تحذير هام (كلما بعدت المخده قلت الموده)

أ

أيام الصبا

New member
إنضم
2008/05/28
المشاركات
118
السلام عليكم ياحلوات يا بلقيسيات
طبعا الموضوع ومافيه ان الكثير من الازواج وخصوصا بعد مرور عدة سنوات على الزواج كل واحد ينام في مكان:40: والشي هذا ممكن يؤدي للبعد والجفا وانفصالات اخرى والمصيبه اذا فيه خدامه ممكن تستغل الوضع وتتحرش فيه لاسمح الله
يعني اذا زوجك ينام في الصالة او المجلس شوفي اللي مضايقه من الغرفه وصلحيه اذا مزعوج من الاولاد عوديهم على النوم بغرفتهم واذا يبغى المكيف باردارفعي عليه وتغطي ببطانيه المهم يرجع للغرفه واذا جربتي جميع الطرق المشروعه ومارجع خذي مخدتك وروحي نامي معاه في المكان اللي ينام فيه ولاتقولي ماعرف انام الابغرفتي:11: يومين وتتعودين والاحتمال الاكبر ان اذا شافك مصره يرجع للغرفه بس المهم لاتسوين من الموضوع مشكله وزعل عشان ماياخذ المساله عناد يعني شغلي الدلع والضعف والشوق
ومره سمعت وحده متصله على الدكتوره فوزيه وتشكي من الموضوع فحذرتها من الموضوع وقالتلها ((كلما بعدت المخده قلت الموده))
واتمنى يعجبكم الموضوع والله الله بالردود الحلوه والدعوات لانه اول موضوع لي
 
والله انك صادقه وانا اختك​

لا وش رايك بعد في الي تخلي زوجها في الغرفه وتروح تنام مع العيال​

تخليه وسط الفتن الجوال من جهه والنت من جهه​

وعذرها رحت انوم العيال نمت معاهم ولا هو بيسهر على النت والا التلفزيون وانا تعبانه بنام​

تجي اليوم الثاني يقولها روحي نومي العيال تقله نامو يقول طيب روحي نامي​

ويالله تبدا من اول وجديد تدور زوجها وين يحط الرحال وهي نايمه بعيد عنه​
 
كلامك صحيح
ودايما امى الله يحفظها تقولى هالمقال لاتبعدين المخده ترى بتقل الموده

يعطيج العافيه حبيبتى​
 
طيب واللي زوجها
هو يقوم وينام اذا شافها نامت راح لغرفه انيه ايش تسوي
 
اوهووووووووووووووو
وايد تصير بيني وبين زوجي
كلما يزعل على اتفه شي ياخذ مخدته ولحافه وينام في الصالة
 
اشكر كل اللي شرفوا موضوعي
واختي القطار السريع حاولوا تراضيه قبل ماينام ورجعيه للغرفه واحتسبي الاجر واذا جا ثاني يوم ناقشيه بكل هدوء
 
كلامك عين الصواب

انا من وجهة نظري لازم يكون فيه اشياء متفق عليها بين الزوجين مهما يحدث بينهم من خلافات
فالنوم في غرفة النوم فقط , حتى الاولاد لا يشعروا بشيء والزوجين لهم مطلق الحرية في التعبير عن الخلاف بينهم داخل اسوار غرفة النوم فقط كأن يعطي أحدهما ظهره للآخر ....

دامت روعة أناملك يا رِاااااائعة





​
 




عادي كل واحد بغرفه وين المشكله
شوفوا راح أقولكم على شي
أولا اذا صار لهم سنوات طويله من الزواج فهذا عادي
ثانيا اذا عندهم عيال صغار يخافون ينامون بروحهم يعني تبون من الأم
تصير أنانيه تنام مع زوجها وتخلي العيال
وبعد في شي طالما أن الزوجين مرتاحين ويسهرون مع بعض ويعاشرون بعض
شنو المانع كل واحد له غرفه اذكر جارتي تقول أنا ما أقدر أسهر وأدلع زوجي
حتى هو يستحي أسالها ليش تقول علشان عيالي معاي بالغرفه هذه فعلا مشكله
صحيح المثل اللي قلتوه((كلما بعدت المخده قلت الموده))
ولكن اعتقد يقصد فيه اللي ينامون بنفس الغرفه وكل واحد معطي ظهره للثاني


صديقة سالي
 
واللى تارك السرير كلة مع مخداتة وينام بعيد عنك وحاط لة مخدة لحالة عند النت وينام عندة وش رايكم قوية صح باللة عليكم اعطونى ارائكم لاعدمتكم
 
طيب واللي له 6 سنوات يعطيني ظهره

واذا ضميته يقول اوف حر ابعدي عني

وقبل كم يوم سألته انت ليه شاري سرير كنق سايز؟؟

مادام انك متضايق مني لها الدرجه كان جبت سريرين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل