناس وتعامل الناس معك في خطوط حمرا ما تتجازونها
انتي بتصرفاتك هذي بتنهدر كرامتك
يعني حتى لو هم غلطانين انتي تراضينهم وتداريهم..؟؟؟؟؟ (هذا اللي فهمته منك)
اوكي سوي اللي تبينه بس ارضي ربك وانتبهي لزوجك واهل زوجك
الرجال يحب المراه شخصيتها قويه ولها كلمه ويكـــــــــــــــــــــــــرهون الشخص الممل
تعوذي من الشيطان واكسبي زوجك وارضي اهله وخليك ايجابيه في التعامل معهم
والله يوفقك

حاولي اتكونين على طبيعتج يعني مثلا اذا قالو شي بقصد انه يضحك واهو ماضحكج اكتفي ببتسامه او ضحكه مو من قلب يعني عاديه عشان ماتبينين للناس انج نكديه
بس انج اتجاملين واتكذبين هاي لانج متوتره و مو على طبيعتج لاتتصنعين حياتي وبس

شكرا لكل من قام برؤية موضوعي او قارأته ..
شكرا لكل من اضاف حروفه ألجميلة ألتي زادت بكلامتها ألرائعة رونقا على موضوعي ..
شكرا لكل من نصحني .. ^^ و الله أحبكم احبكم احبكم

أنتن أعز خووووووات ^^ مشكورات

ربي يكتبه حقكم فـ ميزان حسناتكم .. ^^ ان شاء الله يكون تغيري بـ أيديكم ..

باعطيك نصيحه وطبقيها شهر وبعدها انتظر منك رساله تقولين لي النتيجه..
شوفي اي وقت تكوني فاضيه فيه
-روحي قدام المرايه (ممكن تمسكين مرايه بيدك المهم انك تشوفين عيونك
- سمي بالرحمن
- قولي لنفسك كل العبارات اللي تحبين تسمعينها من الأخرين مثل: أنا راضيه عنك يا .....(اسمك) ،أنتي انسانه رائعه يا....، أحبك مثل ما أنتي يا.....، كل كلمه حلوه وكل اطراء ومديح تحبينه قوليه لنفسك
** طول التمرين تواصلي مع نظرات عيونك فالمرايه
**قولي عالاقل 50 جمله حلوه فاليوم ..كل مازدتي الجمل تكون النتيجه على نفسيتك أسرع..
لو كسلتي في بعض الايام كرري الجمل في اي مكان بدون مرايه (فالسياره ،فالمطبخ، قبل النوم

شكراااااااااااا لكل من ساهمَ في دعمي بالنصااائح ألرااائعة و ألمفيييدة ...
شكرااا لكل غالية على قلبيَ أخذت من وقتها الثمين دقاائق لتخط نصحيتهاَ ألذهبية بمعناها موضوعي ..
شكراااااااااااااااااااااااااااااااااااااااااااااااااااااا لكم جميعاا ..

ما أعرف كييف أعبرلكم .. بس أوعد نفسي أتغيييييييييــر .. والله عندي أن شااء الله ..

وألله أحبكم أحبكمــــــــ ...

كل ما اشاارك يززيد حبي لـ ألمنتدى و عضووواته ألاكثر من رأئعااات بمعنى ألكلمة في كل شيء .. شكرااَ

(ربي يوفق كل من شاارك في نصحي و ربي يوهب لكم ألخير جميعاا .. ربي يرزق كل ما هو خير لكل من قام برؤية موضوعي أو المشاركة بنصيحة جميلة فيه .. ربي يعطيكم على حسن نيااتكم )..